Morgunblaðið - 09.06.1996, Blaðsíða 21

MORGUNBLAÐIÐ
SUNNUDAGUR 9. JÚNÍ1996 21
Sterkt bakland
stuðningsfólks
Morgunblaðið/Golli
BJARNI Þórður Bjarnason annar tveggja kosningastjóra Guð-
rúnar Pétursdóttur.
HJÁ OKKUR er fjöldi fólks
um land allt að vinna að
kjöri Guðrúnar Pétursdótt-
ur og ljóst er að í svona umfangs-
miklu kosningastarfi er ákafiega
mikilvægt að eiga sterkt bakland
af stuðningsmönnum," segir Bjami
Þórður Bjamason annar tveggja
kosningastjóra Guðrúnar Péturs-
dóttur. Hann segir að Guðrún hafi
þegar ferðast hringinn í kringum
landið en muni helga sig sjónvarps-
umræðum, vinnustaðafundum á
höfuðborgarsvæðinu og heimsókn-
um á fáeina staði á landsbyggðinni
á þeim þremur vikum sem em fram
að kosningum.
Ahersla á fundi og heimsóknir
Beitt hefur verið margvíslegum
leiðum í því skyni kynna Guðrúnu
að sögn Bjarna Þórðar. „Við höfum
auglýst í sjónvarpi og gefið út blöð
en megináherslan hjá okkur eru
fundahöld og heimsóknir í fyrir-
tæki, hvort tveggja á stór-Reykja-
víkursvæðinu og úti á landsbyggð-
inni. Guðrún sjálf er besta kynning-
in okkar, hún kemur til dyranna
eins og hún er klædd. Imynd henn-
ar er ekki breytt á neinn hátt,“ seg-
ir Bjarni Þórður.
Tveir kosningastjórar stýra kosn-
ingabaráttu Guðrúnar Pétursdóttur,
Bjarni Þórður stýrir daglegum
rekstri framboðsins en Þómnn Sig-
urðardóttir skipuleggur dagskrá
funda og heimsókna Guðrúnar.
Kosningastjórn hittist á hvetjum
morgni í kosningamiðstöðinni á
sjöttu hæð í Pósthússtræti 9 og tek-
ur ákvarðanir um framvindu kosn-
ingastarfsins.
Þá sjá nokkrir hópar um tiltekin
verkefnasvið, s.s. kynningarmál og
fjáröflun. „Við leitum til sjálfboða-
liða sem hafa skráð sig hjá okkur
vegna einstakra verkefna sem þeir
síðan sjá um alfarið frá a til ö. Síð-
an erum við með tengiliði um land
allt og höfum ennfremur opnað
kosningaskrifstofur á Selfossi og í
Homafirði. Loks er í bígerð að opna
á næstu dögum skrifstofur víðar,
meðal annars í Hafnarfírði og á
Akureyri," segir Bjarni Þórður.
Ráðdeild og sparsemi í
kosningabaráttunni
Kosningastjórinn segir enn alveg
óljóst hve mikill kostnaður muni
hljótast af framboðinu þar
sem ekki liggi fyrir endan-
leg fjárútlát. „Reynt er að
sýna ítrustu ráðdeild og
sparsemi. Baráttan er
fjármögnuð með fijálsum
framlögum einstaklinga og styrkjum
fyrirtækja," segir hann.
Fyrirhugað er að auka lítillega
við kynningu í sjónvarpi og útvarpi.
„Við teljum nauðsynlegt í nútíma
upplýsingaþjóðfélagi að auglýsa í
ljósvakamiðlum. Við höfum einnig
talið mikilvægt að auðvelda fólki
að nálgast upplýsingar um Guðrúnu
og framboðið með þvi að setja upp
heimasíðu. Á þennan hátt teljum
við okkur til dæmis ná til ungs
fólks.“
Vinnum ótrauð áfram
Bjarni Þórður segir að skoðana-
kannanir hafi ekki teljandi áhrif á
kosningastarfið.
