Morgunblaðið - 19.12.1995, Side 14

14 ÞRIÐJUDAGUR 19. DESEMBER 1995
MORGUNBLAÐIÐ
FRÉTTIR
Skortur á viðlegurými fyrir stór skip á Akureyri
Skoðað hvort tekin verði
lán til að flýta framkvæmdum
Morgunblaðið/Kristján
TVÖ SKIP Samherja, Hjalteyrin og Oddeyrin, við Austurbakka
Fiskihafnarinnar, en þess er vænst að innan þriggja ára verði
búið að gera Vesturbakkann þar sem framtíðaraðstaða Sam-
herja verður.
SKORTUR á viðlegurými fyrir stór
skip er tilfinnanlegur á Ákureyri
og segir Einar Sveinn Ólafsson,
formaður hafnarstjórnar, að mikil
þörf væri á að bæta þar úr. Fyrir-
hugaðan niðurskurð á hafnaáætlun
segir hann því mikil vonbrigði, en
staðan yrði metin eftir áramót og
þá skoðað hvort ástæða sé til að
taka lán til að flýta nauðsynlegum
framkvæmdum.
Þorsteinn Már Baldvinsson,
framkvæmdastjóri Samherja, sagði
í viðtali við Morgunblaðið fyrir helgi
að bryggjupláss í bænum væri allt-
of lítið og það hefði ekki'Verið efst
á forgangslistanum að bæta þar
úr. Framkvæmdir vegna farþega-
og flutningaskipa hefðu verið ofar
á þeim lista.
Formaður hafnarstjórnar segir
að mikil vinna hafi verið lögð í að
markaðssetja Akureyrarhöfn sem
viðkomustað fyrir skemmtiferða-
skip og árangur af því starfi væri
góður, sífellt fleiri slík skip leggja
leið sína til Akureyrar. „En það
má kannski segja að við höfum
vanmetið útgerðarfyrirtækin okk-
ar, flotinn hér hefur farið ört stækk-
andi en bryggjupláss ekki aukist
að sama skapi. Við gerum okkur
ljósa grein fyrir því að bæta þarf
úr þessu,“ sagði Einar Sveinn.
Samkvæmt fjögurra ára áætlun
um framkvæmdir á vegum Akur-
eyrarhafnar var m.a. gert ráð fyrir
að lengja Oddeyrarbryggju og
Tangabryggju og hefjast handa við
vesturbakka Fiskihafnarinnar.
Einar Sveinn sagði að vegna niður-
skurðar á framlögum hefði þegar
verið fallið frá því að lengja Tanga-
bryggjuna og einungis verður hægt
að vinna við dýpkun í Fiskihöfn-
inni.
Framkvæmdum við Fiskihöfn
lokið innan þriggja ára
„Það er orðið aðkallandi að ljúka
framkvæmdum við Fiskihöfnina,
við munum skoða gaumgæfilega
eftir áramót hvort ástæða sé til að
taka lán til að flýta þeim fram-
kvæmdum,“ sagði Einar Sveinn.
Við fiutning Flutningamiðstöðvar
Norðurlands á vöruhafnarsvæðið
yrði rýmra um bryggjupláss fyrir
fiskiskip og þá yrði á næsta ári
hægt að nota bryggjuna við Krossa-
nes. Þar verður lokið við gerð stál-
þils síðar í þessum mánuði og verk
við þekju og kanta verður boðið út
seinna í vetur. Næsta vor ætti pláss
fyrir fiskiskip að aukast nokkuð.
„Ég vil leyfa mér að vera bjart-
sýnn og vona að innan þriggja ára
verði framkvæmdum við Fiskihöfn-
ina lokið,“ sagði Einar Sveinn.
