Morgunblaðið - 30.09.1997, Blaðsíða 38

38 ÞRIÐJUDAGUR 30. SEPTEMBER 1997
FRETTIR
MORGUNBLAÐIÐ
Málþing um siðaregl-
ur í viðskiptalífinu
SIÐFRÆÐISTOFNUN Háskóla Is-
lands efnir til málþings um siðferði
í íslensku viðskiptalífi þann 3. októ-
ber á Hótel Sögu frá kl. 9-17. Eink-
um verður tekið til umfjöllunar
efni sem töluvert hefur verið rætt
á síðustu misserum en það eru siða-
reglur fyrirtækja, stofnana og
starfsgreina. Sífellt algengara er
að fyrirtæki, stofnanir og starfs-
greinar í Evrópu og Norður-Amer-
íku móti siðareglur og bjóði starfs-
mönnum þjálfun í að takast á við
siðferðileg álitamál sem upp geta
komið í daglegum störfum þeirra.
Vaxandi áhugi á þessu málefni er
einnig hér á landi þó svo að í fáum
fyrirtækjum og stofnunum hafí enn
sem komið er verið teknar upp eig-
inlegar siðareglur, segir í fréttatil-
kynningu.
Málþingið er ætlað öllu áhuga-
fólki um jákvæðan fyrirtækjabrag
í íslensku atvinnulífí, ekki síst
stjórnendum og öðrum þeim sem
taka ákvarðanir í fyrirtækjum og
stofnunum. Á málþinginu hefur
framsögu fólk úr viðskiptalífínu
jafnt sem fræðimenn, launþegar
jafnt sem vinnuveitendur. Þannig
gefst gestum tækifæri til að kynn-
ast eðli siðareglna og jafnframt
þeim þáttum í íslensku viðskiptalífi
sem þær verða að taka mið af.
Skráning og nánari upplýsingar
eru veittar í síma Siðfræðistofnunar.
Samkomuröð
með Helga
Hróbjartssyni
SAMKOMUR verða haldnar í húsi
KFUM og KFUK við Holtaveg í
Reykjavík dagana 1.-5. október.
Ræðumaður verður sr. Helgi Hró-
bjartsson en hann hefur um árabil
starfað sem kristniboði bæði í Eþí-
ópíu og Senegal.
Sr. Helgi snéri aftur til Íslands
sumarið 1996 og hefur frá miklu
að segja. Síðastliðin ár hefur hann
starfað í Lúthersku kirkjunni í S-
Eþíópíu og m.a. I Ogaden eyði-
mörkinni. Þar vann sr. Helgi að
þróunarverkefnum jafnframt
kristniboði. Hann hefur því frá
miklu að segja.
Á samkomunum verður kórsöng-
ur, einsöngur og mikill almennur
söngur. Allar samkomurnar heflast
kl. 20.30 nema samkoman 5. októ-
ber hún hefst kl. 17. Allir eru hjart-
anlega velkomnir í hús KFUM og
KFUK við Holtaveg. Samkomurnar
hefjast allar kl. 20.30.
Lögreglan
leitar vitna
RANNSÓKNARDEILD lögregl-
unnar í Reykjavík óskar eftir að
hafa tal af vitnum að árekstri á
mótum Bústaðavegar og Suðurhlíð-
ar sl. laugardag kl. 11.44.
Tveir fólksbflar, Colt og Saab,
rákust saman á gatnamótunum og
greinir ökumenn þeirra á um stöðu
umferðarljósanna.
Dagbók lögreglunnar
*
A100 km hraða
í miðri borg
UM HELGINA voru rúmlega 300
mál færð til bókunar hjá lögregl-
unni í Reykjavík.
Margir ökumenn voru stöðvað-
ir af lögreglu vegna hraðaaksturs
og urðu nokkrir þeirra að sjá á
eftir ökuréttindum sínum. Ekki
er of oft brýnt fyrir ökumönnum
að virða hraðamörk og gera sér
grein fyrir þeirri hættu sem menn
skapa með vítaverðum hraðakstri
í íbúahverfum borgarinnar.
