Morgunblaðið - 21.12.1996, Blaðsíða 31
MORGUNBLAÐIÐ
LISTIR
LAUGARDAGUR 21. DESEMBER 1996 31
Nýja Jerúsalem
BÆKUR
Æ vi n týri
TÍUNDA INNSÝNIN:
AÐ FANGA HUGSÝNINA
eftir James Redfield. Þýðandi Anna
María Hilmarsdóttir. Leiðarljós 1996.
197 bls.
TÍUNDA innsýnin felur m.a. í
sér „skilning á andlegri endurreisn
á jörðinni í ljósi annarra vídda“. í
„framlífsvíddinni" er t.d. gott að
fara á sálna- eða utanlíkamaflakk
en þar getur maður (svo fremi
maður lendi ekki í „efnisþéttingu")
upplifað „fæðingarsýn" sína og
annarra. En þetta eru auðvitað for-
réttindi þeirra sem hafa öðlast „inn-
sýnina“, þeirra sem kunna að
stjórna „orkuflæði" sínu og ráða
við svakalega „sveiflutíðni" í vídd-
inni.
Tíunda innsýnin er sjálfstætt
framhald af Celestine-handritinu
þar sem leitin að sjálfi og sannleika
hófst. Undirliggjandi hugmynda-
fræði byggir á sterkri markhyggju,
á því að mannlegt líf hafí tilgang
og ákveðið lokatakmark. Markmið
bókarinnar er að sannfæra lesendur
um að þetta takmark er ný heims-
mynd („ný öld“) þar sem andleg
gæði, kærleikur og guðlegur inn-
blástur ríkja. Með þessari bók er
leitinni sem sagt lokið og svörin og
sannleikurinn eru til reiðu fyrir þá
lesendur sem vilja. Það
er boðið upp á hvorki
meira né minna en
sameiningu himnaríkis
og jarðar.
Eins og nýaldarbók-
um sæmir þá er sann-
leikurinn í bókinni
fenginn með dágóðri
samsuðu hugmynda úr
ólíkustu áttum. Aust-
ræn speki og vestrænir
hugsunarhættir renna
t.d. saman í eitt; freu-
dísk bæling fellur eins
og flís við rassinn á
indversku orkuflæði.
Það er enda yfirlýst
stefna höfundar í inn-
gangi að bókinni að taka það „besta
úr þeim siðvenjum sem á vegi okk-
ar verða,“ og fella þær „saman í
heild“, til að „fanga hugsýnina“ um
vitundarvakningu mannsins.
Sjálf er bókin hræringur bók-
menntategunda; þetta „ævintýri"
er jafnframt allegóría (pílagríms-
för), vísindaskáldskapur og fagnað-
arerindi. Vísindaskáldskapurinn
sem myndar umgjörð sögunnar er
reyndar svo hlægilega slakur og
leiðinlegur að fagnaðarerindið hlýt-
ur að líða fyrir. Höfundi lætur vel
að predika og leggja fram mann-
kynssögulegar greiningar og spár
en skáldlegur er hann tæplega; frá-
sögnin er barnaleg og óspennandi
og persónusköpun misheppnuð.
íslenskun textans
ekki nógu lipur og ber
keim af enskunni. Það
hljómar það kauðalega
í mín eyru að segja
„einhvers var misst
þegar...“ og það minnir
óneitanlega á „some-
thing was missing."
Setningar eins og
„Þreytulega gekk ég
að pokanum og tók
hann upp“ eru of tíðar.
Hugmyndafræðin í
bókinni er ákaflega
drýgindaleg. Hún þyk-
ist ópólítísk og læst
gagnrýna mannlegt
hlutskipti og samfé-
lagslegt ástand á hlutlausan hátt
með skotum hvort tveggja á „fijáls-
lynda" og „íhaldsmenn." Hin sanna
afstaða kemur þó í ljós undir lok
bókarinnar, eftir „hlutlausa" mat-
reiðslu og greiningu: Nýaldarmenn-
ing bókarinnar getur „snúist á sveif
með upplýstum kapítalisma", sér-
staklega eftir að búið er að gæða
hugmyndina um frjálst framtak
nýjum siðareglum (155); og „af-
skipti stjórnvalda með áætlunum
um menntun og störf“ verða ekki
lengur „góður kostur", þegar „allir
einstaklingar" taka að breiða út
„vitneskjuna um innsýnirnar."