Lögreglan
gefur böm-
unumjóla-
sveina-
barmmerki
ÞEIR Sæmundur Sigfússon og
Grétar Viðarsson, lögregluinenn á
Akureyri heimsóttu börn i 1. bekk
í grunnskólunum á Akureyri í gær
og afhentu þeim jólasveinamerki
að gjöf. Börnin tóku gestunum
fagnandi og vönduðu sig óskap-
lega við að velja barmmerkið, leit-
in að uppáhaldsjólasveininum tók
góðan tíma. Þeir félagar sögðu
að tvö tryggingafélög, Sjóvá-
Almennar og Vátryggingafélag
Islands stæðu að þessu framtaki
með lögreglunni á Akureyri og
væri markmiðið að eflajákvæð
tengsl við hina ungu borgara.
Myndin var tekin í Glerárskóla í
gærdag, en þá afhentu Sæmundur
og Grétar þeim Hlyni Sverrissyni,
Hinrik Ottó Siguijónssyni, Freyju
Rúnarsdóttur og Elvu Marý Bald-
ursdóttur barmmerki að gjöf. Þeir
notuðu tækifærið og brýndu fyrir
þessu ungu vegfarendum að nota
endurskinsmerki, en á leiðinni út
úr skólanum rákust lögreglu-
mennirnir á pilt sem var þeim að
skapi, með ótal endurskinsmerki
bæði á gallanum sínum og vettl-
ingunum. Þetta var hann Björn
Natan Bjarnason sem fengið hafði
vettlingana í skóinn nýlega.
Atvinnumálanefnd Akureyrar
Fyrirtæki ársins
verðlaunað
ATVINNUMALANEFND Akur-
eyrar samþykkti á fundi sínum ný-
lega að veita árlega viðurkenningu
fyrirtæki sem skarað hefur fram
úr á sviði atvinnurekstrar. Viður-
kenningin verður veitt í byijun
næsta árs, fyrir árið 1995 en í fram-
tíðinni er gert ráð fyrir að viður-
kenningin verði veitt við hátíðlega
athöfn í desember ár hvert.
Við veitingu viðurkenningarinnar
skal einkum taka tillit til; framlags
til aukningar á atvinnu- og nýsköp-
unar í atvinnurekstri á Akureyri og
sérstaks árangurs eða framtaks á
sviði vöruþróunar og markaðssetn-
ingar. Markmið með veitingu viður-
kenningarinnar er að vekja.athygli
á árangri akureyskra fyrirtækja og
Akureyri sem athafnabæ.
Það fyrirtæki sem viðurkenning-
una fær skal hljóta vandaðan verð-
launagrip og sæmdarheitið „Fyrir-
tæki Akureyrar árið...“. Ennfremur
skal atvinnumálanefnd vekja athygli
á viðkomandi fyrirtæki með auglýs-
ingu í helstu dagblöðum. Þá öðlast
fyrirtækið rétt til að nota sérstakt
merki viðurkenningarinnar á bréfs-
efni sínu og öðru kynningarefni.
Við veitingu viðurkenningarinnar
mun atvinnumálanefnd leita eftir
samstarfi við almenning, Háskólann
á Akureyri, Verkmenntaskólann á
Akureyri, Iðnþróunarfélag Eyja-
fjarðar hf., Skrifstofu atvinnulífsins,
verkalýðsfélög og aðra aðila atr
vinnulífsins.
Kvöldstund við kertaljós
„KVÖLDSTUND við kertaljós" verður
í Laufáskirkju í kvöld, þriðjudags-
kvöldið 19. deseber kl. 21.00.
Kór Svalbarðs- og Laufáskirkju
flytur aðventu- og jólalög. Söngnem-
endur úr Tónlistarskóla Eyjafjarðar
syngja undir stjórr. kennara síns
Þuríðar Baldursdóttur. Börn koma
fram og lesa og syngja, en sérstakur
gestur þessa kvölds er Sigríður
Guðmarsdóttir, sóknarprestur í Ól-
afsfirði sem ræðir um jólin og inni-
liald þeirra. í lokin koma fram nokk-
ur eidri börn og flytja ljósahelgileik.

Bragi Ásgeirsson
í DEIGLUNNI!
Síðastliðið sumar var Bragi gestur Gilfélagsins
ifiénijstöliiþoiliéllþilsp
einkasýningu í Deiglunni i boði Listasumars
áAkureyri. Bragi greinir frá dvöl sinni í
ítarlegri grein í Mbl.þann 16.12.
