Morgunblaðið - 23.04.1997, Side 68

m
minni eyðsla - minni óhreinindi
meiri sparnaður
MORGUNBLAÐIÐ, KRINGLAN I, 103 REYKJAVÍK, SlMI 569 1100, SÍMBRÉF 569 1181,
PÓSTHÓLF 3040, NETFANG MBUjXENTRUM.lS / AKUREYRI: KAUPVANGSSTRÆTI 1
MIÐVIKUDAGUR 23. APRÍL1997
VERÐ í LAUSASÖLU 125 KR. MEÐ VSK
Dráttur á aðild að
efnavopnasamningi
Veldur
vanda í
iðnaði
SAMTÖK iðnaðarins hafa sent utan-
ríkisráðuneytinu bréf, þar sem bent
er á að útlit sé fyrir að nokkur fyrir-
tæki innan samtakanna verði fyrir
verulegum óþægindum, hafi ísland
ekki staðfest alþjóðlega samninginn
um bann við framleiðslu, geymslu
og notkun efnavopna, sem gengur
í gildi á þriðjudag í næstu viku.
Ríki, sem ekki eiga aðild að samn-
•—-^Tngnum, geta orðið fyrir því að aðild-
arríki hans leggi hömlur á sölu
ákveðinna kemískra efna til þeirra.
Sementsverksmiðjunni á Akranesi
hefur til dæmis verið ráðlagt að
birgja sig upp af hraðsementsvökva
vegna óvissunnar.
Samtök iðnaðarins óska eftir því
að ráðuneytið beiti sér fyrir því að
ísland staðfesti sáttmálann þegar í
stað.
Helgi Ágústsson, ráðuneytisstjóri
segir að utanríkisráðuneytið hafí
»*-j-keðið Alþingi að hraða þinglegri
Tmeðferð samningsins eins og unnt
sé. Hins vegar sé málið enn ekki
tilbúið af hálfu ráðuneytisins.
■ Efnaiðnaðurinn/6
---------------
Enn kviknar
í sjónvarpi
TÖLUVERT tjón varð af reyk á
efstu hæð verslunarinnar Sautján á
Laugavegi 91 á tíunda tímanum í
gærkvöldi, þar sem kviknaði í út frá
sjónvarpi.
Á skrifstofu á efstu hæðinni var
^ allt orðið fullt af reyk og eldur hafði
einnig náð að læsa sig í gólfteppi.

•9K
10-15
ára lesa
minna
KÖNNUN sem dr. Þorbjörn
Broddason, prófessor í félags-
fræði við HI, lét gera á bók-
lestri 10-15 ára barna í liðnum
mánuði bendir til að sá hluti
þessa hóps sem sjaldan eða
aldrei lítur í bók sé í örum vexti.
Spurt var hvort ungmennin
hefðu lesið bók síðustu 30 daga
og svöruðu 27% neitandi, sam-
anborið við 18% þegar síðasta
könnun var gerð árið 1991.
Könnunin leiddi jafnframt í
ljós að ungmennin höfðu að
meðaltali lesið 2,7 bækur síð-
asta mánuð, samanborið við 2,8
bækur 1991. Árið 1985 hafði
sami aldurshópur á hinn bóginn
lesið 4,2 bækur að meðaltali
næstu fjórar vikurnar á undan.
Samkvæmt könnuninni er
tölvunotkun 10-15 ára barna
umtalsverð. 54% sögðust vinna
heimaverkefni á tölvu heima
hjá sér. 27% kváðust nota al-
netið og 7% reyndust vera með
eigin heimasíðu.
■ Hlutur bókarinnar/26
Verzlunarmannafélag Reykjavíkur endurskoðar aðild að LÍV vegna ágreinings
Morgunblaðið/Júlíus
VÆNGUR vélarinnar tók niðri á gráa stöplinum, sem er ljósastaur, síðan sveif flugvélin að sögn
sjónarvotta rétt yfir auðri akbrautinni á Suðurgötu, í gegnum grindverkið og inn á flugvallarsvæðið.
Flugvél brotlenti við
umferðargötu
Lögreglu
ekkigert
viðvart
TVEIR menn sluppu ómeiddir þegar
dönsk tveggja hreyfla flugvél með
bilaðan hreyfil brotlenti við Suður-
götu, rétt utan við svæði Reykjavík-
urflugvallar kl. 12.44 í gær. Nokkur
umferð var um Suðurgötu og stræt-
isvagn og olíubíll voru skammt und-
an þegar vélin sveif rétt yfir Suður-
götunni og hafnaði á grindverkinu
við flugvöllinn.
Flugturninn í Reykjavík hafði
fengið boð um að vélin væri að koma
inn til lendingar vegna bilunar 20-30
mínútum fyrr en lögreglu var ekki
gert viðvart fyrr en eftir að vélin
hafði brotlent við götuna.
