Morgunblaðið - 29.03.1996, Blaðsíða 2

2 FÖSTUDAGUR 29. MARZ 1996
FRETTIR
MORGUNBLAÐIÐ
Nutra Sweet Kelco kaupir Þör-
ungaverksmiðjuna á Reykhólum
Þegar hafist handa
við endurbætur
ALÞJÓÐAFYRIRTÆKIÐ Nutra Sweet Kelco (NKC) hefur ákveðið
að kaupa 67% hlut ríkisins í Þörungaverksmiðjunni á Reykhólum
og er kaupverðið 29 milljónir króna. Samningar þessa efnis verða
undirritaðir á Reykhólum í dag í tengslum við aðalfund Þörunga-
verksmiðjunnar.
Að sögn þeirra Richards K.
Searle og Jerry G. Lewis, sem
séð hafa um kaupin fyrir Kelco,
hyggst fyrirtækið þegar ráðast
í endurnýjun á búnaði verk-
smiðjunnar með það að mark-
miði að auka afköst hennar og
hagkvæmni.
Þeir segja það ljóst að tals-
verðum fjármunum verði varið
í þessar endurbætur og sé stefnt
að því að þeim verði lokið á
þessu ári. Engin áform séu hins
vegar uppi um neinar uppsagnir
meðal starfsfólks og stjórnendur
verði þeir sömu og nú.
Síðasti liðurinn í
fjárhagslegri
endurskipulagningu
Síðastliðið ár hefur staðið yfir
fjárhagsleg endurskipulagning
rekstrar Þörungaverksmiðjunn-
ar og fengust meðal annars
felldar niður 26 milljónir króna
af skuldum fyrirtækisins. Tap
af reglulegri starfsemi þess árið
1995 nam 1,1 milljón króna og
heildarveltan var 95 milljónir
króna. Þeir Searle og Lewis telja
kaupverðið þó ekki of hátt því
þeir hafa trú á því að rekstur
verksmiðjunnar geti skilað
hagnaði að loknum þeim endur-
bótum sem gerðar verða á
henni.
Skarphéðinn Steinarsson,
deildarstjóri í fjármálaráðuneyt-
inu, segir að sala á hlut ríkisins
sé síðasti liðurinn í fjárhagslegri
endurskipulagningu fyrirtækis-
ins. Verðið sem fengist hafi fyr-
ir fyrirtækið geti talist nokkuð
gott miðað við það sem lagt
hafi verið í hana auk þess sem
styrkari stoðum hafi verið skot-
ið undir rekstur hennar með
þessum hætti.
Aðrir hluthafar í Þörunga-
verksmiðjunni eru Byggðastofn-
un, með 32% hlutafjár og um
70 smærri hluthafar, með sam-
tals 1% hlutafjár.
Stúlka slasast alvarlega
UNG stúlka slasaðist alvarlega
þegar hún varð fyrir bíl á
Kringlumýrarbraut á móts við
Bústaðaveg um miðjan dag í
gær. Stúlkan var að leiða reið-
hjól yfir götuna þegar hún varð
fyrir bifreið. Ekki fengust upp-
lýsingar frá lögreglu um nánari
málsatvik, en að sögn hennar
dró bifreiðin á eftir sér óskráða
vélsleðakerru.
Að sögn læknis á slysadeild
Sjúkrahúss Reykjavíkur er
stúlkan með alvarlega höfuð-
áverka, auk þess sem hún er
beinbrotin. Gerð var á henni
aðgerð síðdegis í gær að lokinni
rannsókn.
Ólafur Ragnar Grímsson
í kjöri til forsetaembættís
ÓLAFUR Ragnar Grímsson alþing-
ismaður tilkynnti í gær þá ákvörð-
un sína að bjóða sig fram til emb-
ættis forseta íslands í kosningun-
um sem fram fara í júní næstkom-
andi. „í kjölfar mikilla umræðna
og umhugsunar sem fram hefur
farið hér á heimilinu þá hef ég
ákveðið að lýsa því yfir nú að ég
gef kost á mér til þess að gegna
embætti forseta íslands," sagði
Ólafur Ragnar á blaðamannafundi
sem hann boðaði til á heimili sínu
í gær.
Ólafur sagði að í samræmi við
þá ákvörðun sína að bjóða sig fram
til embættis forseta Islands hefði
hann ákveðið að taka ekki sæti á
Alþingi þegar það tekur til starfa
á ný að loknu páskaleyfi.
Laða saman ólík öfl
„Ég velti mjög fyrir mér á
undanförnum vikum og síðustu
dögum er hvort ég gæti átt gæfu
til þess eftir mín fyrri störf að laða
saman ólík öfl í okkar þjóðfélagi.
Það er kannski fyrst og fremst sá
mikli stuðningur sem ég hef fundið
frá fólki í öllum flokkum og víða
að sem hefur sannfært mig um að
ég gæti það. Ég hefði ekki gefið
kost á mér til þess starfs ef ég
hefði ekki haft djúpa sannfæringu
fyrir því að með stuðningi þjóðar-
innar allrar gætum við sinnt þeim
einingarskyldum sem nauðsynlegt
er að forseti íslands gegni," sagði
Ólafur.
Aðspurður um hverju hann vildi
fá áorkað ef hann yrði kjörinn for-
seti íslands sagði Ólafur Ragnar
að það væri ekki einstaklingurinn
einn, sem gégnir embætti forseta,
sem veldi áherslurnar, heldur birt-
ist þjóðin öll í sameiningu ásamt
forsetaembættinu bæði sjálfri sér
og umheiminum með þau málefni
sem íslendingar teldu við hæfi að
flytja.
