Morgunblaðið - 07.08.1998, Page 16

16 FÖSTUDAGUR 7. ÁGÚST 1998
MORGUNB LAÐIÐ
VIÐSKIPTI
Góð afkoma hjá Hraðfrystihúsi Eskifjarðar fyrstu sex mánuði ársins
Hagnaðurinn
nam 275 millj-
ónum króna
11,7% hækkun hlutabréfa í gær
Hraðfrystihús Eskifjarðar hf. j Úr milliuppgjöri 30. júní 1998
njdim ímr Jan.-júní Jan.- ág.
Rekstrarreikningur Miiijonir krona 1997 1997
Rekstrartekjur 2.266 2.929
Rekstrarqjöld 1.829 2.344
Hagnaður fyrir afskriftir 437 585
Afskriftir 124 149
Fjármagnsgjöld (tekjur) (17) 103
Hagnaður af reglulegri starfsemi 330 332
Skattar 55 95
Hagnaður tímabilsins 275 236
Efnahagsreikningur muámkróna 30/6 '98 31/12 '97 Breyting
| Eignir: \
Fastafjármunir 3.304 3.155 +5%
Veltuf jármunir 1.046 658 +59%
Eignir samtals 4.350 3.813 +14%
| Skuidir og eigið té: |
Eigið fá 1.327 1.057 +26%
Tekjuskattsskuldbinding 294 313 -6%
Langtímaskuldir 1.567 1.647 -5%
Skammtímaskuldir 1.162 796 +46%
Skuldir og eigið fé samtals 4.350 3.813 +14%
Kennitölur og sjóðstreymi
Eiginfjárhlutfall 30,5% 27,7% :■
Veltufé frá rekstri Milljónir króna 380 561 Baiteðate
HAGNAÐUR Hraðfrystihúss Eski-
fjarðar hf. nam 275 milljónum króna
fyrstu sex mánuði ársins en allt árið
í fyrra nam hagnaður fyrirtækisins
241 milljón króna. Hagnaðurinn
reyndist mun meiri en almennt var
búist við á hlutabréfamarkaði og í
gær hækkaði gengi hlutabréfa fé-
lagsins um 11,7%. Bætta afkomu
má m.a. rekja til hagstæðrar geng-
isþróunar og þess að afurðaverð er í
hámarki.
Hraðfrystihúsið birtir nú í fyrsta
sinn sex mánaða uppgjör í samræmi
við reglur Verðbréfaþings. Áður
birti félagið 4 og 8 mánaða uppgjör
og því liggur ekki fyrir samanburð-
ur við sama tímabil í fyrra.
Heildartekjur félagsins námu
2.266 milljónum króna fyrstu sex
mánuði ársins, samanborið við 2.929
milljónir fyrstu átta mánuði síðasta
árs. Bókfært fé fyrirtækisins er nú
1.326 milljónir króna og hefur auk-
ist um 25% frá áramótum. Eigið fé
nemur nú 30,5% af heildareignum,
samanborið við 27,7% um síðustu
áramót. Fjármagnsgjöld lækka
verulega á milli ára vegna gengis-
þróunar og hagstæðari vaxtakjara
að því er kemur fram í frétt frá fyr-
irtækinu.
Heildarfjárfestingar Hraðfrysti-
hússins námu um 228 milljónum
króna á tímabilinu. Lokið var við
endursmíði Jóns Kjaitanssonar og
nam kostnaður við hana um 162
milljónum á árinu en skipið hóf
veiðar í byrjun júní. Þá verður
rækjuverksmiðja félagsins flutt í
nýtt húsnæði í lok ársins og eru
framkvæmdir vegna þess hafnar.
Áætlað er að kostnaður vegna
þeirra nemi um 30 milljónum króna
á tímabilinu.
Gott útlit
Magnús Bjarnason, fram-
kvæmdastjóri Hraðfrystihússins,
segir að rekstrarhorfur fyrir seinni
hluta ársins séu nokkuð bjartar
vegna fyrirhugaðrar aukningar á
þorskkvóta og góðrar spár fiski-
fræðinga um loðnuveiðar. „Útlitið
er gott í helstu þáttum rekstrarins.
Það lítur vel út með loðnuna og
þorskinn. Afurðaverð er hátt, sér-
staklega á lýsi og mjöli, og ekkert
bendir til að það muni breytast á ár-
inu. Gengisþróun hefur verið hag-
stæð og vextir hafa lækkað. Við höf-
um einnig nýtt góða afkomu undan-
farin ár tii að fjárfesta og búa í hag-
inn og það virðist vera að skila sér.
Framkvæmdir við stækkun rækju-
verksmiðjunnar standa yfir og
henni verður líklega lokið fyrir ára-
mót.“
Hlutabréfin hækka
Hagnaður Hraðfrystihússins
reyndist meiri en margir sérfræð-
ingar á verðbréfamarkaði spáðu. í
gær hækkuðu hlutabréf fyrirtækis-
ins í verði um 11,7% og var loka-
gengi þeirra 11,50.
