Morgunblaðið - 26.04.1997, Blaðsíða 16

16 LAUGARDAGUR 26. APRÍL 1997
MORGUNBLAÐIÐ
VIÐSKIPTI
Aðalfundur Slippstöðvarinnar hf.
Hagnaðurjókst
um helming
HAGNAÐUR Slippstöðvarinnar
hf. á Akureyri nam tæpum 48
milljónum króna á síðasta ári, eða
sem nemur 6,1% af veltu félags-
ins. Þetta er aukning um rúm 50%
frá árinu 1995 en þá nam hagnað-
ur félagsins tæpum 32 milljónum
króna.
Heildarvelta félagsins nam um
789,3 milljónum króna ogjókst hún
um 193 milljónir króna á milli ára
eða um 32,4%. Rekstrargjöld námu
um 739 milljónum króna og hagn-
aður af reglulegri starfsemi, þ.e.
hagnaður fyrir fjármagnsliði og
skatta, nam um 50,8 milljónum
króna.
í frétt frá Slippstöðinni kemur
fram að meginástæður tekjuaukn-
ingarinnar eru þær að félaginu
auðnaðist að halda góðri verkefna-
stöðu allt árið og hægt var að brúa
álagstoppa með tímabundinni ráðn-
ingu pólskra járniðnaðarmanna.
Þetta fyrirkomulag gerði m.a.
mögulegt að vinna tvö stór verkefni
sem að öðrum kosti hefðu ekki
fengist.
Góðar horfur fyrir
yfirstandandi ár
í fréttinni kemur fram að ekki
sé gert ráð fyrir stórvægilegum
breytingum í rekstri Slippstöðvar-
innar á yfirstandandi ári. Gert er
ráð fyrir að meginstarfsemin verði
sem fyrr almennar slipptökur og
viðhald og viðgerðir fiskiskipa,
ásamt smíði og uppsetningu fisk-
vinnslubúnaðar. Fyrirsjáanlegt sé
að verkefni fyrir erlenda aðila auk-
ist frá því sem verið hefur vegna
samnings um umfangsmiklar
breytingar á tveimur rússneskum
togurum og þess sé vænst að fram-
hald geti orðið á þjónustu við rúss-
nesk fyrirtæki á næstu árum. Ekki
er þó gert ráð fyrir umtalsverðri
veltuaukningu milli áranna 1996
og 1997 og markast það m.a. af
því að skortur er á járniðnaðar-
mönnum hér innanlands. Auk þess
þurfi Slippstöðin að laga sig að
nýjum reglum á vinnumarkaði, sem
þýðir að yfirvinna verður að
minnka.
I ávarpi fráfarandi stjórnarfor-
manns Slippstöðvarinnar, Birgis
Ómars Haraldssonar, í ársskýrslu
félagsins kemur m.a. fram að félag
eins og Slippstöðin eigi fullt erindi
á hlutabréfamarkað og myndi
eflaust kæta markaðinn. „Markaðs-
virði félagsins er verulegt ef tekið
er mið af þeim kennitölum sem
markaðurinn notar til að mæla
verðmæti þess.“
I árslok voru hluthafar félagsins
14 talsins og áttu fjórir stærstu
hluthafarnir; Burðarás hf., Jöklar
hf., Málning ehf., og Marel hf.,
24,84% hlut hver.
Slippstoðin hf.
Úr ársreikningi 1996
Rekstrarreikninqur 1996 1995 Breyt.
Rekstrartekjur Milljónir króna 789,3 596,3 32,4%
Rekstrargjöld 719,1 549,1 31,0%
Hagnaður fyrir afskriftir 70,3 47,1 49,0%
Fjármagnstekjur og (-gjöld) 0,4 (3,3)
Skattar (2,8) (2,2) 26,1%
Hagnaður ársins 48,0 31,7 51,6%
Efnahagsreikningur 1996 1995 Breyt.
1Eignir
Veltuf jármunir Milljónir króna Fastafjármunir 319,9 215,7 261,7 129,1 22,3% 67,0%
Eignir samtals 535,6 390,8 37,0%
1 Skulclir on eigið fé: 1 Skammtímaskuidir 159,1 107,1 48,5%
Langtímaskuidir 196,0 141,9 38,2%
Eigið fé 180,5 141,9 27,2%
Skuldir og eigið fé samtals 535,6 390,8 37,0%
Kennitölur 1996 1995
Eiginfjárhlutfall 33,7% 36,3%
Veltufjárhiutfall 2,01 2,44
Stefna félagsins er að eiga gott
samstarf við önnur fyrirtæki í sömu
grein og tengdum greinum þannig
að í stað þess að fjölga eða fækka
starfsmönnum í takt við skamm-
vinnar sveiflur í verkefnastöðu, er
haft samstarf við önnur fyrirtæki
um ákveðin verkefni. Á árinu var
mikið um slíkt samstarf við fyrir-
tæki á Eyjafjarðarsvæðinu og á
Húsavík og nokkuð við fyrirtæki í
öðrum landshlutum, segir ennfrem-
ur í frétt.