Smárit Listasafns íslands, LÍF í GRAFÍK,
sem fjaliar um list Braga,fæst í Díótímu.
Verð aðeins kr. 1.250.
DÍÓTÍMA
- í DEIGLUNNI þar sem mcetast
straumar, stefnur og stálin stinn.
Sími 461 2609 listagil@ismennt.is.
„Hin björtu
kveld“
NÓTNAHEFTIÐ „Hin björtu kveld“
sem inniheldur 20 sönglög eftir Birgi
Helgason kom út fyrir nokkru.
Lögin eru fyrir einsöng, tvísöng
og blandaðan kór. Teikning á forsíðu
er eftir Aðalstein Vestmann, um
nótnaskrift sá Daníel Guðjónsson, en
lagahöfundur er útgefandi.
Áður útkomin nótnahefti með lög-
um eftir Birgi Helgason eru „Vorið
kom“ útgefandi Bókaforlag Odds
Björnssonar 1973, „Það ert þú“ út-
gefandi Birgir Helgason, 1982 og
loks „Og dagur leið“, sem Bókaút-
gáfan Skjaldborg gaf út 1985. Heft-
in eru fáanleg hjá Birgi Helgasyni.
Morgunblaðið/Krisiján
Tillaga um rekstur grunnskólanna hjá sveitarfélögum
Skólaþjónusta Eyþings í
stað fræðsluskrifstofu
STARFSHÓPUR sem skipaður var
á vegum Eyþings, sambands sveit-
arfélaga í Eyjafjarðar- og Þingeyj-
arsýslum leggur til að stofnuð verði
þjónustumiðstöð fyrir leikskóla og
grunnskóla í landshlutanum, Skóla-
þjónusta Eyþings. Gert er ráð fyrir
að starfsemin verði staðsett á Akur-
eyri með útstöð á Húsavík. Starfs-
hópurinn hefur nýlega skiiað tillög-
um sínum til stjórnar Eyþings um
hvernig staðið skuli að rekstri
grunnskólanna eftir 1. ágúst á
næsta ári en þá mun ríkið leggja
niður fræðsluskrifstofur sínar sem
starfa í öllum landshlutum.
1 tillögum starfshópsins er gert
ráð fyrir að stofnað verði fimm
manna Skólaráð Eyþings sem fari
með málefni þjónustuskrifstofunn-
ar. Helstu verkefni hennar verða
almenn kennsluráðgjöf og náms-
ráðgjöf fyrir grunnskóla, sálfræði-
og sérkennsluráðgjöf fyrir grunn-
skóla og leikskóla. Einnig er gert
ráð fyrir að þjónustuskrifstofan sjái
um eða veiti aðstoð við þróunar-
og nýbrevtnistarf, skýrslugerð,
upplýsingaþjónustu og fleira.
Samningur um þessa skipan
mála yrði til tveggja ára en á aðal-
fundi 1998 yrði hann tekinn til
endurskoðunar, m.a. hvað varðar
fjölda útstöðva og þjónustuþætti.
Tillögurnar kynntar
Tillögurnar, þar á meðal tillaga
að stofnsamningi, verða sendar
sveitarfélögum innan Eyþings og
leitað eftir afstöðu þeirra til þess
hvort þau muni taka þátt í skóla-
þjónustunni. Verði afstaða sveitar-
félaganna jákvæð mun stjórn Ey-
þings skipa skólaráð til bráðabirgða
fram til næsta aðalfundar þess.
Fyrirhugað er að halda almenna
kynningarfundi um tillögur starfs-
hópsins, 28. desember næstkom-
andi á Raufarhöfn og Húsavík og
29. desember á Dalvík og Akur-
eyri. Fulltrúar starfshópsins kynna
tillögurnar auk þess sem fulltrúar
Fræðsluskrifstofu Norðurlands
eystra, sérskóla og félaga leikskóla-
kennara, grunnskólakennara og
skólastjóra sitja einnig fyrir svör-
um.