Fjárvangur gerði ráð fyrir
275-325 milljóna króna hagnaði
Hraðfrystihússins. Albert Jónsson,
forstöðumaður verðbréfamiðlunar
Fjárvangs, segir að litið hafi verið
til þess að afurðaverð væri í há-
marki og gengisþróun hafi verið
hagstæð. Menn hafi reiknað með að
það myndi skila sér vel inn í upp-
gjörið eins og komið hafi á daginn.
„Greinilegt er að uppgjör Hrað-
frystihússins og Loðnuvinnslunnar,
sem kom fyrir nokkrum dögum,
hefur aukið vonir manna um góða
útkomu annarra sjávarútvegsfyrir-
tækja. Umhverfi fyrirtækja í grein-
inni er gott og ef til vill betra en
menn gerðu almennt ráð fyrir.
Markaðurinn virðist álíta að þetta
sé einungis forsmekkurinn og það
hefur örvað viðskiptin og leitt til
hækkunar á verði félaga í greininni.
Það má því búast við fjörugum
hlutabréfamarkaði á næstu vikum,“
segir Albert.
Metdagur í hlutabréfum
Bjartsýni á
afkomu
sjávarútvegs-
fyrirtækja
VIÐSKIPTI með hlutabréf á Verð-
bréfaþingi námu alls 190 milljónum
króna í gær og er dagurinn því
mesti viðskiptadagur hlutabréfa
það sem af er árinu. Mestu viðskipti
með einstök bréf voru með hluta-
bréf Hraðfrystihúss Eskifjarðar hf.,
alls 49 milljónir og hækkaði verð
þeirra um 11,7%. Viðskipti á Verð-
bréfaþingi námu alls 495 milljónum
í gær.
Svo virðist sem afkomutölur
Hraðfrystihússins, sem birtar voru í
gær, hafi haft hvetjandi áhrif á
verslun með bréf í sambærilegum
sjávarútvegsfyrirtækjum. Þannig
námu viðskipti með hlutabréf í Síld-
arvinnslunni 23 milljónum og hækk-
aði verð bréfanna um 9,2% og með
bréf SR-mjöls 16 milljónir og hækk-
aði verð þeirra bréfa um 6%. Úr-
valsvísitala aðallista VÞÍ hækkaði
um 1,86% og vísitala sjávarútvegs
um 2,70%.
Sérfræðingar á hlutabréfamark-
aði telja að þennan kipp rnegi rekja
til aukinnar bjartsýni á afkomu
sjávarútvegsfyrirtækja eftir að
milliuppgjör Hraðfrystihúss Eski-
fjarðar hf. og Loðnuvinnslunnar hf.
voru birt en þau sýndu mun betri
afkomu en almennt var búist við.
Bent er á að stór hluti viðskipta
gærdagsins hafi verið í svipuðum
fyrirtækjum. Þá kunni það einnig
að hafa áhrif að vegna svartsýni á
gengi erlendra hlutabréfa hafi ein-
hverjir fjárfestar dregið sig í hlé á
þeim vettvangi og beini nú sjónum
sínum að íslenska hlutabréfamark-
aðnum á nýjan leik. Þannig munu
vera dæmi um að fjárfestar hafi selt
erlend hlutabréf og keypt íslensk í
staðinn.
Forsvarsmenn lífeyrissjóðanna um
hlutabréfakaupin í Arthur Treacher’s
Tvímælolaust
hagkvæm
fjárfesting
Nýtt hugbúnaðarkerfi Baugs og Strengs
Heildarlausn fyrir
allan reksturinn
Morgunblaðið/Jim Smart
TRYGGVI Jónsson aðstoðarforstjori Baugs hf. og Jdn Heiðar Pálsson
sölustjóri Strengs hf. fyrir framan eina af sjö verslunum Nýkaups
sem eru að taka í notkun nýtt hugbúnaðarkerfi.
ÍSLENSKU lífeyrissjóðimir þrír
sem eru á meðal hluthafa í banda-
rísku skyndibitakeðjunni Arthur
Treacher’s hafa ekki tapað þar fjár-
munum þrátt fyrir talsvert fall
hlutabréfa í félaginu á þessu ári en
eins og Morgunblaðið greindi frá í
gær þá nemur neikvæð ávöxtun fyr-
irtækisins 56% frá áramótum.
Ekki náðist samband við for-
svarsmenn Lífeyrissjóðs Austur-
lands um málið í gær en vitað er að
lífeyrissjóðir Vestmannaeyinga og
Hlífar keyptu stærstan hluta bréfa
sinna í maí 1996 á genginu 64 eent
en gengi bréfanna var nálægt 1,50
dollurum í gær.