Einn ökumaður var stöðvaður
á Grensásvegi er hann var mæld-
ur á rúmlega 100 km hraða en
leyfilegur hámarkshraði við bestu
aðstæður er 50 km þar. Ökumað-
urinn var færður niður á stöð og
sviptur ökuréttindum.
Ánnar ökumaður var færður á
lögreglustöð og sviptur ökurétt-
indum eftir að hafa ekið ökutæki
sínu á rúmlega 100 km hraða á
Miklubraut.
Umferðarslys
Slys varð í Breiðagerði við
Grensásveg á föstudag en tvö
ökutæki skullu saman. Okumaður
og farþegi urðu fyrir minniháttar
meiðslum, en flytja varð bæði
ökutækin með kranabifreið af
vettvangi.
Um miðjan dag á laugardag
varð umferðarslys á Bústaðavegi
við Suðurhlíð er þrír bílar skullu
saman. Ein bifreiðanna lenti á
umferðarvita og hlutu ökumaður
og farþegi nokkra áverka.
Þá slasaðist 15 ára unglingur
á fæti er hann datt af óskráðu
torfæruhjóli. Drengurinn var við
akstur utan vegar við Suður-
landsbraut.
Þá slasaðist ökumaður í andliti
er tvö ökutæki skullu saman á
Borgartúni við Kringlumýrar-
braut á laugardag.
Líkamsmeiðingar
Karlmaður var sleginn í andlit-
ið á skyndibitastað í morgunsárið
á sunnudag. Manninum var ekið
á slysadeild þar sem gert var að
sárum hans.
Þá var karlmaður handtekinn
á mánudagsmorgun eftir að hafa
barið annan mann með flösku í
höfuðið. Hinn slasaði var fluttur
á slysadeild.
Innbrot/þjófnaður
Brotist var inn í sex fyrirtæki
á Ártúnsholti aðfaranótt laugar-
dags. Innbrotsaðilar höfðu tekið
til mikið af tölvubúnaði og ætlað
að taka af vettvangi.
Afskipti voru höfð af konu sem
staðin hafði verið að því að stela
þvotti nágranna sinna.
Fíkniefnamál
Ætluð fíkniefni fundust á
manni sem handtekinn var á
Laugavegi. Hann var handtekinn
og fluttur á lögreglustöð.
Skemmdarverk
Mikið var unnið af skemmdar-
verkum um helgina. Lögreglu
bárust rúmlega 30 slíkar tilkynn-
ingar. Ástæða er til að hvetja
alla til að láta lögreglu vita verði
þeir varir við aðila sem eru að
vinna skemmdir á eigum borgara.
Skemmdir voru unnar á fímm
ökutækjum í vesturbænum að
morgni laugardags.
Alþjóðadagnr
eldri borgara
1. október
SAMEINUÐU þjóðirnar hafa út-
nefnt 1. október ár hvert sem Al-
þjóðadag eldri borgara. Með hug-
takinu eldri borgari er átt við fólk
60 ára og eldra.
Talið er að ein af hveijum tíu
manneskjum í heiminum sé nú 60
ára og eldri. Árið 2030 er áætlað
að þriðja hver manneskja í þessum
löndum verði 60 ára og eldri.
Hagsmunamál eldri borgara
snerta því ekki einungis þá sem
nú eru 60 ára og eldri heldur líka
alla þá sem á ókomnum árum ná
þessum aldri, segir í frétt frá fé-
lagi SÞ.
■ FÉLAG ábyrgra feðra efnir
til kynningarfundur á Grand Hótel
miðvikudagskvöldið 1. október kl.
