Morgunblaðið - 07.07.1998, Side 14

14 ÞRIÐJUDAGUR 7. JÚLÍ 1998
AKUREYRI
MORGUNBLAÐIÐ
íslandspóstur og Sparisjóðurinn í Hrísey
Sameiginleg
afgreiðsla tekin
í notkun
ÍSLANDSPÓSTUR hf. og
Sparisjóðurinni í Hrísey, Spari-
sjóður Svarfdæla, hafa tekið í
notkun afgreiðslur í sameigin-
legu húsnæði, en starfsemi
sparisjóðsins hefur verið flutt í
húsnæði sem verið hefur í eigu
póstsins og gera samningar ráð
fyrir að sparisjóðurinn kaupi
það á næstunni.
Með því samstarfi sem nú
er hafíð er stefnt að hag-
kvæmari rekstri afgreiðsln-
anna beggja sem reknar eru í
Hrísey og vilja sparisjóðurinn
og pósturinn með þessu tryggja
til frambúðar að þjónusta á
þeirra vegum verði veitt í
eynni. Jafnframt hefur tæki-
færið verið notað til að auka
þjónustuna við viðskiptavini.
Settur hefur verið upp hrað-
banki og pósthólfum fjölgað
þannig að allir sem þess óska
geta fengið hólf.
Óskað eftir
lagabreytingu
Viljayfírlýsing milli Spari-
sjóðsins og fslandspósts um að
sjóðurinn tæki að sér rekstur
póstafgreiðslunnar í Hrísey
var undirrituð í mars. Nánari
skoðun leiddi í ljós að hæpið
var að lög um viðskiptabanka
og sparisjóði heimiluðu spari-
sjóðnum að sjá einn og sér um
póstafgreiðslu. Svipuð álitamál
hafa komið upp í sumum ná-
grannalöndum okkar og hefur
lögum þá verið breytt þannig
að bankastofnanir hafa getað
tekið að sér svona rekstur.
Óskað hefur verið eftir að
slík lagabreyting verði gerð
hér á landi.
Fyrst í stað verður rekin
sameiginleg afgreiðsla í
Hrísey, en að því stefnt að
sparisjóðurinn sjái í framtíð-
inni að öllu leyti um póstaf-
greiðsluna þar í umboði Is-
landspósts. Málum hefur verið
komið fyrir þannig að við-
skiptavinir beggja, sparisjóðs-
ins og póstsins munu þegar í
upphafi fá alla þá þjónustu
sem stefnt hefur verið að. Er
þess vænst að nýr lagarammi
muni fyrst og fremst snerta
samskipti sparisjóðsins og
póstsins og verða til þess að
auka hagkvæmni umfram það
sem hægt er að gera nú.
Morgunblaðið/Magnús J. Mikaelsson
ÁSKELL Jónsson, framkvæmdastjóri framkvæmdasviðs Islandspósts,
Jóhann Antonsson, stjórnarmaður í Sparisjóði Svarfdæla, Hörður
Jónsson forstöðumaður íslandspósts, og Friðrik Friðriksson, spari-
sjóðstjóri Sparisjóðs Svarfdæla, við undirritun samnings um sameigin-
lega afgreiðslu sparisjóðsins og póstsins.
HRÍSEYINGAR fjölmenntu í nýja sameiginlega afgreiðslu sparisjóðs-
ins og póstsins þegar hún var tekin í notkun.
Samband íslenskra
samvinnufélaga
Sigurður
Jóhannes-
son for-
maður
SIGURÐUR Jóhannesson, aðal-
fulltrúi Kaupfélags Eyfirðinga, var
kjörinn formaður Sambands ís-
lenskra samvinnufélaga á aðalfundi
sambandsins sem haldin var á
Akureyri nýlega. Fráfarandi for-
maður er Gísli Jónatansson, kaup-
félagsstjóri á Fáskrúðsfii;ði, en
hann er nú varaformaður SIS. A
fundinum flutti Jón Sigurðsson,
framkvæmdastjóri Vinnumálasam-
bandsins, erindi sem fjallaði um
hvað til skipulagsþróunar í kaupfé-
lögunum. Miklar umræður urðu
um samvinnuhreyfinguna, mark-
mið hennar og skipulag á aðalfund-
inum. Að honum loknum skoðuðu
aðalfundarfulltrúar og gestir
Mjólkursamlag KEA.
Auk þeirra Sigurðar og Gísla
eiga sæti í stjórn SÍS þau Bima
Bjamadóttir, Kópavogi, sem er rit-
ari, Guðsteinn Einarsson, Blöndu-
ósi, Jóhannes Sigvaldason, Akur-
eyri, Jón E. Alfreðsson, Hólmavík,
og Þorfmnur Þórarinsson, Spóa-
stöðum, Biskupstungum.
Morgunblaðið/Kristján
DANÍEL Guðjónsson yfirlögregluþjónn og Ólafur Ásgeirsson aðstoðaryfirlögregluþjónn við nýju bílana.
Háskólinn á Akureyri og Manchester-háskóli
Meistaragráða í
hjúkrunarfræði
Betri
bílafloti
LÖGREGLAN á Akureyri hefur
fengið tvær nýjar bifreiðar til af-
nota, en alls eru fjórir bflar í
flota lögreglunnar á Akureyri.
