Morgunblaðið - 28.03.1996, Blaðsíða 68
OPIN KERFII IF.
Sími: 567 1000
,HpVectrapc
AS/400
Mikið úrval
^ viðskiptahugbúnaðar
MORGUNBLABID, KRINGLAN 1, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.1S / AKUREYRJ: HAFNARSTRÆTl 85
FIMMTUDAGUR 28. MARZ 1996
VERÐ I LAUSASÖLU 125 KR. MEÐ VSK
Ágreiningur um eignarhald á flökunarvél í litháískum togara
Flökunarvél sótt
með aðstoð lögreglu
STARFSMENN IceMac hf. fengu í
gærkvöldi aðstoð frá lögreglunni í
Reykjavík, Hafnarfirði og Kópavogi
til að sækja fiskvinnsluvél í togar-
ann Anyksciat frá Litháen, sem
liggur við festar í Hafnarfjarðar-
höfn.
Nærri 30 lögreglumenn tóku þátt
í aðgerðinni. Ekki kom tii átaka.
Skipveijar á togaranum höfðu neit-
að að afhenda vélina og komið í veg
fyrir að starfsmenn IceMac kæmust
um borð.
Deilan stóð um flökunarvél sem
IceMac seldi fyrirtækinu Sogi hf. í
Þorlákshöfn, sem mun hafa haft
skipið á leigu, og var salan gerð
með eignarréttarfyrirvara. Verð-
mæti vélarinnar með tilheyrandi
varahlutum er um fjórar milljónir
króna. Sog hf. stóð ekki í skilum
með greiðslur og þess vegna óskuðu
forráðamenn IceMac eftir því að fá
vélina afhenta.
Skipstjórinn á litháíska togaran-
um neitaði hins vegar að afhenda
flökunarvélina og fengu stjórnendur
IceMac þá dómsúrskurð frá sýslu-
manninum á Selfossi um að þeir
mættu taka vélina.
Fengu ekki að fara um borð
Þegar starfsmenn IceMac ætluðu
að taka flökunarvélina siðdegis í
gær neitaði skipstjóri Anyksciat að
hleypa þeim um borð. Einir 18 skip-
veijar tóku sér stöðu við landgang-
inn og meinuðu starfsmönnunum
að stíga um borð. Þeir óskuðu þá
eftir aðstoð sýslumannsins í Hafn-
arfirði, sem mætti á staðinn ásamt
lögréglumönnum.
Skipstjórinn bar fyrir sig að hann
hefði skýr fyrirmæli frá Búnaðar-
bankanum í Litháen um að hann
mætti ekki afhenda vélina. Um kl.
23 í gærkvöldi tók sýslumaður
ákvörðun um að óska eftir aðstoð
frá lögreglunni í Kópavogi og
Reykjavík. 25 lögreglumenn komu
til aðstoðar á sjö lögreglubílum, en
fyrir voru íjórir lögreglumenn úr
Hafnarfirði. Þeir fóru um borð í
togarann og eftir nokkuð málþóf
náðist samkomulagi við skipveija
um að leyfa starfsmönnum IceMac
að flarlægja vélina.
■ íslendingar funda/6
TÆPLEGA 30 lögreglumenn fóru um borð í togarann og leyfðu skipverjarnir þá að flökunarvélin yrði tekin.
Morgunblaðið/Þorkell
Rúmlega
300 á
biðlista
áVogi
RÚMLEGA 300 manns eru á
biðlista. eftir plássi á sjúkra-
stöðinni Vogi og hefur starfs-
fólk á stundum tekið við hátt
á annað hundrað símtölum á
dag, að sögn Þórarins Tyrf-
ingssonar yfirlæknis.
Þórarinn segir jafnframt að
undanfarið hafi ekki verið hægt
að sinna umsóknum frá fólki
sem ekki hafi farið í meðferð
áður og séu 30-40 slíkar í bið.
„Við höfum venjulega getað
annað þessu fólki á innan við
viku,“ segir hann.
Hlutfall þeirra sem eru að
koma í fyrsta sinn er 30-40%
að jafnaði, um 40% hafa kom-
ið á Vog áður, kannski 1-4
sinnum, og 20-25% eru endur-
komufólk, sem svo er nefnt,
eða fólk sem oft hefur sætt
meðferð, segir Þórarinn. Um
30% þeirra sem sækja um inn-
lögn eru konur og 70% karl-
menn.