(173). Hallelúja . .
Geir Svansson
James
Redfield
ÍÍISÍIP
ifiíil'l*!
ií«»| iíll-
?í malil1
Morgunblaðið/Sigurður Aðalsteinsson
ÞESSAR yngismeyjar léku saman á þverflautur við píanóundirleik.Taldar frá vinstri (Rosmari
Hewlett, Elín Adda Steinarsdóttir, Hrafndis Einarsdóttir, Sigríður Sigurðardóttir,
Stella Sigurðardóttir og Julian Hewlett lék undir á píanó.
TVÆR sjö ára hnátur Bergljót Halla Kristjánsdóttir og Sigríður
Auðna Guðgeirsdóttir spiluðu frumsamin lög á
píanó og stóðu sig vel.
Tónleikar
að Brúarási
Tvær sjö ára hnátur
spiluðu frumsamin
verk á píanó
Vaðbrekka, Jökuldal.
ÁRLEGIR tónleikar Tónskóla
norður Héraðs voru haldnir nú í
lok haustannar að Brúarási.
Kennslugreinar eru fjölbreyttar
í skólanum, en kennt er að spila
á blokkflautu, altflautu, þver-
flautu, píanó, gítar, trommur og
fleira ásamt ýmsum rafmagns-
hljóðfærum.
Þarna á tónleikunum mátti
heyra píanóleik, flautulek margs-
konar, blandaður kór skólans
söng ásamt bjöllukór, að lokum
spiluðu skólahljómsveitirnar
nokkur lög á rafmagnshljóðfæri.
Mest voru þetta jólalög nema hjá
hljómsveitunum þær spiluðu raf-
magnað popp.
Mesta athygli vakti að tvær
ungar dömur sjö ára léku frums-
amin lög á píanó, en nokkuð er
um að krakkarnir i skólanum
spreyti sig á að semja lög. Þessir
ungu tónsmiðir er heita Bergljót
Halla og Sigríður Auðna sögðu
að svolitið erfitt væri að semja
lög en voru að vonum ánægðar
með útkomuna. Einnig vakti
nokkra athygli það nýmæli hjá
skólanum að kenna á þverflautur
í fyrsta skipti í vetur og var gerð-
ur góður rómur að samleik nokk-
urra yngismeyja á þverflautur.
Skólastjóri Tónskóla norður Hér-
aðs er Mínerva M. Haraldsdóttir
og auk hennar eru fjórir stunda-
kennarar við skólann.
Vinakvöld á
aðventu
KÓR FLensborgarskóla í Hafnarfirði
heldur tónlistarskemmtun í hátíðar-
sal skólans undir yfirskriftinni Vina-
kvöld á aðventu, sunnudagskvöldið
22. desember kl. 21.
Þar munu 40 ungmenni skapa
gestum sínum heimilislega jóla-
stemmningu með flutningi aðventu-
og jólatónlistar undir stjórn Hrafn-
hildar Blomsterberg.
Aðgangur er ókeypis.
Söngvar, sögnr
og kvæði
TONIIST
Illjómdiskar
JÓLAHÁTÍÐ
Söngvar, sögur og kvæði. Hjalti
Rögnvaldsson, Helga Möller, Pálmi
Gunnarsson, Hanna Björk Guðjóns-
dóttir, Sigrún Hjálmtýsdóttir, Söng-
systur. Hljóðfæraleikur o.fl.: Martial
Nardeau, flauta. Tryggvi Hiibner,
gítar í Jól og Jólakvöld. Þórir Úlfars-
son, hljómborð, forritun og útsetn-
ingar. Pétur Rjaltested hljómborð
og úts. í Ave María. Baldur Sigurðar-
son og félagar, undirleikur í Herra
Jóli. Olafur Flosason, enskt horn í
Ave Maria. Pálmi Gunnarsson: bassi
og úts. í Jólakvöld. Jóhann Helgason,
raddir í Jól. Upptaka: Halldór Vík-
ingsson, Stöðin og Stúdió Stef. Staf-
ræn hljóðvinnsla og samsetning:
Halldór Víkingsson. Framleiðandi:
Torfi Ólafsson. Útgefandi: Marknet.
