Morgunblaðið - 29.03.1996, Blaðsíða 58
MORGUNBLAÐIÐ
58 FÖSTUDAGUR 29. MARZ 1996
fAskorun j
Hljómlistarmenn skora á forráðamenn og dagskrár-
gerðarmenn Ríkisútvarps og Sjónvarps að virða kjara-
samninga þá, sem eru í gildi á milli RUV og Félags
íslenskra hljómlistarmanna frá 1990.
Ekki verður lengur liðið að stofnun, sem auglýsir að
greidd áskriftargjöld stuðli að innlendri dagskrárgerð,
komi sér hjá að virða þá kjarasamninga sem í gildi eru.
Hljómlistarmenn mótmæla þeim aðferðum, sem
viðhafðar eru hjá RUV, að óskað er eftir því við hljóm-
listarmenn að þeir m.a. undrrskrifi yfirlýsingu þess
efnis, að þeir afsali sér launum sínum. Hljómlistar-
menn mótmæla þeirri misbeitingu valds sem einstaka
dagskrárgerðarmenn RUV taka sér með því að klippa
út efni eða neita efni á þeim forsendum einum, að
hljómlistarmaður ætlar sér laun samkvæmt þeim
kjarasamningum sem stéttarfélag hans hefur gert við
stofnunina. Það verður ekki lengur Iiðið og er með
öllu óþolandi að þeir einu, sem ekki fá laun vegna
vinnu sinnar við dagskrárgerð hjá RUV, séu þeir sem
standa fýrir framan hljóðnemann og spila á hljóðfæri
eða syngja.
Tæknimaðurinn fær laun, förðunardaman fær laun,
ræstitæknirinn fær laun, dagskrárgerðarfólkið fær laun,
útvarpsstjóri fær laun. Af hverju ekki hljómlistar-
maðurinn?
RUV auglýsir að greitt áskriftargjald stuðli að inn-
lendri dagskrárgerð. Islenskir hljómlistarmenn eiga þar
stóran hlut að máli og þeir hafa ekki lengur efni á að
niðurgreiða dagskrárgerð Ijósvakamiðla með störfum
sínum.
Ennfremur greiða þeir áskriftina hjá RUV eins og
aðrir landsmenn. Því er þessari spurningu beint til
útvarpsstjóra og útvarpsráðs og annarra sem þar starfa:
„Er ekki eðlilegt að hljómlistarmenn fái greitt fyrir
vinnu sína eins og þið?“
Hljómlistarmenn!
Tökum einungis að okkur störf hjá RÚV,
ef það er fulltryggt að greitt verði eftir
kjarasamningum okkar.
Annað er rangt!
Stjórn Félags íslenskra hljómlistarmanna.
I DAG
VELVAKANDI
Svarað í síma 569 1100 frá 10-12 og 14-16 frá mánudegi til föstudags
Netfang: lauga@mbl.is
Tónleikar í
Borgarleikhúsi
„ÉG vil skila þakklæti mínu
fyrir ánægjulega kvöld-
stund í Borgarleikhúsinu
þar sem fram komu þrir
bamakórar sl. þriðjudag.
120 böm komu fram og þau
sýndu að þau hafa náð
langt í list sinni. Margar
vinnustundir liggja að baki
tónleikum sem þessum og
eiga þau þakkir skildar.
En ég er óhress með það
að ekki létu sjónvarpsmenn
sjá sig til að fjalla um þessa
góðu tónleika barnanna.
Finnst mér að fjölmiðlar
ættu að sýna góðu framtaki
sem þessu meiri áhuga,
sérstaklega þegar oft em
fréttir af vandræðagangi
unglinga, þá má fréttast
af því góða líka.“
Hildegard Valdason.
Hver ber ábyrgð?
HVER er ábyrgð þeirra
sem eiga að sjá um eftirlit
með framleiðslu matvara á
vinnustöðum? Hjá Sam-
sölubakaríinu, þar sem
salmonella kom upp og
kostaði skattgreiðendur
stórfé, virðist enginn nema
fyrirtækið sjálft bera
ábyrgð. Þar var þrifnaði
ábótavant og mega menn
kannski búast við að sömu
sögu sé að segja á fleiri
stöðum? Eiga ekki nefndir
eins og Heilbrigðiseftirlit
Reykjavíkur að bera ein-
hveija ábyrgð? Hvernig
getur svona lagað skeð
þegar Heilbrigðiseftirlitið,
sem þiggur laun fyrir störf
sín, er starfandi?
