Morgunblaðið - 28.03.1996, Blaðsíða 12

12 FIMMTUDAGUR 28. MARZ 1996
MORGUNBLAÐIÐ
FRÉTTIR
Anna Margrét Magnúsdóttir beðin um að hætta þátttöku í liði Islands í Kontrapunkti
ANNA Margrét Magnúsdóttir, einn
fulltrúa íslands í tóndæmakeppninni
Kontrapunkti, segist hafa verið „af-
skaplega hissa“ þegar Sveinbjörn I.
Baldvinsson, dagskrárstjóri hjá
Sjónvarpinu, bað hana að víkja úr
liðinu 6. mars síðastliðinn. Það hafi
komið á óvart að Valdemar Pálsson
fyrirliði skyldi ekki reyna að ná sátt-
um í kjölfar ágreinings innan hóps-
ins um framgöngu í keppninni.
Valdemar sagði í samtali við Morg-
unblaðið í gær að liðið gæti ekki
starfað saman og ekki um annað
að ræða en að Anna Margrét viki.
Sagði hann þá ákvörðun eiga sér
langan aðdraganda og neitaði að tjá
sig efnislega um ósætti liðsmanna.
Þá sagðist Sveinbjörn ekki hafa
treyst sér til þess að blanda sér í
deilur liðsmanna og taka afstöðu,
það væri ógerningur. Liðsstjóri hefði
litið svo á að hópurinn gæti ekki
starfað saman og hefði sér borið að
bregðast við því.
Sveinbjörn sagði ennfremur í sín-
um verkahring að sjá tii þess að
íslendingar tækju þátt í keppninni
og að ekki yrði truflun á útsending-
um þáttanna. „Það var ekki mikill
tími til stefnu og svo heppilega vildi
til að Ríkarður Örn Pálsson gat
hlaupið í skarðið í næsta þætti. Ég
tilkynnti forráðamönnum keppninn-
ar breytingu á liðinu 7. mars og það
hafa ekki verið gerðar neinar at-
hugasemdir," segir hann loks.
Anna Margrét var beðin um að
ganga til liðs við hópinn því forráða-
menn Kontrapunkts vildu fá konu í
stað eins liðsmanna, sem þá voru
Valdemar Pálsson og Gylfi Baldurs-
son, auk Ríkarðs sem fyrr er getið.
„Gylfí hringdi í mig í haust og bar
sig nokkuð aumlega. Hafði hann þá
leitað til nokkurra kvenna sem neit-
uðu að vera með, enda er ekki fýsi-
legt að láta hlýða sér yfir tónlistar-
söguna fyrir framan milljónir manna
eftir aðeins þriggja mánaða undir-
búning," segir Anna Margrét.
Undirbúningur gekk vel
Undirbúningur fyrir þátttöku fór
þannig fram að hópurinn hittist um
það bil vikulega í vetur og hlustaði
á tónlist. Segir Anna Margrét að
það hafi gengið vel og verið mjög
gaman. Þremenningarnir héldu síð-
an til Malmo í Svíþjóð í janúar þar
sem fjórir þættir voru teknir upp.
„Eftir tvo fyrstu þættina kom ég
með ábendingar um það hvernig við
gætum bætt frammistöðu liðsins,
„Afskaplega
hissaá
ákvörðuninni“
ANNA Margrét, Gylfi og Valdemar meðan allt lék í Iyndi.
að mínu mati. Mér fannst sú mikia
þekking sem Valdemar og Gylfi
hafa á tónlist ekki skila sér nægi-
lega vel. Veiki punkturinn var að
mínum dómi sá að við værum hvorki
nógu góð í því að koma fram né tjá
okkur. Keppnin byggist ---------—
mikið á samtölum við
þáttastjórnandann, Sixt-
en, og mér fannst við
hreinlega ekki nógu ______________
markviss í svörum," segir
hún.
