Morgunblaðið - 29.03.1996, Qupperneq 24

24 FÖSTUDAGUR 29. MARZ 1996
LISTIR
MORGUNBLAÐIÐ
ATRIÐI úr „Maður verður að gera það sem maður verður
að gera“.
Skagaleikflokkurinn
Einsöngvarapróf
í Langholtskirkju
TÓNLISTARSKÓLINN í Reykjavík
heldur tónleika í Langholtskirkju
laugardaginn 30. mars nk. og hefj-
ast þeir kl. 20.30. Tónleikarnir eru
fyrri hluti einsöngvaraprófs Helgu
Rósar Indriðadóttur, mezzósópran,
og Margrétar Sigurlaugar Stefáns-
dóttur, sópran, frá skólanum.
Hljómsveit Tónlistarskólans í
Reykjavík leikur. Stjórnandi er
Kjartan Óskarsson.
Á efnisskrá eru Sinfónía í D-dúr
(forleikur að óperunni Temstocle
1772) eftir J. Ch. Bach, Laudamus
te úr Messu í c-moli KV 427 eftir
Mozart, Ch’ioi mi scorddi di te? KV
505, tónles og rondó fyrir mezzó-
sópran, píanó og hljómsveit eftir
Mozart, Faites-lui mes aveux, aría
úr óperunni Faust eftir Gounod,
Nun eilt herbei, aría úr óperunni
Kátu konurnar frá Windsor eftir
Nicoilai, Habanera, aría úr óperunni
Carmen eftir Bizet, Signore Asc-
olte, tónles og aría úr óperunni
Turandot eftir Puccini, Prendero
guel brunettino, tvísöngur úr óper-
unni Cosi fan tutte KV 588 eftir
Mozart og Sinfónía í D-dúr nr. 104
eftir Haydn.
Aðgangseyrir á tónleikana er kr.
500.
GRAFÍKVERK eftir
Önnu G. Torfadóttur
Krossferill-
inní
Stöðlakoti
„Maður verður að
gera það sem maður
verður að gera“
SKAGALEIKFLOKKURINN frum-
,sýnír leikritið „Maður verður að gera
það sem maður verður að gera“ eft-
ir Benóný Ægisson í kvöld kl. 20.30.
í kynningu segir: „Maður verður
að gera það sem maður verður að
gera“ er skopleikur um karlmennsku
og gerist á bifreiðaverkstæði. Eig-
andi bifreiðaverkstæðisins er nýfall-
inn frá og ekkjan á í erfiðleikum
með lausafjárstöðuna. Sýnt er í húsa-
kynnum bílasölunnar Bíláss við Still-
holt. Sala aðgöngumiða er í Efna-
laugina Lísu og við innganginn fyrir
sýningar. Miðaverð er 900 kr.
Næstu sýningar eru laugardaginn
30. mars, miðvikudaginn 3. apríl og
laugardaginn 6. apríl.
Spegillinn í Barbró
Sýningar standa nú yfir á Spegl-
inum eftir Fríðu Á. Sigurðardóttur í
veitingahúsinu Barbró.
Spegillinn er fyrir alla fjölskyiduna
og fá foreldrar ókeypis aðgang ef
þeir eru í fylgd með bömum.
Næstu sýningar verða laugardag-
inn 30. mars, fimmtudaginn 4. apríl
og mánudaginn 8. apríl.
Sýningar hefjast kl. 16.
MARGRÉT Sigurlaug Stefánsdóttir og Helga Rós Indriðadóttir.
Viltu vera normal?
IJJKLIST
The Noname
Theatrc
I Loftkastalanum
STANDING
ON MY KNEES
Höfundur: John Olive. Leikstjóri:
Tracy Trevett. Sviðsmynd: Michael
Lasswell. Ljósahönnun: EUen
Bone. Ljósamaður: Jóhann Bjami
Pálmason. Búningar: Vem Malone.
Hljóðmaður: Gunnar MöUer.
Leikarar: Bjami Haukur Þórsson,
Debra Whitfield, EUora Patnaik
og Margaret O’SuUivan.
Miðvikudagur 27. mars.
ÞAÐ ER ánægjulegt að fá tæki-
færi til að sjá þetta bandaríska
leikrit hér á landi og ekki síður
þá leikara sem það flytja. Höfund-
urinn hefur skrifað fleiri verk,
m.a. fyrir sjónvarp, og þetta verk
hefur verið sett á svið í Chicago,
New York og Washington D.C. auk
þess sem frændur okkar Danir sáu
það á fjölum Konunglega leikhúss-
ins.
