Morgunblaðið - 20.06.1997, Blaðsíða 4

4 FÖSTUDAGUR 20. JÚNÍ 1997
MORGUNBLAÐIÐ
FRÉTTIR
Deildarskiptingu Ríkisútvarpsins gerbreytt
Störfum breytt og
starfsfólki sagt upp
STJÓRNENDUR Ríkisútvarpsins
hafa tekið ákvörðun um endurskipu-
lagningu á starfsemi stofnunarinnar,
sem felur m.a. í sér uppstokkun
deilda og breytingar á störfum. Pét-
ur Guðfinnsson útvarpsstjóri segir
að þessar breytingar miði að því að
gera starfsemi Ríkisútvarpsins
markvissari og hagkvæmari. Störf-
um við stofnunina muni fækka eitt-
hvað. Breytingarnar taka endanlega
gildi 1. október nk.
Öllum starfsmönnum Ríkisút-
varpsins var sent bréf 9. júní sl. þar
sem meginþættir í breytingunum
voru kynntir. Síðustu daga hefur
málið verið kynnt munnlega fyrir
starfsmönnum sem vinna störf sem
breytast eða verða felld niður. í gær
voru uppsagnarbréf send til starfs-
manna. Pétur sagði að flestir fengju
vinnu aftur við önnur störf, en ekki
hefðu allir fengið tryggingu fyrir
endurráðningu.
Forstöðumönnum Rásar 1 og 2
og tónlistarráðgjafa sagt upp
Fram að þessu hefur Rikisútvarp-
inu verið skipt í flórar deildir, Út-
varp, Sjónvarp, fjármáladeild og tæk-
nideild. Núna verða fjórar stoðdeildir
undir Útvarpi og Sjónvarpi. Mestar
breytingar verða hjá Útvarpinu, en
deildaskipting milli Rásar 1 og Rásar
2 verður felld niður og einnig verður
gerð breyting á tónlistardeild. í stað-
inn verða stofnaðar þtjár framleiðslu-
deildir sem sinna menningu, samfé-
lagi og tónlist. Stöður framleiðslu-
stjóra þessara þriggja deilda verða
auglýstar lausar til umsóknar og
einnig nokkrar fleiri stöður, að því
er Pétur segir. Þetta þýðir m.a. að
Jóni Karli Helgasyni, forstöðumanni
Rásar 1, Sigurði G. Tómassyni, for-
stöðumanni Rásar 2, og Guðmundi
Emilssyni, tónlistarráðgjafa Útvarps-
ins, verður sagt upp störfum.
Starfsfólki fækkar
„Við höfum orðið að tilkynna
nokkrum starfsmönnum að sá samn-
ingur sem þeir voru ráðnir til að
gegna með vissu starfsheiti muni
ekki gilda áfram og það verði að
semja upp á nýtt. Þetta snertir
nokkra tugi starfsmanna. Raunveru-
legar brottfarir sem rekja má til
þessa verða hins vegar miklu færri,“
sagði Pétur.
Sameiginleg íþróttadeild Ríkisút-
varpsins hefur þegar verið lögð nið-
ur, en í staðinn verða fréttamenn
ráðnir inn á fréttastofur Útvarpsins
og Sjónvarpsins. Sömuleiðis verður
tæknideild Ríkisútvarpsins skipt í
tvennt. Leikmyndadeild Sjónvarps
mun renna saman við tæknideild
Sjónvarps, sem kemur til með að
heita tækni- og leikmyndadeild. Þá
verður stofnuð sérstök markaðs- og
þjónustudeild við Ríkisútvarpið og í
henni verða núverandi starfsmenn
auglýsingadeildar, en einnig verður
þar sinnt tölvuþjónustu stofnunar-
innar, textavarpi, almannatengslum
og dagskrárkynningu.
Pétur sagði að þessar breytingar
hefðu í för með sér einhveija fækk-
un starfsmanna Ríkisútvarpsins.
Fækkunin ætti sér m.a. þannig stað
að ekki yrði ráðið í störf starfs-
manna sem væru að hætta störfum
sökum aldurs.
Þriðja rásin
Pétur sagði að Ríkisútvarpið hefði
ennfremur til skoðunar að senda út
á þriðju rásinni, en á henni yrði völdu
efni af báðum rásunum útvarpað.
Þessi rás yrði send út á langbylgju
og myndi því nást úti á hafi og víða
á hálendi íslands.