Gyða Jóhannsdóttir.
Athugasemd
VÍKVERJI skrifaði laug-
ardaginn 23. mars sl. um
kynningarblað sem Kjara-
kaup hf. gefur út. Þar fínn-
ur Víkveiji réttilega ýmis-
legt aðfinnsluvert við staf-
setningu hjá Kjarakaup-
um. En Víkveiji virðist
gleyma sér vegna áhuga á
aðfinnslum á stafsetning-
unni hjá Kjarakaupum því
sjálfur slettir hann síðast í
grein sinni og notar þetta
margþvælda orð „kollega“
sem er nærri búið að út-
rýma hinu ágæta íslenska
orði starfsbróðir eða
starfsfélagi.
Á.E.V.
Tapað/fundið
Kona beðin að hafa
samband
KONAN sem hringdi í mig
og sagðist hafa fundið
seðlaveskið mitt með öku-
skírteini og fleiri persónu-
skilríkjum í herbergi dóttur
sinnar er beðin að hafa
samband, eins og hún lof-
aði, og skila veskinu. Sím-
inn er 567-3663.
Lilja Dögg Jónsdóttir.
BLÁTT Voltage Jazz-reið-
hjól fannst nálægt Bú-
staðakirkju. Upplýsingar í
síma 588-0093.
Gæludýr
Papagena er týnd!
HÚN býr í Flúðaseli, en tók
sér far sem laumufarþegi
í skotti bíls hjá nágranna
sem svo varð að skipta um
dekk í nágrenni Rauða-
vatns. Þar stökk hún burtu
og ratar ekki heim. Þetta
var á laugardaginn var.
Hún var ekki merkt.
Papagena er grá með gul-
um lit í bland, en með hvíta
bringu og lappir. Hún er
gæf og leitar líklega í hús.
Fólk í nágrenni Rauða-
vatns eða í Seláshverfi,
sem hugsanlega hefur orð-
ið hennar vart, er vinsam-
lega beðið um að láta okk-
ur vita í síma 567-0330.
Bróðir minn er týndur!
KOLSVARTUR köttur
með græna hálsól hvarf frá
heimili sínu, Hraunteigi 14,
sunnudaginn 25. mars sl.
Kötturinn heitir Núlli og
er nýfluttur í hverfið og
ratar kannski ekki heim til
sín eða hefur lokast inni
einhvers staðar. Systir
hans Dúlla og eigendur
hans sakna hans sárt. Vin-
samlegast látið okkur vita
af ferðum hans ef þú hefur
séð köttinn. Fundarlaun
fást fyrir þann sem finnur
Núlla. Meðfylgjandi mynd
er af systkinunum Núlla
og Dúllu og ekki þarf að
taka fram að Núlli er sá
svarti á myndinni. Síminn
heima hjá Núlla er
588-3881.
SKÁK
Umsjón Margeir
Pétursson
STAÐAN kom upp í skák-
keppni framhaldsskóla,
sem haldin var í febrúar.
Guðmundur Daðason
(1.945), Menntaskólanum
á Akureyri, var með hvítt
og átti leik, en Arnar E.
Gunnarsson (2.130),
Menntaskólanum við
Hamrahlíð, hafði svart.
Síðustu leikir voru 26.
He6-h6!! og 26. - Bd6-f4.
Bæði drottning og hrókur
hvíts standa í uppnámi en
hann hafði séð þetta fyrir:
27. Hxh7+! - Kxh7 28.
Be4+ - Kh6 29. De6+ -
Hf6 30. Dh3+ - Kg5 31.
Dh4 mát. Menntaskólinn í
Reykjavík sigraði á mót-
inu með 141/? vinning,
MA varð í öðru sæti með
13'A v. og MH í því þriðja
með 12'A v.
Skemmtikvöld skák-
áhugamanna fer fram í
kvöld, eftir nokkurt hlé,
í húsakynnum Skáksam-
bands Islands, Faxafeni
12. Björn Þorsteinsson,
fyrrum Islandsmeistari,
sýnir skák, auk þess
verður vikið að málefnum
FIDE og loks tefld hrað-
skák í riðlum.
Hvítur leikur
og vinnur
Ást er ...
að koma henni á óvart.
