Morgunblaðið - 20.06.1997, Page 56

56 FÖSTUDAGUR 20. JÚNÍ 1997
MORGUNBLAÐIÐ
MYNDBÖND/KVIKMYNDIR/SJÓIMVARP-ÚTVARP
FOSTUDAGSMYNDIR SJONVARPSSTOÐVAIMNA
MYNDBÖND
Harthjónin leikin af Stefanie Powers og Robert Wagner voru
heimilisvinir sjónvarpsáhorfenda fyrir allmörgum árum.
Sjónvarpið ►20.40 Tveirgamal-
kunnir úrvalsleikarar, James Gamer
og Joanne Woodward, fara með hlut-
verk mis-samlyndra hjóna á leið til
jarðarfarar vinar síns í launfyndinni
vegamynd, Jarðarförinni (Breathing
Lessons, 1995) sem byggð er á Pulitz-
erverðlaunaðri skáldsögu Anne Tyler.
Fyrirtaks skemmtun og afbragðs vel
leikin. Leikstjóri John Erman. ★ ★ ★
Sjónvarpið ►23.10 Égþekkiengin
deili á áströlsku spennumyndinni A
háskaslóð (The Blackwater Trail,
1996), sem íjallar um konu eina sem
leitar liðsinnis fyrrum kærasta til að
sýna fram á að lögreglumaðurinn
bróðir hennar hafi ekki fallið fyrir eig-
in hendi. Leikstjórinn Ian Barry á
nokkrar sæmilegar spennumyndir að
baki en í aðalhlutverki er bandaríski
leikarinn Judd Nelson, ásamt Dee
Smart og Peter Phelps.
Stöð 2^13.00 og 0.45 Hin auðugu
Harthjón, leikin af Robert Wagner og
Stefanie Powers, voru heimilisvinir
sjónvarpsáhorfenda fyrir allmörgum
árum í sakamálasyrpunni Hart To
Hart. Þetta tilþrifalitla léttmeti er nú
endurvakið eins og svo margt annað
af því taginu í Hart á móti hörðu
(Hart To Hart Returns, 1993), undir
leikstjórn hins gamalreynda leikstjóra
Peters Hunt. Hér flækist Hart inn í
morðmál og er þetta allt heldur mátt-
laust fis. ★ 'h
Stöð 2 ► 20.50 Og annar uppvakn-
ingur, sá rangeygði spæjari í ryk-
frakkanum Columbo rannsakar morð-
mál tengt bankaráni í Coiumbo á
teynistigum (Coiumbo: Undercover,
1994). Vincent McEveety leikstýrir
Peter Falk og meðleikurum hans, Ed
Begleyjr., Burt YoungogTyne Daly.
Miðlungsgott sjáifsagt eins og annað
í þessari uppvakningasyrpu.
Stöð 2 ► 23.15 Alveg er það maka-
laust hvað Ameríkanar endast til að
kreista sömu sítrónurnar út í það óend-
anlega og stendur alveg á sama þótt
þær hafi verið vondar þegar í upphafi.
Þannig er það með Hefnd busanna 4
(Revenge Of The Nerds IV: Nerds In
Love, 1994), sjónvarpsmynd um ásta-
mál hinna þreytandi busa. Aumingja
Robert Carradine virðist ekkert annað
fá að gera en busast áfram endalaust.
Útskrifum liðið, í guðana bænum! Leik-
stjóri Steven Zacharias. ★ '/2
Sýn ► 21.00 Undanrennan ræður
ríkjum þetta fóstudagskvöldið, þegar
Ríkissjónvarpinu sleppir. Hefndarhug-
ur 2 (Nemesis 2: Nebuia, 1995) er
framhald framtíðartryllis um hasar
milli vélmenna og hinsegin manna á
næstu öld. Ekki má milli sjá hvorir eru
vélrænni. Leikstjóri Aibert Pyun. ★
Árni Þórarinsson
Buster
Keaton í
endur-
vinnslu
BANDARÍSKIR kvikmyndagerð-
armenn fara æ aftar í tímann til
þess að finna myndir til að endur-
gera. Nú stendur til að endur-
vinna þögla gamanmynd frá árinu
1925. Hún ber titilinn „Seven
Chances" og var það grínsnilling-
urinn Buster Keaton sem átti
heiðurinn af henni. Keaton lék
aðalhlutverkið, leikstýrði, og
klippti inyndina.
„Seven Chances" fjallar um 26
ára gamlan piparsvein sem fréttir
BUSTER Keaton var einn af
snillingum þöglu
gamanmyndanna.
rétt fyrir afmælisdaginn að hann
muni missa af sjö milljóna dollara
arfi frá afa sínum ef hann er _
ekki kvæntur 27 ára gamall. I
nýja handritinu, sem ber titilinn
„Bachelor", er piparsveininn að
verða 33 ára og arfurinn er kom-
inn upp í 120 milljónir.
Handritshöfunurinn Steve Co-
hen keypti réttinn að „Seven
Chances" og skrifaði nýtt hand-
rit. „Eg varð að skrifa öll samtöl-
in sjálfur og notaði ekkert af
gömlu millitextunum. Mikið af
hugmyndunum komu einfaldlega
frá því að horfa á leik Keaton.
Þetta var allt að finna í frammi-
stöðu hans.“ sagði Cohen í nýlegu
viðtali við Daily Variety.
Það er New Line Cinema sem
er með handritið í vinnlu. Ekki er
búið að ráða í nein hlutverk og
einnig er óákveðið hver leikstýrir
myndinni.
