Morgunblaðið - 21.12.1995, Side 38

38 FIMMTUDAGUR 21. DESEMBER 1995
MORGUNBLAÐIÐ
EINSTAKT JOLATILBOÐ - 20% AFSLATTUR
MUNURINN LIGGUR ILOFTINU!
NILFISK GM210
(Rétt verð 33.670,-)
JÓLATILBOÐ
25.590,- stgr.
Nilfisk hefur hreinna útblástursloft en nokkur önnur
heimilisryksuga. Nýr síunarbúnaður, svonefnd HEPA sía,
er svo fullkomin, að 99,95% rykagna, jafnvel þótt þær séu
smærri en 1/10.000 úr millimetra, verða eftir í ryksugunni.
NILFISK GM200
(Rétt verð 28.400,-)
JÓLATILBOÐ
21.580,- stgr.
3ja
ara aöffgw
NILFISK GM200E
(Rétt verð 23.1 50,-)
JÓLATILBOÐ
1 7.590- stgr.
3 litir og 3 útfærslur: Sameiginlegt er 1200W mótor, inndregin snúra,
innbyggð sogstykkjageymsla og aflaukandi kónísk slanga. GM200 og
GM210 hafa rykmæli og stillanlega rörlengd. GM210 að auki 2ja hraða
mótor, HEPA-síu og TURBO-teppasogstykki með snúningsbursta.
HEPA-sía og TURBO-sogstykki fást aukalega með GM200 og GM200E.
NILFISK
ÓMENGUÐ GÆÐI
/FOnix
HÁTÚNI6A REYKJAVÍK SÍMI 552 4420

Þú færð jólagjöf íþróttamannsins
í Spörtu_____________________
Töskur og bakpokar i miklu úrvali.
Stuttermobolir kr. 1.190. Yebooh, Fowler, Ginolo,
Juninho, Contono o.fl. Smellubuxur nr. fró 8 óro,
svortor, dökkbláor, Ijósbláar. Verð 3.980.
Fótboltasett. Verð 2.990. Nr. 6 til 12 ára.
| Monch. Utd., liverpool, Arsenal, Newcostle.
Ódýrir kuldagallor. Litur dökkbláar. Nr. 140 tii 170.
Verð 4.990. Nr. S til XXL. Verð 5.990. Skíðohanskor
verð frá 850.
SP0RTV0RUVERSLUNIN
Skoutor. Verð 3.990.
Svartir, hvítir. Nr. 30 til 45.
MINNINGAR
ÞÓRIR JÓN
GUÐLA UGSSON
+ Þórir Jón Guð-
laugsson var
fæddur 27. desem-
ber 19B6 á Selfossi.
Hann lést 14. desem-
ber s). á heimili sínu
á' Voðmúlastöðum í
Austur-Landeyjum.
Foreldrar hans voru
Guðiaugur Jónsson
og Gróa Sæbjörg
Tyrfingsdóttir, bú-
sett á Voðmúlastöð-
um. Hálfsystir Þóris
Jóns er Helga Guð-
laugsdóttir, f. 7. jan-
úar 1965. Alsystur
hans eru Inga Krist-
ín, f. 2. desember 1967, og Guð-
laug Björk, f. 4. mars 1971. Eigin-
kona Þóris Jóns er Anna María
Guðmann, f. 6. október 1966,
dóttir þeirra er Þórey Lísa, f. 18.
júní 1995.
Utför Þóris Jóns fer fram frá
Voðmúlastaðakapellu í dag og
hefst athöfnin klukkan 14.
MIG LANGAR með þessum fáu orð-
um að minnast frænda míns, Þóris
Jóns Guðlaugssonar, sem lést eftir
erfið veikindi þann 14. desember,
langt fyrir aldur fram.
