Morgunblaðið - 20.01.1996, Blaðsíða 16

Morgunblaðið - 20.01.1996, Blaðsíða 16
16 LAUGARDAGUR 20. JANÚAR 1996 MORGUNBLAÐIÐ ÚR VERINU FRÉTTIR: EVRÓPA Morgunblaðið/Ólafur Bernódusson HELGA Björg HU 7 í heimahöfn. Nýr rækj ufry stitogar 1 í eign Skagstrendings hf. Skagaströnd. Morgunblaðið. Helga Björg HU 7, nýtt skip í eigu Skagstrendings hf., kom til heima- hafnar í fyrsta sinn 17. janúar. Af því tilefni var bæjarbúum boðið að koma og skoða skipið og þiggja veitingar um borð. Helga Björg er 500 tonna rækjufrystitogari sem keyptur var á síðasta ári frá Græn- landi. Helgan kemur nú frá Akur- eyri þar sem allt skipið var yfírfarið og úr sér gengnir hlutir endumýj- aðir og því breytt lítillega. Helga Björg hét áður Betty Bel- inda og átti heimahöfn í Nuuk á Grænlandi. Helgan var smíðuð í Noregi árið 1977 fyrir fyrrverandi eiganda en endurnýjuð og lengd um 5 metra í Danmörku árið 1985-86. Allur vélbúnaður, spil og fleira eru síðan þá nema grandaraspilin sem sett voru um borð núna á Akur- eyri. Aðalvél skipsins er 1.800 hest- ölf af gerðinni Man Alpa og ljósavél- arnar em tvær Deutz sem em 550 hestöfl hvor. Á vinnsludekkinu eru tæki sem gera mönnum kleift að heilfrysta rækju fyrir Japansmark- að, sjóða og fyrsta fyrir Evrópu- markað og einnig að lausfrysta fyr- ir frekari vinnslu í landi. Hjörtur Sævar verður með skipið 16 menn munu verða í áhöfn Helgu Bjargar en skipstjóri er Hjört- ur Sævar Guðmundsson sem verið hefur stýrimaður á Örvari HU 21 og fyrsti stýrimaður Stefán Sigurðs- son en hann hefur verið skipstjóri á Hrímbak frá Akureyri. Yfírvél- stjóri er Valur Karlsson og með honum sem fyrsti vélstjóri verður Jón Hilmar Indriðason. Bæði Valur og Jón hafa verið á öðmm skipum Skagstrendings hf. að undanfömu. Fer á Flæmingjagrunn Nú verður Helga Björgin gerð klár til rækjuveiða og mun halda á miðin á næstu dögum. Áætlað er að hefla veiðarnar hér á heimamið- um en síðar mun skipið fara til veiða á Flæmingjagrunni. Gylfi Sigurðsson, stjórnarformaður Skagstrendings hf., sagði að hann byndi miklar vonir við Helguna og að kaupin á henni væru viðleitni til að auka fjölbreytni í rekstri Skagstrendings hf. Sigurður & Júlíus hf. Viðskiptahúsinu - Reykjavíkurvegi 60 - Hafnarfirði Símar: 565-5261 og 565-0644 - Fax: 555-4959. Fullbúnar íbúðir á frábæru verði Steniklætt að utan Viðhaldslétt Frábær 2ja herb. fbúðir frá kr. 6.350 þús. 3ja herb. íbúðir frá kr. 7.290 þús. Góðir greiðsluskiimáiar. Suðurgata Z Og ZA, Hafnarfirði. Stórglæsilegar 2ja og 3ja herbergja íbúðir á besta stað í bænum (v/Suðurbæjarsundlaugina) Eigum nokkar 2ja og 3ja herb. íbúðir til afhendingar stax! Paavo Lipponen í Eistlandi Heitir Eystrasalts- ríkjum stuðningi N orðurlandanna Tallinn. Reuter. PAAVO Lipponen, forsætisráð- herra Finnlands, segir að Finn- land og hin norrænu ríkin í Evr- ópusambandinu, Svíþjóð og Dan- mörk, muni veita Eystrasaltsríkj- unum fullan stuðning í viðleitni þeirra að öðlast aðiid að samband- inu. „Finnland og hin norrænu ríkin munu sjá tii þess