20. Erindi flytja Jóhann Loftsson,
sálfræðingur, hann mun fjalla um
tengsl barna og foreldra, Össur
Skarphéðinsson, sem fer nokkrum
orðum um skyldur sínar sem föð-
ur, Helgi Birgisson, lögfræðingur,
ijallar um rétt barns til beggja for-
eldra samkvæmt lögum og Davíð
Þór Jónsson, fjallar um forsjár-
deilur og fjölmiðla.
■ FÉLA GSFUNDUR í VINNÍS,
Vinnuvistfræðifélagi íslands,
verður haldinn miðvikudaginn 1.
október. Fundurinn verður haldinn
í fundarsal BHM í Lágmúla 7, 3.
hæð, kl. 16.30. Niðurstöður könn-
unar meðal félagsmanna um
áhugasvið og leiðir í starfí verða
kynntar. Stofnaðir verða þverfag-
legir hópar um hin ýmsu áhugasvið
félagsmanna. Nýir félagar vel-
komnir.
■ NÁMSKEIÐ í skyndihjálp hefst
fimmtudaginn 2. október. Kennt
verður kl. 19-23 dagana 2., 8. og
9. október. Námskeiðið er 16
kennslustundir og verður haldið í
Fákafeni 11, 2. hæð. Þátttaka er
heimil öllum 15 ára og eldri.
Félagar í RKÍ og nemendur í
framhaldsskólum fá 50% afslátt.
Sérstaklega er vænst þátttöku
ungra ökumanna sem hafa í hönd-
um ávísun á námskeið í skyndi-
hjálp gefna út af Rauða krossi
íslands en þær elstu fara að falla
úr gildi, segir í fréttatilkynningu.
Dregur upp-
sögn á sér-
fræðisamningi
til baka
MORGUNBLAÐINU hefur borist
eftirfarandi yfírlýsing frá Siguijóni
Sigurðssyni, lækni:
„Vegna auglýsingar um sér-
fræðilæknisþjónustu sem birtist í
Morgunblaðinu hinn 28. september
sl. vil ég taka fram að ég get ekki
á nokkurn hátt borið ábyrgð á inni-
haldi hennar enda var það ekki
borið undir mig. í auglýsingunni
er sjúklingum bent á að framvísa
reikningum til Tryggingastofnunar
ríkisins. Sem starfsmaður Trygg-
ingastofnunar get ég ekki tekið
undir þetta enda er ljóst að Trygg-
ingastofnun er ekki heimilt að
greiða reikningana þannig að hér
er einungis verið að skapa sjúkling-
um óþarfa snúninga. Vegna vinnu
minnar á Tryggingastofnun hef ég
afráðið að draga uppsögn mína á
sérfræðisamningi mínum við
Tryggingastofnun til baka.“
■ FORELDRARÁÐ Austurbæj-
arskóla samþykkti eftirfarandi á
fundi sínum þann 24. september
1997:
„Foreldraráð Austurbæjarskóla
lýsir þungum áhyggjum vegna yfír-
standandi kjaradeilu grunnskóla-
kennara og sveitarstjórna.
Sveitarstjórnir máttu vita að yfir-
taka grunnskóla þýddi aukin út-
gjöld. Annaðhvort axla pólitískir
valdhafar þá ábyrgð eða vísa þann
veg að rétturinn til grunnskólanáms
verði einungis tryggður þeim sem
til þess hafa fé.
Það hæfír ekki pólitískt kjörnum
fulltrúum að skýla sér á bak við
launanefnd sveitarfélaga sem er
ekkert annað en starfsnefnd stjórn-
valda. Foreldraráðið skorar á
stjórnvöld Reykjavíkurborgar að
gar.ga þegar til samninga við kenn-
ara og meta að verðleikum mikil-
vægi kennarastarfsins.
Foreldraráð Austurbæjarskóla
hafnar framtíðarsýn ójafnaðar og
ítrekar að jafnrétti barna til náms
er grundvöllur velfarnaðar í samfé-
laginu og á ábyrgð samfélagsins."