Deilt um meðferð máls í skipulagsnefnd á fundi borgarstjórnar
Fjórir af sjö nefndar-
mönnum fjarverandi
VIÐ umræður um fundargerð skipu-
lags- og umferðarnefndar frá 9. júní
sl. á fundi borgarstjómar í gær-
kvöldi fundu borgarfulltrúar Sjálf-
stæðisflokksins að afgreiðslu máls-
ins hjá skipulagsnefnd.
Þegar tillaga Borgarskipulags og
Minjaverndar um skipulag reits við
Aðalstræti 12-18 og Túngötu 2-4
var lögð fram til kynningar á fundi
nefndarinnar höfðu fjórir af sjö fund-
armönnum vikið af fundi. Þeir þrír
sem eftir voru samþykktu þá eftir-
farandi bókun: „SKÚM [skipulags-
og umferðarnefnd] fellst á fram-
lagða tillögu að fyrirkomulagi á lóð-
um og uppbyggingu í meginatriðum
og þar með að gert sé ráð fýrir að
flytja húsið Austurstræti 8-10 (ísa-
foldarhús) á lóðina nr. 12 við Aðal-
stræti. Framhald vinnu verði unnið
í samráði við Borgarskipulag í sam-
ræmi við verksamning, dags. 22.
maí 1997.“
Auk þess að gagnrýna afgreiðslu
málsins þegar aðeins þrír fundar-
menn voru eftir á fundinum gerðu
borgarfulltrúar Sjálfstæðisflokksins
m.a. þá athugasemd að umsögn
borgarminjavarðar hefði ekki verið
höfð til hliðsjónar. Einnig gagnrýndu
þeir að verið væri að fjalla um jafn-
stórt skipulagsmál, sem flutningur
ísafoldarhússins væri, á sama tíma
og heildstæð endurskoðun færi fram
á deiliskipulagi miðbæjarins. Um
málið hefði hvorki verið fjallað í
borgarráði né borgarstjóm og fóru
sjálfstæðismenn fram á að málið
yrði tekið til nánari skoðunar.
Borgarstjóri, Ingibjörg Sólrún
Gísladóttir, sagði augljósa formgalla
á afgreiðslu málsins frá skipulags-
nefnd og yrði það tekið þar upp að
nýju.
Guðrún Ágústsdóttir, formaður
skipulagsnefndar, tók fram í máli
sínu á fundinum í gær að málið hefði
verið fýrir skipulagsnefnd til kynn-
ingar en ekki endanlegrar afgreiðslu.
Umhverfismálaráð ætti eftir að koma
að málinu auk þess sem það yrði
kynnt í borgarráði á næstunni. Hún
sagði enga ákvörðun hafa verið tekna
um hvort flytja ætti ísafoldarhúsið
og enn ætti eftir að kanna hvort yfir-
leitt væri hægt að flytja það. Þá tók
hún fram að vinna á einstökum lóðum
miðbæjarins færi fram samfara
endurskipulagningu hans.
Bandamenn stranda-
glópar vestanhafs
FÉLAGAR úr leikhópnum Banda-
mönnum voru strandaglópar vest-
anhafs í rúma tvo sólarhringa vegna
meira en tveggja klukkustunda sein-
kunar sem varð á flugi Air Canada
frá Toronto til Halifax og gerði það
að verkum að þeir misstu af flugi
Flugleiða frá Halifax til Keflavíkur.
Bandamenn voru að koma af
menningarhátíðinni Northern En-
counters í Toronto, þar sem þeir
sýndu Amlóðasögu. Listamennirnir
urðu sjálfir að leggja út fyrir öllum
kostnaði af töfinni. Sveinn Einarsson
leikstjóri segir ljóst að ábyrgðin liggi
hjá ferðaskrifstofunni Congress
Travel, sem skipulagði ferðina, flug-
félaginu Air Canada og skipuleggj-
endum hátíðarinnar. Flugleiðir hafí
hins vegar gert allt sem í þeirra
valdi stóð til að leysa vandann og
kveðst Sveinn afar ánægður með
hlut Flugleiða í málinu.
