Morgunblaðið - 20.01.1996, Blaðsíða 1

Morgunblaðið - 20.01.1996, Blaðsíða 1
72 SIÐUR LESBOK/C/D STOFNAÐ 1913 16. TBL. 84. ARG. LAUGARDAGUR 20. JANUAR 1996 PRENTSMIÐJA MORGUNBLAÐSINS Þrír Hamas-liðar drepnir í Jenín Reuter ARABÍSKAR konur krefjast þess að palestínsk yfirvöld sleppi þremur Palestinumönnum sem voru handteknir í fyrrakvöld fyr- ir að iiviMja fólk til að sniðganga kosningarnar. Jerúsalem, Jenin. Reuter. ÍSRAELSKIR hermenn skutu í gær þrjá Palestínumenn til bana í bænum Jenín á Vesturbakkanum og herinn stöðvaði alla umferð milli sjálfstjórn- arsvæða Palestínumanna og ísraels til að hindra hermdarverk vegna palestínsku kosninganna sem fram fara í dag. Talsmaður ísraelshers sagði að hermennirnir- hefðu hafið skothríð eftir að farþegar í bíl hefðu sært hermann við vegatálma í útjaðri Jen- ín. Sjónarvottur sagðist hafa séð einn mannanna skjóta á hermann- inn. Palestínumennirnir voru félagar í Hamas, hreyfingu herskárra músl- ima, sem berst gegn friðarsamning- unum við ísraela. Hreyfingin hefur lýst því yfir að hún sniðgangi kosn- ingarnar þótt nokkrir af forystu- mönnum hennar bjóði sig fram sem óháðir. Meira en 2.000 Palestínumenn söfnuðust saman í Jenín eftir að mennirnir voru drepnir og rifu niður veggspjöld frambjóðenda. Þeir hróp- uðu vígorð gegn kosningunum og palestínskum ráðamönnum. Mikill öryggis- viðbúnaður ísraelska lögreglan kvaðst hafa öryggisviðbúnað vegna hættu á árásum palestínskra og ísraelskra andstæðinga friðarsamninganna. Leiðtogar gyðinga, sem eru búsettir á sjálfstjórnarsvæðunum, lofuðu að reyna ekki að hindra kosningarnar. Þeir sögðu þó að efnt yrði til bæna- fundar í Jerúsalem og mótmæla- fundar í Hebron á Vesturbakkanum. Búist er við að Yasser Arafat, leiðtogi Frelsissamtaka Palestínu- manna, vinni stórsigur í forsetakosn- ingunum og að margir af stuðnings- mönnum hans verði kosnir í löggjaf- arráð Palestínu. 88 fulltrúar verða kjörnir í ráðið. ¦ Milljón Palestinumanna/27 Meiri hagvöxt- uren talið var Washington. Reuter. NÝJAR hagtölur, sem birtar voru í gær, benda til að banda- rískt efnahagslíf sé í betra ástandi en spáð hafði verið og hefur það vakið upp vangavelt- ur um hvort bandaríski seðla- bahkinn muni lækka vexti á ný í lok mánaðarins. Bandaríska vinnumálaráðu- neytið greindi frá því að at- vinnuleysi hefði verið óbreytt eða 5,6% í desember og að at- vinnutækifærum hefði haldið áfram að fjölga. 151 þúsund ný störf urðu til í desember og 166 þúsund í nóvember. Þá greindi viðskiptaráðu- neytið frá því að hagvöxtur hefði mælst 3,2% á þriðja fjórð- ungi síðasta árs, sem er nokkru meira en búist hafði verið við. Hagvöxtur á öðrum ársfjórð- ungi var 0,5%. „Menn voru farnir að hafa miklar áhyggjur af því hversu slæmt ástandið í efnahagslífinu kynni að vera. Það er hins vegar ekkert í skýrslunni sem gefur ástæðu til svartsýni," sagði yfirhag- fræðingur fjármálafyrirtækis- ins Nicco Securities. Horfur góðar Joseph Stiglitz, einn helsti efnahagsráðgjafi Bandaríkja- forseta, tók 1 sama streng og sagði horfurnar fyrir árið 1996 vera góðar. Ekki voru þó allir jafnbjart- sýnir og sögðu sumir hagfræð- ingar ástæðu til að ætla að hagvöxtur á árinu 1995 í heild yrði í kringum 2% sem væri undir afkastagetu efnahags- lífsins. Aðrir bentu á að um 40 þúsund störf hefðu bæst við í iðnaði er verkfalli hjá Boeing- flugvélaverksmiðjunum lauk og væri sú aukning ekki tákn um uppsveiflu í efnahagslífinu. Borís Jeltsín boðar aðgerðir gegn tsjetsjenskum aðskilnaðarsinnum Gíslum á Svartahafs- feriu sleppt Reuter TYRKNESKIR