Dreifing: Spor hf. MNET 001 CD.
HÉR höfum við annan disk úr
smiðju Torfa Ólafssonar (meira eða
minna ...). Og þessi er ólíkt betri,
fjölbreyttari og skemmtilegri, enda
höfum við hér texta, sungna og
lesna (og það vell). Það kemur líka
í ljós að lögin hans Torfa batna
stórum með tilkomu texta og
söngvara - eða bara í fjölbreyttara
samhengi, eru reyndar prýðisgóð.
Söngvarar eru heldur ekki af verri
endanum, og ekki heldur upplesar-
inn (sjá kynningu).
Þetta er fallegt, skemmtilegt
og hugvitsamlega saman sett
„jólaprógram", meira að segja
hljóðfæraleikurinn nýtur sín hið
besta (td. flautan í Nóttin helga),
m.a. vegna fjölbreytninnar. Óneit-
anlega er framlag Sigrúnar
Hjálmtýsdóttur, Hönnu Bjarkar
Guðjónsdóttur, Helgu Möller,
Pálma Gunnarssonar og Söng-
systra ómetanlegt, svo ekki sé
minnst á frábæran lestur Hjalta
Rögnvaldssonar.
Ævintýrin eru gullfalleg, engu
síður en lögin, að ég minnist ekki
á texta Einars í Heydölum, Nóttin
var sú ágæt ein, sem er unaðsleg-
ur.
Diskurinn endar á Jólaguðspjall-
inu í upplestri Hjalta. Undir er
dúllað stef eftir A.C. Adam, sem
heyrist varla og er það frekar til
bóta.
Upptaka og hljóðvinnsla góð og
fagmannleg.
Ég mæli sannarlega með þess-
um hljómdiski, sem er „algjör jóla-
pakki“!
Oddur Björnsson
Nýjar bækur
• SKÁLDSAGAN Emeralda er
er eftir Blöku Jónsdóttur og er
fyrsta bók höfundar. Þetta er ævin-
týri fyrir fólk á öllum aldri.
„Sagan gerist á óræðum tíma.
Sögusviðið er Angkor Tom þar sem
Emeralda býr ásamt foreldrum sín-
um. Emeralda elst upp í ástríkum
faðmi fjölskyldunnar undir öruggri
vernd Búdda sem gerir á henni
kraftaverk", segir í kynningu.
Bókin er á ensku en Blaka vann
árum saman erlendis við íslensku
utanríkisþjón-
ustuna.
Blaka er mörgum
kunn fyrir vatns-
litamyndir sínar
og er bókin prýdd
mörgum lista-
verka hennar.
Bókin er seld í
verslunum Ey-
myndsson og
Pennans ogkostar 1.980 kr.
Blaka
Jónsdóttir
2 istþjónustan ' ^®víðþig
Leirlist Handunnin gjafa og jólakort
Vatnslitamyndir Kertastjakar úr íslenskum steini og járni
Olíumálverk Myndlistarvörur á hagstæðu verði
Glerlist Myndvarpar f/ljósmyndir og
Skúlptúrar Skartgripir Myndlistarsýningar JJr jstþjónustan
Hverfisgötu 105 2. hæð • Sími 561 2866 Opið virka daga frá 12-18 og um helgar frá 14-18 • Lokað á mánudögum.
UóSBWW
VisMmíms l6sss«s«
Gullfalleg iLttaverkabók um gjöf
Átigrínu JónMonar LuttmáLira til uleiuka ríkúiiut.
Bókiita prýda unt 200 myndir af verkuni
Áagrínut og eru fleatar þeirra í lit.
LISTASAFN ÍSLANDS- SAFN ÁSGRÍMS JÓNSSONAR
Fríkirkjuvegi 7 simi 562 1000
Bókin fœat einnig í öllum hebtu bókaverAunum Reykjavíkur