TM Rog. U.S. P*t. OH — all righta raaerved
(c) 1996 Lo* Angeles T.mes Syndcate
Yíkverji skrifar...
VÍKVERJI furðar sig á hve fólk
getur verið ginnkeypt fyrir
ýmsum auglýsingabrögðum. Sjálfur
verður hann í besta falli ergilegur
þegar sölufólk tilkynnir honum að
nú séu sérstök tilboð í gangi og kaup-
andinn fái ýmsa óþarfa fylgihluti
„ókeypis" með vörunni.
Tvö nýleg dæmi getur Víkverji
nefnt af þessu. Vinkona hans keypti
sér ilmvatn í snyrtivöruverslun fýrir
skömmu og afgreiðslukonan tilkynnti
stolt að ilmvatni af þessari tegund
fylgdi lítill spegill. Vinkonan afþakk-
aði pent og sagðist ekkert hafa með
slíkan spegil að gera, enda vildi hún
ekki borga hærra verð fyrir ilmvatn-
ið. Afgreiðslukonan varð hvumsa við,
en fullvissaði vinkonuna um að verð-
ið á ilmvatninu hefði ekkert hækkað,
spegillinn væri algjörlega ókeypis
bónus. Vinkonan leit svo á, að ef
framleiðandinn tæki upp á því að
láta aukahluti fylgja vöru sinni, hlyti
það að kosta hann eitthvað og sá
kostnaður myndi skila sér í hærra
vöruverði, en þar sem það var af-
greiðslukonunni greinilega mikið
hjartans mál að dreifa speglunum
hvarf hún á braut með einn slíkan í
töskunni.
EGAR vinkona Víkveija var
að rekja þessa sögu fyrir hon-
um gat hann bætt um betur. Fjöl-
skylda Víkveija drekkur nefnilega
ákveðna tegund af ávaxtasafa og
hefur gert lengi. Undanfarið hefur
ekki verið hægt að kaupa þessa
tegund í verslun Víkveija nema fá
um leið stóra glerkönnu, sem tekur
a.m.k. 1V2 lítra af vökva. Það fylg-
ir að sjálfsögðu sögunni í verslun-
inni að safinn hafi ekkert hækkað
og kannan sé því ókeypis. Víkveiji,
sem núna á fimm glerkönnur og
sér fram á að þurfa að farga þeim
eftir viðurkenndum leiðum, getur
ekki stillt sig um að velta því fyrir
sér hvort ekki væri hægt að hafa
safann ódýrari, en sleppa óumbeðn-
um fylgihlutum með honum.
xxx
KUNNINGI Víkveija hefúr oft
undrast ofríki íþróttaefnis í
svokölluðum ljósvakamiðlum og
stutt yfirlit yfir dagskrá sjónvarps-
stöðvanna Ijögurra staðfesti vægi
þeirra þar. Lausleg talning sýndi
fram á að íþróttaefni, nýtt eða end-
ursýnt, hertekur að minnsta kosti
ríflega 34 klukkustundir á viku af
útsendingartíma stöðvanna. Er
þessi tími varlega áætlaður, auk
þess sem þarna er ekki reiknað með
löngum innskotum um íþróttir af
ýmsu tagi í fréttatímum stöðvanna.
Þótt kunningi Víkveija geti vel
unnt íþróttaáhugamönnum að glápa
úr augun á þetta efni, finnst honum
nærri sér höggvið þegar íþróttaút-
sendingar raska annarri dagskrá
sjónvarps. Út yfir allan þjófabálk
tók hins vegar seinasta sunnudag,
þegar breskur fótboltaleikur sem
átti að hefjast um klukkan hálfþijú
dróst von úr viti með þeim afleiðing-
um að dagskrá Sjónvarpsins rask-
aðist verulega.
Stundin okkar, sem er mörgum
börnum heilög, enda fátt um inn-
lenda dagskrárgerð fyrir þann ald-
ursflokk, hófst ekki fyrr en eftir
klukkan 19 fyrir vikið. í augum
barns getur klukkustund verið löng
að líða.
Kunningja Víkveija fannst hart
að börnin þyrftu að líða fyrir lang-
dregið boltaspark þetta og bar upp
kvörtun sína við starfsmann Sjón-
varpsins, sem sagði allar símalínur
stofnunarinnar rauðglóandi af
sömu sökum.