Hilmar Þorbjörnsson, aðstoðar-
yfirlögregluþjónn í umferðardeild
lögreglunnar, segir að þarna virðist
hafa verið gerð sorgleg og mjög al-
varleg mistök. „Þarna átti að vera
búið að girða af allt svæðið,“ segir
hann.
Guðmundur Matthíasson, fram-
kvæmdastjóri loftferðaeftirlits Flug-
málastjórnar, segir að í flugturnin-
um hafi menn ákveðinn lista að fara
eftir við kringumstæður sem þessar.
„Það er þáttur í viðbúnaðinum að
kalla í þá sem eiga hlut að máli og
lögreglan er þar mjög ofarlega á
blaði,“ sagði Guðmundur.
Ekkert gerst í öryggismálum
síðan 1986
Hilmar Þorbjörnsson sagðist í gær
ekki kannast við að umferðarörygg-
ismál í grennd við flugvöllinn hefðu
verið í umræðunni síðan Fokker-vél
Flugleiða ók út af flugbraut og hafn-
aði á akbrautinni á Suðurgötu 10.
mars 1986. Hann sagði að í raun
hefði ekkert gerst í öryggismálum á
svæðinu síðan þá.
■ Rétt sveif yfir Suðurgötuna/34
Úrsögn hefði í för með
sér að VR gengi úr ASI
VR skipulega haldið frá sljórnunarstörf-
um í ASÍ, segir Magnús L. Sveinsson
AÐALFUNDUR Verzlunarmanna-
félags Reykjavíkur, stærsta verka-
lýðsfélagsins innan Alþýðusam-
bands íslands, samþykkti sl. mánu-
dagskvöld að fela stjórn félagsins
að taka til endurskoðunar aðild
VR að Landssambandi íslenskra
verslunarmanna. Var trúnaðar-
mannaráði félagsins veitt umboð
til að taka endanlega ákvörðun í
málinu. Ef ákveðið verður að
ganga úr landssambandinu mun
það leiða til þess að VR gengur
jafnframt úr Alþýðusambandi ís-
lands, að sögn Magnúsar L.
Sveinssonar, formanns VR.
Á aðalfundi VR kom fram að
fullgildir félagsmenn voru tæplega
20 þúsund um seinustu áramót.
Þar af greiða tæplega 11 þúsund
skatt til ASÍ og LIV. Rúmlega 108
millj. kr. hreinn hagnaður var á
rekstrarreikningi félagsins á sein-
asta^ ári.
„Á undanförnum árum hefur
þess ítrekað orðið vart að versl-
unarmannafélög á landsbyggðinni
hafa ekki verið sátt við skipulag
LÍV og aðild VR að samtökunum.
Þau hafa ítrekað unnið að því að
leggja LÍV niður í þeirri mynd sem
það er nú,“ segir m.a. í greinar-
gerð tillögunnar sem samþykkt var
á mánudagskvöldið. Rakinn er
nokkurra ára ágreiningur á milli
VR og verslunarmannafélaga á
landsbyggðinni og yfirlýsingar
fulltrúa félaga á landsbyggðinni
um að þau eigi ekki samleið með
VR í kjaramálum. Einnig eru
gagnrýndar yfirlýsingar tals-
manna LÍV gegn þeim kjarasamn-
ingum sem VR gerði í vetur.
„Getum ekki verið í ASÍ
bara til að borga“
Magnús segir að hvert það stétt-
arfélag sem segi skilið við lands-
samband innan Alþýðusambands-
ins eigi ekki lengur aðild að ASÍ.
VR átti ekki samleið með lands-
samböndum ASÍ í kjaraviðræðun-
um í vetur og hefur mótmælt harð-
lega nýjum breytingum á skatt-
lagningu aðildarfélaga ASI. Að-
spurður hvort félagið sæi kosti við
að standa utan ASI svaraði Magn-
ús: „Ég tel mikilvægt að verkalýðs-
hreyfingin standi sem best saman
en þá verða menn að sýna í verki
að þeir meti það. Það verður að
segjast eins og er, að við gátum
ekki misskilið það sem gerðist á
síðasta Alþýðusambandsþingi, þar
sem skipulega var unnið að því að
halda fulltrúum Verzlunarmanna-
félags Reykjavíkur frá stjórnunar-
störfum í ASI,“ svaraði hann.
„Það er mjög óeðlilegt að lang-
stærsta stéttarfélag landsins hafi
engin áhrif stjórnunarlega á Al-
þýðusambandið. Við getum ekki
verið í ASÍ bara til þess að borga
peninga. Við viljum líka hafa áhrif
á stjórn Alþýðusambandsins. Ef
meirihluti þeirra sem eru innan
ASÍ telur að það sé betur komið
án okkar áhrifa, þá getum við ekk-
ert misskilið slíkar sendingar,“
segir Magnús.