Morgunblaðið - 29.03.1996, Síða 10

10 FÖSTUDAGUR 29. MARZ 1996
MORGUNBLAÐIÐ
HLJÓMSVEITIN Unun.
Ununfærtilboð
um milljóna
útgáfusamning
HLJÓMSVEITIN Unun hefur
fengið tilboð frá ýmsum breskum
hljómplötuútgáfum um útgáfu
undarfarnar vikur. í vikunni fór
hljómsveitin til Bretlands á veg-
um einnar útgáfunnar, Polydor,
sem vill gera við hljómsveitina
samning um útgáfu á fimm breið-
skifum á næstu árum. Hljóm-
sveitarmenn veijast allra frétta
af því hve miklir fjármunir eru
í boði, en samkvæmt heimildum
Morgunblaðsins hefur hljóm-
sveitinni borist tilboð upp á tug-
milljónir króna.
Unun kom til landsins í gær-
kveldi eftir að hafa farið utan á
vegum Polydor. Hljómsveitin fór
utan á þriðjudag og lék á hálf-
tíma kynningartónleikum fyrir
fyrirtækið á miðvikudag. Samn-
ingaumleitanir hafa staðið all-
lengi en skriður komst á samn-
ingana þegar Unun lék í Lundún-
um í janúar.
Sem stendur eru mestar líkur
á því að Unun semji við Polydor
en önnur fyrirtæki hafa líka lýst
áhuga sínum ogjafnvel gert
hljómsveitinni milljónatilboð. Að
sögn Þórs Eldons eru margir
endar lausir og hljómsveitin hef-
ur ekki gert upp við sig hvaða
útgáfu hún vill ganga á hönd.
Þess má geta að Unun leikur
á Músíktilraunum Tónabæjar í
kvöld og leggja nokkrir útsend-
arar breskra útgáfufyrirtækja
leið sína hingað til lands til að
sjá hana spiia.
Hoppaði úr
sér stressið
Unun lék í tónleikasalnum
„Powerhaus“ og náði upp tals-
verðri stemmningu á meðal
áhorfenda, að sögn Ólafs Elías-
sonar, fréttaritara Morgunblaðs-
ins í Lundúnum. Flestir sem
fréttamaður tók tali á tónleikun-
um voru mjög jákvæðir og spáðu
hljómsveitinni velgengni á bresk-
um markaði.
„Ég var virkilega undrandi,"
sagði einn „ég vissi ekki á hveiju
ég ætti von en þetta er alveg
pottþétt sveit og söngkonan hef-
ur bæði góða rödd og skemmti-
legan persónuleika." Annar
sagði í samtali við fréttaritara:
„Ég veit að það hlýtur að vera
ósanngjarnt en auðvitað ber
maður þessa sveit saman við
Sykurmolana og Björk en ég er
ekki viss um að sá samanburður
sé þeim í óhag.“
Heiða Eiríksdóttir söngkona
sagðist hafa verið talsvert stress-
uð fyrir tónleikana þar sem hún
vissi fyrir að það yrðu mikilvæg-
ir aðilar í salnum: „Þetta var
ofsalega gaman,“ sagði hún „ég
bjóst við að verða mjög stressuð
á sviðinu en mér tókst að hoppa
það úr mér og við vorum bara
kát yfir þessu.“
FRÉTTIR
Erlendar heimsóknir tíðari í janúar og febrúar
Flugfarþ egiun fjölg-
aði um 7% milli ára
ERLENDIR flugfarþegar sem komu
til landsins í janúar og febrúar eru
7% fleiri en á sama tíma í fyrra að
sögn Steins Lárussonar forstöðu-
manns ferðaþjónustudeildar Flug-
leiða og er vonast til að svipuð aukn-
ing verði í mars.
I ár komu rúmlega 14.000 erlend-
ir farþegar til landsins í janúar og
febrúar að sögn Steins og 12.600 i
apríl og 13.600 í maí í fyrra.
„Bókanir hafa verið hægari á apríl
og maí en koma hraðar inn nú.
Sumarið lítur ágætlega út en það á
eftir að koma í ljós á næstu vikum
hvort þessum bókunum fylgja ein-
staklingar. Salan virðist til dæmis
vera tregari fyrir sumarið í Þýska-
landi en hún var í fyrra. Sagan seg-
ir líka að ef vetrarmánuðir eru kald-
ir í Evrópu, horfir fólk minna til
norðurs."
„Ráðstefnugestir sem sóttu ís-
land heim í fyrra voru 9.579 eftir
því sem næst verður kornist," segir
Jóhanna Tómasdóttir framkvæmda-
stjóri Ráðstefnuskrifstofu íslands.
