Morgunblaðið - 25.06.1996, Page 20

20 ÞRIÐJUDAGUR 25. JÚNÍ 1996
MORGUNBLAÐIÐ
VIÐSKIPTI
GESTUR Bárðarson, Límtré, Ari Arnalds, VKS, Arnar Sigurðsson, Vírnet, Ólafur Ólafsson, Kjarna-
fæði, Rögnvaldur Guðmundsson, RKS, Þorsteinn Siglaugsson, Uppmark og Björn Bjarnason,
menntamálaráðherra, sem afhenti fulltrúum fyrirtælqanna viðurkenningu fyrir þátttökuna
í verkefninu.
Límtré með bestu markaðsskýrsluna
LÍMTRÉ hlaut viðurkenningu fyrir hafa sex fyrirtæki tekið þátt í þróun- sem þegar er hafinn. Ásamt Útflutn-
bestu markaðsskýrsluna í verkefn- arverkefni fyrir lítil og meðalstór ingsráði íslands standa Iðnlánasjóð-
inu „Útflutningsaukning og hag- fyrirtæki sem hafa áhuga á að hefja ur, íslandsbanki og Stjórnunarfélag
vöxtur“. Undanfaraa tiu mánuði útflutningeðafestaísessiútflutning íslands að verkefninu.
Þróunarsjóður sjávarútvegs hafnar tveimur
tilboðum í hlutabréfaeign
Vill ræða við
tilboðsgjafa
, STJÓRN Þróunarsjóðs sjávarútvegs-
ins hafnaði á fundi í gær tveimur
tilboðum sem borist höfðu í hluta-
bréfaeign sjóðsins, en ákvað að óska
eftir viðræðum við tilboðsgjafa.
Annars vegar barst tilboð í öll hluta-
bréf í eigu sjóðsins frá Útvegsmanna-
félagi samvinnumanna hf., dótturfé-
lagi íslenskra sjávarafurða hfv skv.
upplýsingum Morgunblaðsins. I hinu
tilvikinu var um að ræða tilboð frá
Vopnaíj arðarh reppi í hlutabréf í
Tanga hf. á Vopnafirði, en hregpurinn
áformar að framselja bréfm til Útgerð-
arfélags Akureyringa hf.
Sjóðurinn á nú eftir í eigu sinni
hlutabréf í þremur sjávarútvegsfyrir-
tækjum. Bréf sjóðsins í Tanga eru
að nafnvirði 115 milljónir eða sem
nemur um 33% af heildarhlutafé. Þá
á sjóðurinn bréf í Meitlinum hf. í
Þorlákshöfn að nafnvirði rúmar 119
milljónir sem svarar til um 30% af
heiidarhlutafé. Hlutabréf sjóðsins í
Búlandstindi hf. á Djúpavogi nema
tæpum 70 milljónum að nafnvirði eða
um 23% af hlutafénu. Samkvæmt
lögum um Þróunarsjóð sjávarútvegs-
ins eiga hluthafar og starfsfólk við-
komandi fyrirtækja forkaupsrétt að
hlutabréfum sjóðsins og geta gengið
inn í þau tilboð sem berast.
Að sögn Magnúsar Gunnarssonar,
formanns stjórnar Þróunarsjóðs, var
erfítt að svara tilboði í alla hluta-
bréfaeignina þar sem það var ekki
sundurliðað á hvert fyrirtæki. „Sam-
kvæmt Iögunum þurfum við að gefa
hluthöfum möguleika á því að ganga
inn í tilboð. Þess vegna þurfum við
sundurliðað tilboð í hvert fyrirtæki
fyrir sig. Það varð niðurstaðan að
hvorugt af þessum tilboðum sem lágu
fyrir væru aðgengileg fyrir okkur.
Hins vegar höfum við áhuga á að
selja bréfin og erum þess vegna opn-
ir fyrir viðræðum við þessa aðila.“
Friðrik Guðmundsson, fram-
kvæmdastjóri Tanga hf., kvaðst í
samtali við Morgunblaðið vera mjög
ánægður með að ÚA liti á Tanga hf.
sem góðan fjárfestingarkost.
Hagsmunaaðilar ósáttir við ný lög um álagningu vörugjalds sem taka gildi um mánaðamótin
Óvíst með afstöðu ESA
til breytinganna
NÝ LÖG um vörugjöld taka gildi nú
um mánaðamótin en enn er óljóst
hvort breytingar þær sem lögin fela
í sér muni duga til að kæra ESA,
Eftirlitsstofnunar EFTA, til EFTA-
dómstólsins verði dregin til baka.