Anna Margrét segir ennfremur
að þar sem lítill tími gefist til að
tala saman þegar tóndæmin eru
leikin þurfi hópurinn að vera sam-
stilltur og liðsmenn vakandi hver
fyrir öðrum. Framganga liðsins
hafi jafnvel verið klaufaleg á köfl-
um. „Ég stakk upp á því að sá sem
situr í miðjunni væri nokkurs konar
IMiðurstaðan á
sér langan
aðdraganda
ritari og skráði hugdettur niður, svo
betra væri að halda þeim til haga.
Með því móti mætti koma þeim að
koll af kolli ef fyrsta uppástungan
reyndist ekki rétt, í stað þess að
verða hvumsa við. Þeir tóku þessu
-------- þokkalega, reiddust ekki
beint en voru ekki hressir
með það sem ég var að
segja."
_________ Næsta dag keppti liðið
við Dani og fór með sigur
af hólmi. „Þá gekk okkur mjög vel.
Við tókum öll virkan þátt og áttum
okkar augnablik en ég hafði reynd-
ar ákveðið fyrir þáttinn að ef ég
hefði svar sem ég væri sannfærð
um, skyldi ég ekki að láta stoppa
mig í því að koma því að,“ segir
Anna Margrét. Þegar tökum var
lokið á fjórum viðureignum íslenska
liðsins, fóru liðsmenn heim og tóku
sér mánaðarhlé að sögn Önnu
Margrétar.
Liðsstjórinn reiddist
I millitíðinni voru þættirnir sýndir
í ríkissjónvarpinu og segir hún að
sér hafi orðið enn betur ljóst eftir
að hafa séð þá að árangur liðsins
væri ekki í réttu hlutfalli við kunn-
áttu. Þetta hafi hún nefnt við Gylfa
og Valdemar á næsta fundi liðsins
og fært rök fyrir máli Sínu. „Ég
sagði til dæmis að fyrir hefði komið
í fjórða þættinum, á móti Svíum, að
ég hefði komið með rökstudda tillögu
sem Valdemar bar á móti. Mitt svar
var hins vegar rétt og ég sagði við
þá að siíkt mætti ekki gerast, við
mættum alls ekki við því ofan á
annað. Þá reiddist Valdemar og bar
upp á mig að vera alltaf að tala um
að þeir völtuðu yfir mig, sem ekki
er rétt því ég ræddi þessar hugmynd-
ir bara á tveimur fundurn."
Anna Margrét segir þvínæst að
daginn eftir fundinn hafi Valdemar
haft samband við sig og verið mikið
niðri fyrir. „Hann sagði að ég hefði
farið út yfir öll mörk og að ég hefði
ekkert leyfi til að segja formanni
liðsins hvernig hann ætti að haga
sér í keppninni. Mér fannst þetta
útúrsnúningur og sagðist standa við
fyrri gagnrýni.
Viku síðar hringir Sveinbjörn og
segir mér að Valdemar treysti sér
ekki til að vinna með mér. Hann
treysti sér ekki til að taka að sér
hlutverk dómara og sjái engan kost
annan en að biðja mig um að hætta,
sem ég gerði athugasemdalaust."
Segir Anna Margrét það hafa
komið sér á óvart að Valdemar skyldi
ekki kalla þau Gylfa til sín og reyna
að leysa ágreininginn. „Símtalið frá
Sveinbirni kom algerlega flatt uppá
mig. Það var ekkert vandamál fyrir
mig að vinna áfram með Valdemar.
íslenska liðið hefur unnið einn leik
í fyrri keppni og gert eitt jafntefli
og mér fannst einfaldlega að við
mættum taka okkur á. Það á bara
eftir að taka upp einn þátt, það er
undanúrslitin á móti Dönum, því ég
reikna síður með að við munum
vinna. Annars tvo. Valdemar og
Gylfi hafa báðir lýst því yfir að þeir
muni hætta eftir þessa keppni og
mér finnst þátttöku okkar fylgja
ábyrgð. Ákvörðun Valdemars er
dæmi um það þegar menn láta skap-
ið hlaupa með sig í gönur í stað
þess að hlýða rödd skynseminnar,"
segir Anna Margrét að lokum.