Á aðalfundi Slippstöðvarinnar í
gær voru þeir Geir A. Gunnlaugs-
son, Valdimar Bergstað, Gylfi Þór
Magnússon, Hjörleifur Jakobsson
og Hólmsteinn Hólmsteinsson
kjörnir í stjóm. Stjórnin hefur skipt
með sér verkum og var Geir kjörinn
formaður og Valdimar varaformað-
ur.
Sameining Þormóðs
ramma og Sæbergs
Áætluð
velta um 3,4
milljarðar
AÐALFUNDUR Þormóðs ramma
hf., sem haldinn var í gær á Siglu-
firði, samþykkti sameiningu við
Sæberg hf. á Ólafsfirði frá og með
1. janúar 1997. Nafni félagsins var
jafnframt breytt í Þormóður rammi
- Sæberg hf.
Hið sameinaða félag verður eitt
af stærstu sjávarútvegsfyrirtækjum
á landinu. Velta Þormóðs ramma -
Sæbergs á þessu ári er áætluð 3,4
milljarðar. Áætlaður hagnaður er
322 milljónir. Samkvæmt samruna-
efnahagsreikningi eru eignir 4,2
milljarðar. Eigið fé er 1,8 milljarðar
og jireinar skuldir 1,3 milljarðar.
Á fundinum kom fram að reikn-
að er með því að áhrif af sameining-
unni muni auka framlegð um 100
milljónir. Hið sameinaða félag á 9
togara, 5 frystitogara og 4 ísfisk-
togara, og rekur rækjuverksmiðju
og reykhús. Starfsmannafjöldi
verður um 300.
Framkvæmdastjórar verða Ólaf-
ur Marteinsson og Gunnar Sig-
valdason en gert er ráð fyrir því
að Róbert Guðfinnsson verði starf-
andi stjórnarformaður.
Á fundinum var samþykkt að
greiða 10% arð af nafnverði hluta-
ijár. í stjórn voru kosnir: Marteinn
Haraldsson, Gunnar Svavarsson,
Ásgeir Ásgeirsson, Jón Þorvalds-
son og Róbert Guðfinnsson.
Morgunblaðið/Ásdís
GUNNAR Svavarsson, framkvæmdastjóri Hampiðjunnar, veitti verðlaununum viðtöku en með honum
á myndinni eru Bragi Hannesson, sýórnarformaður Hampiðjunnar, hr. Ólafur Ragnar Grímsson,
forseti Islands, og Pétur Bjarnason, sem hannaði verðlaunagripinn í ár. Nefnist verðlaunagripurinn
Fang og er hugmynd að verkinu fengin frá framleiðsluvörum Hampiðjunnar.
Hampiðjan hlýtur útflutningsverðlaun
Alpan með 22
milljóna tap
HAMPIÐJAN hf. hlaut Útflutn-
ingsverðlaun forseta íslands
1997 sem afhent voru á sumar-
daginn fyrsta við hátíðlega at-
höfn á Bessastöðum.
Útflutningsverðlaun forseta
íslands eru veitt í viðurkenning-
arskyni fyrir markvert framlag
til eflingar útflutningsverslun og
gjaldeyrisöflun íslensku þjóðar-
innar. Úthlutunarreglur kveða á
um að verðlaunin skuli veitt fyr-
irtækjum og einstaklingum, ís-
lenskum eða erlendum, fyrir ár-
angursríkt starf að útflutningi á
íslenskum vörum og á þjónustu
til annarra landa. Veiting verð-
launanna tekur mið af verðmæt-
isaukningu útflutnings, hlutdeild
útflutnings í heildarsölu, mark-
aðssetningu á nýjum mörkuðum,
ásamt fleiru, segir í frétt.
í ávarpi Páls Sigurjónssonar,
formanns úthlutunarnefndar,
kom m.a. fram að verðlaunin eru
veitt Hampiðjunni fyrir frum-
kvæði í útflutningi á ísienskum
iðnvarningi í stöðugri sam-
keppni við erlenda aðila, þar
sem vöruvöndun og vöruþróun
hafa skapað fyrirtækinu sér-
stöðu á markaðnum. „Þá hóf
Hampiðjan hf. fyrst íslenskra
iðnfyrirtækja framleiðslu á vör-
um sínum erlendis. Á síðari
árum hefur Hampiðjan hf. mætt
vaxandi samkeppni með því að
auka þróunarstarf og fram-
leiðslu á fullbúnum veiðarfær-
um. Megináherslan hefur verið
lögð á þróun stórra flottrolla og
hafa þau tekið við af troilnetum
sem helsti útflutningsvarningur-
inn.“
Ennfremur kom fram í ræðu
Páls að vörur fyrirtækisins eru
seldar til fjölda landa um allan
heim, frá Nýja-Sjálandi og Ástr-
alíu í austri til Bandaríkjanna
og Kanada I vestri, og frá Falk-
landseyjum í suðri til Rússlands
í norðri. „Hampiðjan er dæmi
um fyrirtæki sem hefur nýtt þá
þróun og þekkingu sem orðið
hefur til í viðskiptum á heima-
markaði til að stækka markað
sinn langt út fyrir landsteinana.