I Foreldraráði Austurbæjarskóla
eru Helga Nína Heimisdóttir,
Birna Þórðardóttir og Hjörleifur
Stefánsson.
■ MENNINGAR- og friðarsam-
tök íslenskra kvenna halda opinn
fund í kvöld þriðjudaginn 30. sept-
ember kl. 20 á Vatnsstíg 10 (MIR-
salur). Sigríður Lillý Baldurs-
dóttir frá Félagsmálaráðuneyti
gerir grein fyrir skýrslu Sameinuðu
þjóðanna um Kvennaráðstefnuna í
Kína 1995 og María S. Gunnars-
dóttir segir fréttir frá Alþjóðasam-
tökum lýðræðissinnaðra kvenna.
■ FFA - Fræðsla fyrir fatlaða
og aðstandendur heldur fræðslu-
kvöld fyrir aðstandendur fatlaðra
barna miðvikudaginn 1. október
kl. 20.30 1 sal Félags íslenskra
hjúkrunarfræðinga, Suðurlands-
braut 22.
Ingibjörg Georgsdóttir, barna-
læknir og Sigríður Ólafsdóttir, yfír-
félagsráðgjafi, báðar hjá Trygg-
ingastofnun ríkisins kynna breyt-
ingar á reglugerð um umönnunar-
bætur sem tók gildi 1. september sl.
Kaffigjald er 300 kr. Tilkynna
þarf þátttöku til Landssamtak-
anna Þroskahjálpar.
LEIÐRÉTT
Villa í minningargrein
INNSLÁTTARVILLA varð í minn-
ingargrein um Önnu Maríu Einars-
dóttur í blaðinu sunnudaginn 28.
september. Hljóðaði setningin svo:
vFélagið leigði þá skrifstofu í húsi
Óryrkjabandalagsins í Hátúni 10,
en flutti sama ár í eigið húsnæði
á Skólavörðustíg 21 þar sem starf-
semin var næstu fimmtán ár-
in“ .... þarna hefði átt að standa
... næstu fímm árin.
Viktor Frankl
RANGHERMT var í frétt sl. sunnu-
dag að Viktor Frankl, höfundur
bókarinnar Leitin að tilgangi lífs-
ins, hafí látist sl. þriðjudag. Hið
rétta er að Frankl lést þriðjudaginn
2. september sl.
Stúkufélagi „Mínervu"
í greininni „Ég vil ekki timbur-
mennina" sem birtist sl. sunnudag
var m.a. sagt frá Ingu Guðmunds-
dóttur, sem varð eiginkona Jóhanns
J. Kristjánssonar héraðslæknis.
Athugull lesandi hringdi og sagði
að Inga væri önnur frá hægri í
miðröð á mynd sem fylgdi grein-
inni. Ingu var ekki getið í mynda-
textanum og er beðist velvirðingar
á því.
MORGUNBLAÐINU hefur borist
eftirfarandi athugasemd frá
Braga Guðbrandssyni, forstjóra
Barnaverndarstofu.
„í nýlegu fréttaviðtali við Mörtu
Bergmann, félagsmálastjóra í
Hafnarfírði, um kynferðisafbrota-
mál manns gegn ungu bami, sem
vistað var af barnaverndarnefnd í
hans umsjá, lýsir hún málinu sem
martröð barnaverndar. Enginn
getur efastum sannleiksgildi þess-
ara orða. Útilokað var að sjá þá
sorglegu atburði fyrir sem fólust
í því ofbeldi sem hið varnarlausa
unga bam var beitt.
