Morgunblaðið - 19.12.1995, Síða 4

4 ÞRIÐJUDAGUR 19. DESEMBER 1995
MORGUNBLAÐIÐ
FRÉTTIR
Ný lög um að færa vald í snjóflóðamálum til umverfisráðherra og Veðurstofu
Svæði ekki rýmd án sam-
ráðs við heimamenn
FRUMVARP til laga um að færa
yfirstjórn snjóflóðavama frá félags-
málaráðuneyti til umhverfísráðu-
neytis og Veðurstofa íslands ákveði
hvenær rýma skuli hættusvæði var
samþykkt á Alþingi í gær. Um leið
var samþykkt breytingartillaga við
frumvarpið þar sem meðal annars
er kveðið á um að ákvörðun Veður-
stofu skuli ekki tekin fyrr en „að
höfðu samráði við lögreglustjóra og
almannavarnanefnd".
Einar Oddur Kristjánsson, al-
þingismaður Sjálfstæðisflokks á
Vestfjörðum, sagði á borgarafund-
um, sem haldnir-voru á Vestfjörð-
um fyrir hálfum mánuði, að ábyrgð-
in á ákvörðun um að rýma hættu-
svæði yrði að vera hjá heimamönn-
um.
í umsögn umhverfísnefndar Al-
þingis um frumvarpið lýsa nefndar-
menn „efasemdum um réttmæti"
þess að fela þetta einni stofnun.
„Ábyrgð sem þessi verður vart lögð
á einn aðila, og telja nefndarmenn
að nauðsynlegt sé að heimamenn
komi að þessari ákvörðun," sagði í
áliti nefndarinnar, sem Einar Oddur
Kristjánsson situr í.
„Því er eðlilegt að haft verði sam-
ráð við viðkomandi lögreglustjóra
og almannavarnanefnd áður en gef-
in er út viðvörun um yfírvofandi
snjóflóðahættu eins og þegar hættu-
ástandi er aflétt."
í frumvarpinu kveður á um að
Veðurstofan skuli „annast gerð
hættumats . . . á grundvelli sér-
fræðilegrar þekkingar á eðli og af-
leiðingum snjóflóða" og umhverfís-
ráðuneyti skuli setja reglur um
„notkun á hættumati, flokkun
hættusvæða og nýtingu þeirra, svo
og gerð varnarvirkja . . . að höfðu
samráði við Veðurstofuna".
í nýju lögunum segir að þau skuli
endurskoðuð á næsta ári.

Héraðsdómur Reykjavíkur dæmir breskan sjómann
Tólf mánaða fangelsi
fyrir nauðgun í togara
HÉRAÐSDÓMUR Reykjavíkur
dæmdi í gær 22 ára breskan sjó-
mann til 12 mánaða fangelsisvistar
fyrir að hafa nauðgað 41 árs konu
um borð í togaranum Þerneyju í
Reykjavfkurhöfn 8. október síðast-
liðinn. Sekt mannsins, sem bar fyr-
ir sig minnisleysi um atburðinn,
þótti m.a. sönnuð með niðurstöðu
DNA-rannsóknar.
Fólkið hafði hist á veitingahúsi
í Reykjavík og verið ásamt fleirum
á pöbbarölti í Reykjavík. Bæði voru
að sögn talsvert drukkin. Urðu þau
tvö samferða vestur að Granda þar
sem breskur togari, sem maðurinn
var skipveiji á, lá. Konan segir að
maðurinn hafí þar boðið henni físk
til kaups. í því skyni að afhenda
fískinn hafi hann fengið sig með
um borð í togara sem lá í höfninni
og inn í klefa fyrir vökvadælukerfi
skipsins. Þar hafí hann nauðgað
henni.
Vaktmaður um borð í togaranum
Þemeyju, þar sem verknaðurinn
hafði verið framinn, hringdi á lög-
reglu eftir að konan gaf sig fram
við hann og skömmu síðar var sá
dæmdi handtekinn í hópi skipsfé-
laga sinna. Hann þekktist á lýsingu
konunnar, sem auk þess hafði fram-
vísað til Iögreglu eymarlokki sem
maðurinn hafði gefíð henni en hann
var með annan eins í eyranu.
Konan var færð á neyðarmóttöku
fyrir fórnarlömb kynferðisofbeldis.
Að sögn lögreglumanna, starfsfólks
neyðarmóttöku og lækna sem önn-
uðust hana bar hún greinileg merki
þess að hafa orðið fyrir losti. Að
aukj voru á henni áverkar sem þóttu
í samræmi við lýsingu hennar á
atvikum.
Þá fannst í dæluklefanum
smokkur, sem sendur var til DNA-
rannsóknar. Niðurstaða þeirrar
rannsóknar var að innan við 0,1%
líkur væm á að sæðið sem til rann-
sóknar var væri úr öðrum manni
en þeim sem konan taldi hafa
nauðgað sér.
Maðurinn kvaðst ekki muna
vegna ölvunar hvað átt hefði sér
stað í dæluklefanum. Hann sagðist
telja að hefði hann haft samræði
við konuna hefði það verið með
hennar vilja enda væri hann ekki
ofbeldisfullur maður. Samkvæmt
frásögn hans hafði konan ítrekað
lýst áhuga á kynferðislegu sam-
neyti við hann um nóttina.
Dómurinn taldi sekt mannsins
sannaða, með vísan til framburðar
konunnar, vitna og niðurstöðu
DNA-rannsóknar. Frásögn manns-
ins um minnisleysi um atvik í dælu-
klefanum var ekki talin trúverðug
enda virtist hann muna aðra at-
burði næturinnar í smáatriðum.