Hins vegar virðist ljóst að breyting-
arnar falla hvergi í góðan jarðveg
hér heima fyrir og hafa Samtök iðn-
aðarins, Félag íslenskra stórkaup-
manna og Vinnuveitendasambandið
lýst yfír óánægju með þær.
Að sögn Friðriks Sophussonar,
fjármálaráðherra, hefur fjármála-
ráðuneytið ritað ESA bréf þar sem
tilkynnt er um þær lagabreytingar
sem Alþingi hafi samþykkt og með
þeim lögum sé komið að fullu til
móts við kröfur stofnunarinnar, að
mati ráðuneytisins. Jafnframt sé í
bréfínu spurst fyrir um hvort ESA
felli ekki niður málið þar sem ekki
sé lengur lagalegum ágreiningi til að
dreifa. Segir Friðrik að nú bíði ráðu-
neytið svars ESA og framhaldið verði
að ráðast af því.
Það var Félag íslenskra stórkaup-
manna sem kærði á sínum tíma nú-
verandi fyrirkomulag til ESA á
grundvelli þess að það mismunaði
inniendum og erlendum framleiðend-
um. ESA komst að þeirri niðurstöðu
að sú væri raunin og miðuðust þær
breytingar sem nú hafa verið gerðar
við að fullnægja kröfum stofnunar-
innar.
Stórkaupmenn telja þó að ekki
hafí verið nægilega langt gengið í
að jafna aðstöðumun innlendra og
erlendra framleiðenda og í sumum
tilfellum sé beinlínis verið að hygla
innlendum vörum eins og sjá megi í
því að innlendar vörur lækki mun
meira en innfluttar.
Stefán S. Guðjónsson, fram-
kvæmdastjóri FÍS, segist vera
ánægður með að þingið hafi breytt
gjaldfresti vörugjaldanna til betri
vegar þannig að hann yrði sá sami
á milli erlendra og innlendra framleið-
enda. „Hins vegar óttast menn að
framkvæmdin á þessum gjaldfresti
kunni að verða ny'ög flókin en Ríkis-
skattstjóri á enn eftir að setja nánari
reglur þar að lútandi. Þá er ljóst að
gjaldstofninn er enn ekki hinn sami
hjá innlendum og erlendum framleið-
endum og þar er áfram um mismun-
um að ræða.“
Stefán segir að nú sé beðið eftir
því hvort ESA muni afturkalla kær-
una vegna vörugjaldanna, sem vísað
var til Evrópudómstólsins.
Eitt argasta klúður seinni ára
í skattamálum
Samtök iðnaðarins hafa gagnrýnt
þessar breytingar á vörugjaldinu,_sem
nú hafa tekið gildi, harkalega. í rit-
stjórnargrein í nýjasta fréttabréfi
samtakanna kallar Sveinn Hannes-
son, framkvæmdastjóri SI, þessa
lagasetningu eitt argasta klúður í
skattamálum seinni ára.
„I stað þess að sameina og sam-
ræma neysluskattlagningu í einn not-
hæfan neysluskatt er haldið áfram
að tjasia í þetta skattskrípi," segir
Sveinn í grein sinni og heldur áfram.
„Eftir þessa síðustu breytingu er
vörugjaldið orðið sambland af þremur
leiðum sem öllum var hafnað af nefnd
fjármálaráðuneytisins sem íjallaði um
málið. Niðurstaðan er kostuleg
blanda 13 flokka verð- og magn-
gjalda til innheimtu á heildsölustigi
ekki af heildsöluverði heldur af inn-
kaupsverði."
Segir Sveinn að málin hafi enn
versnað í meðförum efnahags- og
viðskiptanefndar Alþingis „í frum-
varpinu var reiknað með að miða
innheimtu við tollafgreiðslu og við
töldum að það væri eðlilegt að miða
við sölu hjá innlendum framleiðanda
og hins vegar við tollafgreiðslu og
að greiðslufresturinn væri hinn sami
frá þeim tíma. Þetta hefði að okkar
mati fullnægt kröfum ESA.
Þingið sá hins vegar ástæðu til að
breyta þessu og miða gjaidfrestinn
við heildsölu, en breytti því samt
ekki að gjaldstofninn er annars vegar
tollverð og hins vegar verksmiðju-
verð. Það vefst mjög fyrir mönnum
hvemig eigi að framkvæma þetta og
gerir málið enn flóknara og erfíðara
heldur en það þó var.“
Sveinn segir að mjög erfítt verði
með allt eftirlit þegar borga eigi vöru-
gjaldið eftir vörutalningu á tveggja
mánaða fresti og greiða eftir því
hvað selst.