Ekki kynnst slíkum
fjölda áður
„Venjan er sú að það komi
dálítil skorpa eftir áramótin en
að þessu sinni hefur okkur ekki
tekist að taka kúfinn af. Ég
hef aldrei kynnst svona fjölda
áður og okkur hefur jafnvel
tekist að hafa nokkurn veginn
undan á tímabilum vegna þess
hve starfsemin er umfangsmik-
il,“ segir hann.
Þórarinn segir skýringuna
þá að fleiri leiti sér meðferðar
í fyrsta sinn og að þeir séu
jafnframt yngri, eða 20-25 ára.
„Ástæðan er fyrst og fremst
aukin amfetamínneysla sem
keyrir fólk hratt út en síðan
er það aukin umfjöllun um
fíkniefnavandann." Meðalaldur
skjólstæðinga á síðasta ári var
36 ár.
Þá segir Þórarinn að gripið
hafi verið til þess ráðs að taka
við fleira fólki á göngudeild á
kvöldin og einnig hafi fleirum
verið bætt við á Staðarfelli. Þar
dvelja að jafnaði 30 manns en
eru hátt í 40 nú.
Laun í verslun hér og
í Danmörku
4-33% hærri
ráðstöfun-
artekjur
RÁÐSTÖFUNARTEKJUR manns
sem starfar við verslun og þjónustu
í Danmörku eru 4-33% hærri en
verslunarmanns hér á landi ef miðað
er við heildarlaun og munurinn er
ennþá meiri, eða 18-44%, ef ein-
-göngu er miðað við dagvinnulaun.
Þetta kemur fram í samanburði
sem Edda Rós Karlsdóttir hagfræð-
ingur hefur gert á launum hér og í
Danmörku fyrir VR. Ennfremur
kemur fram að launakostnaður
vegna unninnar vinnustundar er frá
70% til rúmlega 100% hærri í Dan-
mörku en á íslandi.
Ráðstöfunartekjur/10
Samstarf íslands o g Bandaríkjanna um sparnað hjá varnarliðinu
Varavellir fyrir Orion-vélar
á Akureyri og Egilsstöðum
ORION P-3 kafbátaleitarflugvélar
varnarliðsins á Keflavíkurflugvelli
hafa fengið heimild til að nota flug-
vellina á Akureyri og Egilsstöðum
sem varaflugvelli, í stað þess að
þurfa að lenda í Skotlandi ef Kefla-
víkurflugvöllur lokast. Þetta er liður
í samstarfi Bandaríkjanna og Is-
lands um að lækka rekstrarkostnað
varnarliðsins.
Orion-vélarnar hafa enn ekki
þurft að nota varaflugvellina í neyð-
artilvikum, en hafa æft aðflug og
lendingu á báðum stöðum. Þetta
fyrirkomulag á bæði að draga úr
Rætt um aukið samstarf í heilsugæzlu
og sameiginlegar almenningssamgöngur
eldsneytiskostnaði og auka öryggi
í kafbátaleitarflugi varnarliðsins.
Á meðal hugmynda, sem ræddar
hafa verið í kostnaðarlækkunar-
nefnd íslands og Bandaríkjanna,
sem skipuð er hátt settum embættis-
mönnum, er að íslendingar taki við
rekstri sjúkrahúss varnarliðsins á
Keflavíkurflugvelli eða að varnar-
liðsmenn sæki heilsugæzlu í auknum
mæli til sjúkrahúsa í Reykjavík.
Jafnframt er nú rætt um að koma
á fót sameiginlegu kerfi almenn-
ingssamgangna fyrir varnarstöðina
og Suðurnesjabæ og hugsanlega
fleiri sveitarfélög á Suðurnesjum.
Talið er að lokun einnar flug-
brautar á Keflavíkurflugvelli hafi
þegar sparað um 260 milljónir
króna og muni lækka rekstrar-
kostnað flugvallarins um 30-40
milljónir á ári.
Útboð á kaupum vöru og þjón-
ustu fyrir varnarliðið stuðla einnig
að sparnaði, þannig er talið að með
útboði á fólksflutningum hafi 3,3
milljónir króna sparazt.
í nýju samkomulagi íslands og
Bandaríkjanna um framkvæmd
varnarsamnings ríkjanna er gert
ráð fyrir að kostnaðarlækkunar-
nefndin starfi áfram og leiða verði
leitað til að spara enn frekar í
rekstri varnarliðsins en tekizt hefur
fram til þessa.
■ Stefnt að sparnaði/34