Annars vegar er um að ræða
nýjan Nissan Patrol jeppa, búinn
öllum nýjustu tækjum sem lög-
regla þarf á að halda við skyldu-
störf. Daníel Guðjónsson yfirlög-
regluþjónn sagði að jeppinn
kæmi í stað bfls sem valt síðast-
liðinn vetur og skemmdist, en
ríkislögreglustjóri lætur þann bfl
í té. Jeppinn verður m.a. notaður
í sumar í samstarfsverkefni lög-
reglu víðs vegar um Norðurland
og einnig mun hann verða notað-
ur til eftirlitsferða á hálendinu,
frá Kverkfjöllum til Hveravalla.
Hinn bfllinn er af gerðinni Vol-
vo 850, en hefur verið í notkun
um skeið í Reykjavík.
AKVEÐIÐ hefur verið að bjóða að
nýju upp á fjarnám til meistaragráðu
í hjúkrunarfræði sem samstarfs-
verkefni milli Háskólans á Akureyri
og Royal College of Nursing Institu-
te of Higher Education, sem er deild
innan Manchester-háskóla.
Fyrstu íslensku hjúkrunarfræð-
ingarnir hófu slíkt nám til meistara-
gráðu í janúar 1997 og hefur reynsl-
an af samstarfinu verið góð. Var það
í fyrsta sinn sem boðið var upp á
meistaragráðu í hjúkrunarfræði á
Islandi. Mikil ánægja hefur verið
með námið meðal nemenda og ís-
lenskra leiðbeinenda, sem allir eru
háskólakennarar með meistara- eða
doktorspróf. Námið tekur tvö ár og
felur í sér sex námskeið sem kennd
eru með fjarkennslu, en íslenskir
leiðbeinendur hitta nemendur í um-
ræðutíma þrisvar á hverju nám-
skeiði.
Einnig bjóða leiðbeinendur upp á
stuðning við hvern nemenda t.d. í
formi tölvupóstssamskipta. Á síðara
árinu er jafnframt unnið að rann-
sókn sem lokaverkefni. Umsóknar-
frestur um námið er til 1. október
næstkomandi, nemendur fá svör um
skólavist fyrir 20. október en námið
hefst í lok janúar á næsta ári. Dr.
Sigríður Halldórsdóttir veitir nánari
upplýsingar um þetta nám.
Stretchbuxur
St. 38-50 - Frábært úrval
verslunarmiðst. Eiðstorgi,
sími 552 3970.
Akureyrarbær
Arsskýrsla
komin út
ÁRSSKÝRSLA Akureyrar-
bæjar fyrir árið 1997 er komin
út. Skýrslan hefur að geyma
yfirlit yfii- starfsemi allra stofn-
ana og deilda Akureyrarbæjar
á síðasta ári, ársreikninga bæj-
arfélagsins svo og yfirlit yfir
nefndir og stjómir á vegum
þess.
Þema skýrslunnar er bygg-
ingar á Akureyri, en í maí á
liðnu ári voru liðin 140 ár frá
því að fyrsti fundur byggingar-
nefndar var haldinn. Vegna
þessara tímamóta em í skýrsl-
unni fjölmargar myndir af
merkum húsum í bænum, bæði
gömlum og nýjum.
Ársskýrslan er prentuð í
5.500 eintökum og er henni
dreift á hvert heimili í bænum.
Umsjón með gerð skýrslunn-
unar af hálfu Akureyrarbæjar
hafði Hermann Sigtryggsson,
en Fremri kynningarþjónusta
hafði umsjón með textagerð og
annaðist prófarkalestur. Ás-
prent/POB sá um hönnun, um-
brot og prentun.
Akur eyrarkir kj a
Kyrrðar- og
bænastundir
KYRRÐAR- og bænastundir
hefjast í Akureyrarkirkju
næstkomandi fimmtudag, 9.
júlí og verða slíkar stundir
íramvegis á hverjum fimmtu-
degi, en þær koma í stað fyrir-
bænaguðsþjónusta sem verið
hafa síðdegis sömu daga.
Hádegisstundirnar hefjast
kl. 12.10, en leikið er á pípuorg-
el kirkjunnar frá kl. 12. Þeim á
að ljúka eigi síðar en kl. 12.30.
Eftir það gefst kirkjugestum
kostur á að kaupa sér léttar
veitingar í safnaðarheimili
kirkjunnar, en þær verða seld-
ar á vægu verði.
Kyrrð og fyrirbæn einkenna
þessar stundir ásamt öðrum
þáttum er einkenna helgihald
kristinna manna. Allir eru vel-
komnir á þessar stundir þar
sem hægt verður að sækja sér
næringu til sálar og líkama.
Yerksum-
merki
TITA Heidecker opnaði síðasta
laugardag sýningu á verkum
sínum á Café Karólínu á Akur-
eyri. Hún er fædd í Þýskalandi
1956 og dvaldist í gestavinnu-
stofu Gilfélagsins í júní síðast-
liðnum. Verk hennar eru unnin
á þeim tíma, í teþrykki og með
sígarettum. Sýningin ber yfir-
skriftina Verksummerki.
Fyrirlestur
um Jonas
Hallgrímsson
BJARNI Guðleifsson, for-
stöðumaður Rannsóknastofn-
unar landbúnaðarins á Norður-
landi, flytur fyrirlestur um
Jónas Hallgrímsson - um
skáldið og vísindamanninn í
Deiglunni í dag, þriðjudaginn
7. júlí, kl. 13. Að fyrirlestrinum,
sem fluttur verður á ensku,
loknum verður gengið upp að
Hraunsvatni.
Söngvaka
SÖNGVAKA verður í Minja-
safnskirkjunni á Akureyri í
kvöld, þriðjudagskvöld og
einnig næsta fimmtudagskvöld.
Flutt verða sýnishom íslenskr-
ar tónlistarsögu, sálmar og
eldri sönglög. Dagskráin
stendur í klukkustund.