Morgunblaðið - 05.03.1998, Page 27

MORGUNBLAÐIÐ
FIMMTUDAGUR 5. MARZ 1998 27
ERLENT
Grunur um njósnir
um danska vinstrimenn
Kaupmannahöfn. Morgunblaðið.
DANSKA leyniþjónustan,
„Politiets Efterretningstjeneste"
eða PET, liggur undir grun að
hafa stundað ólöglegar njósnir
innan verkalýðshreyfíngarinnar
og á vinstri vængnum, meðan
hægri öfgasamtök hafa fengið að
starfa óáreitt. Nýjasta dæmið eru
njósnir 1996. Mál varðandi starf-
semi PET velta upp í dönskum
fjölmiðlum þessa dagana og þar
sem Frank Jensen dómsmálaráð-
herra hefur varið starfsemi PET
gætu málin haft neikvæð áhrif á
kjósendur Jafnaðarmannaflokks-
ins.
TV2 hefur birt viðtal við mann,
sem á síðasta áratug stundaði
njósnir íyrir PET um starfsemi
Sósíalíska verkamannaflokksins,
eitt af mörgum flokksbrotum yst á
vinstri vængnum. Sjónvarpsstöðin
hefur tekið upp samtal Norgaards
við tengilið hans innan PET til að
sýna fram á að hann hafi í raun
unnið fyrir PET. A þeim tíma sem
hann safnaði upplýsingum um
flokkinn höfðu þegar verið sett
lög, er bönnuðu njósnir um leyfi-
lega stjórnmálaflokka. Einnig hef-
ur hann safnað upplýsingum um
verkafallsaðgerðir á síðasta ára-
tug.
I Politiken hefur verið rætt við
mann, er um árabil hefur fylgst
með hægrivængnum og einnig
unnið fyrir PET. Hann segist hafa
varað PET við að hægri öfgasam-
tök hygðust gera sprengjuárás á
vinstrisamtök, Internationale
Socialister. PET varaði samtökin
ekki við, 1992 sprakk sprengja í
húsakynnum samtakanna og kost-
aði einn mann lífið. Þrátt fýrir
stöðugan orðróm um að árásin
væri af pólitískum toga hefur
PET ekki fylgt þeim þræði og
árásin hefur aldrei verið upplýst.
Hann safnaði einnig upplýsingum
á opnum fundi 1996 um málefni
Kúrda, þar sem PET vildi athuga
hvort nefnt yrði samstarf PET og
tyrknesku leyniþjónustunnar.
Birgitte Stampe, yfirmaður PET,
hefur áður sagt að upptakan hafi
verið eyðilögð, en lét þess ekki
getið að skýrsla um fundinn væri
áfram geymd.
Þetta er ekki í fyrsta skipti sem
PET sætir gagnrýni og danskir
stjómmálamenn krefjast nú auk-
ins aðhalds. Aðrir benda hins veg-
ar á að eitthvað sé bogið við regl-
ur PET úr því þar sé talið eðlilegt
að fylgjast með verkalýðshreyf-
ingunni og löglegum stjómmála-
flokkum og stunda þannig póli-
tískar njósnir fyrir sitjandi stjóm,
þrátt fyrir lög er banna njósnir
um skoðanir fólks. Þar sem upp-
ljóstranir um PET em rétt að
byrja er óhjákvæmilegt að þær
hafi áhrif á þingkosningamar 11.
mars.
Indónesía
Krefjast
óspilltrar
sljórnar
Jakarta. Reuters.
FULLTRÚAR á Þjóðarráðgjafar-
samkomu Indónesíu lögðu í gær
megináherslu á nauðsyn óspilltrar
ríkisstjórnar, en þess er vænst að í
næstu viku kjósi samkoman Suharto
til embættis forseta næstu fimm ár,
sjöunda kjörtímabilið í röð. Leiðtog-
ar stjórnarandstöðunnar voru harðir
í yfirlýsingum sínum í gær gegn
spillingu, leynimakki og því, að ráða-
menn létu skyldmenni sín ganga fyr-
ir er skipað væri í opinber embætti.
Moestahid Astari, fulltrúi stjóm-
arflokksins, sagði að það væri ekki
refsivert að hygla skyldmennum sín-
um, en því fylgdi siðferðileg ábyrgð.
Fjölskyldumeðlimir Suhartos hafa
verið ásakaðir um að hafa misnotað
aðstöðu sína til þess að græða stórfé
í viðskiptum. Forsetinn nefndi ekki
spillingarmál í ræðu sinni við upphaf
samkomunnar sl. sunnudag.
Alfian Darmawan, fulltrúi flokks ís-
lamista, PPP, sagði að það hefði kom-
ið á óvart að forsetinn hefði ekki
nefnt nokkur atriði í ræðu sinni.
Hann hefði ekki minnst á réttarfars-
og stjórnmálaumbætur, trúmál eða
uppbyggingu vamar- og öryggismála.
Darmawan sagði að hrein og óspillt
stjórn hefði ekki orðið að raunveru-
leika og það væri grundvöllur efna-
hagsvandans sem við væri að etja.
-----------------
Deilt um
læknaskort
í Noregi
EINKENNILEG deila er komin
upp í Noregi um hvort skortur sé á
læknum í landinu. Nú þegar hefur
um 200 milljónum ísl. kr. verið varið
til að fá útlenda lækna til starfa í
Noregi og um 3.500 læknar hafa
lýst yfir áhuga á störfum þar í landi.
Hins vegar eru uppi raddir um að
læknaskorturinn sé liðinn hjá, og
jafnvel að hann hafi aldrei verið fyr-
ir hendi.
Frá þessu er greint í Dagbladet
og haft eftir heimildarmanni í heil-
brigðisráðuneytinu norska að fyrir
tveimur árum hafi vantað fjölmarga
lækna til starfa en sú sé ekki lengur
raunin. John Alvheim, þingmaður
Framfaraflokksins og formaður fé-
lagsmálanefndar Stórþingsins, full-
yrðir að ekki hafi verið um neinn
læknaskort að ræða.
Samkvæmt tölum Vinnumála-
stofnunar vantar 7-800 lækna til
starfa í Noregi og hafa 3.500 læknar
frá aðildarlöndum Evrópska efna-
hagssvæðisins lýst áhuga á því að
koma til starfa í Noregi. Hins vegar
hafa aðeins um 30 læknar verið
ráðnir og er Dagfinn Hoybráten
heilbrigðismálaráðherra orðinn
langþreyttur á tregðu sjúkrahúsa til
að ráða erlenda lækna.

HAGKAUP
Munið
%2SII Mfewra
WÁ

I«n3í5ííirjiil'li*'i««Ei ■

VC._’ |Yf