Kristján Ragnarsson um viðbrögð ráðherra við ályktun LIU
Stærsti hluti flotans ekki
getað bætt sér skerðinguna
„ÞAÐ kemur mér mjög á óvart að sjávarútvegs-
ráðherra skuli leyfa sér að segja að málið snúist
um hagsmuni stórútgerðar gegn trillum," sagði
Kristján Ragnarsson, formaður Landssambands
íslenskra útvegsmanna, í samtali við Morgunblað-
ið. Arthur Bogason, formaður Landssambands
smábátaeigenda, segir viðbrögð stórútgerðarinnar
bamaleg og það sé undarlegt orðaval að útvegs-
menn hafi sýnt fyllstu ábyrgð við uppbyggingu
þorskstofnsins.
Þorsteinn Pálsson sjávarútvegsráðherra sagði
m.a. í samtali við Morgunblaðið í gær um ályktun
LÍÚ vegna samnings stjórnvalda við Landssam-
band smábátaeigenda, að það ætti fremur að
vera stórútgerðinni keppikefli að skapa frið um
fískveiðar. Hann sæi ekki að hún bætti stöðu sína
með því að vera í endalausum stríðsátökum við
minni báta og trillukarla.
Kristján Ragnarsson bendir á að innan LÍÚ
eru 240 bátar undir hundrað rúmlestum, 183
bátar yfir hundrað lestum og 109 togarar. „Ég
ætla að ráðherra sé að vísa til togaraútgerðar,
þegar hann talar um stórútgerð, en allra öflug-
ustu ,skip getað náð í viðbótarafla utan lögsögu,
með ærnum tilkostnaði og áhættu,“ sagði hann.
„Hinn hluti flotans hefur þurft að sæta 60% niður-
skurði á aflaheimildum á örfáum árum, á við
gífurlega erfiðleika að stríða og margir hafa gef-
Formaður LS segir
viðbrögð stórútgerðar-
innar barnaleg
ist upp. Nú horfa menn upp á að við sömu bryggju
eru menn annars vegar að landa úr vertíðarbáti,
sem hafði 200 tonna kvóta en hefur nú 80 tonn
og hins vegar er svo landað úr krókabáti, sem
getur veitt nánast án takmarkana.
Mér finnst ráðherra fara mjög villur vegar
þegar hann ívilnar smábátum á kostnað hefð-
bundnu vertíðarbátanna og talar svo um átök
stórútgerðar við trillur. Hann þyrfti ekki að fara
nema í kjördæmið sitt, til dæmis Vestmannaeyjar
eða Þorlákshöfn, til að sjá að þar er venjubundin
útgerð, sem geldur verka hans þegar hann eykur
rétt smábátanna á kostnað annarra."
Kristján sagði að LÍÚ hefði tekið þann kostinn
að reyna að skýra fyrir fólki hvernig málið væri
vaxið. Á meðan LÍÚ hefði tekið ábyrga afstöðu
til uppbyggingar þorskstofnsins og tekið undir
með fiskifræðingum um nauðsyn þess að tak-
marka veiðar vegna framtíðarafla, þá hefðu tals-
menn smábátaeigenda atyrt ríkisstjórn, Alþingi
og vísindamenn fyrir þá fjarstæðu að leyfa ekki
meiri fiskveiðar. „Mér' hugnast ekki að slík fram-
koma falli mönnum best í geð. LÍÚ ætlar ekki
að taka upp slíka hætti,“ sagði Kristján.
Veiddu langt umfram ráðgjöf
„Mér er nú fremur skemmt en hitt, að sjá
barnaleg viðbrögð stórútgerðarinnar og mér þyk-
ir ályktun LÍÚ bera vott um að þar hafi menn
lítt sést fyrir í orðavali," sagði Arthur Bogasonj
formaður Landssambands smábátaeigenda. „I
ályktuninni segir meðal annars að útvegsmenn
hafi sýnt fyllstu ábyrgð og aðgætni við uppbygg-
ingu þorskstofnsins. Þetta segja sömu menn og
veiddu 1,1 milljón tonna af þorski á tímabilinu
1977-1991 umfram það sem fiskifræðingar ráð-
lögðu. Þar voru ábyrgðarfullu og aðgætnu menn-
irnir á ferðinni. Það er því álíka mikið að marka
þetta bull og margt annað sem frá þeim hefur
komið.“
Arthur sagði að smábátaeigendur fengju ekki
stærri hlut af afla en þeir nauðsynlega þyrftu.
