Morgunblaðið - 30.09.1997, Blaðsíða 39

MORGUNBLAÐIÐ
ÞRIÐJUDAGUR 30. SEPTEMBER 1997 39
Dýraglens
Tommi og Jenni
Ljóska
Ferdinand
Hárið á þér lít- Þakka þér fyrir, ... fyrstu spurningar
ur vel út í dag, Magga ... mig langar til að
herra... líta vel út þegar kennarinn
spyr mig þessarar al...
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
VIÐ hvetjum ykkur til að fara á svona umferðarnámskeið því við
höfðum mjög gaman af því og lærðum mjög margt.
Hvernig væri að rifja
upp umferðarreglurnar?
Frá hópi 39-40:
VIÐ erum tveir hópar sem sóttu
námskeið ungra ökumanna hjá
Sjóvá-Almennum á Reyðarfirði og
Egilsstöðum í byrjun september.
Við skoðuðum ýmis atvik í umferð-
inni sem valda okkur ungu öku-
mönnunum stundum vandræðum
og leiða til óhappa. Við viljum benda
ykkur á ýmis atriði sem okkur
finnst skipta máli við eftirfarandi
aðstæður.
Útafakstur
Of mikill hraði úti á vegum er
oft orsökin til þess að ungir öku-
menn missa stjórn á bílnum og aka
útaf. Því hvetjum við ykkur til að
aka í samræmi við aðstæður hvetju
sinni og taka tillit til veðurs, ástand
bíls sem þið akið og vegarins sem
þið akið á. Verið ekki með glanna-
skap, og akið á löglegum hraða.
Við hvetjum ykkur til að hafa ein-
beitinguna í lagi.
Mætingar á vegum
og við brýr
Akið alltaf í samræmi við að-
stæður. Hægið vel á bílnum. Víkið
vel til hliðar þegar þið mætið bíl.
Gætið einnig vel að bílum sem koma
á eftir ykkur. Þegar við komum að
brúm og sjáum bíl í fjarlægð, er
best að stoppa og hleypa honum
yfir. Við getum slökkt á aðalljósum
og þannig gefið ökumanninum sem
kemur á móti til kynna að hann
megi fara yfir.
Biðskylda á gatnamótum
Við sjáum að allt of mörg slys
verða þar sem bið- eða stöðvunar-
skylda er ekki virt. Því hvetjum við
ykkur til að stilla hraða í hóf og
gæta öryggis í hvívetna. Huga vel
að því að útsýni sé nægt á gatna- ■
mótum og sýna sérstaka varúð sé
það lélegt. Og ekki síst að virða
umferðarmerkingar við gatnamót-
in.
Bakkað á annað ökutæki
Næstalgengustu óhöppin hjá
okkur 17-20 ára ökumönnum eru
að bakka á. Einföld ráð til að forð-
ast slíkt er að líta í speglana og í
kringum sig áður en og meðan við
bökkum. Hafa spegla rétt stillta og
allar rúður hreinar og beina athygl-
inni að því sem við erum að gera.
Þá er komið tæki á markaðinn sem
heitir „bakkvari" og varar okkur
við ef við förum of nálægt næsta
bíl. Hvernig væri að skella sér á>
„bakkvara“?
Að lokum viljum við minna ykkur
á að aka ekki ölvuð. Við vitum nú
hversu alvarlegt það er.
Með kveðju frá hópunum á Reyð-
arfirði og Egilsstöðum.
F.h. hóps 39-40,
EINAR GUÐMUNDSSON,
fræðslustjóri Sjóvá-Almennra.
Hugrakkir Norðmenn
Frá Arnljóti Bjarka Bergssyni:
FÁTT er svo með öllu illt að ekki
boði nokkuð gott. Nú hafa Norð-
menn sýnt að þeir hafa þor til að
standa í vegi fyrir Evrópuskrifræð-
isskrímslinu. Þeir eru í alvöru að
velta því fyrir sér að hafna Brussel-
ættuðum tilskipunum um hvað
skuli standa í lögum EES-ríkjanna.
Ef Norðmenn hafna tilskipun
ESB um genabreyttar lifverur, eiga
þeir heiður skilinn.
Skrifstofufíklarnir í Brussel eiga
skilið að fá höfnun af þessu tagi,
eftir að hafa hrist upp í íslensku
þjóðlífi með vinnutilskipun ESB.
Ekki er nóg með að fólki sé bann-
að að vinna, heldur er okkur einnig
gert erfiðara fyrir að keppa við
erlend fyrirtæki því við getum ekki
notað til fulls mannaflann og tím-
ann sem við höfum yfir að ráða.
Höfnun Norðmanna gæti sett^
EES-samninginn í hættu, jafnvel
kollvarpað honum, og þá yrði EES
ekki einsleitur markaður. Þá þyrft-
um við ekki að sitja uppi með lög
ESB stundinni lengur, löggjafar-
valdið yrði heimt úr helju daginn
sem EES-samningum yrði rift. Upp
frá því yrðu samningar okkar við
ESB tvíhliða tollasamningar án
nokkurra lögformlegra skuldbind-
inga. Við gætum tekið upp þráðinn
þar sem frá var horfíð við Bókun VI.
Ef Norðmenn hafna þessu sýna
þeir hugrekki og áræðni sem ekki
verður hægt að draga í efa.
ARNLJÓTUR BJARKIBERGSSON,
Helsingjaeyri, Danmörku.
MORGUNBLAÐIÐ, Kringlunni 1, 103 Reykjavik. SÍMAR: Skiptiborð: 569 1100. Auglýsingar:
569 1111. Áskriftir: 569 1122. SÍMBRÉF: Ritstjórn 569 1329, fréttir 569 1181, íþróttir 669 1156,
sérblöð 569 1222, auglýsingar 569 1110, skrifstofa 568 1811, gjaldkeri 569 1115. NETFANG:
MBL@CENTRUM.1S / Áskriftargjald 1.800 kr. á mánuði innanlands. í lausasölu 125 kr. eintakið.