Morgunblaðið - 01.06.1996, Blaðsíða 8

8 LAUGARDAGUR 1. JÚNÍ 1996
FRETTIR
MORGUNBLAÐIÐ
ÞÁ GETUR eitt furðulegasta Bessastaðahlaup sögunnar hafist...
Hæstiréttur segir bíla-
styrk skattskyldan
HÆSTIRÉTTUR hefur sýknað ís-
lenska ríkið af kröfum manns, sem
krafðist réttar til að fá ökutækja-
styrk frá vinnuveitanda sínum und-
anþeginn skatti án þess að þurfa
að færa fram skýr gögn um að
akstur hefði verið í þágu vinnuveit-
anda og án þess að leggja fram
staðfestingu af hálfu vinnuveit-
anda síns á þeim skýringum sem
hann hafði gefið skattstjóra.
Maðurinn starfar sem flugvirki
hjá Flugleiðum og hafði fengið
greiddan ökutækjastyrk mánaðar-
lega hjá vinnuveitanda sínum sam-
kvæmt kjarasamningi. Á skatt-
framtölum dró hann frá kostnað á
móti styrknum. Skattstjóri felldi
frádrátt mannsins niður, sem höfð-
aði þá mál.
í dómi Hæstaréttar kemur fram
að samkvæmt matsreglum ríkis-
skattstjóra skuli gera grein fyrir
heildamotkun ökutækis, sundurl-
iða akstur í eigin þágu, akstur til
og frá vinnu og akstur í þágu
vinnuveitanda og einnig skuli
leggja fram greinargerð vinnuveit-
anda um ástæður fyrir greiðslu
ökutækjastyrks og það hvernig
greiðslan hefur verið ákvörðuð.
Þá segir að samkvæmt 30. grein
laga um tekjuskatt og eignarskatt
verði að vera ljóst að akstur hafi
verið í þágu vinnuveitanda til þess
að kostnaður af honum sé frádrátt-
arbær, „enda er um að ræða
undantekningu frá meginreglunni
um að skatt skuli greiða af telqum.
Verður [maðurinn] að færa sönnur
á það og þann kostnað, sem til
álita kemur,“ segir í dóminum.
Þá . segir að ökutækjastyrkur
hans hafi verið ákveðinn í kjara-
samningi og hafi hann verið hinn
sami fyrir hann og aðra flugvirkja
hjá Flugleiðum. Um störf mannsins
liggi hins vegar aðeins fyrir al-
mennar yfirlýsingar frá vinnuveit-
andanum „og geta þær ekki talist
það nákvæmar að unnt sé að viður-
kenna kröfur hans á grundvelli
þeirra,“ segir í dóminum., Þá segir
að skýringar mannsins sjálfs í bréf-
um til skattstjóra feli ekki heldur
í sér fullnægjandi sönnun. Því var
ríkið sýknað af kröfum flugvirkj-
ans og honum gert að greiða skatt
af ökutækjastyrk sínum.
Ef Kolbeinsey hverfur 1 hafið
Verðmæt
fiskimið
í kringum
Kolbeinsey
EF Kolbeinsey hverfur í hafíð tapa
íslendingar 9.400 ferkílómetra lög-
sögu eða nokkuð stærra svæði en
Vestfjörðum. Helgi Hallvarðsson,
skipherra hjá Landhelgisgæslunni,
segir að í kringum Kolbeinsey séu
verðmæt fískimið.
Hann sagði að ekki væri aðeins
um eina tegund að ræða heldur
væri góð síld-, loðnu- og þorskveiði
á svæðinu. Sérstakt hitasvæði væri
talið við eyna og ylli því að um mikil-
væga upp>eldisstöð væri að ræða.
Eins og fram hefur komið mæld-
ist Kolbeinsey aðeins 36 metrar í
þvermál fyrr í mánuðinum. Kolbeins-
ey var 39 metrar í þvermál árið
1985. Þyrlupallur sem var steyptur
upp í dálítilli lægð á eynni árið 1989,
er nú hæsti punktur hennar.
Búist er við að Kolbeinsey, sem
einn grunnlínupunkta fískveiðilög-
sögunnar, hverfi á nokkrum áratug-
um verði ekkert að gert.
Stofnfundur Vinaféiags Landakotsskóta
Bakhjarl skólans
er eldri nemend-
ur og velunnarar
Hjalti Þorkelsson
Stofnfundur Vinafélags
Landakotsskóla verð-
ur haldinn í Landa-
kotskirkju kl. 15 í (lag að
viðstöddum forseta íslands,
frú Vigdísi Finnbogadóttur,
sem verður verndari félags-
ins. Tilgangur Vinafélagsins
er að viðhalda tengslum milli
fyrrverandi nemenda og efla
þau, að tilkynna viðburði í
skólastarfinu, sem kunna að
vera opnir almenningi, og að
sýna hver spor starfsemi
skólans hefur markað í ís-
lensku þjóðlífi á starfstíma
sínum. A næsta vori fagnar
skólinn 100 ára afmæli og
er því elsti starfandi barna-
skólinn í Reykjavík.
- Tengist stofnun Vinafé-
lagsins aldarafmæii skólans?
