Morgunblaðið - 13.11.1998, Blaðsíða 8
8 FÖSTUDAGUR 13. NÓVEMBER 1998
MORGUNBLAÐIÐ
FRÉTTIR
KÆRU félagar, við skulum gefa aðalstjöruum Repúblikana gott klapp.
^ Morgunblaðið/Golli
Skólinn skreyttur á Ari hafsins
SJÖ ára krakkar í Austurbæjar-
skóla hafa skreytt veggi á göngum
skólans með myndum sem þau
hafa teiknað og málað af nytjafisk-
um við ísiand. Að sögn Maríu
Pálmadóttur kennara eru mynd-
irnar gerðar í tengslum við verk-
efni sem börnin hafa unnið í nátt-
úrufræði og samfélagsfræði í til-
efni af Ári hafsins sem nú stendur
yfir. Börnin hafa fengið ýmsa
fiska, krabba og kuðunga ásamt
fleiri sjávardýrum til að skoða í
skólanum, en að sögn Maríu hafa
foreldrar barnanna í sumum til-
fellum sent skólanum forvitnilega
fiska sem börnin hafa getað skoð-
að.
Siðaþing félagsráðgjafa
Séríslenskar
siðareglur fé-
lagsráðgjafa
Nanna K. Sigurðardóttir
STÉTTARFÉLAG
íslenskra íélags-
ráðgjafa (SIF)
heldur upp á Evrópudag
félagsráðgjafa með sér-
stöku Siðaþingi á Hótel
Loftleiðum í dag. A Siða-
þinginu verður meginá-
hersla lögð á kynningu
og umfjöllun um nýjar
séríslenskar siðareglur
fyrir félagsráðgjafa. Árs-
hátíð félagsráðgjafa fer
fram eftir þingið í kvöld.
Nanna K. Sigurðar-
dóttir, forrnaður siða-
nefndar SIF, segir að
Evrópudagurinn hafi
reyndar verið í gær. „Við
ákváðum að halda upp á
daginn í dag eða daginn
eftir Evrópudaginn. Að-
alviðburðurinn felst í því
að haldið verður svokallað Siða-
þing og felst meginþungi þings-
ins í kynningu og umfjöllun um
nýjar og séríslenskar siðareglur
félagsráðgjafa. A Siðaþinginu
verður fjallað um siðfræði og fé-
lagsráðgjöf, siðfræðikennslu í
námi félagsráðgjafa og leitað eft-
ir sjónarhorni starfandi félags-
ráðgjafa og nema á nýju siða-
reglurnar. Eftir framsögur verð-
ur málefnið reifað í málstofum,“
segir Nanna og tekur fram að
siðanefndin líti svo á að megin-
hlutverk nefndarinnar sé að
hvetja til umræðna um siðfræði-
leg efni. Ekki að setja sig í dóm-
arasæti eins og oft felist í starfi
hefðbundinna siðanefnda.
- Hafa félagsráðgjafar saknað
þess að hafa ekki íslenskar siða-
reglur?
„Félagsráðgjöfum er nauðsyn-
legt að hafa siðareglur að styðj-
ast við enda koma ósjaldan upp
siðferðileg álitaefni í tengslum
við starfið. Islenskir félagsráð-
gjafar hafa hingað til stuðst við
alþjóðlegar siðareglur. Sérís-
lenskra siðareglna eða leiðarljóss
til að vinna eftir hefur vissulega
verið saknað. Siðfræðiumræðan
hefur heldur ekki verið nægilega
lifandi í okkar röðum undanfarin
ár.“
- Hvað tók langan tíma að
móta siðareglurnar?
„Siðanefndin var með siðaregl-
urnar í vinnslu í um fimm ár.
Safnað var efni úr mörgum átt-
um, frá ólíkum löndum og siða-
reglur margra sambærilegra
starfsgreina skoðaðar. Á loka-
sprettinum fengum við svo Vii-
hjálm Árnason, heimspeking, til
liðs við okkur til að reka smiðs-
höggið á reglurnar."
- Hver er megin-
munurinn á íslensku
og alþjóðlegu siða-
reglunum?
„I íslensku siða-
reglunum er kveðið
mun fastar að orði en
í alþjóðlegu siðareglunum. í for-
mála er byrjað á því að skil-
greina samfélagslegan tilgang
félagsráðgjafastarfsins. Grunn-
hugsunin er virðing fyrir mann-
gOdi og sérstöðu hvers einstak-
lings og trú á getu einstaklings-
ins til að nýta hæfileika sína til
fullnustu.
Á félagsráðgjöfum hvíla skyld-
ur og ábyrgð í tengslum við trún-
að. Til marks um það er hægt að
nefna að í löggildingu starfsheit-
isins gilda sömu ákvæði fyrir fé-
lagsráðgjafa og lækna.
Fast er kveðið á um sjálfsá-
kvörðunarrétt einstaklingins í
► Nanna K. Sigurðardóttir er
fædd 6. apríl árið 1947 í
Reykjavík. Nanna lauk stúd-
entsprófi frá Menntaskólanum
á Akureyri árið 1967 og kenn-
araprófi frá Kennaraskóla ís-
Iands árið 1968. Hún lauk prófi
í félagsráðgjöf frá Den Sociale
Hojskole í Oðinsvéum árið 1978
og framhaldsnámi í klínískri fé-
lagsráðgjöf, meistaraprófi
(MSW), frá Smith College
School for Social Work í
Massachusetts í Bandaríkjun-
um.
Nanna er formaður siða-
nefndar SIF og hefur starfað í
geðheilbrigðisþjónustu, við
hjóna- og fjölskyldumeðferð
auk kennslu og ýmissa sér-
fræðistarfa.
Maki Nönnu er Smári S. Sig-
urðsson. Þau eiga tvo upp-
komna syni og tvö barnabörn.
reglunum. Stundum kemur fyrir
að fólk leitar ekki til okkar af
fúsum og frjálsum vilja. Þá þarf
að gæta sérstaklega að öllu sem
lýtur að trúnaði og réttindum
skjólstæðingsins.
Við vekjum sérstaka athygli á
því að félagsráðgjafi má undir
engum ki-ingumstæðum misnota
þekkingu sína eða störf til að
undiroka eða kúga skjólstæðing-
inn. Félagsráðgjafanum er skylt
að upplýsa skjólstæðinginn um
rétt hans og aðstoða hann við að
gæta réttar síns ef hann er ekki
fær um að gæta réttar síns sjálf-
ur.“
- Hvers vegna er siðfræðin fé-
lagsráðgjöfum svona mikilvæg?
„Félagsráðgjafinn
er sjálfur aðalvinnu-
tæki sjálfs sín. Hann
hefur lítinn annan
tækjabúnað með í för
og þarf því að vera af-
ar meðvitaður um
störf sín og fram-
komu. Við erum alltaf að vinna
með fólki sem er í viðkvæmri
stöðu, á við erfiðleika að etja eða
er á krossgötum í lífínu. Þar þarf
mikla varkárni og í raun og veru
næmi til að nálgast þetta á fag-
legan, mannlegan og siðferðilega
réttan hátt.“
- Er Siðaþingið aðeins ætlað
félagsráðgjöfum ?
„Siðaþingið er fyrir félagsráð-
gjafa og félagsráðgjafarnema.
Við viljum beina athyglinni svo-
lítið inn á við núna. Skerpa á vit-
und félagsráðgjafa um siðfræði
og hversu miklu máli siðfræðin
skiptir í okkar starfi."
Félagsráðgjaf
inn er aðal-
vinnutæki
sjálfs sín