Sveinn segir að ráðgert sé að funda
með fulltrúum ríkisskattstjóra og
fjármálaráðuneytis um þessar breyt-
ingar á fimmtudag þar sem ræða
eigi framkvæmd þessarar skattlagn-
ingar. Hins vegar sé tíminn orðinn
mjög knappur því framleiðendur þurfi
að breyta tölvukerfum sínum vegna
þessa og enn sé óljóst hvernig standa
eigi að framkvæmdinni.
Ekki pólitísk samstaða um
róttækari breytingar
Vilhjálmur Egilsson, formaður
efnahags- og viðskiptanefndar, segir
að vörugjaldið sé í raun mjög slæmur
gjaldstofn sem feli í sér mjög mikla
mismunun á milli vöruflokka sem eigi
sér mjög hæpnar forsendur. Hins
vegar hafí ekki náðst pólitísk sam-
staða, hvorki innan nefndarinnar né
innan ríkisstjórnarinnar, um að
hverfa frá vörugjaldinu og yfír í ein-
hveija aðra skattheimtu eins og eðli-
legast hefði verið að gera. Tekjurnar
sem ríkissjóður hafi af gjaldinu séu
einnig of miklar til að hægt sé að
fella það niður án þess að einhver
tekjuöflun komi á móti.
Vilhjálmur segir að þingið hafi
fyrst og fremst reynt að laga núver-
andi kerfi til þannig að það myndi
standast gagnvart EES-samningn-
um.
Háskóli íslands Endurmenntunarstofnun
Markaðs- og útflutningsnám
- eins árs nám með starfí - hefst í september 1996
Þátttaka í náminu: Nám ( markaðs- og útflutningsfræðum er fyrir þá, sem ná
vilja betri árangri í starfi við sölu og markaðssetningu vöru og þjónustu,
hvort sem er á heimamarkaði eða erlendis.
Þeir einir geta tekið þátt í náminu, sem uppfylla öll eftirtalin skilyrði;
hafa lokið stúdentsprófi eða sambærilegu námi, hafa tveggja ára starfsreynslu
í atvinnulífinu, geta skilið og lesið ensku og talað hana þokkalega.
Kennarar: Umsjónarmenn og um leið aðalkennarar námskeiða verða þau Gísli S.
Arason lektor, Birna Einarsdóttir forstöðumaður markaðs- og þjónustudeildar
íslandsbanka, Jón Björnsson viðskiptafræðingur hjá Hofi hf., Þorgeir Þálsson
deildarstjóri sjávarútvegssviðs Útflutningsráðs íslands, Ágúst Einarsson
alþingismaður og Ingjaldur Hannibalsson dósent.
Námsgreinar:
Framsetning ritaðs máls, munnleg tjáning og upplýsingaöflun 6 klst.
Rekstrarhagfræði 20 klst.
Markaðsfræði 50 klst.
Markaðsathuganir 30 klst.
Sölustjórnun og sölutækni 30 klst.
Flutningafræði 20 klst.
Fjármál milliríkjaviðskipta 40 klst.
Utanríkisverslun, hagræn landafræði og áhrif menningar á viðskiptavenjur 50 klst.
Valnámskeið í viðskiptatungumálum: Enska, þýska, franska 50-70 klst.
Kynnisferð.
Stjórn markaðs- og útflutningsnámsins: Stjórn Endurmenntunarstofnunar hefur
skipað eftirtalda einstaklinga í stjórn námsins: Ingjald Hannibalsson dósent, Jón
Ásbergsson framkvæmdastjóra Útflutningsráðs, Margréti S. Björnsdóttur endur-
menntunarstjóra HÍ, Þórð Sverrisson rekstrarhagfræðing og markaðsráðgjafa
úr stjórn ÍMARK og Helga Gestsson deildarstjóra íTækniskóla íslands.
Kennslutími, kennslufyrirkomulag og verð: Kennslustundir verða 246 klst. auk
tungumálanámskeiðs fyrir þá sem það velja. Námið hefst í september 1996,
stendur í eitt ár og er kennslutími kl. 16.00-20.00 einu sinni í viku, auk þess
sem kennt er samtals þrisvar í mánuði ýmist eftir hádegi á föstudögum
kl. 14.00-18.00 eða f.h. á laugardögum kl. 9.00-13.00.
(lok námsins verður skipulögð kynnisferð til Evrópu til að kynnast nýjungum í
markaðssetningu og milliríkjaverslun. Þá ferð greiða nemendur sérstaklega.
Nánari upplýsingar um námið, ásamt umsóknareyðublöðum (sem sendist inn fyrir
10. ágúst 1996) fást hjá: Verð 145.000.
Endurmenntunarstofnun Háskóla íslands
Tæknigarði, Dunhaga 5,107 Reykjavík.
Sími: 525 4923. Fax 525 4080. Netfang: endurm@rhi.hi.is