Leikritið er fagmannlega samið
og segir sögu aðalpersónunnar,
Catherine, í stuttum og hnitmiðuð-
um atriðum. Áhrif frá sjónvarps-
forminu eru auðsæ en gefa hér
verkinu ferskan blæ og sú þjálfun
sem höfundur hefur auðsýnilega
hlotið í að halda athygli áhorfenda
fanginni kemur sér vel.
Umfjöllunarefni leikritsins eru
þeir kostir sem Catherine eru sett-
ir; að taka lyfin sín og hafa stjórn
á geðklofanum - verða eins nor-
mal og kostur er - eða að taka
áhættuna og sökkva sér í sjúkdóm-
inn og njóta skáldgáfunnar sem
fylgir honum. Það er hægt að full-
yrða að trúverðugri mynd af geð-
klofasjúklingi hefur ekki verið
sýnd hér á sviði. Höfundinum tekst
að skapa raunsanna mynd af birt-
ingarmyndum sjúkdómsins og
vekja samúð áhorfandans með
aðalpersónunni.
Það er umhugsunarvert hve
mikils raunsæis er krafist í um-
gjörð leikritsins, sem kannski er
hugsað sem mótvægi við hinn
ímyndaða, „sjúka“ hugarheim Cat-
herine. Hún býr í íbúðarkytru sem
er mjög raunveruleg og fer til sál-
fræðings í viðtöl í gerviafslappaða
setustofu, leikararnir' eru sjaldan
í sömu búningunum lengi, þeir
drekka úr hinum ýmsu ílátum, eft-
ir því hvað er hreint og hver ræð-
ur úr hveiju er drukkið (sem hefur
allt ákveðna merkingu), reyktar
eru óteljandi sígarettur og flöskur
teknar upp og drukknar. Ljósin
eru hönnuð blátt áfram en hefði
mátt vera stýrt af meira öryggi.
Leikhljóð byggja á nútímatónlist
sem Catherine hlustar á af seg-
ulbandstæki. Þetta allt hjálpar
áhorfandanum við að gleyma sér
í sögunni sem er verið að segja
og horfa framhjá því í hita augna-
bliksins að hann er að virða fyrir
sér leikara á sviði.
Leikmátinn gabbar líka áhorf-
andann til að kokgleypa öngulinn.
Textaframburður var mjög skýr
hjá öllum leikendum og ættu allir
sem eru sæmilega að sér í enskri
tungu að geta fylgt þræðinum og
notið verksins. Leikurinn er mjög
blátt áfram og raunsannur og ein-
kennist fyrst og fremst af miklu
öryggi, enda auðsjáanlega
þaulæfður. Leikstjórinn hefur unn-
ið af nákvæmni og þrautseigju og
það skilar sér á sviðinu.
Ellora Patnaik hefur sterka
sviðsframkomu og er örugg á
tæknisviðinu. En það eina sem
kom í veg fyrir að hún sýndi stór-
leik var einmitt að hún virtist ein-
staka sinnum of meðvituð um að
hún var að nota ákveðin tækni-
brögð en týndi sér ekki í persón-
unni og leiknum.
Bjarni Haukur Þórsson, íslend-
ingurinn í hópnum, 'hefur með sér
drengjalegt útlit og einlægan
sjarma. Framburður hans á ensk-
unni var mjög góður en honum
viidi verða fótaskortur á tungunni
ef hraðinn fór fram úr hófi. Bjarni
lék beint frá hjartanu hinn feimnis-
lega Robert, sem er í öllu and-
stæða Catherine, en skorti kannski
örlítið á leiktæknina. Umskiptin í
viðmóti við aðalpersónuna voru
mjög vel unnin og gáfu okkur í
hnotskurn mynd af hinni hliðinni
á persónu hans og benti áhorfend-
um á hve gjamir þeir em að trúa
á ást og eilífa hamingju við fyrsta
tækifæri.
Debra Whitfield og Margaret
O’Sullivan voru í minni hlutverk-
um. Debra er aðsópsmikil á sviði,
öryggið uppmálað og átti sum
fyndnustu tilsvörin í leiknum.
Margaret var áskilið að leika á
lægri nótunum, en túlkun hennar
sýndist nokkuð einhliða, en vera
má að leikstjóri hafí sniðið henni
þröngan stakk af ásettu ráði.
