Morgunblaðið - 07.07.1998, Síða 4
4 ÞRIÐJUDAGUR 7. JÚLÍ 1998
MORGUNBLAÐIÐ
FRÉTTIR
KRISTNI var vel fagnað við landtökuna af unnustunni, Guöiaugu
Kristjánsdóttur, og Eyjólfi Jónssyni, sem oftast allra manna hef-
ur þreytt Viðeyjarsundið, eða tíu sinnum.
„Náttúruöflin
léku sér að manni“
SUNDKAPPINN Kristinn
Magnússon sló öll fyrri met
þegar hann synti Viðeyjarsund
sl. Iaugardag. Synti hann frá
Viðey og að Suðurbugt í
Reykjavíkurhöfn á einni klst.
og 22 mínútum, en alls hafa 18
manns synt Viðeyjarsund frá
upphafi.
Kristinn sagði að sundið
hefði gengið ágætlega, eftir að
hann hefði náð áttum í sjónum.
„Ég gerði ekki ráð fyrir því að
sjógangurinn væri svona mikill,
og hann kom mér satt að segja
illilega á óvart. Náttúruöflin
léku sér að manni í sjónum, og
fyrst í stað átti aldan það til að
keyra mig í kaf, fara á undan
mér eða beija mig. Ég var orð-
inn dálítið reiður út í náttúru-
öflin þegar ég náði sljórn á
huganum, sætti mig við kring-
umstæður og hélt ótrauður
áfram, en fyrsti hálftíminn var
erfiðastur og lengi að líða,“
sagði Kristinn Magnússon um
sundferðina.
„Gott að vita af góðu liði
sér til stuðnings"
Tveir björgunarbátar fylgdu
Kristni á sundinu og kvað hann
öryggið skipta sig miklu máli.
„Það hvatti mann áfram að
hafa gott lið sér til stuðnings í
bátunum tveimur, vitandi að
maður gat stólað á það,“ sagði
Kristinn í samtali við Morgun-
blaðið.
Að Kristni meðtöldum hafa
átján manns synt Viðeyjarsund
en það er 4 km og 300 metra
langt. Fyrstur til að synda var
Benedikt G. Waage, forseti ÍSÍ,
árið 1914 og síðan synti Erling-
ur Pálsson yfirlögregluþjónn
það árið 1925. Pétur Eiríksson
þreytti það tvisvar sinnum, árin
1935 og 1937, og átti hann
besta tímann til þessa, eða 1
klst. og 30 mín.
Eyjólfur Jónsson hefur synt
Viðeyjarsund oftast allra
manna, eða tíu sinnum, og
gerði hann það á árunum
1951-1961. Kristinn Einarsson
trésmiður hefur synt það
næstoftast eða þrisvar sinnum
og ein kona hefur þreytt sund-
ið, en það var Helga Haralds-
dóttir sundkennari.
Greinargerð Halldórs
Guðbjarnasonar
Rædd á
fundi á
fimmtudag
BANKARÁÐ Landsbankans mun
væntanlega ræða skýrslu Halldórs
Guðbjamasonar á fundi sem hald-
inn verður næstkomandi fimmtu-
dag, að sögn Helga S. Guðmunds-
sonar, formanns bankaráðsins.
Helgi kvaðst mundu taka málið
upp og ræða það á fundinum. „Það
sem ég mun fjalla um og taka til
umræðu á bankaráðsfundinum er
að ég mun leggja fram þessa
greinargerð hans og væntanlega
verður eitthvað rætt um það en
það verður ekki tekið íyrir neitt
sem heitir rannsókn á málinu,“
sagði Helgi. Helgi sagði að í grein-
argerð Halldórs segði orðrétt: „Ég
hlýt að fara fram á að þetta verði
rannsakað“ og kvaðst hann ekki
hafa fengið skýr svör frá Halldóri
um að með þessu væri hann að
óska eftir því að málið yrði tekið til
rannsóknar eða hvort slíkrar
beiðni væri jafnvel að vænta síðar.
Því kvaðst hann ekld telja tilefni til
að ræða um rannsókn á banka-
ráðsfundinum.
-----------
Eldur
í Unuhúsi
SLÖKKVILIÐ Reykjavíkur var
kallað á vettvang aðfaranótt mánu-
dags vegna eldsvoða í Unuhúsi við
Garðastræti. Kviknað hafði í hús-
gögnum í kjallara og lagði mikinn
reyk þaðan út. Greiðlega gekk að
slökkva eldinn en mikill reykur
myndaðist og reykræsti slökkvilið
íbúðina. Eldsupptök eru ókunn en
engan sakaði.
Forsætisnefnd fékk greiðslur frá Ríkisendurskoðun á síðasta kjörtimabili
i
i
>
i
>
Forsetar Alþingis þágu
greiðslur um skeið
ÓLAFUR G. Einarsson, forseti
Alþingis, segist hafa ákveðið að
forsætisnefnd Alþingis þægi ekki
laun frá Ríkisendurskoðun, þegar
hann tók við starfi forseta þings-
ins 1995. „Ég hef aldrei verið á
launum hjá Ríkisendurskoðun og
enginn í forsætisnefnd er á laun-
um hjá Ríkisendurskoðun," sagði
Ólafur í samtali við Morgunblaðið
í gær.
