Morgunblaðið - 29.03.1996, Blaðsíða 12

12 FÖSTUDAGUR 29. MARZ 1996
AKUREYRI
MORGUNBLAÐIÐ
Mikil vinna í frystihúsum á Dalvík og Hrísey sem vinna fisk fyrir Bretlandsmarkað
Eftirspum hefur stóraukist
„ÞAÐ er alveg vitlaust að gera, við pökkum
eins og við mögulega getum og reynum hvað
við getum að anna aukinni eftirspurn," sagði
Hjalti Hjaltason, verkstjóri á frystihús KEA á
Dalvík, en þar er fiski pakkað í neytendaumbúð-
ir fyrir Tesco í Bretlandi. Hjá frystihúsi KEA
í Hrísey er það sama upp á teningnum, en þar
er fiski pakkað fyrir Marks og Spenser í Bret-
landi. Eftir að ótti við riðu í nautgripum kom
upp þar í> landi hefur eftirspurn eftir fiski stór-
aukist.
Magnús Helgason, frystihússtjóri í Hrísey,
sagði að unnið yrði alla helgi við pökkun á fiski
í neytendaumbúðir sem síðan yrði sendur til
Bretlands. „Við höfum fengið mun fleiri fyrir-
spurnir en vant er, það er greinilegt að eftir-
spurnin er meiri eftir að þessi ótti kom upp
vegna kúariðunnar, fiskneyslan hefur aukist,“
sagði Magnús.
Ekkert afsláttarverð í gangi
Hann sagði að nú væri allur fískur seldur á
fullu verði, en fyrr í vetur hefðu ýmsir afslættir
verið í gangi. „Nú þurfum við ekki að bjóða upp
á afsláttarverð og það er auðvitað mjög gott,“
sagði Magnús. Hann bjóst við að eftir páskahá-
tíðina kæmi í ljós hvert framhaldið yrði. „Maður
veit aldrei hvort þetta er fár sem gengur fljótt
yfir eða hvort þetta hefur varanleg áhrif.“
Pökkunarvélin í frystihúsinu bilaði í gær og
var starfsfólk því að pakka í alla fyrrinótt til
að hægt væri að anna eftirspurn. Gert hefur
verið við vélina, en mikil vinna er samt framund-
an í pökkun, unnið verður bæði laugardag og
sunnudag frá kl. 4 um morguninn og fram eft-
ir degi.
Frystihús ÚA
á Grenivík
Öllu
starfsfólki
sagt upp
störfum
ÖLLU starfsfólki frystihúss Útgerð-
arfélags Akureyringa á Grenivík,
alls um 40 manns, var sagt upp
störfum í gær með eins mánaðar
fyrirvara.
Ástæða uppsagnanna er fyrirsjá-
anlegur hráefnisskörtur. Frosti ÞH
er um það bil að verða búinn með
sinn kvóta og fer væntanlega á út-
hafskarfaveiðar og verður allur afli
frystur um borð. Líklegt er talið að
skortur á hráefni til vinnslunnar
verði viðvarandi fram á haust eða
þar til nýtt kvótaár gengur í garð,
1. september næstkomandi.
Stærsti hluti íbúa Grenivíkur sem
starfar í landi hefur unnið í frystihús-
inu og er uppsögnin því mikið áfall.
„Auðvitað bregður öllum við það að
fá uppsagnarbréf, en við verðum að
bíða og sjá hvernig málin þróast,“
sagði Asgeir Ingvi Jónsson verkstjóri
í frystihúsinu. Unnið verður í frysti-
húsinu út aprílmánuð, en uppsagnir
taka gildi 1. maí næstkomandi.
Fegurðar-
drottning
Norður-
lands valin
í kvöld
ELLEFU stúlkur taka þátt í Feg-
urðarsamkeppni Norðurlands
sem fram fer í Sjallanum á Akur-
eyri í kvöld, föstudagskvöld.
Þær eru Guðrún Björg Unn-
steinsdóttir, 20 ára, Auður Geirs-
dóttir, 20 ára, Hólmfríður
Guðnadóttir, 19 ára, Telma Sig-
tryggsdóttir, 21 árs, Sunna
Svansdóttir 21 árs, Þórdís Ólafs-
dóttir 21 árs, Unnur Friðriks-
dóttir 18 ára, Rannveig Vil-
hjálmsdóttir 17 ára, Halldóra
Helgadóttir 17 ára, Anna María
Sigurgísladóttir, 20 ára og Hlín
Guðnadóttir 18 ára.
Auk þess sem valin verður feg-
urðardrottning Norðurlands
verður ein stúlknanna útnefnd
besta ljósmyndafyrirsætan og þá
velja stúlkurnar sjálfar eina úr
sínum hópi vinsælustu stúlkuna.