„Ég hugsa að ásamt því að sinna
störfum hér heima í samræmi við
þær venjur og hefðir sem skapast
hafa þá muni ég reyna að tryggja
það að sess íslendinga í síbreytileg-
um heimi verði í senn áhrifaríkur
og efnisríkur," sagði hann.
Ólafur Ragnar Grímsson er
fæddur á ísafirði 1943, sonur hjón-
anna Gríms Kristgeirssonar hár-
skera og Svanhildar Hjartar. Hann
er með doktorspróf í stjórnmála-
fræði og var prófessor við Háskóla
íslands í 18 ár. Hann var alþingis-
maður frá 1978 til 1983 og aftur
frá 1991. Hann var fjármálaráð-
herra 1988-1991 og formaður Al-
þýðubandalagsins 1987 til 1995.
Ólafur hefur tekið þátt í marg-
víslegu alþjóðlegu samstarfi og
hefur hann hlotið og tekið við al-
þjóðlegum verðlaunum og viður-
kenningum fyrir störf sín á þeim
vettvangi.
Morgunblaðið/Svemr
OLAFUR Ragnar Grímsson ásamt Guðrúnu Katrínu Þorbergsdóttur eiginkonu sinni og dætrunum
Guðrúnu Tinnu og Svanhildi Döllu þegar hann tilkynnti um framboð sitt til embættis forseta íslands.

Hæstiréttur
Sýkna í máli
vegna uppsagnar
þungaðrar konu
HÆSTIRÉTTUR sneri í gær við
dómi Héraðsdóms Norðurlands og
sýknaði Dagsprent á Akureyri af
kröfum blaðakonu, sem sagt hafði
verið upp starfi meðan hún var
þunguð. Af hálfu blaðsins var því
haldið fram að uppsögnin ætti
rætur að rekja til erfiðrar fjár-
hagsstöðu blaðsins en ekki til
þungunar konunnar. Hæstiréttur
telur að gild rök hafi verið færð
fyrir að svo hafi verið.
í héraðsdómi hafði Dagsprent
verið dæmt til að greiða konunni,
sem rak skrifstofu Dags á Sauðár-
króki, 391 þúsund krónur. Héraðs-
dómari taldi að ekki yrði séð að
fyrirhuguð taka konunnar á fæð-
ingarorlofi hafi skipt sköpum varð-
andi rekstrarafkomu blaðsins
þannig að það hafi ekki verið sú
gilda ástæða í skilningi laga sem
réttlætt geti uppsögn hennar, og
annars blaðamanns, eftir að vinnu-
veitanda hennar varð þungun
hennar Ijós.
í dómi Hæstaréttar er niður-
staðan hins vegar sú að fjárhag
Dagsprents hafi verið svo komið
síðari hluta árs 1993, þegar kon-
unni var sagt upp, að brýn nauð-
syn hafi verið að hagræða til hins
ýtrasta í rekstrinum. Ekki sé
ástæða til að draga í efa að nær-
tæk og eðlileg ráðstöfun í því efni
hafi verið að leggja niður útibúið
á Sauðárkróki.
„Þykir áfrýjandi með þessu hafa
sýnt fram á svo veigamikið tilefni
fyrir uppsögn stefndu að á það
beri að fallast að fullnægt hafi
verið áskilnaði 1. mgr. 7. gr. laga
nr'. 57/1987 um fæðingarorlof.
Skiptir ekki máli þótt þessi ráð-
stöfun hafi engan veginn skipt
sköpum um rekstrarafkomu
[Dagsprents] í heild,“ segir í dómi
Hæstaréttar.
Ennfremur segir að þar sem
viðhlítandi rök skorti fyrir því að
þessar gildu ástæður hafi ekki
valdið uppsögninni heldur þungun
konunnar, verði ekki talið að brot-
ið hafi verið gegn ákvæðum laga
um jafna stöðu og jafnan rétt I
kvenna og karla. Dagsprent var
því sýknað.
Morgunblaðið/Jón Svavarsson
Blass svarað innan fimm daga
SAMSKIPTALEYSI í ráðuneyti
samgöngumála er meginorsök
þess að Israelsmaðurinn Emanuel
Blass sem lenti í hrakningum á
Vatnajökli í ágúst, hefurekki feng-
ið svar ráðuneytis við erindi sínu,
að sögn Ármanns Kr. Ólafssonar
aðstoðarmanns ráðherra. Rúmir
fimm mánuðir eru síðan Blass
sendi erindi sitt til ráðuneytisins.
Ármann segir að niðurstaða
ráðuneytisins hafi legið fyrir í byij-
un janúar, en þá hafi Rannveig
Hjaltadóttir deildarstjóri sem fór
með málið farið í barnsburðarleyfi.
„Við leyfið virðist málið ekki
hafa verið sent þeim sem fer með
málið nú. Ráðherra var búinn að
gefa fyrirskipun um að erindinu
yrði svarað, þannig að í raun er
um eitthvert samskiptaleysi að
ræða. Að minnsta kosti stendur
ekki á svari að öðru leyti,“ segir
Ármann.
Málið er nú í höndum Jósefs
Þorgeirssonar deildarsérfræðings
og er þess að vænta að svar ráðu-
neytis verði sent Blass innan fimm
daga. Jósef hefur unnið að frekari
gagnasöfnun vegna málsins frá
því í byijun febrúar, að sögn Ár-
manns.
Niðurstaða ráðuneytjsins er
trúnaðarmál, að sögn Ármanns,
þangað til Blass er búinn að fá
svarið í hendur.