Morgunblaðið - 09.06.1996, Blaðsíða 45
MORGUNBLAÐIÐ
SUNNUDAGUR 9. JÚNÍ1996 45
FÓLK í FRÉTTUM
Fer ekki troðnar slóðir
EFTIR að Óskarinn er kominn í höfn
vill Nicolas Cage fara í hasarinn.
Hlutverkið sem aflaði Cage óskars-
verðlaunanna var í „Leaving Las
Vegas“ þar sem hann lék drykkju-
mann haldinn mikilli sjálfseyðingar-
hvöt. En nú á sem sagt að snúa við
blaðinu. Hins vegar ætlar Cage að
nálgast hasarinn á sinn hátt.
I myndinni „The.Rock“ sem frum-
sýnd er 7. júní í Bandaríkjunum, leik-
ur Cage Stanley Goodspeed, FBI-sér-
fræðing í efnavopnum. Mótleikari
hans er Sean Connery og munu þeir
kapparnir reyna að bjarga Alcatraz-
fangelsinu frá óðum hryðjuverka-
mönnum. Cage segist hafa tekið að
sér hlutverkið vegna þess að hann
hafi áhuga á að breyta ímynd hörku-
tóla í ætt við Stallone og Schwartzen-
egger, og færa ímyndina nær hinum
flókna nútíma. Cage ætlar nefnilega
að vera taugaveikluð ofurhetja. „Eg
vissi að ég gæti sett mark mitt á
þessa týpu. Fólk verður þreytt á að
sjá alltaf sömu, stöðnuðu persónurn-
ar og þessi stera-karlmennskuímynd
hefur ekkert að bjóða í dag,“ segir
Cage.
„Það var frá upphafi ætlun mín
að „flækja" hasarinn. Upphaflega
var Goodspeed litlaus persóna, FBI-
maður sem hataðist út í starf sitt á
rannsóknastofunni því hann vildi
komast í hringiðu hlutanna. Fyrir
mér var þessi nálgun persónunnar
glötuð. Ég vildi að persónan ynni
starf sitt af ástríðu, væri gáfuð en
ekki karlmennskan uppmáluð, heldur
frekar til baka. Það síðasta sem hann
myndi vilja væri að drepa nokkurn
mann.“ Og Cage fékk frítt spil að
túlka persónuna á sinn hátt, sem
þýddi að í raun varð að endurskrifa
hlutverkið að miklu leyti, sem Cage
gerði og viðurkennir hann að það
hafi iðulega verið erfitt.
Vilja áhorfendur fá hetju sem kann
ekki að synda eða skjóta af byssu?
Leikarinn hefur litlar áhyggjur af
því og er bjartsýnn. „Góð mynd er
alltaf góð mynd.“ Og víst er að Cage
er þekktur fyrir flest annað en að
feta troðnar slóðir.
blabib
- kjarni málsins!
f
f f
f
Stuttir
kjölar
stuttir
Mörg
önnur
frábær
tilboð
V* /ti
Laugavegi 54, sími 552-5201
15% Staðgreiðslllafsláttur af öðrum vörum 10.-15. júní