Morgunblaðið - 25.06.1996, Blaðsíða 9

MORGUNBLAÐIÐ
ÞRIÐJUDAGUR 25. JÚNÍ 1996 9
FRÉTTIR
Morgunblaðið/Sverrir
EYÞÓR Björgvinsson með stóra laxinn úr Kálfhaganum.
Víða
líflegar
göngur
LAXVEIÐi virðist vera að glæðast
víða og það var líflegt þegar opnað
var í Straumfjarðará og Gljúfurá.
Veiði var hins vegar rólegri í Mið-
fjarðará, en þar er þó engan veg-
inn fisklaust.
Það besta í mörg ár
„Við erum búnir að veiða í tvo
daga og það eru komnir 13 laxar
á land á þtjár stangir. Menn muna
ekki betri byijun nér. Allir utan
tveir laxanna eru stórir, 10 til 13
punda og fiskur hefur verið að
veiðast um alla á. Það eru sjö hylj-
ir sem hafa gefið þessa veiði. í
venjulegu árferði í júní erum við
að fá fiska í einum eða tveimur
hyljum, en nú er lax dreifður um
allt,“ sagði Ástþór Jóhannsson sem
var ásamt fleirum að opna Straum-
fjarðará, en veiði hófst þar síðdeg-
is á laugardag. Flestir laxanna
hafa veiðst á flugu og hafa rauðar
og svartar Frances túbuflugur ver-
ið afgerandi.
Góð byrjun í Gljúfurá
Veiði hófst í Gljúfurá í Borgar-
firði eftir hádegið á fimmtudag og
lauk fyrsta hollið veiðum á hádegi
laugardags. Veiðin var 8 laxar sem
þykir gott í ánni. Aftur á móti
dofnaði yfir hlutunum er næstu
menn komu til veiða og að sögn
Jónasar Tómassonar í Sólheima-
tungu veiddi næsti hópur aðeins
einn lax. Hins vegar hafa menn
séð lax víða í ánni og eru orðnar
þrjár vikur síðan menn sáu fyrstu
laxana.
Fékk þann stóra nánast óvart
Eyþór Björgvinsson læknir
veiddi rúmlega 21 punds hrygnu
í Kálfhagahyl í Stóru-Laxá í
Hreppum fyrir nokkrum dögum.
Fékk hann laxinn á svartan 28
gramma Tóbí og stóð viðureignin
yfir í 15 mínútur. Tildrögin að því
að Eyþór festi í fiskinum voru
nokkuð sérkennileg.
Hann segir svo frá: „Ég tók til
nýjan spón, losaði hann af spjald-
inu, hnýtti hann á línuna, en stakk
spjaldinu í vasann. Síðan óð ég út
í og kastaði. Er ég var byijaður
að draga sá ég allt í einu, að spjald-
ið hafði hrpkkið upp úr úlpuvasan-
um og flaut í átt frá mér. Mér
fannst það óhæfa að vera að henda
rusli í ána þótt óviljandi væri,
hætti að draga og beygði mig nið-
ur eftir spjaldinu, náði því og reisti
mig aftur upp og stakk því í vas-
ann á ný. Þegar ég ætlaði að spóla
spónin áfram var allt gikkfast og
ég bölvaði í hljóði að nú væri það
fósturjörðin. Ég rykkti í, en þá var
rykkt á móti. Þetta var þá lax og
svona líka fallegur fiskur."
Lifnar yfir
Laxá í Leirársveit
„Gærdagurinn var sá besti til
þessa, það komu 12 laxar á land
og menn hafa séð mikið af laxi
að ganga síðustu tvo daga. Það
eru nú komnir 58 laxar á land og
allir hér um slóðir bjartsýnir á
framhaldið,“ sagði Ragna Krist-
mundsdóttir í veiðihúsinu við Laxá
í Leirársveit í gærdag. Stærsti lax
sumarsins til þessa var 21 punds
lax, 100 sentimetra langur, veidd-
ur af Vigni Ragnarssyni á maðk
í Laxfossi. Lax sést nú og veiðist
um alla á.