„Það verður mjög mikið af ráð-
stefnugestum hér í júní. Þá er mik-
ið bókað á hótelum um helgar í
apríl og maí, en það er sennilega
vegna fleiri innlendra gesta. Mér
sýnist hins vegar að fjöldi gesta á
ráðstefnur á þessu ári verði svipaður
og í fyrra og kannski ívið minni,
eða 9.263, en vonandi á þessi tala
eftir að fara hækkandi," segir Jó-
hanna. Árið 1994 sóttu 8.710 gest-
ir ráðstefnur hérlendis að hennar
sögn.
Ákveðin fylgni
Magnús Oddsson ferðamálastjóri
segir ákveðna fylgni milli söiu ís-
landsferða á mörkuðum ferðaþjón-
ustunnar og veðurfars á viðkomandi
slóðum. „Ég bendi á það líka að á
undanförnum árum hefur bókunar-
tímabilið verið að færast nær ferða-
mannatímabilinu sjálfu. Ég geri ráð
fyrir miðað við þær uplýsingar sem
liggja fyrir að sumarið verði hlið-
stætt því sem var í fyrra en það
eigum við ekki að sætta okkur við.“
Hann bendir á að sætaframboð
til landsins hafi aukist og þá sé
meira gistirými í boði og fleira til
afþreyingar. „Við megum ekki við
öðru en eðlilegri aukningu næstu
árin til að standa undir aukinni fjár-
festingu. Árangur hefur náðst í því
að ná hingað gestum utan háanna-
tíma en það breytir ekki því að við
þurfum að fá fleiri gesti yfir sumar-
tímann."
Magnús segir að miða eigi við
6% aukningu árlega, að minnsta
kosti, til að halda í við áætlanir
samkeppnislanda. „
Arnar HTJ-1 kominn
Morgunblaðið/Sverrir
ÓSKAR Þórðarson framkvæmdastjóri og Árni Sigurðsson
skipstjóri við nýja togarann.
Fer í breytingar
fyrir 150 milljónir
og verður tilbúinn á
veiðar í byrjun maí
ARNAR HU-1 kom til landsins í
gærmorgun og liggur við Ægisgarð.
Skagstrendingur hf. festi kaup á
togaranum í lok síðasta árs á 450
milljónir króna. Skipinu verður breytt
á næstunni fyrir um 150 milljónir,
en búist er við að Arnar HU verði
tilbúinn á veiðar í byijun maí. Togar-
inn kemur í stað annars samnefnds
togara Skagstrendings sem var seld-
ur til Grænlands í október síðastliðn-
um.
Arnar HU-1 var keyptur af Nept-
une Pacific co. Ltd. frá Rússlandi
og hefur verið notáður í Kyrrahafi
síðustu árin. Hann var smíðaður fyr-
ir Færeyinga í Noregi árið 1986.
Skipið þúsund tonna frystitogari, 60
metra langur og 13 metrar á breidd.
„Við endurbætum hann verulega,“
segir Óskar Þórðarson, fram-
kvæmdastjóri Skagstrendings hf.
Hann segir að þess vegna hafi togar-
inn fyrst farið til Reykjavíkur. Þar
verði sett í hann nýtt vinnsludekk
af Landssmiðjunni og Skipasmíða-
stöð Þorgeirs og Ellerts á Ákranesi.
Allur flokkunar- og tölvubúnaður
verði frá Marel. Einnig verði settur
færslubúnaður við frystitæki og í
lest af Klaka hf.
Stefnt á karfaveiðar í vor
„Togarinn verður tilbúinn til veiða
í maí og fer þá á úthafskarfa ef það
stendur ennþá opið,“ segir Óskar.
„Við treystum á að veiðar þar verði
fijálsar á þessu ári fyrst samið var
svona seint. Við höfum gert ýmsar
ráðstafanir með það í huga að fara
á þessar veiðar, m.a. fjárfest í veið-
arfærum, og vonum að ekki verði
lokað á okkur.“
Að því loknu segir Óskar að hug-
myndin sé að senda Arnar HU-1 á
veiðar í Smugunni. Það sé þó óvissa
um hvenær það verði, en líklega verði
það í júlí eða ágúst. Arnar HU-1
verður með kvóta togarans sem seld-
ur var til Grænlands, en í fyrra var
það stærsti kvóti einstaks skips í flot-
anum, eða 3.500 þorskígildi.
„Við seldum Arnar í fyrra og þetta
er lokapunkturinn í því ferli,“ segir
Óskar. „Nú erum við búnir að stokka
upp skipastólinn og lækka skuldir
um 500 milljónir."
