Morgunblaðið - 18.05.1996, Qupperneq 48

48 LAUGARDAGUR 18. MAÍ 1996
MORGUNBLAÐIÐ
Ljóska
Smáfólk
Fyót, Magga, mig vantar svarið Ég er ekki með þessar ennþá, Hvers konar nemandi ert þú,
við fimmtu, sjöttu, níundu, tí- herra... Magga?
| undu og tólftu...
r
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
• Netfang: lauga@mbl.is
Framlag íslendinga til Eurovision:
Lagaval að geðþótta
starfsmanna RUV
Frá Félagi íslenskra hljómlistar-
manna:
FÉLAG íslenskra hljómlistarmanna
hefur mótmælt þeim aðferðum sem
notaðar eru við val á Eurovision-lagi
og flytjendum lagsins í keppninni
1996.
í ár eru einungis tveir flytjendur
af sex Islendingar og ber að skoða
það sem vantraustsyfirlýsingu á ís-
lenska tónlistarmenn. Stjóm FÍH
lýsir furðu sinni á að Útvarpsráð
samþykki að erlendir flytjendur séu
fengnir til þess að flytja lagið og
sniðganga þannig fjölda hæfra ís-
lenskra flytjenda.
Núverandi form á vali lags og flytj-
enda er til þess fallið að minnka
áhuga almennings á keppninni. Það
er óþolandi að höfundar og flytjendur
séu valdir eftir geðþóttaákvörðun
starfsmanna Ríkisútvarpssins og al-
menningur þannig sniðgenginn í vali
fulltrúa landsins í keppninni. Með
þessu er ekki verið að kasta rýrð á
þá íslendinga sem taka þátt í flutn-
ingi lagsins í ár heldur þær starfsað-
ferðir sem notaðar eru við val lags
og keppenda almennt.
Forval Eurovision-keppninnar
hérlendis og Eurovision-keppnin
sjálf var framan af eitt vinsælasta
sjónvarpsefni sem framleitt hefur
verið í íslensku sjónvarpi. í forvalinu
voru flutt í fyrsta sinn lög sem lifað
hafa með þjóðinni og haldið vinsæld-
um allt fram á þennan dag. Fjöldi
íslenskra tónlistarmanna hefur haft
atvinnu við keppnina. Keppnin hefur
þannig verið hvatning fyrir íslenska
tónlistarmenn og um leið góð kynn-
ing fyrir land og þjóð erlendis. Síð-
ustu ár bregður þó til verri vegar.
í keppninni 1995 var annar höfund-
ur lagsins Breti, útsetning lagsins
einnig í hans höndum og flestir hljóð-
færaleikarar í hljóðversútgáfu lags-
ins einnig Bretar. Á laugardaginn
18. maí nk. munu tveir þriðju þeirra
sem standa á sviðinu í Osló fyrir
íslands hönd hafa bandrískan ríkis-
borgararétt. Það er ekki einungis
niðurlægjandi fyrir íslenska tónlist-
armenn heldur fyrir íslensku þjóðina
í heild sinni.
Eitt af meginhlutverkum Út-
varpsráðs er að standa vörð um ís-
lenska menningu og telur stjórn
FIH að nú hafi Utvarpsráð brugðist
í eftirlitsskyldu sinni. Lega landsins
og menningarleg sérstaða Islend-
inga leyfir ekki að erlendir höfund-
ar og flytjendur séu fulltrúar lands-
ins í keppni sem þessari. Stjórn FÍH
hvetur Útvarpsráð til þess að setja
skýrari reglur um forval/forkeppni
og flytjendur í Eurovision-keppn-
inni þannig að þátttaka í henni sé
landi og þjóð til sóma um leið og
framleitt er fyrsta flokks sjónvarps-
efni. Að öðrum kosti ber að draga
landið út úr þátttöku í keppninni.
Stjórn FÍH óskar íslensku kepp-
endunum í ár velgengni og ítrekar
að ekki er verið að mótmæla þátt-
töku þeirra á einn eða annan hátt
heldur einungis þeim starfsaðferðum
og reglum sem Ríkisútvarpið vinnur
eftir við skipulagningu keppninnar.
STJÓRN FÉLAGS ÍSLENSKRA
HUÓMLISTARMANNA,
Rauðagerði 27.
Gleðileg alvörustund
í Laugarneskirkju
Frá Ólafi Jóhannssyni:
UNDANFARNA mánuði hafa
nokkrar kvöldguðsþjónustur verið í
Laugarneskirkju. í kvöldmessunum
er messuformið einfaldara en í hefð-
bundinni messu og annars konar
tónlist ríkjandi.
Annað kvöld, sunnudagskvöldið
19. maí kl. 20.30, verður síðasta
kvöldmessan fyrir sumarleyfi í kirkj-
unni og markar hún jafnframt loka-
punkt í vetrarstarfi Kórs Laugarnes-
kirkju. Kórinn annast messusöng og
syngur nokkur lög undir stjóm org-
anistans, Gunnars Gunnarssonar.
Einsöng með kórnum syngja Dúfa
S. Einarsdóttir og Hólmfríður Frið-
jónsdóttir.
Gunnar Gunnarsson, Tómas R. Ein-
arsson kontrabassaleikari og Matthías
M.D. Hemstock trommuleikari hafa
skipað tríó Laugameskirkju í kvöld-
guðsþjónustunum í vetur og munu
þeir annast hljóðfæraleik í þessari síð-
ustu kvöldmessu vetrarstarfsins,
ásamt Sigurði Flosasyni saxafónleik-
ara. Þá kemur við sögu Þorvaldur
Halldórsson söngvari, en fluttur verð-
ur messusöngur eftir hann.
Laugarneskirkja
Ljúf djasstónlist verður leikin í
kirkjunni fyrir messu og hefja þeir
félagar leik sinn kl. 20.
Hér er um að ræða kærkomið tæki-
færi fyrir þá sem vilja sameina helga
alvöru og létta sveiflu, eiga gleðilega
alvörustund í húsi drottins.
SR. ÓLAFUR JÓHANNSSON,
sóknarprestur.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.