Morgunblaðið - 26.04.1997, Qupperneq 4

4 LAUGARDAGUR 26. APRÍL 1997
MORGUNBLAÐIÐ
FRÉTTIR
Forsvarsmenn útgáfufélags
Þjóðviljans á 9. áratugnum
Kannast ekki
við hlutabréfa-
kaup í Eimskipi
NOKKRIR forsvarsmanna Þjóðvilj-
ans á níunda áratugnum kannast
ekki við að keypt hafi verið hluta-
bréf í Eimskipafélagi íslands hf.,
en ákveðið hefur verið að opna að
nýju þrotabú Þjóðviljans eftir að
uppvíst varð um að það ætti þrettán
hlutabréf í félaginu fyrir á þriðja
hundrað þúsund krónur miðað við
skráð gengi.
Úlfar Þormóðsson, sem sat í
stjórn útgáfufélags Þjóðviljans frá
öndverðum áttunda áratugnum og
fram til 1990, og gegndi oftsinnis
stöðu stjómarformanns á þeim
tíma, kveðst ekki muna eftir neinum
samþykktum eða ákvörðunum um
kaup á hlutabréfum í Eimskipafé-
lagi íslands.
Kaup rædd til að fá aðgang
Fyrsta bréfið var keypt í árslok
1982 og síðan næstu ár á eftir, og
eru bréfin alls þrettán talsins. Hann
segir hafa komið sér mjög á óvart
að svo mörg bréf hafi verið keypt,
en hugsanlegt sé að eitt bréf hafi
verið keypt með vitund stjómar á
þeim tíma. Önnur kaup séu hins
vegar fyrir utan stjómarsamþykkt-
ir, reynist blaðið hafa eignast hluta-
bréfin með þeim hætti.
„Líklega um svipað leyti og
fyrsta bréfíð var keypt man ég eft-
ir umræðu þess efnis innan blaðsins
að gott væri að sitja aðalfundi hinna
og þessara fyrirtækja, sem sumir
hveijir voru iokaðir öðmm en hlut-
höfum, auk þess sem í nokkrum
tilvikum höfðum við engin tök á
að komast á þessa fundi þar sem
við vorum ekki bréfasafnarar. Þá
kom fram sú hugmynd í kjölfarið
að skynsamlegt gæti verið að kaupa
hlutabréf í stærstu fyrirtækjunum
til að tryggja aðgang og man ég
ekki betur en einhugur hafi verið
um að þetta gæta verið sá aðgangs-
miði sem þyrfti að greiða til að
vera við fréttalindina.
Hins vegar man ég ekki eftir því
að þessi hugmynd hafi verið fram-
kvæmd og tel næsta víst að engin
stjórnarsamþykkt hafi verið gerð
um slíkt, hvað þá um að kaupa
bréf árum saman eins og þarna
virðist hafa verið gert,“ segir Ulfar.
Furðulegt mál
Eiður Bergmann lét af starfi
framkvæmdastjóra Þjóðviljans í
árslok 1982, um það leyti sem kaup-
in á fyrsta bréfinu eru dagsett.
Hann kveðst ekki kannast við að
hafa komið nærri kaupum á hluta-
bréfum, hvorki í Eimskipafélagi ís-
lands hf. eða öðrum fyrirtækjum
ótengdum útgáfu blaðsins.
„Eg man ekkert eftir þessu og
veit ekki hvernig blaðið eignaðist
þessi bréf. Mér finnst þetta mál
furðulegt og það kemur mér á
óvart,“ segir hann. „Ég kom sjálfur
ekki mikið nálægt fjármálum blaðs-
ins, en þessi eign gæti hugsanlega
hafa komið fram í uppgjöri blaðsins
til skatts eða einhveiju þess háttar.
Stefnan var nú ekki sú hjá blaðinu
að kaupa hlutabréf eða annað slíkt,
þannig að mér er málið illskiljan-
legt,“ segir Eiður.
Guðrún Guðmundsdóttir tók við
stöðu framkvæmdastjóra af Eiði og
gegndi því starfi á fímmta ár, eða
til 1987. Hún kveðst telja málið hið
dularfyllsta enda hafí fjárhagsstaða
Þjóðviíjans hvorki boðið upp á
möguleika á hlutabréfakaupum, né
hafí slík kaup komið til álita.
„Ég botna raunar hvorki upp né
niður í þessu máli og kannast ekki
við að blaðið hafi staðið í hluta-
bréfakaupum á þeim tíma sem ég
gegndi þar starfí framkvæmda-
stjóra. Helst dettur mér í hug að
einhver hafí gefíð Þjóðviljanum
þessi bréf, hugsanlega eftir að ég
lét af störfum, eða skuld við Þjóð-
viljann verið greidd með hlutabréf-
um í félaginu.
Hins vegar hefði ég talið víst að
þau hefðu verið seld jafnóðum, hefði
svo verið. Mér fínnst mjög ósenni-
legt að hægt hafí verið að kaupa
þessi bréf án vitundar minnar eða
stjórnarformanns," segir Guðrún.
Hugsanlega leynst í dánarbúi
Hún segir að á þessum tíma
hafi Þjóðviljinn fengið gjafir á
stundum, meðal annars fengið dán-
arbú að gjöf og sé hugsanlegt að
í því hafi leynst bréfin í Eimskipa-
félaginu. „Eg hef enga trú á að
þessi bréf hafi komið smátt og
smátt til Þjóðviljans og get ekki
ímyndað mér að blaðið eða útgáfu-
félag þess hafi keypt þau. Eina
mögulega skýringin er að þessi
bréf hafi leynst í dánabúinu, án
þess þó að mig rámi i að svo hafi
verið," segir hún.