„Skoðanakannanir gefa i skyn
hvar landið liggur þá stundina en
niðurstöður þeirra eru ekki endanleg
úrslit. Það er þó sjálfsagt að taka
skoðanakannanir með í reikninginn.
Við vinnum ótrauð áfram enda þótt
fylgið sveiflist upp og niður. Við
gerum einfaldlega okkar besta og
höfum mikla ánægju af þátttöku
okkar í þessari baráttu sem við vinn-
um að íokum,“ segir hann.
Bjami Þórður kveðst vona að
aðstandendur framboð-
anna fimm og stuðnings-
menn frambjóðendanna
muni halda sig við upp-
byggilega og jákvæða
kosningabaráttu.
„Við lögðum þær línur þegar í
upphafi að engin neikvæð umræða
kæmi úr okkar herbúðum. Við telj-
um það ekki sæma embættinu að
frambjóðendur eða stuðningsmenn
framboðsins breiði út neikvæðum
áróðri.
Það er von okkar að stuðnings-
menn einbeiti sér að því að kynna
sinn frambjóðenda og láti vera að
tala illa um mótframbjóðendur,“
sagði Bjarni Þórður að lokum.
Neikvæð um-
ræða ekki
sæmandi

OLAFÍA B. Rafnsdóttir er
skrifstofustjóri á kosninga-
skrifstofu Ólafs Ragnars
Grímssonar, en enginn sérstakur
kosningastjóri er vegna framboðs
hans heldur stendur félag með fimm
manna stjóm á bakvið kosningabar-
áttuna og fjölmargir samráðshópar
leggja línurnar í kosningastarfinu.
Ólafía segir að helsta áherslubreyt-
ingin í kosningastarfinu á næstunni
verði hverfafundir Ólafs Ragnars í
Reykjavík og nágrannabyggðarlög-
unum og þátttaka hans í þeim þátt-
um í sjónvarpi og útvarpi sem fyrir-
hugaðir eru vegna kosninganna.
Unnið á óbreyttum forsendum
„Ólafur Ragnar hefur undanfarið
verið með fundi á landsbyggðinni
en hverfafundirnir hefjast í Reykja-
vík næstkomandi þriðjudag og
verða þeir á kvöldin alla_ þá viku
og næstu viku á eftir. Á daginn
verður hann svo meðal annars á
vinnustaðafundum. Það er alveg
ljóst að aukinn þungi færist í kosn-
ingastarfið á næstunni og álagið á
starfsfólkið á kosningaskrifstofun-
um vex að sama skapi dag frá degi.
í kosningamiðstöðinni á Hverfis-
götu 33 fara m.a. fram samskipti
við kosningaskrifstofur um land
allt auk þess sem tekið er á móti
gestum, en fram að kosningunum
verður ekki unnið á neinum breytt-
um forsendum þar frá því sem ver-
Aherslan á per-
sónuleg tengsl
Morgunblaðið/Ásdís
ÓLAFÍA B. Rafnsdóttir skrifstofustjóri kosningamiðstöðvar
Ólafs Ragnars Grimssonar.
ið hefur hingað til,“ sagði Ólafía.
Ólafía sagðist ekki vilja ræða
kostnað við framboðið en sagði að
eins og kosningabaráttunni hafi
verið hagað hefði kostnaðurinn ver-
ið í samræmi við það sem gert var
ráð fyrir i upphafi. Tiltölulega lítið
hefur verið um auglýsingar í fjöl-
miðlum vegna framboðs Ólafs
Ragnars, en Ólafía sagði að sjón-
varpsauglýsinga væri að vænta á
næstu vikum.