Það verður mikið um dýrðir í
Sjallanum í kvöld, en auk þess
sem stúlkurnar koma fram í kjól-
um og sundbolum verða ýmis
skemmtiatriði í boði.
Formaður Hestamannafélagsins Léttis á Akureyri óhress með stöðu mála
Ekki enn skipað
í framkvæmda-
nefnd Landsmóts
FORSVARSMENN Hestamannafé-
lagsins Léttis á Akureyri eru orðnir
langeygir eftir því að stjórn Lands-
sambands hestamannafélaga skipi
framkvæmdanefnd fyrir Landsmót-
ið á Melgerðismelum árið 1998.
Sigfús Helgason, formaður Léttis,
segir orðið mjög brýnt að nefndin
hefji störf sem fyrst, m.a. vegna
markaðssetningar á mótinu erlendis
og hann vonast til að biðin fari að
taka enda. Guðmundur Jónsson, for-
maður Landssambands hesta-
mannafélaga, segir málið í hálf-
gerðri biðstöðu og verði svo fram í
miðjan apríl.
Guðmundur segir að hestamanna-
félögin á Norðurlandi vestra eigi enn
eftir að taka ákvörðun um hvort þau
taki sæti í framkvæmdanefndinni og
í raun sé nægur tími til stefnu. Hann
vonast eftir víðtækri samvinnu við
framkvæmdina en það sé hlutverk
hvers félags fyrir sig að taka ákvörð-
: un þar um.
Eiga einhver mál óuppgerð
tr
Sigfús segir að ekki hafi enn ver-
) ið hægt að kalla saman fram-
f kvæmdanefnd eins og nauðsynlegt
V hafi verið að gera fyrir nokkrum
mánuðum. „Hestamannafélögin
' vestan Tröllaskaga virðast eiga ein-
hver mál óuppgerð við LH. Þetta
i er deila þeirra í milli og við erum
ekkert inni í þeirri umræðu. Það
hefur verið viðtekin venja, með und-
antekningum þó, að öll hestamanna-
félögin á Norðurlandi hafi tekið
þátt í framkvæmd landsmótsins
þegar það hefur farið fram í fjórð-
ungnum."
Sigfús segir að nú sé um ár síðan
tekin var ákvörðun um að halda
Landsmótið ’98 á Melgerðismelum
og undirbúningsvinnan hefði þurft
að vera komin í gang fyrir löngu.
„Þessi töf er hreinlega farin að
skemma fyrir okkur, bæði varðandi
markaðssetningu erlendis og eins í
sambandi við það sem rætt var um
í upphafi, að skjóta fleiri Ijárhagsleg-
um stoðum undir mótið. Við horfum
til aðila í ferðamálageiranum í því
sambandi en höfum ekkert getað
unnið við þetta mál enn sem komið
er,“ segir Sigfús.
Leigugjaldið það
lægsta til þessa
Forsvarsmenn hestamannafélaga
í Skagafirði, Húnavatnssýslum og á
Siglufirði komu saman til fundar
fyrir skömmu, m.a. til að ræða
ákvörðun stjórnar LH, sem hefur
samið við væntanlega mótshaldara
um leigugjald á svæðinu. Stjórn LH
samdi við Melgerðismela hf. um 24%
leigugjald en forsvarsmenn Vind-
heimamela í Skagafirði höfðu boðið
10% leigugjald þegar verið var að
velja landsmótsstaðina.
Sigfús segir rétt að benda á í því
sambandi að leigugjaldið á Melgerð-
ismelum sé það lægsta sem verið
hefur á landsmótum svo lengi sem
þau hafa verið haldin og gjaldið á
Vindheimamelum hafi verið 28% á
síðasta landsmóti þar. „Nú bjóða
þeir Vindheimamela á 10% leigu-
gjaldi miðað við svæðið eins og það
er. Hins vegar er alveg ljóst að Vind-
heimamelar eru á engan hátt í stakk
búnir til að taka við landsmóti og
þar þarf að gera geysilegar miklar
endurbætur. Þannig að þegar farm
líða stundir er spurningin hvort til-
boðið er nú hagstæðara. Við lögðum
fram í þessum samningaviðræðum
mjög ítarlega áætlun um það hvað
við ætlum að hafa á svæðinu. Við
erum þarna að fara ótroðnar slóðir
og erum fyrstir hestamannafélaga
til að leggja fram samning sem seg-
ir nákvæmlega til um það hvernig
mótssvæðið eigi að vera þegar fram-
kvæmdanefndin tekur við því,“ seg-
ir Sigfús.