Braggablús
Djöflaeyjan
(Djöfiaeyjan)
D r a m a
★ ★★'/2
Framleiðendur: Friðrik Þór Frið-
riksson, Peter Rommel, Egil Öde-
gaard. Leikstjóri: Friðrik Þór Frið-
riksson. Handritshöfundur: Einar
Kárason. Kvikmyndataka: Ari
Kristinsson. Tónlist: Hilmar Örn
Hilmarsson. Aðalhlutverk: Baltasar
Kormákur, Gísli Halldórsson, Sig-
urveig Jónsdóttir, Ingvar E. Sig-
urðsson, Halldóra Geirharðs,
Sveinn Geirsson. 99 mín. Island.
Skífan. 1997. Útgáfudagur: 18. júní.
Myndin er bönnuð börnum
innan 12 ára.
Þetta er sagan sem allir íslend-
ingar þekkja og flestir hafa lesið.
Sagan um hina
litríku ijölskyldu í
Thule-kampinum
og nokkur af-
drifarík ár í lífi
meðlima hennar
og annarra íbúa
braggahverfisins.
Loks höfum við
fengið að sjá
heimsmetið hans
Hreggviðs, bílinn hans Badda og
aðra hluti sem einungis hafa birst
okkur á prenti.
Friðrik Þór er einn okkar besti
leikstjóri og hefur með mynd sinni,
Djöflaeyjunni, sannað það enn og
aftur hvers hann er megnugur á
bak við kvikmyndavélina. Hann
leysir hið vandasama verkefni að
koma persónum þessara ástkæru
bóka Einars Kárasonar fagmann-
lega af hendi, því allir sem lesið
hafa bækur Einars hafa einhveija
skoðun á hvernig persónur eins og
t.d. Karólína 0g Baddi, ættu að líta
út og vera í framkomu. Einar Kára-
son hefur unnið mjög gott handrit
upp úr bókum sínum Þar sem
Djöflaeyjan Rís og Gulleyjunni og
ættu margir að kannast við setning-
arnar úr bókunum, sem renna lip-
urlega frá munni leikaranna. Aðal-
hlutverkin eru vel mönnuð og þá
sérstaklega Gísli Halldórsson í hlut-
verki fjölskylduföðurins Tómasar,
en Gísli gæðir hlutverk sitt miklum
húmor og hin minnsta hreyfing hjá
honum varpar ljósi á mikla tilfinn-
ingadýpt sem blundar í persónu
Tómasar og nokkrum sinnum fær
að gægjast upp á yfirborðið. Baltas-
ar Kormákur hefur útlit og viðhorf
Badda á hreinu og er afbragðsgóð-
ur að sýna ferli þessa ofurtöffara
sem breytist svo í nær algeran aum-
ingja. Sigurveig Jónsdóttir gerir
það að verkum að engin önnur en
hún virðist geta leikið hina snar-
rugluðu Karólínu aftur. Halldóra
Geirharðs er frábær í hlutverki
Dollýjar og Sveinn Geirsson er
mátulega aumkunarverður í hlut-
verki Danna, en hann sýnir aldrei
neinn stórleik. Aukahlutverkin eru
flest í góðum höndum og gnæfir
þar Hreggviður í túlkun Magnúsar
Ólafssonar yfir öllum. Ingvar E.
Sigurðsson sem Sigurjón eða Gijóni
öðru nafni er góður í hlutverki sínu
nema hvað röddin var hálffáránleg
og minnir frekar á rödd illmennisins
í talsettum teiknimyndum. Það er
alltaf stutt á milli hláturs og gráts
í myndinni og fannst mér stundum
aðeins of mikil depurð og vonleysi
ríkja, því ekki minntist ég þess úr
bókunum. Allt útlit myndarinnar
er til fyrirmyndar og tímabilið birt-
ist trúverðuglega á skjánum. Jólas-
enan þar sem fjölskyldan gengur
bragga á milli til að óska nágrönn-
um sínum gleðilegra jóla er dæmi
um virkilega vel útfærða senu í
myndinni. 011 tæknivinnsla er eins
og best verður á kosið. Þrengslun-
um í bröggunum og vesældarlegu
umhverfinu er frábærlega komið til
skila með snilldarlegri kvikmynda-
töku Ara Kristinssonar. Tónlist
Hilmars Arnar er ávallt fastur liður
í myndum Friðriks og eins og fyrri
daginn svíkur hún engan. Ólíkt
mörgum myndum, sem gerðar eru
dag, hefði Djöflaeyjan mátt vera
lengri og með þvi hefðu nokkrar
minni persónur fengið að njóta sín
og frásögnin orðið nokkuð heil-
steyptari.

Við höfum öll einhveija skoðun
um hvað betur mætti fara í mynd-
inni, en því verður ekki neitað að
Friðriki Þór hefur tekist afar vel
upp með kvikmyndauppfærslu sína
á Djöflaeyjunni.
Ottó Geir Borg
MYNDBÖND
SÍÐUSTU VIKU
Þytur í laufi
(Wind in the Willows)-k ★
Moll Flanders
(Moll Flanders)k ★ ★
Draugurinn Susie
(Susie Q)k'h
Jólin koma
(Jingle AH the Way)k ★
Leyndarmál Roan Inish
(The Secret ofRoan Inish)k ★ 'h
Eigi skal skaða
(First Do No Harm)~k ★ ★
Ótti
(Fear)k ★ 'h
Jack
(Jack)k ★
Vondir menn í vígahug
(Marshaii Law)k 'h
Helgi í sveitinni
(A Weekend in the Country)k ★ ★
Köld eru kvennaráð
(The First Wives Club)k ★ ★
Ofbeldishefð
(Violent Tradition)k -k'h
Óvæntir fjölskyldumeðlimir
(An Unexpected Family) ★ ★ ★
Flagð undir fögru skinni
(Pretty Poison) ★ 'h
Eiginkona efnamanns
(The Rich Man ’s Wife)k 'h