Reynsla Hampiðjunnar getur
kennt okkur Islendingum að all-
ur heimurinn er okkar markað-
ur og það er nauðsynieg for-
senda fyrir vaxandi hagsæld í
landinu að íslenskum fyrirtækj-
um sé gert kleift að keppa á
heimsmarkaði á jafnréttis-
grundvelli við aðra.“
TAP Alpan hf. nam um 22 milljón-
um króna á síðasta ári en árið
1995 nam tap félagsins 6,5 milljón-
um króna. I mars á síðasta ári
missti fyrirtækið stærsta viðskipta-
vin sinn og þar með 17% af veltu
en velta þess var tæpum 80 milljón-
um minni en áætlanir félagsins
gerðu ráð fyrir, eða 276 milljónir
króna á síðasta ári.
í frétt frá Alpan kemur fram að
á aðalfundi félagsins var samþykkt
að færa niður nafnverð hlutaíjár
um 35% til að skilja á milli fortíðar
og framtíðar og gera félaginu kleift
að vaxa eftir því sem aðstæður á
mörkuðum þess gefa tilefni til.
Einnig var samþykkt að heimila
stjórn að auka hlutafé félagsins um
30 milljónir króna strax og um
aðrar 30 milljónir síðar. Stjórn hef-
ur ákveðið að nýta fyrri heimildina
enda liggur þegar fyrir sölutrygg-
ing á þeirri aukningu.
Auk þess að tapa sínum stærsta
viðskiptavini á síðasta ári gekk
öðrum viðskiptavinum félagsins á
þýskumælandi mörkuðum mjög illa
m.a. vegna efnahagsástands þar,
en Þýskalandsmarkaður var löng-
um rúmlega helmingur af sölu fé-
lagsins.
Veltan áætluð
350 milljónir í ár
Eftir heimilisvörusýninguna í
Frankfurt í febrúar sl. sem Alpan
tekur árlega þátt í, varð mönnum
ljóst að eftirspurnin eftir vörum
félagsins hafði stóraukist og gera
rekstraráætlanir félagsins ráð fyrir
um 350 milljóna króna veltu í ár
en ljóst er að hún geti allt eins
farið yfir 400 milljónir króna ef
framleiðslugetan leyfir. Til þess að
auka framleiðslugetu félagsins
hafa því verið fest kaup á nýrri
340 tonna steypupressu með til-
heyrandi útbúnaði, sem verður af-
greidd í ágúst. „Hér er að skila sér
árangur af markvissu markaðs-
starfi undanfarin ár, auknum gæð-
um vörunnar og sú staðreynd eftir
okkar markaðshluta á eldunarvöru-
markaði, þ.e. steyptum álílátum,
er að hraðvaxa. Alpan selur orðið
til 28 landa og er salan nú orðin
mun dreifðari en áður sem minnkar
áhættu vegna gengis- og efnahags-
sveiflna í viðkomandi löndum,“ seg-
ir í fréttinni.
Framleiðsla Alpan var verðlaun-
uð fyrir gæði, m.a. hjá Vár Bostad
í Svíþjóð. Þó nokkur söluaukning
var á flestum mörkuðum, þá sér-
staklega á vörum undir vörumerk-
inu Look, auk þess sem samningár
náðust við tvö stórfyrirtæki um að
framleiða inn í þeirra vörumerki,
þ.e. Hackman í Noregi og Le Creus-
et í Frakklandi. Félagið hóf einnig
framleiðslu á frystipönnum fyrir
sjálfvirkar frystivélasamstæður og
seldi til Borgeyjar og Tanga hf.
-----------»-»-♦-----
Ferðamönn-
um tjölgaði
ERLENDIR ferðamenn sem komu
til íslands fyrstu þijá mánuði ársins
komu voru 28.519 talsins og fjölg-
aði þeim um 11,5% frá sama tíma-
bili í fyrra, samkvæmt upplýsingum
frá Ferðamálaráði.
Áður hefur komið fram í Morgun-
blaðinu að ferðamönnum hafi fækk-
að á milli ára á þessu tímabili og
var þá stuðst við tölur frá Útlend-
ingaeftirlitinu. Nú hefur komið í ljós
að þær tölur voru ekki sambærileg-
ar milli ára, þar sem hætt var að
telja svonefnda „viðdvalarfarþega,,
í heildarfjölda erlendra gesta 1. júní
1996. Viðdvalarfarþegar dvelja hér
einungis hluta úr degi á leið sinni
milli Evrópu og Bandaríkjanna. Að
þeim frátöldum kom hingað til lands
22.701 farþegi fyrstu þijá mánuðina
og er það sömuleiðis um 11,5% fjölg-
un milli ára.