Tilefni þess að rætt var við for-
seta Alþingis voru eftirfarandi orð
Sverris Hermannssonar, fyrrver-
andi bankastjóra Landsbankans,
sem voru birt hér í Morgunblað-
inu sl. fóstudag: „Hins vegar virt-
ist þessi ríkisendurskoðandi ekki
hafa miklar áhyggjur út af emb-
ætti forseta Alþingis enda sagði
hann að hann væri á launum hjá
sér. Það er því ekki von á góðu ef
þetta er svona saman sett.“
„Þegar ég kom í þetta embætti
mitt, þá var ég spurður hvort það
ætti að halda áfram greiðslum frá
Ríkisendurskoðun til forsætis-
nefndar og ég sagði einfaldlega:
„Hafi forsætisnefnd verið á laun-
um hjá Ríkisendurskoðun, þá
verður það ekki lengur. Því var
einfaldlega hlýtt og greiðslum þar
af leiðandi hætt,“ sagði Ólafur.
Tíðkaðist á siðasta
kjörtímabili
Salome Þorkelsdóttir, forveri
Ólafs í forsetastól, sagði að þessar
greiðslur hefðu tíðkast í sinni for-
setatíð. „Þetta var það sem hafði
viðgengist frá því að þetta emb-
ætti var stofnað, ef ég man rétt.
Það var ekkert öðruvísi meðan ég
var forseti Alþingis,“ sagði Sal-
ome. Hún sagðist telja að um þessi
mál hefði verið fjallað í fjölmiðlum
á árinu 1995. „Þetta var lagt niður,
að ég held, í upphafi þessa kjör-
tímabils, þegar kjör forseta Al-
þingis breyttust en þetta hafði við-
gengist svo lengi sem ég veit um.“
Aðspurð um forsendu þessara
greiðslna og rökstuðninginn á bak
við þær sagði Salome að spyrja
þyrfti aðra. „Ríkisendurskoðun
heyrði undir Alþingi," sagði Sal-
ome og táldi að forsætisnefnd
hefði e.t.v. verið talin hafa haft
svipaða stöðu gagnvart Ríkisend-
urskoðun og bankaráð gagnvart
bönkum og játti því að líkja mætti
þessum greiðslum til forsætis-
nefndar við greiðslu fyrir stjóm-
arsetu. „Þetta var fyrir tíð núver-
andi ríkisendurskoðanda. Þetta
komst á í tíð fyrrverandi ríkisend-
urskoðanda," sagði Salome.
40 þúsund til forseta og
20 þúsund til annarra
Hún sagði að greiddir hefðu
verið skattar af þessum greiðslum
eins og öðrum launum og taldi það
rétt munað að greiðslumar hefðu
verið. 40 þúsund krónur á mánuði
til forseta Alþingis en 20 þúsund
krónur til annarra í forsætisnefnd.
„En þessu var öllu breytt þegar
kjör forseta Alþingis breyttust í
upphafi þessa kjörtímabils, þegar
allar aukagreiðslur vom lagðar
niður, sem var mikið blaðamál á
sínum tíma.“
Hún sagði að þetta fyrirkomu-
lag hefði verið við lýði þegar nú-
verandi forseti tók við embætti
„og hafði viðgengist frá því að
Ríkisendurskoðun var sett á lagg-
imar. Ég held ég fari rétt með
það,“ sagði Salome Þorkelsdóttir.
Guðrún Helgadóttir var forveri
Salome á forsetastóli á Alþingi og
hún sagði í samtali við Morgun-
blaðið í gær að þessar greiðslur
ættu sér lengri sögu en hennar
ferill. „Ég verð að gera þá játn-
ingu að ég veit ekkert síðan
hvenær þetta er,“ sagði hún og
kvaðst telja að forveri sinn á for-
setastóli, Þorvaldur Garðar Krist-
jánsson, kynni að þekkja sögu
málsins.
Frá því Ríkisendurskoðun
heyrði undir Alþingi? I
Guðrún sagði að þessi háttur I
hefði verið við lýði þegar hún tók j
við embættinu og ætti sér lengri
sögu. Hún kvaðst telja að þetta
ætti sér þá sögu að Ríkisendur-
skoðun var gerð að sérstakri
stofnun undir stjóm Alþingis en
það var gert með lögum sem tóku
gildi árið 1987. „En mér er illa við
að segja það því í raun veit ég ekk-
ert um upphaf þessa. Þegar við >
vomm forsetar, bæði ég og Þor- j
valdur Garðar, hafði forseti litlu i
hærri laun en venjulegir þing- ’
menn. En nú er forseti Alþingis
með ráðherralaun. Ég þori ekki að
fara með það en upphaflega hugsa
ég að þingið hafi greitt þetta sem
launauppbót.“ Guðrún kvaðst ekki
muna upphæðir en taldi þær hafa
verið lægri en þær 40 þúsund og
20 þúsund krónur sem Salome ,
hafði staðfest.
Kannast ekki við þetta
Þorvaldur Garðar Kristjánsson,
sem var forseti Sameinaðs Alþing-
is á undan Guðrúnu Helgadóttur,
sagðist í samtali við Morgunblaðið
í gær aldrei áður hafa heyrt á það
minnst að forsetar Alþingis hefðu
þegið mánaðarlegar greiðslur frá
Ríldsendurskoðun. „Ég kannast
ekki við þetta; að greiðslur hafí »
verið færðar á Ríkisendurskoðun. I
Þetta hlýtur að hafa komið til j
seinna," sagði Þorvaldur Garðar.
■
Fegursta íslandsbókin
Ljósmyndir eftir Sigurgeir Sigurjónsson. Texti eftir Sigurð Steinþórsson
jarðfræðing og formáli eftir frú Vigdísi Finnbogadóttur.
Fæst á íslensku, ensku,
þýsku, frönsku og sænsku.
íslandslag
L)ÖSW
FORLAGIÐ
Laugaveg! 18 • Sfmi 515 2500 • Sfðumúla 7 • Slml 510 2500