Morgunblaðið - 13.01.1998, Side 68

MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKllREYRI: KA UPVANGSSTRÆTI1
ÞRIÐJUDAGUR 13. JANÚAR 1998
VERÐ í LAUSASÖLU 125 KR. MEÐ VSK
Flugleiðir taka þátt í árstíðabundinni lækkun flugfargjalda á Norður-Atlantshafí
Spáð verðstríði á N-Atlants-
hafi vegna kreppu í Asíu
FLUGLEIÐIR hafa lækkað verð á pakkaferðum
bæði til Norður-Ameríku og meginlands Evrópu
og er eftirspurn neytenda mikil, að sögn Einars
Sigurðssonar, framkvæmdastjóra stefnumótun-
ar- og stjómunarsviðs Flugleiða. Að hans sögn er
um venjulega, árstíðarbundna verðlækkun á
Norður-Atlantshafsmarkaðnum að ræða. Flug-
tímaritið Flight International spáir því að til
verðstríðs geti komið á Norður-Atlantshafsmark-
aðnum á næstu misserum vegna efnahagskrepp-
unnar í Asíu.
Flugfélög, sem fljúga á milli Evrópu og Norð-
-'ur-Ameríku, hafa að undanfómu lækkað fargjöld
sín. I nýjasta hefti Aviation Week er t.d. frá því
greint að þýzka flugfélagið Lufthansa hafi lækk-
að fargjöld sín á Norður-Atlantshafsleiðum allt
niður í 238 dollara, eða um 17.000 krónur.
Markaðurinn með slakasta móti
á þessum árstíma
Einar Sigurðsson segir að Norður-Atlants-
hafsmarkaðurinn sé yfirleitt með slakasta móti á
þessum árstíma og reyni flugfélögin að mæta þvf
með verðlækkunum og tilboðum. Flugleiðir hafi
um helgina auglýst tilboð á pakkaferðum frá ís-
landi til Flórída, Amsterdam, London og Glas-
gow. „Arangurinn af því er að gríðarleg eftir-
spurn er í dag og við höfum ekki einu sinni getað
svarað öllum símtölum," segir Einar. „íslenzki
markaðurinn er að byrja að sjá afleiðingar þess-
arar hefðbundnu vetrarlækkunar á hafinu og er
greinilega mjög móttækilegur fyrir þessum til-
boðum.“
Einar segir að beggja vegna hafsins hafi Flug-
leiðir verið með tilboð af svipuðum toga og einnig
boðið upp á kynningartilboð með fremur þröng-
um skilmálum. „Við fylgjumst með þróuninni
beggja vegna hafsins og spilum þessu út eftir því
sem aðstæður gefa tilefni til,“ segir hann.
Minni áhrif á leiðum Flugleiða
I nýjasta hefti Flight Intcrnational, þar sem
spáð er í þróun fargjalda á nýhöfnu ári, segir að
búast megi við að evrópsk og bandarísk flugfélög
fari að beina nýjum flugvélum, sem þau hafi ætl-
að til flugs í Asíu, inn á aðrar flugleiðir sínar.
Einkum hafi menn áhyggjur af Norður-Atlants-
hafsmarkaðnum, þar sem aukið framboð kunni
að leiða til fargjaldastríðs, sem hafi skaðleg áhrif
á afkomu flugfélaga.
Einar Sigurðsson segir að erfitt sé að segja til
um viðbrögð Flugleiða við þróun af þessu tagi.
„Ég held að óvarlegt sé að gera ráð fyrir að þess-
ar vélar komi allar til flugs hér á Norður-Atlants-
hafinu, því að félögin, sem eiga þær, eru nú þegar
með framboð, sem geiir meira en að fullnægja
eftirspurn á öllum meginleiðum á hafinu," segir
hann. „Þetta eru spádómar, sem erfitt er að
heimfæra á rekstur eða áætlanagerð fyrirtækis-
ins.“
Einar bendir á að Flugleiðir hafi leitazt við að
færa út kvíarnar á flugleiðum, þar sem minna
framboð sé en á helztu flugleiðum yfir Atlants-
hafið. „Við gerum því skóna að fari menn með
vélar inn á Norður-Atlantshafið i svona lausnum
leiti menn fyrst og fremst í massann. Það getur
vitaskuld haft áhrif á verðið á markaðnum í heild
en væntanlega minni áhrif á okkar tiltekna mark-
að en ella, ef þetta gengur eftir.“
I lífshættu
eftir raf-
lost og fall
MAÐUR slasaðist lífshættu-
lega þegar hann snerti raf-
streng með 11 þúsund volta
spennu í gærmorgun og féll úr
mastri á mótum Hafravatns-
vegar og Vesturlandsvegar þar
sem hann var við vinnu sína.
Maðurinn hlaut brunasár á
höndum og víðar á líkamanum
þar sem strauminn leiddi út.
Hlaut hann einnig innri áverka
vegna rafmagnshöggsins. Hann
féll um 8 metra niður á frosna
jörð og hlaut mörg beinbrot af
fallinu.
Að sögn eftirlitsmanns
Vinnueftirlitsins voru starfs-
menn Rafmagnsveitu Reykja-
víkur að vinna við Grafar-
holtslínu og var straumur því
tekinn af henni. Ulfarsfellslína
sker hana og var straumur á
henni. Maðurinn gekk meðfram
Grafarholtslínunni og þar sem
línumar skerast villtist hann á
staurum og fór í mastur Ulfars-
fellslínu með fyrrgreindum af-
leiðingum.