Við Þórir Jón unnum og lékum
okkur saman þegar við vorum strák-
ar og upp eftir unglingsárunum. Þá
var ég í sveit hjá foreldrum hans á
Voðmúlastöðum nokkur sumur. Við
deildum herbergi og kom okkur vel
saman. Þórir Jón réð yfirleitt ferð-
inni, hann var jú eldri og einnig átti
það vel við því hann var skynsamur
og ákveðinn ungur maður. A daginn
sinntum við hinum ýmsu sveitastörf-
um og ætíð var það Þórir Jón sem
vissi hvernig best var að standa að
verki. Sérstaklega dáðist ég að því
hvað hann var laginn við allt sem
við kom vélum og vélavinnu. Hann
fylgdist líka vel með ef ég komst í
einhver vandræði og var þá ekki lengi
að koma og Ieiðbeina og gefa góð ráð.
A kvöldin sinntum við svo ósjaldan
sameiginlegu áhugamáli okkar,
íþróttunum. Oftast spiluðum við fót-
bolta en stundum körfu eða eitthvað
annað skemmtilegt. Þórir Jón hafði
jftast betur í þessum leikjum okkar,
an passaði þó alltaf uppá að munurinn
/rði ekki of mikill því honum var í
mun að enginn yrði
óánægður að leik lokn-
um. Þannig var Þórir Jón
í leik og starfi, hann tók
ætíð málstað þess sem
honum fannst eiga undir
högg að sækja. Það er
óhætt að segja að hann
hafi verið frænda sínum
góð fyrirmynd.
Ég þakka fyrir allar
góðu stundirnar sem við
áttum saman á þessum
árum. Ég votta eigin-
konu hans Önnu Maríu
og litlu dótturinni Þó-
reyju Lísu svo og Guð-
laugu, Sæbjörgu, Helgu,
Ingu Kristínu, Guðlaugu Björk og
öðrum ástvinum mína dýpstu samúð.
Megi minningin um góðan dreng
lifa.
Grímur Hergeirsson.
Þetta er grimmur heimur. Ungur,
fílhraustur maður lifir skemmtilegu
og viðburðaríku lífi en fellur örfáum
mánuðum síðar í valinn eftir von-
lausa baráttu við vægðarlausan sjúk-
dóm. Hvað er hægt að segja? Víst
er að minning Þóris mun lengi lifa,
því hann var drengur góður og fé-
lagi eins og þeir gerast bestir. Hann
var gæddur flestum þeim eiginleikum
sem sómi er að og jákvæðni hans
og kímnigáfa gera að verkum, að
ég sé hann alltaf fyrir mér bros-
andi. Líf okkar sem urðum honum
samferða er ríkara fyrir vikið.
Ég votta Amí og Þóreyju Lísu
samúð mína.
Vertu sæll, Þórir,
Hrannar.
„Þegar þú ert sorgmæddur, skoð-
aðu þá aftur huga þinn, og þú munt
sjá, að þú grætur vegna þess, sem
var gleði þín.“ (Ur Spámanninum)
Af hveiju, af hveiju, þessi orð
hafa leitað á hugann aftur og aftur
nú í haust, en við fáum engin svör
og eigum erfitt með að skilja hver
tilgangur Guðs er að hrífa þig á brott
frá öllu svo ungan og manni fannst
þú eiga allt lífið framundan. Þið
Anna María lifðuð svo heilbrigðu lífi
og voruð þið bæði á fullu í íþróttum,
en það er ekki spurt að því og allt
í einu skellur reiðarslagið yfír á inn-
an við ári hefur sjúkdómurinn,
krabbameinið, lagt þig að velli.
Minningarnar um þig, frá því að
við sáum þig fyrst er þú komst með
Önnu Maríu í Hamragerðið eru allar
svo ljúfar, dugnaðurinn og þolinmæð-
in sem kom svo vel m.a. fram í því
að alltaf hafðir þú tíma til að tala
við strákana okkar, eða fara í körfu-
bolta með þeim, eða fara með þá í
leik, eða hjálpa til með stærðfærðina,
eða taka þá með í sveitina þína. Og
minningar um samverustundir okkar
undanfarin ár, þó sérstaklega versl-
unamannahelgamar þar sem við kom-
um alltaf saman, era hugljúfar. Þar
sátum við saman úti á palli hvemig
sem viðraði og reyndum að leysa öll
heimsins vandamál.
