Morgunblaðið - 09.06.1996, Blaðsíða 26
26 SUNNUDAGUR 9. JÚNÍ 1996
MORGUNBLAÐIÐ
KVIKMYNDIR/REGNBOGINN hefur tekið til sýninga kvikmyndina From Dusk Till
Dawn Að henni standa Robert Rodriguez, Quentin Tarantino, Harvey Keitel,
George Clooney, Juliette Lewis og fleiri.
BRÆÐUR í
BLÓÐBAÐI
TVEIR illræmdustu glæpa-
menn Bandaríkjanna,
Geeko-bræðurnir Seth (Ge-
orge Clooney) og Richard (Quentin
Tarantino) eru með lögregluna á
hælunum eftir að hafa látið greipar
sópa um suðvesturhluta landsins.
Þeir virðast ekki eiga bjarta fram-
tíð í heimalandinu og ákveða að
reyna að komast suður yfir landa-
mærin.
Fuller-fjölskyldan er á ferðalagi
til að treysta fjölskylduböndin eftir
að bömin hafa misst móður sína
og faðir þeirra, presturinn, hefur
misst trúna. Bræðumir Gecko taka
þau í gíslingu, séra Jacob Fuller
(Harvey Keitel) og táningana hans,
Kate (Juliette Lewis) og Scott (Er-
nest Liu), og ætla í skjóli þeirra
að sneiða hjá gildru lögreglunnar,
fara til Mexíkó og á fund hins
dularfulla Carlos sem útvegar
mönnum á flótta nýtt líf fyrir sann-
gjarna þóknun.
Bræðumir lofa að sleppa gísl-
unum þegar þeir hafa komist á
stefnumótið með Carlos (Cheech
Marin). Það á að fara fram á topp-
lausa bamum Titty Twister, sem
er opinn myrkranna á miili.
Þegar inn á barinn er komið
breytist þessi hasarmynd í hrein-
ræktaða hryllingsmynd. Fastagest-
ir og starfsfólk barsins eru blóð-
þyrstar vampírur sem ógna öllu lífi
þannig að skyndilega er sú staða
komin upp í þessari mynd að hið
góða á sér aðeins von í tveimur
verstu illmennum siðmenningar-
innar, Gecko-bræðmm.
Myrkranna á milli er gerð eftir
handriti Quentins Tarantinos, hins
rómaða höfundar Reservoir Dogs
og Pulp Fietion, sem einnig hefur
skrifað handrit myndanna True
Romance og Natural Born Killers.
Tarantino er jafnframt einn að-
alleikenda myndarinnar sem vinur
hans, Robert Rodriguez leikstýrir.
Þeir félagamir ákváðu að Ieggja
saman og blása nýju lífi í hryllings-
myndimar.
Vináttu þeirra má rekja til kvik-
myndahátíðarinnar í Toronto árið
1992 þar sem þeir hittust þegar
þeir voru að vekja athygli á sínum
fyrstu kvikmyndum, Tarantino
Reservoir Dogs og Rodriguez E1
Mariachi.
Það vill svo til að það var From
Dusk Till Dawn, sem gerði Tarant-
ino kleift að hætta að vinna á vídeó-
leigu og fara að veija öllum sínum
tíma í að skrifa kvikmyndahandrit.
Árið 1990 voru honum borgaðar
90 þúsund krónur fýrir að skrifa
handritið eftir hugmynd sem maður
að nafni Robert Kurtzman hafði
fest á blað. Kurtzman hafði lesið
handrit stráksins, NBK og Tme
Romance, og hrifist af. Hann er
einnig stofnandi kvikmyndabrellu-
fyrirtækis og lofaði Tarantino í
kaupbæti að vinna ókeypis brellur
fyrir Reservoir Dogs.
Það var svo árið 1995, þegar
Tarantino var orðinn heimsfrægur
höfundur Pulp Fiction, að ákveðið
var að gera mynd eftir þessu síð-
asta ókvikmyndaða handriti Tar-
antinos. Aðal höfundarins er, eins
og þeir vita sem til mynda hans
þekkja, að koma áhorfandanum á
óvart þannig að hann viti ekki
hvaðan á sig stendur veðrið vegna
óvæntrar framvindu söguþráðar-
ins. Tarantino og framleiðandinn
hans, Lawrence Bender, gengu til
liðs við Kurtzman og félaga og
ákváðu að Robert Rodriguez væri
tilvalinn til að leikstýra myndinni.
„Mig langaði til þess að kanna
mexíkóskar vampirusagnir. Við
erum svo vön því að horfa á ein-
hveijar vampírur frá Transylvaníu
bíta fólk á háls í bíó en þessar
sagnir er hægt að rekja allt aftur
til astekanna," segir Rodriguez,
sem ásamt Cecilia Montiel, perúsk-
um leikmyndahönnuði, sneri sér að
því að búa til umgjörð fyrstu suður-
amerísku vampírumyndar kvik-
myndasögunnar.
Eins og jafnan varð ekki erfitt
að ráða leikara til að leika í kvik-
mynd eftir handriti Tarantinos.
George Clooney, sem sjónvaps-
áhorfendur þekkja úr hlutverki
bamalæknisins Ross í ER, var ráð-
inn til að leika Seth Gecko, eldri
bróðurinn. Tarantino fékk sjálfur
að leika yngri bróðurinn, hinn
geggjaða, hömlulausa Richie.
Harvey Keitel tók að sér hlut-
verk Jacob Fuller, predikarans sem
týndi trúnni. Keitel er einn fremsti
kvikmyndaleikari síðasta aldar-
fjórðungs og kom eftirminnilega
við sögu í báðum þeim kvikmynd-
um sem Tarantino hefur leikstýrt
til þessa.