„Kostnaður við auglýsingar er
gífurlega mikill og við höfum lagt
áherslu á að leggja ekki út í neinn
óþarfan kostnað. Ólafur Ragnar
hefur lagt ríka áherslu á persónuleg
tengsl við kjósendur og farið vítt
um landsbyggðina og hitt fólk á
þeim fundum sem þar hafa verið
haldnir. Við höfum þannig hagað
kosningastarfinu hingað til á þann
veg að leggja áherslu á persónuleg
tengsl frekar en sjónvarpsauglýs-
ingar, en auðvitað verðum
við með sjónvarpsauglýs-
ingar þegar nær dregur
kosningunum."
Ólafía sagði kosninga-
baráttuna hafa verið
háða á drengilegum nótum á veg-
um þeirar sem starfa að framboð-
unum, en hins vegar hefðu borist
skeyti úr ýmsum áttum sem gjarn-
an hefðu hitt þá sjálfa sem þau
hefðu sent.
„Ólafur Ragnar hefur lagt ríka
áherslu á að barátta okkar sé
drengileg og málefnaleg og að
stuðningsmenn hans taki ekki þátt
í neikvæðri umræðu um meðfram-
bjóðendur hans. Við heyjum barátt-
una á þessum gnindvelli og leggjum
ríka áherslu á að svo sé gert, og
við erum ákveðin í því að taka ekki
þátt í neinu illmælgi. Það hefur
tekist hingað til og við vonumst til
að okkar stuðningsmenn _ haldi
áfram á sömu braut,“ sagði Ólafía.
Von á meiri umræðu
Ólafía sagðist ekki hafa orðið
vör við neinar breytingar í sam-
bandi við kosningastarfið í kjölfar
síðustu skoðanakannana. Fylgi Ól-
afs Ragnars hefði samkvæmt nið-
urstöðum kannananna verið nokk-
uð stöðugt og í kjölfar þeirra hefði
hún ekki orðið vör við neitt annað
en sömu jákvæðnina frá þeim sem
haft hefðu samband við kosning-
amiðstöðina.
Hún sagði að hún teldi
það mjög gott að kjós-
endur fengju á næstunni
að sjá forsetaframbjóð-
endurna í þeim sjón-
varpsþáttum sem fyrirhugaðir eru
með frambjóðendunum á næstunni
og við það yrði umræðan í sam-
bandi við kosningarnar meiri en
verið hefur. Pólitísk fortíð Ólafs
Ragnars hefur verið nokkuð í um-
ræðunni en Ólafía sagðist ekki vita
hvort umræðan myndi beinast
frekar í þann farveg á næstunni.
„Kjósendum er kunnugur stjórn-
málaferill Ólafs Ragnars og sam-
skipti hans á erlendum og innlend-
um vettvangi, en ég tel hins vegar
mikilvægast að kjósendur líti til
framtíðarinnar og velji þann sem
þeir telja hæfastan til að vera full-
trúi þeirra á nýrri öld,“ sagði hún.
Samráðs-
hópar leggja
línurnar
Baráttan getur
breyst mikið
Morgunblaðið/Kristinn
VALGERÐUR Bjarnadóttir kosningastjóri Péturs Kr. Hafstein.
VALGERÐUR Bjarnadóttir
kosningastjóri Péturs Kr.
Hafstein segist eiga von á
því að kosningabaráttan geti breyst
mikið á þeim þrem vikum sem eru
fram að kosningum. Þá segist hún
finna að meiri þungi sé að færast
i kosningabaráttuna nú þegar fram-
bjóðendurnir eru farnir að sjást
meira í sjónvarpi og fólk væri að
mynda sér skoðun I kjölfar þess að
geta_ borið þá frekar saman.
„Eg held hins vegar að það séu
mjög margir óráðnir ennþá, og að
fylgið sé miklu lausara heldur en
kemur fram í skoðanakönnunum.
Niðurstöður þeirra hafa hins vegar
haft auðfinnanleg áhrif því það
kemur greinilega bylgja með inn
þegar fylgið vex samkvæmt könn-
ununum. Þær virðast því jafnvel
hafa skoðanamyndandi áhrif þann-
ig að það eru einhver snjóbolta-
áhrif í þessu,“ sagði Valgerður.
