Morgunblaðið - 13.04.1996, Qupperneq 16

16 LAUGARDAGUR 13. APRÍL 1996
ERLEIMT
MORGUNBLAÐIÐ
UR VERINU
RÆKJUSKIPIÐ Klettur SU í höfninni í Harbour Grace.
Morgunblaðið/HG
Afangi Samskipa næst
miðum á Flæmingj agrunni
SAMSKIP hafa nú hafið áætlunar-
siglingar til Harbour Grace á Ný-
fundnalandi á þriggja vikna fresti.
Skip félagsins lestar þar á morgun
í annað sinn. Viðskiptavinir fá alla
umboðsþjónustu fyrir fiskiskip
sem óskað er eftir: Löndun úr
fiskiskipum, vöruhús, frysti-
geymslur, aðstoð við að fylla út
nauðsynleg eyðublöð og skjöl, svo
eitthvað sé nefnt.
„Harbour Grace er nær miðun-
um á Flæmingjagrunni en aðrar
hafnir á Nýfundnalandi þar sem
sambærileg þjónusta er í boði.
Þannig vilja Samskip stuðla að
hagkvæmum rekstri íslenskra út-
Samskip með
fasta áætlun til
Harbour Grace á
Nýfundanlandi
gerðarfyrirtækja, því hægt er að
stytta siglingartíma um allt að tvo
sólarhringa með því að landa í
Harbour Grace, segir í frétt frá
Samskipum.
Starfsmaður Samskipa á Ný-
fundnalandi er Jóhann Bogason
og verður hann á skrifstofu Harbo-
ur Grace Coldestore, samstarfs-
fyrii-tækis Samskipa. Kanadískir,
norskir og danskir hagsmunaaðil-
ar eiga Harbour Grace Coldestore,
þar á meðal eru útgerðarmenn.
Fyrirtækið annast umboðsvið-
skipti og skipaafgreiðslu. Ástæða
þess að Samskip völdu Harbour
Grace sem áfangastað er að mörg
íslensk útgerðarfyrirtæki senda
skip sín til veiða á Flæmingja-
grunni.
Harbour Grace er lítið bæjarfé-
lag með alla hefðbundna þjónustu
fyrir útgerðir og áhafnir skipa.
Þar eru einnig hótel, verslanir,
heilsugæsla og félagsleg þjón-
usta.
Mjög’ mikils að vænta af
rafeindamerkingum fiska
RAFEINDAMERKIN sem hafnar
voru tilraunir með árið 1995 hafa
nú þegar skilað góðum árangri,
að sögn Vilhjálms Þorsteinssonar,
fiskifræðings hjá Hafrannsókna-
stofnuninni. Hann segir að 22
merki af tæpum hundrað hafi skil-
að sér til þessa.
Þetta kom fram á fundi sem
haldinn var í Reykjanesbæ í fyrra-
kvöld um ástand þorskstofnsins.
Fundinn sóttu um sextíu manns,
þar á meðal forsvarsmenn ýmissa
hagsmunasamtaka í sjávarútvegi,
sjómenn og skipstjórar og áhuga-
menn um sjávarútvegsmál.
Á fundinum ræddi Vilhjálmur
um netarall og merkingar þorsks.
Einnig fjallaði dr. Ólafur Karvel
Pálsson, fiskifræðingur, um togar-
arali og niðurstöður síðustu mæl-
inga.
Upplýsingar frá
þorskinum sjálfum
Vilhjálmur segir að fleira sé
markvert úr þessum merkingum.
Sem dæmi megi nefna að rafeinda-
merkingar séu farnar að skila
góðum árangri og mikils sé að
vænta af framhaldinu. Þær mæli
hita og dýpi og geymi upplýs-
ingarnar í minni. Þegar þær end-
urheimtist séu þær tengdar við
tölvu og þannig fáist allskyns ferl-
ar yfir hita og dýpi.
„Um daginn kom rafeindamerki
Merktur þorskur
af Selvogsbanka
veiðist Færeyja-
megin við miðlínu
sem hafði lagst saman eins og
slegið hefði verið á það með
sleggju,“ segir hann. „Við vorum
hissa vegna þess að það þolir um
700 metra þrýsting."
Hann segir að framleiðandinn
hafi tekið það í sundir og náð úr
því minniseiningunni. Þar hafi
fengist allar mælingar með hita
og dýpi: „Þá kom í ljós að síðustu
mælingarnar voru á um 680 metra
dýpi. Þetta var fiskur sem var upp
við landið síðastliðið vor. Það er
því merkilegt að fylgjast með
breytingum á dýptarsviðinu sem
þessi fískur var á.“
Þorskurinn heldur sig á
íslensku hafsvæði
Vilhjálmur segir að þessar
mælingar sýni vel hvernig fiskur-
inn hagi sér og velji sér dýpi:
„Það koma alltaf nýjar upplýs-
ingar úr þessu á hverju ári. Einn-
ig fleygir tækninni fram og fram-
leiðandinn býst við að geta bætt
við skynjurum fyrir fleiri um-
hverfisþætti. Við fáum því alltaf
meiri og meiri upplýsingar um
hegðun þorsksins frá honum sjálf-
um.“
Síðastliðið sumar komu þrír
þorskar í grálúðunet hinumegin
við miðlínuna milli íslands og
Færeyja sem höfðu verið merktir
á Selvogsbanka. „Við álítum að
það sé einn erfðafræðilegur þorsk-
stofn við landið. Samkvæmt merk-
ingum heldur hann yfirleitt tryggð
við íslenskt hafsvæði," segir Vil-
hjálmur.
„Undantekningin er seiðarek til
Grænlands, en þaðan koma síðan
oft göngur til baka af kynþroska
fiski. Annars er er afskaplega lítið
um að endurheimtur á þorskmerk-
ingum komi fram á öðrum haf-
svæðum.