Og dugnaðurinn og samheldnin
ykkar Önnu Maríu vora mikil, ekki
síst nú í vor þegar hún útskrifast
úr Myndlistarskólanum og þú ný-
kominn úr aðgerð, kláraðir námið í
rekstrarfræði og útskrifaðist úr Há-
skólanum á Akureyri. Svo kom stóra
stundin j' lífi ykkar 18. júní þegar
litla Þórey Lísa fæddist. Þið voruð
búin að ákveða að fiytjast frá Akur-
eyri í sveitina og fluttust þið þangað
í júlí sl. og byggðuð ykkur yndislegt
heimili á Voðmúlastöðum.
Þrátt fyrir veikindi þín lögðuð þið
á ykkur að koma og gleðjast með
okkur hér fyrir ndrðan í byijun októ-
ber og ekki óraði okkur fyrir því,
þegar við heimsóttum ykkur í nýja
húsið ykkar seinna í mánuðinum, að
við ættum ekki eftir að sjá þig meira,
kæri vinur, við vonuðumst alltaf eft-
ir að þú fengir lengri tíma með iitlu
fjölskyldunni þinni.
Elsku Anna María, þú sem hefur
staðið þig sem hetja undanfarið og
stóðst sem klettur við hlið Þóris í þess-
ari erfiðu baráttu, við vitum að missir
ykkar Þóreyjar Lísu er mikill og biðjum
við algóðan Guð að styrkja ykkur
mæðgur, Sæbjörgu, Guðlaugu og syst-
umar, Auði og ísak í ykkar miklu
sorg og gefí ykkur styrk í framtíðinni.
Elsku vinur, far þú í friði, friður
Guðs þig blessi, hafðu þökk fyrir
allt og allt.
Hrafnhildur, Kárl, Róbert,
Brynjar og ísak Kári.
Kveðja frá samstúdentum
Haustið 1982 hittumst við fyrst í
Menntaskólanum að Laugarvatni og
lifðum saman í gegnum súrt og sætt
í fjögur ár. Nú í vor höldum við upp
á 10 ára stúdentsafmæli en verðum
ekki söm og áður. Það hefur verið
höggvið skarð í hópinn, skarð sem
ekki verður fyllt.
Ekta teppi á verði aerfimottu
Kæru viðskiptavinir!
Hér með viljum við bjóða ykkur á glæsilega sýningu á handhnýttum austurlenskum teppum á
Hótel Grand í Reykjavík.
Þar eru til sýnis og sölu stök teppi frá Pakistan, Kína og Afghanistan.
Sérstaklega viljum við vekja athygli á síðustu sendingunni, sem við höfum fengið nú rétt fyrir jól,
þar sem viö höfum verið svo einstaklega heppin að fá 42 gömul persnesk Afshar-teppi á hreint
ótrúlegu verði.
Þessi teppi sjást nánast aldrei í verslunum lengur, og þegar þau koma liggur verðið —
í Kaupmannahöfn og London — j kringum 80.000—120.000 eftir stærð.
Við getum boðið þessi teppi á verði innan við 40.000, eftir stærðum.
Hér er um einstakt tækifæri að ræða.
Einnig höfum við fengið 50 stk. afghönsk Balutch í frábærum gæðaflokki, sem munu kosta
6.900—11.900 kr. stykkið.
Þetta er verð og gæði, sem ekki hafa sést á íslandi.
Sýningin er opin 22. og 23. desember frá kl. 12—22 og 24. desember frá kl. 10—12.
Virðingarfyllst.
Austurlenska teppasalan hf.