Vetur konungur lætur
loks á sér kræia
Margir biðu
eftir að
• •
Oxnadals-
heiði yrði
opnuð
LOKSINS fór að snjóa á Vestfjörð-
um, Norður- og Austurlandi um
'rii.elgina og það ríflega. Vonskuveður
var víða í gær og var mikil hálka og
skafrenningur á þjóðvegum. Ófært
var á mörgum fjallvegum.
Öxnadalsheiði var kolófær fram
eftir degi í gær, blindbylur og mikill
skafrenningur var á heiðinni en veð-
ur af því tagi hefur verið á þeim slóð-
um nokkra síðustu daga samkvæmt
upplýsingum vegaeftirlits Vegagerð-
arinnar á Akureyri. Mikil umferð var
um Öxnadalsheiði á sunnudag þótt
veður væri slæmt og var veginum
haldið opnum vegna þess. Heiðin var
hins vegar harðlæst eins og starfs-
maður eftirlitsins orðaði það seinni
partinn í gær, en þó nokkur fjöldi
fólks beið eftir að komast yfir. Undir
^^völd átti að reyna að opna veginn.
Flug lá niðri fram eftir degi í gær.
Ekki var hægt að fljúga milli Akur-
eyrar og Reykjavíkur fyrr en undir
kvöld og þá var verið að athuga með
flug frá Akureyri og austur um til
Kópaskers, Raufarhafnar, Þórshafn-
ar, Egilsstaða og einnig til Isafjarð-
ar. Vél frá Flugfélagi Islands teppt-
ist á Vopnafirði á sunnudag og biðu
19 manns þar eftir að komast með
henni til Akureyrar.
Foktjón hjá Norðuráli
Talsvert tjón varð á bflum, krana
Og byggingu á athafnasvæði Norður-
áls á Grundartanga síðdegis í gær,
þegar sterk vindhviða feykti þar til
stórum plaströrum. Varð einn starfs-
manna fyrir lítilsháttar meiðslum,
samkvæmt upplýsingum lögreglu í
Borgarnesi. Um svipað leyti varð
annað óhapp á svæðinu, þegar hús-
eining sem var verið að skipa upp,
ijféll af vörubíl á fólksbíl og olli mikl-
um skemmdum á bifreiðinni.
_ Morgunblaðið/Kristján
ÞOTT bylurinn hafí sett strik í reikninginn hjá ferðalöngum voru börnin ekki lengi að sjá ljósu punktana í tilverunni. Bjarki Sæþórsson, sem verður
sex ára í sumar, var úti að leika sér á leikskólanum sínum, Flúðum á Akureyri, en krakkarnir þar voru svo ánægðir með snjóinn að þeir höfðu varla
tíma til að fara inn að borða.
Mesta sandfok um árabil í
Rangárvallasýslu
„Jaðrar við nátt-
úruhamfarir“
„I DAG er sjötti dagurinn í röð með
stöðugri norðaustanátt hér á Rang-
árvöllunum og sandfokið hefur far-
ið stigversnandi. Sand- og moldar-
mökkinn leggur yfir meginhluta
Rangárvallasýslu, “ segir Sveinn
Runólfsson landgræðslustjóri.
Mikið hvassviðri hefur verið á þess-
um slóðum og sandbylur samfleytt
frá því um miðja seinustu viku.
Ástandið er sérstaklega slæmt
vegna siyóleysis og stöðugs vind-
álags á opnum svæðum. Sveinn seg-
ir þetta jaðra við að vera náttúru-
hamfarir.
Fýkur af vikur- og sandsvæðun-
um vestan Heklu
„Það er erfitt að gera sér grein
fyrir meginupptökum sandfoksins
en mér skilst á viðtölum við bændur
í ofanverðri Landsveit, að mönnum
virðist þetta koma fyrst og fremst
af vikur- og sandsvæðunum á milli
Búrfells og Heklu. Það fýkur líka
úr öllum opnum jarðvegssárum,
rofabörðum, efnisnámum og öðrum
gróðurlausum svæðum. Þetta hefúr
verið mjög slæmt. Ég tel að þetta
sé versta sandrokið sem við höfum
fengið síðan á fyrstu árum þessa
áratugar," segir hami.
Skemmdir á gróðursvæðum og
jarðvegsrof
Sveinn segir ljóst að orðið hafi
miklir skaðar og jarðvegsrof á þeim
svæðum sem hafa verið að gróa upp
á undanförnum árum. Hann bendir
hins vegar á að ef svona veður hefði
gert á auða jörð fyrir 30-40 árum
hefði ástandið verið enn alvarlegra
og skyggnið sennilega ekki meira en
5-10 metrar á Rangárvölliun. „Það
hefur mikið áunnist en þetta er
áminning til okkar allra að við ger-
um miklu betur því enn eru víðáttu-
mikil svæði þar sem við eigum eftir
að endurheimta fyrri gróðurhulu,"
segir hann.
Hefur moldarmökkurinn verið
svo þéttur á stundum að ekki hefur
sést til himins, að sögn Sveins.
„Sandbylurinn er hvimleiður og
smýgur inn í hús. Ég segi ekki að
það sé sporrækt í íbúðarhúsum en
það er mikið ryk í gluggum," segir
hann.