Fólk aimennt áhugasamt
Hún sagði starf sitt í kosninga-
baráttunni felast í því að halda utan
um alla þræði baráttunnar og sjá
til þess að skipulag starfsins væri
þannig að hver stund væri nýtt sem
best til að koma Pétri og skoðunum
hans á framfæri. Á næstunni yrðu
haldnir hverfafundir í Reykjavík og
haldið yrði áfram með fundi í ná-
grannabæjunum, auk þess sem Pét-
ur færi á vinnustaðafundi og fundi
á landsbyggðinni.
„Á kosningaskrifstofunni í Borg-
artúni 20 fer fram almennt sjálf-
boðaliðastarf þar sem tugir manna
koma og leggja hönd á plóginn.
Við erum einnig með opið í Austur-
stræti þar sem liggja frammi upp-
lýsingabæklingar og annað efni.
Þangað kemur íjöldi fólks á hveij-
um degi og fær sér kaffi og ræðir
við Pétur þegar hann er á staðnum,
en hann reynir að vera þar að
minnsta kosti klukkustund á dag
þegar hann er ekki úti á lands-
byggðinni með fundi. Það hefur
satt að segja komið mér á óvart
hvað fólk er almennt áhugasamt
og fúst til að leggja sitt af mörkum
i baráttunni.“
Valgerður sagði að fram til kosn-
inga yrði baráttan hefð-
bundin að þvi leyti að
Pétur myndi mæta á
fundi og tala við fólk þar
sem því yrði við komið.
Þá væri unga fólkið í
stuðningsmannahópnum með sitt-
hvað í bígerð sem kæmi í ljós síðar
hvað væri.
Auglýsingar þjónusta við
alnienning
Valgerður sagðist telja að fólk
gengi til kosninganna af jákvæðum
hvötum en ekki neikvæðum og það
myndi kjósa þann frambjóðandann
sem það teldi hæfastan til að gegna
forsetaembættinu.
„Pétur lýsti því yfir strax í upp-
hafi að hann vildi að kosningabar-
áttan yrði háð af drengskap og
heilindum og ég held að það verði
gert. Það er svo með alla frambjóð-
endur að þeir hljóta að einhvetju
leyti að verða dæmdir af verkum
sínum og einhvers staðar hlýtur það
að koma fram að fólk rifjar upp
verk þeirra. Það er hins vegar ekki
liður í kosningabaráttu okkar að
gera það, heldur drögum við fram
í dagsljósið það sem Pétur hefur
gert og bendum á það. Ég held að
hugarfarið sé svipað hjá þeim sem
starfa fyrir hina frambjóðendurna.
Það hlýtur að vera eðliíegt að fólk
reyni að draga fram þá kosti sem
það telur sinn frambjóð-
anda hafa fram yfir aðra.
Þegar Pétur bauð sig
fram var ljóst að hann var
ekki landsþekktur maður
og hann hafði ekki verið
á sjónvarpsskjánum inni á hveiju
heimili. Við urðum því að byija á
því að kynna hann og láta fólk
þekkja andlitið á honum. Eina leiðin
til þess að gera það var með auglýs-
ingum sem við lögðum mikla áhei'slu
á í byijun, en við höfum dregið úr
því núna. Þetta hefur borið árangur
því auglýsingar eiu auðvitað nútíma
tæki til að koma málstað sínum á
framfæri. Auglýsingar eru ekki af
hinu vonda heldur eni þær þjónusta
við almenning,“ sagði hún.
Valgerður vildi ekki nefna hver
kostnaðurinn við kosningabarátt-
una er orðinn en sagði að sér sýnd-
ist að heildarkostnaðurinn yrði ekki
óáþekkur því sem önnur framboð
hefðu í huga.
Auglýsingar
ekki af hinu
vonda