Þessi heimsókn hleypir ferskum
anda inn í leikhúslífíð hér eftir
átakasaman vetur. Þessir leikarar
þurfa ekki einhveija stofnun til að
styðja sig við. Þótt listastarfsemi
í Bandaríkjunum njóti að sjálf-
sögðu styrkja er atvinnuöryggi
nær ekkert og það þýðir ekki ann-
að en að duga eða drepast við slík-
ar aðstæður. Þessir fjórir leikarar
og aðrir aðstandendur sýningar-
innar eru allir dugandi og ég hvet
alla sem vilja hlýða á skemmtilegt
og krefjandi verk að veita sér þá
ánægju að fara á sýningu hópsins
í kvöld, sem verður seinasta sýn-
ingin hér á landi.
Sveinn Haraldsson
Sýningu
Kristínar að
ljúka
SÝNINGU Kristínar Blöndal í
Gallerí Greip lýkur á sunnudag. Á
sýningunni sem ber yfirskriftina
„Tilbrigði“ eru olíuverk og gifs-
verk.
Kristín hefur haldið nokkrar
einkasýningar og tekið þátt í
tveimur samsýningum.
ANNA Guðrún Torfadóttir opnar
sýningu á laugardag á fjórtán nýjum
grafíkverkum í Stöðlakoti við Bók-
hlöðustíg.
Fjórtán krossferilsmyndir í einni
samræmdri myndröð eru með elstu
viðfangsefnum evrópskra lista-
manna. Anna sýnir nú útfærslu sína
á þessu sígilda verkefni, unna í dú-
, kristu. Myndirnar eru frá árinu 1996.
í dúkristunum notar Anna ýmis
hefðbundin tákn kristinnar kirkju.
Auk þess beitir hún formum og tákn-
um víkingaaldar og keltneskrar
menningar.
Anna Guðrún Torfadóttir útskrif-
aðist úr grafíkdeild MHÍ 1987. Hún
hefur um árabil búið á Akureyri en
starfar nú í Reykjavík. Anna hefur
haldið nokkrar einkasýningar, hér-
lendis og erlendis og unnið búninga-
og leikmyndaverkefni fyrir skóla,
LA, LR og íslensku óperuna.
í nær öllum rómversk-kaþólskum
kirkjum og kapellum er að staðaldri
á veggjum röð fjórtán mynda sem
einu nafni kallast krossferill. Mynda-
röðin sýnir í raunsæismyndum eða
með táknmáli áfangastaði og atvik
á píslargöngu Krists og er til stuðn-
ings við hugleiðingar um þjáningar
hans. Persónan sem biðst fyrir færir
sig á milli myndanna.
Uppruni krossferilsmyndanna var
snemma á miðöldum hjá pílagrímum
sem heimsóttu landið helga og vett-
vang píslarsögunnar. Elstu heimildir
um krossferilsmyndir eru frá 5. öld.
Á síðari tímum hefur sums staðar
verið sett upp fímmtánda myndin.
Hún er óopinber og vísar til upprisu
og uppstigningar Krists.
Sýningin er opin daglega frá kl.
14-18 á tímabilinu 30. mars til 4.
apríl og eru allir velkomnir.
Morgunblaðið/Árni Sæberg
EINAR Steen-Nekleberg leiðbeinir nemendum
Tónlistarskólans í Reykjavík.
Víðkunnur túlkandi Griegs
NORSKI píanóleikarinn Einar Ste-
en-Nokleberg leikur á tónleikum í
Listasafni íslands í kvöld kl. 20.30.
Á efnisskrá tónleikanna eru stærstu
píanóverk landa hans Edwards Gri-
egs, Holberg-Svítan op. 40, Ballada
op. 24 og Slatter op. 72.
Grieg á fjórtán
geisladiskum
Steen-Nokleberg er einn viður-
kenndasti túlkandi verka Griegs og
hefur nýlokið við að leika öll verk
tónskáldsins, skrifuð fyrir hljóm-
borðshljóðfæri, inn á 14 geisla-
diska. Plötuútgáfan Naxos sér um
útgáfu diskanna, en Japis um dreif-
ingu á íslandi. Diskarnir eru nú
allir fáanlegir í verslunum.
í gær leiðbeindi Steen-Nokleberg
nemendum Tónlistarskólans í
Reykjavík á námskeiði í skólanum.
Námskeiðið fólst í leiðsögn og
gagnrýni.