„Við höfum ekki getað ruðst á alþjóðleg haf-
svæði eða bætt okkur upp tekjuskerðingu í kvóta-
bundnum tegundum innan lögsögunnar með því
að fara í aðrar sem eru ekki kvótabundnar. Þetta
hefur stórútgerðarliðið getað gert. Þeir verða
bara að sætta sig við að auðlindirnar eru til að
allir geti lifað af þeim, en ekki bara þeir. Þeir
eiga þær ekki.“
Niðurrif
ratsjárskerma
fyrir varnarliðið
Bauð eina
milljón
FJÖLMÖRG tilboð bárust í nið-
urrif á ratsjárskermum á
Keflavíkurflugvelli fyrir varn-
arliðið. Að sögn Alfreðs Þor-
steinssonar, forstjóra Sölu
varnarliðseigna, voru tilboðin
mjög mismunandi, allt frá því
að tilboðsgjafar vildu fá 55
milljónir kr. í sinn hlut fyrir
verkið en einn tilboðsgjafi
bauðst til þess að greiða eina
milljón kr. fyrir að fá verkið.
Alfreð segir að þeir sem
bjóði meðgjöf hyggist nýta efn-
ið til endursölu. Samningavið-
ræður standa yfir við fyrirtæk-
ið Runa hf. í Mosfellsbæ sem
bauð eina milljón kr. fyrir að
fá verkið. Undirverktaki Runa
er Hringrás hf. Efnið ætlar
Runi að selja til brotajárn-
svinnslu.
Alfreð sagði að mjög líklega
yrði gengið frá samningum við
þessa aðila á næstu dögum.
Verktími er eitt til eitt og hálft
ár. Um er að ræða fjóra rat-
sjárskerma sem hver um sig
vegur um 250 tonn.
Sá týndi gaf
sig fram
Flateyri. Morgxinblaðið.
BÁTAÆFING björgunarsveit-
anna á Flateyri, Hnífsdal og
Þingeyri var haldin á Flateyri
um síðustu helgi.
Tilkynnt var að þrír menn á
báti hefðu orðið fyrir slysi á
sjó úti og líklegt talið að þeir
hefðu farið í sjóinn. Tveir fund-
ust látnir en sá þriðji fannst
ekki þrátt fyrir mikla leit. Tal-
ið var að hann hefði komist í
land og voru því fjörur gengn-
ar. Þannig gekk æfingin fyrir
sig.
En eitthvað gekk illa að
finna þennan í landi og á end-
anum fór svo að hann sá sig
tilneyddan að gefa sig fram
áður en hann fengi snert af
ofkælingu við að bíða eftir að
björgunarsveitarmaðurinn
næst honum sæi hann. Eftir
þessa æfingu var ákveðið að
menn færu og leituðu sér að-
stoðar augnsérfræðings.
Ferjubryggja
í Holti
endurbyggð
LÆGSTA tiiboð í endurbygg-
ingu ferjubryggju í Holti í
Önundarfirði er 11,5 milljónir
kr. sem eru 81% af kostnaðar-
áætlun Vita- og hafnamála-
stofnunar. Lægstbjóðandi er
Guðlaugur Einarsson ehf.
Verkið er fólgið í því að
endurbyggja fremri hluta
bryggjunnar í Holti en hún er
um 100 metra löng og upphaf-
lega byggð árið 1958. Bryggj-
an gegndi veigamiklu hlutverki
í samgöngum við Flateyri fyrst
eftir að snjóflóðin féllu í októ-
ber, á meðan vegurinn til
þorpsins var ófær. Kom þá í
ljós að viðgerða var þörf. Verk-
inu á að vera lokið fyrir 31.
júlí næstkomandi.
Kostnaðaráætlun verkkaupa
var 14,2 milljónir kr. Tilboð
lægstbjóðanda var það eina
sem var undir þeirri áætlun.