að Eistland og hin Eystrasaltsríkin verði á meðal þeirra fyrstu, sem hefja aðildarvið- ræður við Evrópusambandið,“ sagði Lipponen á blaðamanna- fundi í Tallinn í Eistlandi, þar sem hann er nú í opinberri heimsókn. Eystrasaltsríkin Eistland, Lett- land og Litháen hafa á rúmum fjórum árum, eftir að þau öðluðust sjálfstæði eftir 50 ára sovézkt hemám, unnið að róttækum mark- aðsumbótum. Ríkin þrjú hafa öll sótt um aðild að Evrópusamband- inu og gert við það aukaaðildar- samninga, svokallaða Evrópu- samninga. Samningarnir eiga að flýtá fyrir aðlögun efnahagskerfis þeirra að innri markaði ESB. Eistland einna bezt undir ESB-aðild búið Eistland er sýnu lengst komið á þessari þróunarbraut og er eina ríkið, sem samþykkti aukaaðildar- samning án þess að biðja um nokk- urn aðlögunartíma að ákvæðum hans. Lipponen sagði á blaðamanna- fundinum að Eistland væri eitt þeirra Austur-Evrópuríkja, sem bezt væru undir Evrópusambands- aðild búin. Reuter ESB tengi frið og flármuni HANS Koschnik, fulltrúi Evr- ópusambandsins í bænum Most- ar í Bosníu, sem Múslimar og Króatar deila um, sagði á blaða- mannafundi í Brussel á fimmtu- dag að Evrópusambandið ætti að nota tilboð sitt um að verja háum fjárhæðum til endur- reisnar í Bosníu til þess að tryggja að staðið verði við Day- ton-friðarsamkomulagið. „Evr- ópusambandið verður að gera mönnum ljóst að þeir, sem hlýða ekki Dayton-samkomu- laginu fá enga peninga," sagði Koschnik, sem hér sést með framkvæmdastjórnarmannin- um Hans van den Broek, sem er ábyrgur fyrir samskiptum ESB og Austur-Evrópu. Persson telur frest- un EMU líklega Stokkhólmi, Frankfurt. Reuter. GÖRAN Persson, fjármálaráð- herra og að öllum líkindum verð- andi forsætisráðherra Svíþjóðar, sagðist í gær telja líklegt að efna- hagslegum og peningalegum sam- runa Evrópuríkja (EMU) yrði fre- stað vegna efnahagslegs sam- dráttar í Evrópu. „Ef niðursveiflan heldur áfram inn á árið 1997 gæti frestun orðið niðurstaðan,11 sagði Persson eftir fund með ESB-nefnd Svíþjóðar. „Það er margt sem bendir til efna- hagslegrar niðursveiflu á þessu ári og ef hún teygir anga sinn fram á næsta ár er komin upp algjörlega ný staða hvað varðar peningalega samrunann.“ Hann sagðist almennt séð vera jákvæður út í EMU en að nokkur atriði væru enn óleyst, t.d. hvernig bregðast ætti við efnahagslegum áföllum án þess að grípa til gengis- fellinga. „Þegar fínnskur skógar- höggsmaður getur hafið störf á vínekrum Frakklands erum við komin með hið fullkomna kerfi,“ sagði Persson. Andvígur frestun Peter Schmidhuber, sem situr í bankastjórn þýska seðlabank- ans, sagðist á fundi hjá efnahags- ráði Austurríkis í gær telja líklegt að sex til átta ríki myndu upp- fylla skilyrðin fyrir þátttöku í EMU árið 1999 og að hann væri andvígur því að fresta samrunan- um. „Frestun myndi einungis valda óöryggi,“ sagði Schmidhu- ber. Að hans mati væri vel mögu- legt að halda áfram líkt og áform- að ef hinn pólitíski vilji væri fyrir hendi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.