Morgunblaðið - 30.09.1997, Blaðsíða 19

MORGUNBLAÐIÐ
ÞRIÐJUDAGUR 30. SEPTEMBER 1997 19
ERLENT
Glæpasamtök í al-
þj óðlegu samstarfi
Washington. Reuter.
RÚSSNESK glæpasamtök hafa haf-
ið samvinnu við kólumbíska eit-
urlyfjasmyglhringa í löndum við
Karíbahaf, fengið frá þeim kókaín
sem þau selja í Evrópu og séð glæpa-
samtökum í Rómönsku Ameríku fyr-
ir vopnum og vígvélum, að sögn
Washington Post.
Blaðið hefur eftir embættismönn-
um í Bandaríkjunum, Evrópu og
Rómönsku Ameríku að rússnesku
glæpasamtökin hafi einnig stofnað
banka og fyrirtæki í Karíbahafslönd-
unum til að stunda peningaþvætti.
Embættismennimir sögðu að auk-
in samvinna rússneskra og kól-
umbískra glæpasamtaka væri nú
hættulegasta þróunin í eiturlyfja-
smygli á vesturhveli jarðar. „Rúss-
nesku samtökin, ásamt þeim níger-
ísku, eru nú hættulegustu glæpasam-
tökin í Bandaríkjunum," sagði Barry
R. Caffrey, sem hefur yfirumsjón
með baráttu Bandaríkjastjómar
gegn eiturlyflasmygli.
Selja herþyrlur
Washington Post hefur eftir
Caffrey og fleiri embættismönnum
Rússarnir útvega
Kólumbíumönn-
unum vopn og fá
í staðinn eiturlyf
að rússnesku glæpasamtökin hafi séð
eiturlyfjasmygihringunum fyrir há-
þróuðum vopnum sem þeir hafi ekki
getað keypt áður. Rússamir hafi
einnig veitt Kólumbíumönnunum að-
gang að nýjum mörkuðum í Rúss-
landi og fleiri fyrrverandi sovétlýð-
veldum á sama tíma og eiturlyfja-
neyslan minnkar í Bandaríkjunum.
Heimildarmennirnir sögðu að yf-
irvöld hefðu nýlega komist að því
að rússneskir glæpahópar hefðu
reynt að selja kólumbískum eitur-
lyfjasmyglumm kafbát, þyrlur og
flugskeyti til að granda flugvélum.
Vitað væri að Rússarnir hefðu selt
Kólumbíumönnunum að minnsta
kosti tvær herþyrlur.
Með flugskeytunum geta eitur-
lyfjasmyglararnir ráðist á þyrlur,
sem yfirvöld hafa notað til að flytja
hermenn til árása á kókaín- og heró-
ínverksmiðjur í frumskógum Róm-
önsku Ameríku. Herþyrlur gera þeim
einnig kleift að flytja eiturlyf með
öruggum hætti og hindra árásir.
Peningaþvætti í bönkum
Rússar, sem eru grunaðir um
tengsl við glæpasamtök, hafa einnig
stofnað a.m.k. tólf banka í Karíba-
hafslöndum og greitt milljónir
Bandaríkjadala fyrir nokkra af arð-
vænlegustu nektardansstöðunum
suðurhluta Flórída. Bandarískir emb-
ættismenn segja að bankarnir og
skemmtistaðirnir séu notaðir til pen-
ingaþvættis. Margir bankanna tengj-
ast rússneskum bönkum sem eru
undir stjóm glæpasamtaka.
Rússnesku glæpahóparnir hafa
starfað í Bandaríkjunum í tvo ára-
tugi en að sögn heimildarmannanna
er þetta í fyrsta sinn sem þeir taka
þátt í eiturlyfjasmygli og peninga-
þvætti í þessum heimshluta. Rúss-
arnir hafa hingað til tengst mannrán-
um, fjárkúgunum, vændi og fjár-
hættuspili.
Vilja aðgerðir gegn úlfum
TVÖ ÞÚSUND kindur voru reknar um hina frægu
götu Promenade des Anglais í frönsku Miðjarðarhafs-
borginni Nice í gær. Með því vildu fjárbændur mót-
mæla árásum úlfa á kindahjarðir í Mercantour-þjóð
garðinum. Úlfar, sem njóta verndunar, hafa drepið
um 2.000 kindur í garðinum á síðustu fimm árum.
Stjórnvöld í Bretlandi
Andvíg lögleið-
ingu kannabis
London. Reuter.
JACK Straw, innanríkisráðherra
Bretlands, kvaðst á sunnudag
vera andvígur því að bann við
kannabis yrði afnumið og sakaði
sunnudagsblað The Independent
um að hafa tekið ábyrgðarlausa
afstöðu í málinu.
Þetta voru viðbrögð ráðherrans
við tillögu sunnudagsblaðsins um
að bannið yrði afnumið. Tónlist-
armaðurinn Paul McCartney og
kaupsýslumaðurinn Richard Bran-
son höfðu lýst yfir stuðningi við
tillöguna.
„Það sem Independent on
Sunday segir byggist á því svart-
sýna viðhorfi að við séum að tapa
í baráttunni gegn eiturlyíjum. Það
er ekki satt,“ sagði Straw. Ráð-
herrann bætti við að með því að
heimila kannabis myndi eiturlyfja-
neyslan stóraukast.
Auk McCartneys og Bransons
lýstu nokkrir virtir læknar og fyrr-
verandi lögreglumenn yfir stuðn-
ingi við afnám bannsins í umíjöll-
un sunnudagsblaðsins. Blaðið
sagði að æ algengara væri að lög-
reglan veitti mönnum áminningu
fyrir að eiga kannabis fremur en
að sækja þá til saka. Áminning
hefði verið veitt í 47% tilvikanna
árið 1992 en aðeins í 1% tilvika
1981.
Samkvæmt nýlegri könnun
Exeter-háskóla hafa þrír af hverj-
um tíu nemendum í Bretlandi á
aldrinum 14-15 ára reynt
kannabis að minnsta kosti einu
Clinton
reyndist
Dönum dýr
Kaupmannahöfn. Morgunblaöiö.
REIKNINGURINN fyrir sólarhrings
heimsókn Bills Clintons Bandaríkja-
forseta til Danmerkur hljóðar upp á
80-90 þúsund vinnutíma, um 50
ársstörf eða 100-150 milljónir ís-
lenskra króna. Þingmenn Sameining-
arlistans danska, vinstriflokks, fóru
fram á yfirlit yfir kostnaðinn af heim-
sókn forsetans og nú hefur Mogens
Lykketoft fjármálaráðherra gert
grein fyrir honum.
Mestur kostnaður var af hertri
löggæslu vegna forsetaheimsóknar-
innar. Clinton kom fram á opnum
fundi á Nýja torgi og kostnaður við
að útbúa svið og ganga frá aðstöðu
þar var um 24 milljónir íslenskra
króna. Þingmenn Sameiningarlistans
segja að greinilegt sé að lögreglan
sé ekki í fjársvelti, fyrst hægt sé að
nota svo mikið fé til iöggæslu vegna
einnar heimsóknar, meðan kvartað
sé yfír að ekki sé til nægilegt fé til
að halda uppi almennri löggæslu.