Juliette Lewis, sem leikur Kate
Fuller, er heldur ekki ókunnug
Tarantino, því hún iék Mallory í
NBK, myndinni sem Oliver Stone
gerði eftir handriti Tarantinos.
Leikstjórinn Rodriguez tók að
sjálfsögðu þessum þekktu sam-
starfsmönum fagnandi og lagði
sjálfur til hina fögru Salma Hayek,
sem lék ástkonu farandsöngvarans
í EI Mariachi og Desperado og leik-
ur aðaldansmeyjuna á Titty Twist-
er. Rodriguez tók líka með sér eig-
inkonuna, framleiðandann Eliza-
beth Avellan og kunningja sinn,
Cheech Marin, sem lék í Desperado.
Nýjungagjarn
Ættarlaukurinn
HARVEY Keitel virðist ekki
sækjast sérstaklega eftir
peningum og starfsöryggi. *
Hann leggur meira upp úr því
að vinna með skapandi fólki.
Ungir leikstjórar sem eru að
reyna að skapa sér nafn eiga
hauk í homi þar sem Harvey
Keitel er, rétt eins og þeir kvik-
myndagerðarmenn sem leggja
meira upp úr innihaldi mýnda
sinna en frægð og frama í Holly-
wood.
Keitel sló í gegn árið 1973
fyrir leik í mynd Martin Scorse-
ses, Mean Streets. Þar skyggði
hann á mótleikara sinn, Robert
DeNiro. Framan af ferli Scor-
seses var hægt að ganga að
Keitel vísum i myndum hans.
Hann lék í hinni fyrstu, Who’s
That Knocking on my Door, og
siðan m.a. í Alice Doesn’t Live
Here Anymore, Taxi Driver og
The Last Temptation of Christ.
Strax á áttunda áratugnum
varð Keitel eftirlæti leikstjóra
sem voru að reyna að marka sér
bás utan meginstraums banda-
risks kvikmyndaiðnaðar. Hann
lék fyrir Robert Altman í Buff-
alo Bill and the Indians, fyrstu
mynd Ridley Scotts, T-he Duel-
lists, Blue CoIIar eftir Paul
Schrader, Welcome to LA eftir
Alan Rudolph og í Fingers eftir
James Toback en á níunda ára-
tugnum týndist Harvey Keiteí
og var vart sýnilegur um árabil.
Frá því í upphafi þessa ára-
tugar hefur Keitel hins vegar
verið svo áberandi, og afköst
hans svo ótrúleg að efast má
um að hann sé einhamur. Auk
óskarsverðlaunatilnefninga fyr-
ir Bugsy hefur hann m.a. leikið
í myndum á borð við Mortal
Thoughts, Thelma and Louise,
og tekið feilspor í myndum á
borð við Sister Act, Rising Sun
og Point of no Return.
Hann hefur hins vegar verið
óþekktu leikstjórunum trúr sem
aldrei fyrr. Með nærveru sinni
tryggði hann Quentin Tarantino
peninga til þess að gera Res-
ervoir Dogs og hann lék einnig
fyrir hann í Pulp Fiction.
Abel Ferrara notíjði Keitel í
Bad Lieutenant og í Dangerous
Games og hann þáði boð um að
leika í nýsjálensku verðlauna-
myndinni Piano eftir Jane
Campion og í Young Americans.
Fyrir fáum vikum var síðasta
mynd Keitels, Imaginary Crimes
sýnd hér á landi og á næstunni
gefst væntanlega færi á að sjá
þá nýjustu, en þar er á ferðinni
Hollywood-endurgerð norsku
myndarinnar Höfuð upp úr
vatni.
GEORGE Clooney, sem ís-
lenskir sjónvarpsáhorf-
endur þekkja úr sjónvarpsþátt-
unum um Bráðavaktina, þreytir
frumraun sína á hvíta tjaldinu
í Myrkranna á milli.
Clooney er hálffertugur og
fæddur í Kentucky inn í fjöl-
skyldu sem lifði og hrærðist í
skemmtanaiðnaðinum. Föður-
systir hans er söngkonan Rose-
mary Clooney og faðir hans,
Nick Clooney, var fréttaþulur á
sjónvarpsstöð og umsjónarmað-
ur vinsælla sjónvarpsþátta. Ge-
orge kom frá unga aldri, fram
í þáttum pabba ásamt systur
sinni, dansaði þar og söng.
Clooney fór um tvítugt til
Kaliforníu að leita frama í kvik-
myndaheiminum. Hann lék smá-
hlutverk í ýmsum sjónvarpsþátt-
um og minni háttar biómyndum
auk þess að leika á sviði, m.a.
hjá hinum þekkta Steppenwolf-
leikhópi í Chicago.
Þar til hann fékk að klæðast
læknasloppinum hjá Michael
Chricton og hinum aðstandend-
um Bráðavaktarinnar þóttist
hann góður með hlutverk í kvik-
myndinni The Return of the
Killing Tomatoes.
En sem barnalæknirinn Dou-
glas Ross á Bráðavaktinni varð
Clooney fljótt að þjartaknúsara
og kvikmyndatilboðin létu ekki
á sér standa.
Myrkranna á milli var fyrsta
kvikmyndin sem hann lék aðal-
hlutverk í og minnugur þess að
margur sjónvarpsþáttaleikarinn
hefur orðið af aurum api við það
að elta frægð og frama í Holly-
wood hefur Clooney ákveðið að
halda áfram að mæta á Bráða-
vaktina og treysta á sigandi
lukku í kvikmyndabransanum.