Rólegheit í
Miðfirði
„Þetta er svona hægt og rólegt
hjá okkur, fyrsta hollið lauk veið-
um nú á hádegi og fékk 12 laxa.
Þetta er annað ástand en menn
eru vanir á þessum tíma sumars,
fiskur dreifður um ailar ár. Það
hefur sést lax frammi í Valsfossi
í Austurá og Hyrnufossum í Vest-
urá, en lengra kemst laxinn ekki.
Þetta er óhemjulangt svæði hjá
okkur og getur verið erfitt að finna
lax þegar aðeins júnígöngurnar eru
fyrir hendi,“ sagði Böðvar Sig-
valdason á Barði um fyrstu veiði-
daganna í Miðfjarðará. Laxinn sem
veiddist var allur 10 til 14 pund.
Dauft í Laxá
á Ásum
Lítil veiði hefur verið í Laxá á
Ásum það sem af er, a.m.k. miðað
við hvaða væntingar menn gera
til árinnar. Á laugardag voru
komnir 45 laxar á land og sagði
Ómar Blöndal Siggeirsson sem þá
var að hætta veiðum, að lítið væri
af laxi, en þó hefðu þeir séð nokkra
smálaxa vera að ganga er þeir
hættu veiðum. L_ax er nú alveg
fram í Langhyl. Ómar og félagar
fengu 3 laxa, þar af fékk Ómar
einn sem var rúm 20 pund. Fékk
hann laxinn á maðk í efsta Dulsa.
Mæðgin slasast
í bílveltu
MÆÐGIN slösuðust í bílveltu á
Holtavörðuheiði á sunnudagskvöld
og voru flutt á slysadeild með
þyrlu. Líðan þeirra var eftir atvik-
um góð í gær, að sögn læknis í
Sjúkrahúsi Reykjavíkur.
Tildrög slyssins voru þau, að
sögn lögreglu á Hólmavík, að öku-
maður bifreiðarinnar sem valt tók
ekki eftir bíl sem ætlaði að aka
framúr. Bílarnir strukust saman
og við það missti bílstjórinn stjórn
á bifreiðinni, sem valt heilan hring.
Slysið varð um kvölmatarleytið
skammt norðan við sæluhúsið á
Holtavörðuheiði og er mikil lausa-
möl á þeim kafla að sögn lögreglu
og vegurinn nýmalbikaður. Bif-
reiðin, sem er af gerðinni Mazda,
er talin gjörónýt.
Ökumaður hinnar bifreiðarinnar
náði að stöðva úti í kanti og reynd-
ist hún ekki mikið skemmd. í bíln-
um voru maður og kona og var
þeim illa brugðið við atburðinn,
samkvæmt upplýsingum lögregl-
unnar á Hólmavík.
St r etisga 11 a b u x: u n a r
Michéle
komnar aftur
tískuverslun
Rauðarárstíg 1 sími 561 5077
DÚNDURÚTSALA
30—60% afsláttur
Dasmi:
Jogginggallar 3.595 nú 1.995
Leggingsett 2.995 nú 1.495
Stuttbuxur 1.495 nú 750
...og margtfleira
BARNAKOT
Borgarkringlunni
sími 588 7 340
TROÐFULL BllÐ
af feröatöskum og handtöskum
íferðalagið. fs
Komdu með gamalt skópar
3000
króna innborgun
upp í 6 hraða geisladrif.
- Grensásvegur 3 -108 Reykjavík -
- Sími: 5885900 - Fax : 5885905 -
* Skórnir verða gefnir í skósöfnun Steinars Waage og Rauða
krossins sem ber yfirskriftina "láttu skóna ganga aftur! ".
Fáið ykkur geggjaða græju og
styrkið gott málefni* í leiðinni.
Http://www.mmedia.ís/bttolvur
BT
Tölvur