Samningur um leigugjald
ólöglegur
Páll Dagbjartsson, formaður
hestamannafélagsins Léttfeta í
Skagafirði segir það ekki í verka-
hring stjórnar LH að semja um leigu-
gjald við mótsaðila, heldur sé það
samkvæmt reglum hlutverk fram-
kvæmdanefndarinnar. Sú nefnd eigi
að sjá um allar ijárskuldbindingar
og taki fjárhagslega ábyrgð á mót-
inu. Því sé samningurinn um leigu-
gjaldið ólöglegur að þeirra mati.
„Hlutverk stjórnar LH er að skipa
framkvæmdanefndina og ég veit ekki
til þess að við höfum verið að tefja
þá vinnu> Venjan hefur verið sú að
stjórn LH hefur í upphafi haft sam-
band við öll félögin á svæðinu, áður
en farið er að ráðskast með hlutina
fram og aftur. Það hefur ekki verið
gert nú.
Páll segist ekki geta svarað því
hvort hestamannafélögin á Norður-
landi vestra taki þátt í starfi fram-
kvæmdanefndar. Það fari eftir því
hvort félögin verði rekstraraðili að
mótinu eða ekki og þeirri spurningu
hafi ekki verið svarað. Þá sé það
almennra félagsfunda að taka
ákvörðun um slíkt.
Allt sem mælir á móti
Melgerðismelum
„Stjórn LH tók þá ákvörðun að
halda mótið á Melgerðismelum og
því verður ekki breytt héðan af,
hversu heimskuleg sem sú ákvörðun
var. Það er allt sem mælir á móti
því að halda mótið á Melgerðismelum
og það er ekki séð fyrir endann á
því hvaða afleiðingar það hefur í
framtíðinni. Aðstaðan á Vindheima-
melum er öll fyrir hendi og því væri
hægt að halda þar landsmót strax á
morgun,“ segir Páll.
Mannlíf í
Deiglunni
ÞRIÐJA ljósmyndasýning
Áhugaljósmyndaraklúbbs
Akureyrar, ÁLKA, verður
opnuð í Deiglunni í Grófargili
á morgun, laugardag kl. 13.
Alls taka 19 klúbbfélagar
þátt í sýningunni, en mynd-
irnar eru 40, bæði svart/hvít-
ar og litmyndir, en yfirskrift
sýningarinnar er Mannlíf. Þar
getur að líta ólíkar myndir
af ýmsu tagi, en þær eiga
það eitt sameiginlegt að sýna
fólk í leik og starfi, í hvers-
dagsamstri og á tyllidögum.
Sýningin verður opin dag-
lega frá kl. 13 til 18 og stend-
ur hún til föstudagsins 5.
apríl næstkomandi. Aðgang-
ur er ókeypis.
Eygló sýnir
í Galleríi+
GALLERÍI+ í Brekkugötu 14
hefur sýningu á verkum Ey-
glóar Harðardóttur á morg-
un, laugardaginn 30. mars
kl. 14.
Sýningin stendur í þijár
vikur og lýkur henni sunnu-
daginn 14. apríl. Gallerí+ er
opið frá kl. 14 til 18 um helg-
ar, en er lokað á virkum dög-
um. Opið verður laugardag-
inn fyrir páska og síðan ann-
að í páskum, en lokað er á
pálmasunnudag.
Eygló er Reykvíkingur,
hún stundaði nám við Mynd-
lista- og handíðaskóla íslands
og framhaldsnám í Hollandi.
Hún hefur haldið einkasýn-
ingar og tekið þátt í samsýn-
ingum.
Verkin eru unnin beint á
veggi gallerísins og notar
Eygló m.a. ljósmyndir og lím-
bönd og teflir saman hvers-
dagslegum fyrirbærum þar
sem eitt leiðir af öðru.
Margrét sýn-
ir í Galleríi
Allrahanda
MARGRÉT Birgisdóttir opn-
ar sýningu á grafíkverkum í
Gallerí Allrahanda í Grófarg-
ili á morgun, laugardaginn
30. mars kl. 15.
Margrét er fædd í Reykja-
vík 1954 og lauk stúdents-
prófi frá Menntaskólanum í
Hamrahlíð 1976. Hún stund-
aði nám við Myndlistaskólann
í Reykjavík og Myndlista- og
handíðaskóla íslands. Hún
hefur tekið þátt i Ijölda sam-
sýninga og haldið þrjár einka-
sýningar í Reykjavík og í
Þýskalandi;
Engin boðskort verða send
út en allir velkomnir að vera
við opnun sýningarinnar.
Laufás-
prestakall
FERMIN G ARFRÆ ÐSLA í
Grenivíkurskóla á sunnudag,
31. mars, kl. 11. Guðsþjón-
usta í Grenivíkurkirkju á
sunnudag kl. 14. Kyrrðar- og
bænastund í Svalbarðskirkju
á sunnudagskvöld kl. 21.
Samvera fermingarbarna og
foreldra þeirra í Laufáskirkju
mánudagskvöldið 1. apríl kl.
21.