Refsing mannsins var talin hæfi-
leg fangelsi í tólf mánuði og var
þá litið til þess að um er að ræða
erlendan ríkisborgara, sem sætt
hafði farbanni í tvo mánuði meðan
á meðferð málsins stóð. Til frádrátt-
ar refsingu kemur að auki gæslu-
varðhald í tólf daga. Þá var honum
gert að greiða konunni 300 þúsund
krónur I miskabætur.
Hóteliðfærtí
jólabúning
SKREYTINGAR og jólaljós
ber við augu hvert sem litið
er í höfuðborginni þessa dag-
ana og minna á náiægð jól-
anna, en nú eru aðeins fimm
dagar til jóla. Þessi starfs-
maður lagði sig allan fram
við að klæða Grand Hótel
Reykjaví k j ólaskreytingu
þegar blaðamaður Morgun-
blaðsins átti leið þar um.
Utboð FIB
í trygging-
ar sent
út í dag
ÚTBOÐ vegna ölýutækjatrygg-
inga félagsmanna í Félagi ís-
lenskra bifreiðaeigenda verða
sendar til erlendra og innlendra
tryggingafyrirtækja í dag. Run-
ólí'ur Olafsson, framkvæmda-
stjóri FÍB, segir að vænta megi
þess að um einn mánuður líði
áður en tilboð verða opnuð.
Þegar hafa sex erlend trygg-
ingafélög lýst yfir áhuga á að
taka þátt í úboðinu og auk þess
hafa tryggingamiðlarar hér-
lendis verið í sambandi við FÍB.
„Við munum einnig kynna
málið samtökum evrópskra
tryggingafélaga og trygginga-
félögum í Norður-Evrópu í
gegnum bílaklúbba," sagði
Runólfur. Auk þess má búast
við að íslensku tryggingafélögin
taki þátt í útboðinu.
Runólfur segir að stefnt sé
að því að ná niður iðgjaldi af
ökutækjatryggingu um allt að
20%. 5. desember sl. voru
17.452 félagsmenn í FÍB. í út-
boðinu er miðað við sérkjör á
tryggingum sem aðeins standa
félagsmönnum til boða.
Bifreið ónýt
eftir eldsvoða
Akranesi. Morgnnblaðið.
ELDUR kom upp í vöruflutn-
ingabifreið í Hvalfirði í gær og
skemmdist hann svo mikið að
hann mun vera ónýtur. Bifreið-
in var fullhlaðin fiski í körum
og var hún á leið til Ólafsvíkur.
Rétt fyrir ofan bæinn Kala-
staðakot kom upp eldur í bif-
reiðinni, líklega frá dekkjum
hennar. Varð af mikið eldhaf
og er eignatjón mjög mikið.
Slökkvilið Akraness kom á vett-
vang og náði að slökkva eldinn
á skömmum tíma. Engin slys
urðu á mönnum, en bílstjórinn
var einn í bílnum.
Umferð tafðist talsvert
vegna slyssins.
Bílvelta
á Garðvegi
Garði. Morgunblaðið.
DAIHATSU-JEPPI valt í fyrra-
kvöld á Garðveginum skammt
frá golfskálanum í Leiru eftir
að hálka, sem erfítt var að va-
rast, hafði myndast á veginum.
Ökumaðurinn var fluttur í
sjúkrahúsið í Keflavík og þaðan
á Borgárspítalann. Hann mun
ekki hafa slasast alvarlega.
Vilja að sett verði lög
um lán til bílakaupa
STJÓRNARANDSTAÐAN vill að
sett verði lög áður en þing lýkur
störfum fyrir jól um heimild til
Tryggingastofnunar að veita ör-
yrkjum lán til bílakaupa.
Áfgreiðslu umræddra lána var
hætt í vetur og kom fram hjá heil-
brigðisráðherra á þingi, að ekki
væri lagastoð fyrir þessum lánveit-
ingum. En meirihluti tryggingaráðs
samþykkti í síðustu viku, að tilmæl-
um heilbrigðisráðherra, að veita
áfram bílakaupalán til öryrkja.
Vextir lánanna voru jafnframt
-"hækkaðir úr 1% í 4%.
Svavar Gestsson þingflokksfor-
maður Alþýðubandalags sagði að
þessi samþykkt tryggingaráðs væri
ekki nægileg að mati stjórnarand-
stöðunnar. Hann sagði að gert hefði
verið ráð fyrir því að heilbrigðis-
og trygginganefnd Alþingis flytti
frumvarp um málið en nú væri kom-
ið í ljós að stjórnarflokkarnir væru
ekki sammála um það.
Búist er við að fram komi í dag
frumvarp frá stjórnarandstöðunni
um málið.
Hálfrar aldar hefð
Ingibjörg Pálmadóttir heilbrigð-
isráðherra sagði að hálfrar aldar
hefð væri fyrir þessum lánum. Hún
benti á að verið væri að endur-
skoða almannatryggingalögin og
hún tryði því ekki að stjórnarand-
staðan gæti ekki beðið þess, því
þessari lánafyrirgreiðslu yrði hald-
ið áfram á meðan eins og verið
hefði.
Davíð Oddsson forsætisráðherra
sagði að umboðsmaður Alþingis
hefði vakið athygli á því, að ýmsar
ívilnandi aðgerðir af hálfu ríkis-
valdsins kunni að hafa byggst á
veikum lagagrundvelli. Hins vegar
yrði breyting á slíkum ráðstöfunum
ekki gerð nema með lögum. Því
sagði Davíð engan vafa leika á að
sú ákvörðun að halda bílalánunum
áfram samkvæmt hefð stæðist
fyllilega alla lögfræðilega skoðun
og því væri heilbrigðisráðherra al-
gerlega á réttu róli í málinu.