Aðeins er flogið tvisvar í viku frá
Halifax til íslands en fimm sinnum
í viku frá Boston. Því hélt hópurinn
til Boston í þeirri von að ná flugi
þaðan. Vegna lokunar á þjóðhátíð-
ardaginn tókst ekki að ná sambandi
við forráðamenn Flugleiða hér á landi
fyrr en að morgni 18. júní. Leystu
þeir þá fljótt og vel úr vandanum og
fékk hópurinn sæti strax að kvöldi
sama dags. Heim til íslands kom
hópurinn svo snemma í gærmorgun,
rúmum tveimur sólarhringum síðar
en upphaflega var gert ráð fyrir.
Algjörlega ófyrirgefanlegt
„Þetta er auðvitað algjörlega ófyr-
irgefanlegt og stafaði í raun af nísku
skipuleggjendanna,11 segir Sveinn.
Miðarnir voru gefnir út í tvennu lagi,
annars vegar milli Toronto og Hali-
fax með Air Canada, og hinsvegar
með Flugleiðum milli Halifax og
Keflavíkur. „Fyrir bragðið tók eng-
inn ábyrgð á okkur. Við urðum sjálf
að kaupa okkur hótelgistingu og
gera allt sjálf þangað til Flugleiðir
fréttu um málið og gripu til sinna
ráða, þá gekk allt upp.“
Vegna fréttar Morgunblaðsins af
hátíðinni sl. þriðjudag vill Sveinn
taka fram að misskilningur sé að
Bandamenn hafi boðist til að sýna
Amlóðasögu í íslendingabyggðum í
Manitoba en að þar hafí ekki reynst
áhugi á því. Hið rétta sé að talað
hafí verið við Bandamenn og spurt
hvort þeir myndu geta bætt því við
ef til þess kæmi. „Við sögðumst
myndu hafa gaman af því ef það
yrði skipulagt með nægilegum fyrir-
vara en meira var það ekki,“ segir
Sveinn. Hann segir ennfremur að
báðum sýningunum á Amlóðasögu
hafi verið mjög vel tekið og þær
fengið góða dóma gagnrýnenda.
HULDA Sigurbjömsdóttir afhjúpaði stein til minningar um Frúar-
stíg, en Hulda var fyrsta konan sem kosin var í bæjarstjóm Sauðár-
króks. Ámi Blöndal er fulltrúi „karlafélaganna" sem gáfu steininn.
>

í
t
I
Sýningunni Konur á Króknum •
hleypt af stokkunum
Þvottar eru þema
sýningarinnar
DAGSKRÁIN Konur á Króknum
hófst í gær á kvenréttindadeginum
19. júní með afhjúpun minningar-
steins um Frúarstíg, götu sem
konur á Sauðárkróki áttu frum-
kvæði að því að byggja og fjár-
mögnuðu á árunum 1897-1905.
Að því loknu var sýningin Konur
á Króknum opnuð formlega í
barnaskólanum.
„Sýningin fjallar um líf og störf
kvenna á Sauðárkróki frá 1871 til
dagsins í dag,“ segir Aðalheiður
Arnórsdóttir, Lionsklúbbnum
Björk. „Þvottar eru þema sýn-
ingarinnar alveg frá því konur
þvoðu í bala og þurftu að sækja
vatn í bæjarlækinn."
Aðalheiður segir að annars veg-
ar sé stiklað á tuttugu árum í sögu
kvenna og heimilanna í sýningar-
básum. Þar séu heimilin sett upp
eins og þau gætu hafa litið út á
hveijum tíma. Hins vegar séu stór-
ir flekar hringinn í kring um bás-
ana þar sem stiklað sé á áratugum
og kvennasagan sögð í máli og
myndum.
Kaffi og lummur að hætti
Guðrúnar frá Lundi
Kaffístofan Guðrúnarlundur,
sem helguð er skáldkonunni Guð-
rúnu frá Lundi, verður opin meðan
sýningin stendur yfír. Þar kynna
félögin í undirbúningshópnum
starfsemi sína. Á göngum skólans
er listsýning þar sem sýndir eru
listmunir eftir yngri og eldri konur
á Króknum. í kaffistofunni verða
flutt erindi á hveiju kvöldi fram á
laugardag og svo aftur á miðviku-
dag i næstu viku. í gær var flutt
erindið „Pilsaþytur“ eftir Aðalheiði
B. Ormsdóttur og að því loknu léku
fjórar konur á harmóníku.
Morgunblaðið/Þorkell
ÞAÐ var Kristín M. Sölvadóttir sem opnaði sýninguna Konur á
Króknum, en Kristín er komin á tíræðisaldur.
I
I
I
I
I
I
í