„Já, hugmyndin kviknaði
upphaflega hjá foreldraráði
skólans í tilefni 100 ára af-
mælisins. Einnig er önnur hugsun
á bak við og hún er sú að sýna
hvað skólinn á góðan bakhjarl í
gömlum nemendum, stuðnings-
mönnum og vinum. Einkum eftir
að byggt var við skólann höfum
við orðið vör við mikinn áhuga
hjá framangreindu fólki til að
fylgjast með starfsemi hans og
styrkja hann á ýmsan hátt. Við
vonumst því til að sjá sem flesta
í Landakotskirkju í dag.“
- Nemendur voru aðeins ell-
efu á fyrsta skólaári. Hversu
margir eru þeir nú?
Þeir eru 145 á aldrinum 5-12
ára og fjölgaði til muna þegar
við fluttum í nýbyggingu skólans
fyrir þremur árum. Við reynum
að hafa ekki fleiri en 20 böm í
bekk og eru þeir yngri fullsetnir
en heldur færri nemendur eru í
eldri áröngum. Þess má einnig
geta að þetta er þriðja árið sem
við erum með fimm ára bekk og
það hefur reynst vel.“
- Stendur til að bæta við
8.-10. bekk?
„Það er framtíðardraumur. Við
höfum nú þegar látið teikna við-
bót við skólann sem hefur verið
samþykkt í bygginga- og skipu-
lagsnefnd með því skilyrði að-
húsfriðunarnefnd gefi leyfi.“
- Hver er sérstaða Landa-
kotsskóla?
„Það er sá kristilegi grunnur
sem hann er byggður á. Hér er
alltaf beðin morgunbæn og við
notum tvær kennslustundir í viku
í kristinfræði. Markmiðið er að
hjálpa börnunum til að þroska
persónuleika sinn þannig að þau
verði reiðubúin að þjóna samfé-
laginu, þ.e.a.s. að þau leggi sig
fram af heilum huga í öllum störf-
um sínum. Við teljum
það vera hlutverk
kristilegs uppeldis að
móta skólasamfélag,
þar sem andi frelsis og
kærleika ríkir. Þessu
tilheyrir líka agi sem
gengist er undir af frjálsum
vilja."
- Er meirihluti nemenda kaþ-
ólskur?
„Nei, ætli þeir séu ekki gegn-
umsneitt um 10%. Skólinn stend-
ur opinn öllum börnum án tillits
til trúar eða félagslegra að-
stæðna.“
- Er kristnifræðikennslan
byggð á kaþólskum kenningum?
„Nei, Nemendur fá almenna
kristilega uppfræðslu og við
kennum til dæmis ekki sakra-
mentin út frá kaþólsku sjónar-
►Séra Hjalti Þorkelsson fædd-
ist 21. desember 1943 í Hólma-
vík. Hann lauk kennaraprófi
frá Kennaraskóla íslands 1967,
var við nám í þýsku í Heidel-
berg á árunum 1968-70. Hann
nam guðfræði við háskóla i
Regensburg og Freiburg og
síðar í Róm. Hann tók djákna-
vígslu í Kristskirkju, Landa-
koti 1982, og prestvígslu 1983.
Hann var aðstoðarprestur í
Kristskirkju 1983-84 og sókn-
arprestur þar til 1988. Þá varð
hann sóknarprestur á Jófríðar-
stöðum í Hafnarfirði. Hann
hefur jafnframt verið kennari
við Landakotsskóla frá árinu
1983. Sr. Hjalti hefur starfað
að undirbúningi fyrir stofnun
Vinafélags Landakotsskóla að
undanförnu.
miði. Við notum aftur á móti
hátíðisdaga eins og jól, páska og
hvítasunnu til að gefa nemendum
meiri skilning á þeim atburðum
sem tengjast þessum ákveðnu
dögurn."
- Kemur reksturinn til með
að breytst meðyfirtöku sveitarfé-
laga á grunnskólum 1. ágúst
næstkomandi?
„Mér skilst að það sé alls ekki
ljóst ennþá. Við höfum fengið
jákvæðar móttökur hjá mennta-
málaráðherra, borgarstjóra og
formanni Skólamálaráðs. Hins
vegar höfum við engin ákveðin
svör fengið. Skólinn fær rekstrar-
styrk frá ríki og borg, en þess
má einnig geta vegna útbreidds
misskilnings, að laun kennara eru
ekki alfarið greidd af
ríkinu heldur einnig af
skólagjöldum, sem þó
eru lægri hér en í flest-
um ef ekki öllum einka-
skólum. Hins vegar
hefur kostnaður við
skólann aukist að undanförnu,
m.a. vegna sundkennslu, sem
Reykjavíkurborg greiddi áður.
Sömuleiðis þurfum við að greiða
afnot af ÍR-húsinu fyrir leikfimi-
kennslu sem við þurftum ekki að
gera áður.“
- Er þá ekki ljóst hvort skól-
inn verður starfræktur næsta
vetur?
„Jú. Vitanlega verður hann
starfræktur áfram, því það væri
mikill álitshekkir fyrir bæði skól-
ann og borgina ef hann yrði lagð-
ur niður á 100 ára afmæli sínu.“
Kristilegt
uppeldi á að
móta skóla-
samfélag