Hinsvegar hafa komið fram þrjú
merki rétt við miðlínu milli Fær-
eyja og íslands, sem voru úr merk-
ingu á Selvogsbanka. Það er ekki
hægt að segja til um hvort það á
sér stað í miklum mæli að fiskur-
inn fari yfir mið!ínuna.“
Vilhjálmur segir að auk þess
hafi merki af Selvogsbanka náðst
víða annars staðar á landgrunn-
inu, sérstaklega á Selvogsbankan-
um sjálfum og út af Vesturlandi.
„Það er ekkert lengra út fyrir
miðlínuna heldur en norður á
Langanes,“ segir hann. „Fiskar
úr íslenska þorskstofninum geta
þess vegna alveg skellt sér heilan
hring um landið milli hrygninga."
Stjórnarflokkurinn í S-Kóreu
sigrihrósandi þrátt fyrir tap
Líklega sama
stjórn með
stuðningi óháðra
Seoul. Reuter.
HELSTI stjórnarandstöðuflokkur-
inn í Suður-Kóreu sakaði í gær Kim
Young-sam, forseta landsins, um
að hafa notað ögranir Norður-
Kóreumanna á landamærunum
sjálfum sér og stjórnarflokknum til
framdráttar í kosningunum í fyrra-
dag. Stjórnarflokkurinn tapaði að
vísu meirihluta sínum á þingi en
ósigur hans var miklu minni en
spáð hafði verið og sigur stjórnar-
andstöðunnar að sama skapi minni
en skoðanakannanir höfðu bent til.
í meirihluta í Seoul
„Ríkisstjórn Kim Young-sams
virkjaði allt sjónvarp í landinu til
að hamra á og blása upp fréttir frá
landamærunum og það er vissulega
áhyggjuefni ef Norður-Kóreustjórn
hefur nú komist að raun um, að
hún geti með ögrunum haft bein
áhrif á niðurstöðu kosninga hér,“
sagði í yfirlýsingu Þjóðarflokksins,
stærsta stjórnarandstöðuflokksins.
Úrslit kosninganna voru þau, að
Nýi Kóreuflokkurinn, flokkur Kim
Young-sams forseta, fékk 139
menn kjörna af 299 á þingi en hafði
150 þingsæti á síðasta kjörtímabiii.
Þjóðarflokkurinn bætti við sig 24
þingsætum, fékk nú 79 menn í stað
55 áður.
Talsmenn stjórnarflokksins voru
mjög ánægðir með árangurinn þrátt
fyrir nokkurt tap og lögðu áherslu
á, að hann hefði fengið 27 þing-
menn af 47 í höfuðborginni, Seoul,
og væri það í fyrsta sinn, að ráð-
andi flokkur í stjórn hefði meiri-
hluta þar. Líklegt þykir, að stjórnar-
flokkur Kims forseta muni mynda
nýja stjórn með stuðningi óháðra
þingmanna, sem eru 16 og aðeins
tveir svarnir andstæðingar núver-
andi valdhafa.
Reuter
KIM Jong-pil, leiðtogi Sameiningarflokks frjálslyndra demókrata,
annars stærsta stjórnarandstöðuflokk Suður-Kóreu, tekur við
heillaóskum en flokknum vegnaði vel í kosningunum á fimmtu-
dag. Þótt sljórnarflokkurinn hafi misst meirihlutann er samt lík-
legt, að hann verði áfram við völd með stuðningi óháðra.
Dusseldorf-flugvöllur
Ákærtfyrir
manndráp
af gáleysi?
. Dusseldorf. Reuter.
FLUGVÖLLURINN í Dusseldorf í
Þýskalandi verður lokaður a.m.k.
fram á mánudag vegna rannsóknar
á eldsvoða í flugstöðvarbygging-
unni. Þýskir saksóknarar kanna nú
hvort ástæða sé til að leggja fram
ákæru fyrir íkveikju og manndráp
af gáleysi.
Tugir manna sem slösuðust í
brunanum voru enn til meðferðar á
sjúkrahúsi í gær. Voru tveir þeirra
í lifshættu. Flestir hlutu skaða af
því að anda að sér eitruðum kol-
svörtum reyk sem barst á nokkrum
sekúndum um alla flugstöðina
gegnum loftræstikerfi hennar.
Flestir þeirra 16 sem biðu bana
virtust hafa kafnað í reykjar-
mekkinum. Nokkrir þeirra voru í
lyftu sem stöðvaðist milli hæða. Sjö
hinna látnu voru Þjóðverjar, sex
Frakkar, tveir ítalir og einn Breti.
Yngsta fórnarlambið var sjö ára
piltur sem fórst ásamt föður sínum.
Ekki hafði tekist í gær að leiða
í ljós hvað olli brunanum en grunur
beindist þó logskurðarmönnum, sem
taldir voru hafa af gáleysi brætt
tjörueinangrun sem síðan lak niður
á falskt loft sem á lágu rafmagn-
skaplar. Við bráðnun þeirra
mynduðust baneitraðar blásýniguf-
ur, saltsýrugufur, kolsýrlingur og
hugsanlega tvísýringur, sem barst
hratt um loftræstikerfí flugstöðvar-
innar.
Talið er einnig, að neistar frá
tækjum iðnaðarmannanna hafi
kveikt í blómum í blómabúð í þeim
hluta stöðvarhússins þar sem tekið
er á móti farþegum.
í fyrstu fékkst aðeins slökkvilið
vallarins við eldinn og hefur verið
gagnrýnt og spurt hvers vegna 30
mínútur liðu frá því eldur kviknaði
þar til beðið var um aðstoð frá
slökkviliði Dusseldorf-borgar.