Morgunblaðið - 30.04.1996, Page 25

MORGUNBLAÐIÐ
ÞRIÐJUDAGUR 30. APRÍL 1996 25
LISTIR
Múmínmamma yf-
irgefur eyna sína
RITHÖFUNDURINN Tove Jans-
son hefur eftir 30 ár yfirgefið
eyjuna, Klovharun í Finnskaflóa.
Hún bjó á eynni á sumrin, stundum
einnig á veturna. Hún lýsir þessu
í bókinni „Anteckningar frán en
ö“ sem kom út fyrir skömmu hjá
bókaforlagi Schildts. Eyjan er
mikilvægt tákn frelsisins í múmín-
heiminum en þar er hún aldrei
neinn sauðmeinlaus sælureitur.
Hún býr yfir leyndarmálum,
stundum háska, hún svífur í
fjarska handan við hversdagsléik-
ann.
Fáir hafa skrifað jafnraunsætt
og Tove Jansson um kynnin af
eynni og hafinu. „Síðasta sumar-
ið gerðist eitthvað óskiljanlegt,
ég fór að óttast hafið. Mér þóttu
það svik af minni hálfu,“ skrifar
Tove.
Bókinni fylgja grafíkblöð eftir
grafíklistakonuna Tuulikki Pietilá,
hún velur myndefni sitt úr sígildu
landslagi skeijagarðsins.
Féhirsla
vors
herra
HAFNAR ERU æfingar á Fé-
hirslu vors herra sem er drama-
tísk danssýning eftir Nönnu
Ólafsdóttur og Siguijón Jó-
hannsson og verður frumsýnd
4. júní nk. á Listahátíð af ís-
lenska dansflokknum og leikur-
um. Verkið er flutt við tónlist
eftir Jón Leifs og Francis Pou-
lenc ásamt textum úr Guðmund-
ar sögu Arasonar eftir Arngrím
Brandsson, ábóta í Þingeyjar-
klaustri.
„Sýningin fjallar um bisk-
upstíð Guðmundar góða og
ófriðarbál það sem tendraðist
við vígslu hans til biskups á
Hólum í Hjaltadal 1202 og
fylgdi honum meira og minna
til dauðadags 1237. Sem biskupi
er honum vísað til sætis með
höfðingjum þjóðveldisins en
hann á erfitt með að lúta leik-
reglum þeirra vegna lífssýnar
sinnar og trúarskoðana. Hann
stóð ekki einungis vörð um rétt
kirkjunnar og þjóna hennar,
heldur um sérhvern einstakling
sem til hans leitaði" segir í
kynningu.
Féhirsla vors herra er byggð
upp eins og messa sem líkist
dómþingi eða lagastefnu. Lýðn-
um er stefnt fyrir dómstól
Drottins til sektar eða sýknu
um synd. Djöfullinn er ákær-
andinn en biskup verjandinn
sem hefur tekið að sér málefni
lýðsins. Vegna alvöru málsins
verða átökin að hólmgöngu.
Við viljum áhrif launafólks
á eigin mál - ekki skrum-
skælingu á lýðræðinu
í boðuðum breytingum stjórnvalda á vinnulöggjöfinni eru settar fram kröfur um
afgreiðslu mála sem eru ólýðræðislegar og miða að því að takmarka áhrif ein-
stakra launamanna á afgreiðslu eigin mála.
Nái breytingar stjómvalda á vinnulöggjöfinni fram að ganga gæti niðurstaða
atkvæðagreiðslu um miðlunartillögu orðið eins og dæmin hér að neðan sýnat
Fjöldi á kjörskrá: Atkvæði greiða: Þátttaka í atkv.gr.: Já segja: % Nei segja: % Niðurstaðan skv. frumvarpi:
1000 663 66,3% 331 49,9 332 50,1 Samþykkt
5000 1503 30,1% 3 0,2 1500 99,8 Samþykkt
15000 5999 40,0% 1000 16,7 4999 83,3 Samþykkt
Gerð er krafa um að fullur þriðjungur á kjörskrá segi nei enda ætlunin að gera
launafólki nær ókleift að fella miðlunartillögu.
Ætlunin er að skerða samningsrétt stéttarfélaganna og flytja völdin til sátta-
semjara.
Verkalýðshreyfingin vill virkja sem flesta félaga til þátttöku og ábyrgðar á eigin
málum og frábiður sér lögþvingað fámennisvald í íslenskum stéttarfélögum.
B5RB
Burt með
skerðingar-
Bandalag
háskólamanna