DAGSKRA
26.04.
T.i'kniv.il Skoifunni
kl. 10.30-11.30:
Við kynnuni
3D Studio Max
þrividdarhugbúnad
T.vkniv.il Hafnnrfirði
kl. 12.30-13.30:
Við kynnum
3D Studio Max
þrividdarhugbúnað
I V’/vV) velkominJ
Tæknival
Skeifunni 17
108Reykjavík
Slmi 550 4000
Netfang:
mottakaOtaeknivíl.ís
Reykjavíkurvegi 64
220 HafnarfirW
Sfml 5504020
Netfang:
fjordurOtaeknival.is

Sumardagurinn fyrsti
Morgunblaðið/Ásdís
SKÁTAFÉLAGIÐ Ægisbúar og Lúðrasveit verkalýðsins gengu í fararbroddi fjölmennrar
skrúðgöngu í vesturbæ Reykjavíkur sumardaginn fyrsta.
SUMARDAGURINN fyrsti
er einkum helgaður bömum.
ÞESSAR hnátur fylgdust spenntar með skrúðgöngunni.
Skrúðgöngur og skemmtamr
SUMARDAGURINN fyrsti var
haldinn hátíðlegur með skrúð-
göngum og skemmtunum víða
um land á fimmtudag, eins og
lengi hefur tíðkast. I Sögu dag-
anna eftir Árna Björnsson seg-
ir að sumardagsins fyrsta sé
þegar getið í elstu heimildum
og að víða hafi verið messað
sumardaginn fyrsta til miðrar
18. aldar. Samkomur hófust í
sveitum og bæjum seint á 19.
öld. Eftir aldamótin tengdust
þær ungmennafélögunum, en
frá þriðja áratugnum hefur
dagurinn verið helgaður börn-
um með skrúðgöngum,
skemmtunum og útgáfustarf-
semi.
í gömlum heimildum merkti
sumardagurinn fyrsti aldrei að
þá skyldi komin sumarblíða
heldur blátt áfram að þá hæfist
sumarmisseri.
Veðurspáin fyrir daginn í
dag, laugardag, gerir ráð fyrir
suðaustan golu eða kalda og
rigningu eða súld viðast hvar,
einkum sunnan til. Hiti 4 til 9
stig.
Borgarstjóri vegna flugslyssins við Reykiavíkurflugvöll
Lenging brautarinnar
hlýtur að verða skoðuð
INGIBJÖRG Sólrún Gísladóttir
borgarstjóri segir að lenging A/V
flugbrautarinnar á Reykjavíkurflug-
velli út í Skeijafjörð og lagning Suð-
urgötunnar í stokk hljóti að koma
til skoðunar núna vegna flugslyssins
sem varð þar síðastliðinn mánudag.
„Það er hins vegar fleira sem lýtur
að öryggi við flugvöllinn sem þarf
að skoða,“ segir hún.
„Það sem við höfum lagt áherslu
á,“ segir hún, „og er reyndar lagt
til í nýsamþykktu Aðalskipulagi
Reykjavíkur 1996-2016, sem nú er
auglýst, er í fyrsta lagi að leggja
af NA/SV flugbrautina, því af þeirri
braut er flogið yfir Landspítalann,
og í öðru lagi að ferju- og kennslu-
flug verði flutt annað því það muni
draga úr umferð yfir borginni og
lendingum og flugtaki. Við hljótum
að fara yfir þessi mál með flugmála-
yfirvöldum og yfirvöldum sam-
göngumála," segir borgarstjóri en
þó framkvæmdir á Reykjavíkur-
flugvelli séu ekki á valdi Reykja-
víkurborgar heldur flug- og sam-
gönguyfirvalda, segir hún að borgin
geti gert kröfur um skipulagsmálin
þar.
Spurð hvort hún muni beita sér
sérstaklega fyrir því að flugbrautin
verði lengd til vesturs og að Suður-
gatan verði lögð í undirgöng segist
hún fyrst vilja fara yfír málið með
viðkomandi yfírvöldum áður en hún
fullyrði nokkuð um það. „En mér
fínnst að það hljóti að koma til skoð-
unar í samstarfí við fyrrnefnda að-
ila,“ segir hún.
Ekki náðist í samgönguráðherra
vegna þessa máls í gser, þar sem
hann var erlendis. Hins vegar verður
fyallað um þetta mál innan sam-
gönguráðuneytisins eftir helgi þegar
ráðherra kemur heim, samkvæmt
upplýsingum frá ráðuneytinu.
Flugmenn samþykktu
FLUGMENN hjá Flugleiðum samningnum en 11% andvíg.
samþykktu nýjan kjarasamning á Tóku 98 flugmenn þátt í atkvæða-
fundi í Féiagi íslenskra atvinnu- greiðslunni eða um 60% flug-
flugmanna að kvöldi sumardags- manna hjá Flugleiðum sem samn-
ins fyrsta. ingurinn nær til.
Eftir að samningurinn hafði I næstu viku er ráðgert að hefja
verið kynntur og ræddur á fund- kjaraviðræður fulltrúa FlA við
inum var gengið til atkvæða- fulltrúa íslandsflugs, Flugfélags
greiðslu og voru 86% fylgjandi Norðurlands og flugskólanna.