I yfirlýsingu aðstoðarmanns fé-
lagsmálastjórans, Einars Inga
Magnússonar, í Mbl. sl. laugardag
er komið á framfæri athugasemd-
um vegna tiltekinna atriða er fram
komu í fréttaviðtali við undirritað-
an. Fréttamaður leitaði í því tilviki
m.a. eftir upplýsingum um hvaða
almennu reglur giltu um mat á
hæfni fólks til að taka börn í fóst-
ur, sem eðlilegt er að spurningar
vakni um í kjölfar þessa óhugnan-
lega máls. Undirritaður skýrði þær
reglur sem í gildi em en þær fara
eftir því hvort barni er ráðstafað
í fóstur til langs tíma eða um vist-
un barns er að ræða í skemmri
tíma en sex mánuði. i fyrra tilvik-
inu annast Barnaverndarstofa
umrætt hæfnismat og er þá hæfn-
isvottorð látið í té eftir mjög ítar-
lega rannsókn á högum og aðstæð-
um viðkomandi. Sé um skamm-
tímavistun að ræða er hæfnismat-
ið framkvæmt af barnaverndar-
Athugasemd
við yfir-
lýsingu
nefndinni þar sem væntanlegir
fósturforeldrar eiga lögheimili
jafnframt því sem sú nefnd sem
vistar barn á því tiltekna heimili
gerir gjarnan sínar eigin athugan-
ir.
í fréttaviðtalinu kom jafn-
framt fram að umrætt heimili
hafði ekki hæfnisvottorð frá
Barnaverndarstofu en að barna-
verndarnefndirnar fyrir norðan
og í Hafnarfirði hafi framkvæmt
sínar athuganir eins og reglur
kveði á um, enda hafi fósturráð-
stöfun þeirra barna sem dvöldu
á heimilinu einungis verið ætlað
að vara í sex mánuði.
Aðstoðarfélagsmálastjórinn
hefur greinilega lesið eitthvað allt
annað og meira út úr þessu frétta-
viðtali en efni standa til. Hann
gerir því skóna að það sé ósatt
sem fram kemur í fréttaviðtalinu
að heimilið hafi ekki fengið hæfn-
ismat frá Barnaverndarstofu. Vís-
ar hann til þeirrar umsóknar sem
hjónin höfðu lagt inn hjá stofunni,
í framhaldi hafí Barnaverndar-
stofa óskað eftir umsögn frá
barnaverndamefnd S-Þingeyjar-
sýslu og fengið mjög ítarlega út-
tekt þaðan. Að auki hafí starfs-
maður Barnaverndarstofu fylgt
málinu eftir með heimsókn á heim-
ilið. Á grundvelli þessa fullyrðir
aðstoðarfélagsmálastjórinn að
„heimilið uppfyllti öll skilyrði
Barnaverndarstofu um langtíma-
fóstur".
Það má vera að það sé mat
hans að svo hafí verið en ekkert
liggur fyrir um það af hálfu Barna-
vemdarstofu. Umsókn um að ger-
ast fósturforeldrar, öflun upplýs-
inga og gagna jafngildir augljós-
lega ekki leyfísveitingu. Stofnunin
hafði ekki lokið vinnslu málsins
enda er mun fleiri gagna aflað en
aðstoðarfélagsmálastjórinn til-
greinir auk þess sem leggja þarf
mat á gögnin. Engu breytir þótt
„fólkið hafí talið sig vera á skrá
hjá Barnaverndarstofu“. Fullyrð-
ingar aðstoðarfélagsmálastjórans
þess efnis að Barnaverndarstofa
„hafi beðið heimilið fyrir vistun á
einstaklingi í beinu framhaldi af
þessari skráningu“ eiga ekki við
nein rök að styðjast.
Hvorki kannast sá starfsmaður
stofunnar sem hefur umsjón með
fósturmálum við slíkt né heldur
er það á verksviði Barnaverndar-
stofu að ráðstafa börnum í fóstur,
en slíkt er alfarið hlutverk barna-
verndarnefnda. Loks eru fullyrð-
ingar aðstoðarfélagsmálastjórans
um að félagsmálastjórinn á Húsa-
vík hafí komið á framfæri athuga-
semdum við undirritaðan símleiðis
vegna þessa máls ekki réttar held-
ur, því hvorugt könnumst við við
að hafa átt samræður um hæfnis-
mat á umræddu heimili.“