Morgunblaðið - 17.09.1996, Blaðsíða 14

14 ÞRIÐJUDAGUR 17. SEPTEMBER 1996
LAIMDIÐ
MORGUNBLAÐIÐ
Líflegt á haust-
dögum á Selfossi
Selfossi - Bakkabræður og ráðs-
kona þeirra vöktu mikla athygli
þegar þau komu í kaupstaðarferð
á Selfoss og heimsóttu verslanir,
hárgreiðslustofu og heilsuðu upp á
bæjarbúa. Heimsókn þeirra var lið-
ur í dagskránni Haustdagar á Sel-
fossi og það voru félagar í Leikfé-
lagi Selfoss sem brugðu sér gervi
Bakkabræðra og ráðskonunnar en
segja má að heimsókn þeirra kump-
ána marki upphaf á vetrarstarfi
Leikfélags Selfoss.
Næsta verkefni félagsins er upp-
færsla á kabarett í samstarfi við
Olaf Þórarinsson tónlistarmann og
skemmtistaðinn Inghól. Mikill fjöldi
fólks var í miðbæ Selfoss til að
fylgjast með dagskráratriðum og
til að notfæra sér þau fjölmörgu
hausttilboð sem í boði voru hjá
verslunum á Selfossi.
Börnin notfærðu sér vel það sem
í boði var fyrir þau, ís í boði íslands-
banka, hoppkastala og trambolín-
teygju. Þá var mjög vinsælt að fara
í hestakerruna hjá ferðaskrifstof-
unni Grænum ís og fara eina hring-
ferð um miðbæinn. Gamli bíllinn
hjá Bakkabræðrum og hestakerran
settu óneitanlega svip sinn á
miðbæinn og sköpuðu skemmtilega
stemmningu. Dagskránni lauk með
flugeldasýningu um kvöldið og
uppskerudansleikjum. Áformað er
að halda svipuðum dögum áfram
í vetur undir heitinu Vetur á Sel-
fossi, Jól á Selfossi, Páskar á Sel-
fossi og svo framvegis, en góð sam-
staða er í þeim hópi fyrirtækja og
félaga sem mynda framkvæmda-
stjórn þessa samstarfsverkefnis
um líflegan bæ og aukna umferð
fólks um Selfoss.
ÚR Vestfjarðagöngununi nýju,
Morgunblaðið/Sig. Jóns.
BAKKABRÆÐUR ráða ráðum sínum eftir akstur yfir Ölfusár-
brú inn á Tryggvatorg.
Jarðgöngin undir Breiðadals- og Botnsheiði formlega opnuð
Lengstu jarðgöng á
Islandi tekin í notkun
ísafirði - Samgönguráðherra,
Halldór Blöndal, opnaði á laugar-
dag jarðgöngin undir Breiðadals-
og Botnsheiði formlega fyrir al-
mennri umferð. Fjölmargir gestir
voru viðstaddir hátíðlega athöfn
sem fór fram við gangamunnann
í Tungudal, þeirra á meðal þing-
menn Vestfirðinga, fulltrúar
Vegagerðarinnar, fulltrúar þeirra
verktaka sem stóðu að fram-
kvæmdunum, sveitarstjórnarmenn
og aðrir gestir.
Fjölmargir gestir tóku til máls
við opnunina, m.a. þeir Halldór
Blöndal, Helgi Hallgrímsson vega-
málastjóri, Páll Siguijónsson, for-
stjóri Istaks hf., og Þorsteinn Jó-
hannesson, forseti bæjarstjórnar
ísafjarðarbæjar, sem m.a. sagði í
ávarpi sínu að jarðgöngin væru
forsenda þess að byggðin á svæð-
inu dafnaði og mannlífið blómgað-
ist.
„Jarðgöngin hafa glætt vonir
manna og aukið trú á fegurri og
gleðiríkari tiiveru. Þau hafa þrosk-
að með okkur samkennd. Sam-
kennd sem er undirstaða þess að
hið nýja sveitarfélag, ísafjarðar-
bær, eigi eftir að verða saga þessa
lands rétt eins og Vestfirðingar
hafa tekið þátt í að skrifa söguna
fram til þessa,“ sagði Þorsteinn
m.a.
9.120 metra löng göng
Að ræðuhöldum loknum klippti
samgönguráðherra á borða sem
strengdur hafði verið milli veggja
ganganna og blandaður kór úr
hinu sameinaða sveitarfélagi flutti
nokkur lög. Að því búnu ók sam-
gönguráðherra bifreið sinni út úr
göngunum, fyrstur manna eftir
formlega opnun þeirra. Síðar um
daginn fór fram móttökuathöfn á
vegum Vegagerðarinnaj á Hótel
ísafirði og bæjarstjórn ísafjarðar-
bæjar bauð íbúum sveitarféiagsins
upp á kaffiveitingar í íþróttahús-
inu á Torfnesi.
Heildarlengd ganganna er um
9.120 metrar og er heildar-
kostnaður við þau um 4,3 milljarð-
ar króna sem svarar tii 16% aukn-
ingar umfram upphaflega kostn-
aðaráætlun.
Morgunblaðið/Halldór Sveinbjörnsson
URTE PENSIL
Propolis-Sólhattur
Virkni þeirra þekkja
flestir. En saman er
virknin enn betri.
Steinefnaríkar jurtir
styrkjandi og
stuðla að
líðan.
heilsu-
efni frá Natur
Ðrogeriet.
ndvefi
beinin.
JARN í melassa
og sojaolíu
virkar vel.
SKALLIN PLUS
vinur magans, hreinsandi og grennandi.
Fræhýði aflspaghúla náttúrulegur fiber.
Fæst í mörgum heilsubúðum,
apótekum og mörkuðum.
BÍÓ-SELEN UMB..SÍMI 557 6610
SAMGÖNGURÁÐHERRA, Halldór Blöndal, klippir hér á borða
til merkis um að jarðgöngin séu formlega opnuð. Á myndinni
eru einnig Helgi Hallgrímsson vegamálastjóri og Gerður Geirs-
dóttir sem var þeim innan handar við framkvæmdina.
HALLDÓR Blöndal á tali við þá Matthías Bjarnason, fyrrum
alþingismann Vestfirðinga og samgönguráðherra, og Einar Odd
Kristjánsson alþingismann.