Mun breytast til hins betra
Torfi Sigtrýggsson, fram-
kvæmdastjóri Lífeyrissjóðs Vest-
mannaeyinga, sem á 8,2% í fyrir-
tækinu, telur engan vafa leika á að
sjóðurinn hafi gert góð kaup með
fjárfestingu í hlutabréfum Arthur
Treacher’s: „Hafa verður í huga að
lífeyrissjóðir eru langtímafjárfestar
og þó að gengið sé að sveiflast á ein-
staka fjárfestingum, eins og átt hef-
ur sér stað með hlutabréfin í Arthur
Treacher’s, þá er ekki endilega
ástæða til að hafa áhyggjur af því
þegar litið er á heildarmyndina til
lengri tíma. Við höfum gætt þess
vandlega að dreifa fjárfestingum
sjóðsins og þó að gengi einstakra
hlutabréfa hreyfist niðurávið um
eitthvert skeið, þá eru aðrar fjár-
festingar að skila okkur tekjum á
sama tíma.“
Torfi segist eiga von á að gengi
hlutabréfa í Arthur Treacher’s eigi
eftir að hækka verlulega á þessu ári
enda sé um að ræða öflugt fyrirtæki
í mikilli sókn.
Forsvarsmenn Lífeyrissjóðsins
Hlífar gengu einnig frá kaupum á
stærstum hluta sinna bréfa í félag-
inu um mitt ár 1996 á genginu 64
cent. Að sögn Valdimars Tómasson-
ar, framkvæmdastjóra, hafði sjóð-
urinn reyndar keypt eitthvað af
bréfum ári áður þegar gengið var í
kringum dollar. Hann telur fjárfest-
inguna góða og þrátt fyrir þróun
mála undanfarna mánuði þá hafi
sjóðurinn ekki í hyggju að selja
5,7% eignarhlut sinn í félaginu.
Snýst um sparifé almennings
Sumir sérfræðingar á hlutabréfa-
markaði sem Morgunblaðið ræddi
við töldu umsvif lífeyrissjóðanna
með hlutabréf í Arthur Treacher’s
ekki geta talist eðlileg.
Þeir voru sammála um að þrátt
fyrir að enginn sjóðanna hefði beðið
fjárhagslegt tjón af viðskiptunum,
þá væru þeir þarna að sýsla í
áhættufjárfestingu með sparifé al-
mennings og slík vinnubrögð hlytu
að vekja upp ákveðnar spumingar.
Stefnt að
markaðssetningu
erlendis
VERIÐ ER að taka í notkun nýtt
hugbúnaðarkerfi í 7 verslunum Ný-
kaups. Kerfið, sem hlotið hefur heit-
ið NF-Store og er heildarlausn
verslunarkerfa sem mun snerta all-
ar hliðar á rekstri hins nýstofnaða
félags Baugs hf., er samstarfsverk-
efni Baugs hf. og hugbúnaðarfyrir-
tækisins Strengs hf.
Strengur hefur sérhæft sig í hug-
búnaði fyrir verslanir undanfarin ár
og hefur, í gegnum árin, veitt Hag-
kaup og Bónus þjónustu á sviði hug-
búnaðar. Búist er við að kerfið verði
komið í allar verslanir og aðra starf-
semi undir hatti Baugs á næstu
mánuðum.
Gott upplýsingakerfi
mikilvægt
Að sögn Jóns Heiðars Pálssonar
sölustjóra hjá Streng hyggur
Strengur, í framhaldi af þessu
starfi, á markaðssetningu kerfisins
erlendis í samstarfi við Baug. Þegar
hafa erlendar verslunarkeðjur sýnt
kerfinu áhuga að hans sögn.
Tryggvi Jónsson aðstoðarfor-
stjóri Baugs segir að grundvöllur
þess að Baugur geti verið í farar-
broddi á sínu sviði og boðið upp á
gott vöruverð og þjónustu sé að fyr-
irtækið sé með fyrsta flokks upplýs-
ingakerfi.
„Uppsetning NF-Store er fyrsta
skrefið í að samhæfa allt upplýs-
ingakerfi innan Baugs. Fyrirtækið
rekur margar ólíkar einingar og
það er grundvallaratriði að stjórn-
endur viti hver staðan er á hverj-
um tíma í öllum meginmálum sem
snúa að rekstrinum," sagði
Tryggvi.
Margir möguleikar
á sölu erlendis
Um hugsanlega sölu kerfisins er-
lendis segir Tryggvi að með henni
opnist möguleiki á að nýta þá þró-
unarvinnu sem farið hefur fram.
Jón Heiðar er bjartsýnn á sölu
kerfisins erlendis. „Það eru margir
möguleikar á sölu, bæði í Noregi og
Bretlandi og víðar. Við höfum fund-
ið í gegnum viðræður við aðila er-
lendis að það er gap á markaðnum
og það er vöntun á svona heildar-
lausnum."
Kerfið snýr einnig að frekari þró-
un vefbúða, sem þegar eru starf-
ræktar hjá Hagkaupum, Nýkaupi
og Bónus.
„Þar sjáum við fyrir okkur að
geta boðið neytendum enn aðgengi-
legri og þægilegri þjónustu en verið
hefur hingað til.“