stuðningsmenn tsjetsjenskra aðskiínaðarsinna veifuðu tsjetsjenskum fána og gerðu sigurmerki er Svartahafsferj- an Avrasía sigldi að landi í Istanbul í gær. Moskvu, Istanbul. Reuter. BORÍS Jeltsín Rússlandsforseti varði í gær þá ákvörðun að beita valdi til að frelsa gísla í þorpinu Pervomaískoje fyrr í vikunni og hót- aði því að stöðvar skæruliða í Tsjetsjníju yrðu þurrkaðar út. Vopn- aðir menn er tóku um 200 manns í gíslingu á Svartahafsferjunm' Avras- íu á þriðjudag, til stuðnings Tsjetsj- enum, slepptu gíslunum í gær. Mennirnir yfírgáfu ferjuna síð- degis í gær í gúmmíbátum og voru færðir á lögreglustöð í Istanbul. Höfðu þeir hent vopnum sínum í sjóinn áður en þeir gáfust upp. Ana- toWan-fréttastofan sagði að þeir yrðu yfirheyrðir af deild innan lögregl- unnar er sérhæfði sig í „íslömskum hryðjuverkum". Að sögn embættis- manna voru byssumennirnir fimm og tyrkneskir ríkisborgarar. Þorp jafnað við jörðu Þúsundir heittrúaðra Tyrkja gengu um götur Istanbul í gær að loknu hádegisbænahaldi og hrópuðu slagorð gegn Rússum og til stuðn- ings Tsjetsjenum. Nú er ljóst að um helmingi tsjetsj- ensku skæruliðanna er höfðu gísla í haldi í Pervomaískoje í Dagestan þar til á fimmtudag tókst að flýja áður en Rússar hertóku þorpið. Nær allar byggingar í þorpinu, um 300 talsins, hafa verið jafnaðar við jörðu en Jeltsín sagði á blaðamannafundi í gær að valdbeitingin hefði verið réttlætanleg. Gaf hann sterklega í skyn að gripið yrði til frekari hern- aðaraðgerða. Fréttaskýrendur í Moskvu töldu líklegt að forsetinn vildi með harð- orðum yfirlýsingum byggja upp ímynd hins sterka leiðtoga fyrir for- setakosningamar á næsta ári. Jelts- ín hefur þó ekki enn lýst því yfir hvort hann hyggur á framboð að nýju. ¦ Helmingur liðs/18 Skilyrðum friðarsanuúnga mætt Sarajevo. Reuter STRÍÐANDI fylkingar í Bosníu hafa að mestu virt þau tímamörk sem þeim voru sett í friðarsam- komulaginu sem undirritað var í París í desember og hafa flutt vopn og hermenn frá víglínunni. Var brottflutningurinn eitt aðalskilyrða sam- komulagsins. Það kvað á um að herir Bosníu- Serba, múslima og Króta flyttu sig að minnsta kosti tvo kílómetra frá víglínunni fyrir miðnætti aðfaranótt 19. janúar. Eftirlitsmenn Atlantshafsbandalagsins könn- uðu í gærdag ástandið við víglínuna sem er um 1.000 km löng og reyndust hermenn og mestur hluti stríðstólanna á bak og burt. Kváðust þeir telja að sú hefði einnig verið raunin annars stað- ar en það fengist ekki að fullu staðfest fyrr en að einum til tveimur dögum liðnum. Koma í veg fyrir rannsókn Þá hófu Króatar, Bosníu-Serbar og múslimar fangaskipti í gær en þá rann út fresturinn sem gefinn var í friðarsamkomulaginu. Fulltrúar Rauða krossins, sem fylgdust með fangaskiptun- um, sögðu áð 68 múslimar hefðu verið látnir laus- ir og Bosníu-Serbar tilkynntu að 92 Serbar hefðu fengið frelsi. Akvæðum friðarsamkomulagsins um fanga- skipti hefur þó ekki enn verið fullnægt en um 900 stríðsfangar eru á skrá Rauða krossins. Rannsókn á ásökunum um fjöldamorð í Bosníu miðar hægt. Vestrænir blaðamenn, sem rannsak- að hafa málið, segja að vopnaðar sveitir Serba hafi komið í veg fyrir hana. Þá hafa bandarískir hermenn, sem annast m.a. eftirlit á svæðinu umhverfis Srebrenica, verið tregir til að rannsaka meint fjöldamorð Bosníu-Serba síðasta sumar. Hins vegar hafa embættismenn NATO ekki úti- lokað að hermenn þeirra fylgi eftirlitsmönnum SÞ til þeirra svæða þar sem grunur leikur á um að fjöldamorð hafi verið framin.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.