Kærunefnd jafnréttismála kveður upp úrskurð vegna yfirmanns reiknistofu hjá Pósti og Síma
Ekki lagabrot
KÆRUNEFND jafnréttismála hefur
komist að því að samgönguráðuneyt-
ið hafi ekki brotið gegn ákvæðum
laga um jafna stöðu og jafnan rétt
kvenna og karla með ráðningu karl-
manns í stöðu forstöðumanns reikni-
stofu Pósts- og símamálastofnunar.
Kona, ein þriggja annarra umsækj-
enda um stöðuna, óskaði eftir því
að kærunefndin kannaði og tæki
afstöðu til þess hvort ráðningin bryti
í bága við lögin. Erindið var borið
fram 16. nóvember í fyrra.
í erindi sínu til kærunefndar vísar
konan til þeirrar óskráðu megin-
reglu, sem hún segir gilda innan
stofnunarinnar, um að við val á
umsækjendum í stöður yfirverk-
fræðinga sé horft til starfsaldurs
viðkomandi verkfræðings hjá stofn-
uninni. Hún hafi lengstan starfsald-
ur umsækjenda hjá stofnuninni. Við
þessa ráðningu hafi í fyrsta lagi
veríð tekið við umsókn eftir að um-
sóknarfrestur hafi runnið út og í
öðru lagi verið brugðið út af gild-
andi venjum og ráðinn umsækjandi
sem aldrei hafi starfað innan stofn-
unarinnar.
Hún bendir einnig á að samkvæmt
jafnréttisáætlun Pósts- og síma-
málastofnunar sé það yfirlýst stefna
að auka hlut kvenna í stjórnunar-
stöðum. Konur séu þar fáar eins og
skipurit stofnunarinnar beri með
sér. Varðandi hæfni þeirra beggja
bendir hún á að menntun hennar
og karlsins sé sú sama og hún fái
ekki séð að hann hafi einhveija sér-
staka hæfileika umfram hana til að
gegna þessu starfi.
I auglýsingu um stöðuna sé m.a.
gerð krafa um mikla þekkingu á
vinnslu í stórtölvusamskiptum og
hafi hún sjö ára reynslu á því sviði.
Þar sem miklar og hraðar breytingar
eigi sér stað í tölvuheiminum telji
hún ekki að reynsla umfram það
skipti máli.
Áf hálfu samgönguráðuneytisins
er áhersla lögð á að karlinn hafi
allt frá árinu 1986 unnið sem verk-
efnisstjóri við verkefni á sviði reikn-
ingagerðar og notendaupplýsinga
fyrir Póst- og símamálastofnun.
Hann hafi stýrt undirbúningsvinnu
og stofnun reiknistofunnar og unnið
fyrir hana síðan.
Hann þekki þetta starf því mjög
vel og það hafi verið mat umsagnar-
aðila hjá Póst- og símamálastofnun
að hann væri hæfastur umsækjenda.
Kærandi hafi unnið sitt starf mjög
vel en það sé allt annars eðlis en
starf yfirmanns reiknistofu, enda
tilheyri það fjarskiptasviði en reikni-
stofan heyri undir umsýslusvið.
Bæði vel hæf
í niðurstöðu kærunefndar kemur
fram að bæði verði að teljast vel hæf
til að gegna starfinu. Þá komi til
álita hvort karlinn hafi einhveija
sérstaka hæfileika umfram konuna
sem réttlæti að hann sé ráðinn þrátt
fyrir að verulega halli á konur í
stjórnunarstöðum hjá Pósti- og
símamálastofnun og hún hafi lýst
því markmiði sínu að þeim skuli
fjölga.
Samkvæmt gögnum málsins hafi
starfsferill karlsins um árabil verið
samofinn starfsemi reiknistofunnar.
Frá árinu 1986 hafi hann unnið sem
verkefnisstjóri við verkefni á sviði
reikningagerðar og notendaupplýs-
inga fyrir Póst- og símamálastofnun.
Hann hafi haft umsjón með endur-
skipulagningu á tölvuvinnslu þessa
þáttar og tekið þannig þátt í undir-
búningi stofnunar reiknistofunnar.
Karlinn hafí unnið fyrir reiknistof-
una sem sérfræðingur síðan. Hann
gjörþekki því starfsemi hennar.
Starfsferill konunnar sé hins vegar
á öðru sviði.
Kærunefndin fellst því með vísan
til framangreinds á að karlinn hafi
sérstaka hæfni til að gegna stöðu
yfirmanns reiknistofu Pósts- og
símamálastofnunar. Nefndin tekur
fram að þótt heimilt sé að taka við
umsókn eftir að umsóknarfrestur
rennur út hefði verið heppilegra að
auglýsa stöðuna að nýju.