Morgunblaðið - 13.11.1998, Blaðsíða 15

MORGUNBLAÐIÐ
LANDIÐ
FÖSTUDAGUR 13. NÓVEMBER 1998 15
Andlitslyfting
á Hótel Örk
Hveragerði - Undanfarið hefur ver-
ið unnið að því að endurbæta vistar-
verur á Hótel Örk. Búið er að skipta
um gólfteppi á öllum göngum og
sölum hótelsins og nú prýðir ganga
gólfteppi sem er sérofið í Bretlandi
með merki Lykilhótelakeðjunnar.
Ennfremur er verið að mála og
lagfæra herbergi hótelgesta. Að
sögn Sigurðar Tryggvasonar er
stöðugt unnið að endurbótum á hót-
elinu, enda nauðsynlegt að hóteli
eins og Örkinni sé haldið vel við til
að gestirnir séu ánægðir.
Morgunblaðið/Aldís Hafsteinsdóttir
Bestu myndir
verðlaunaðar
Drangsnesi - Efnt var til ljósmynda-
samkeppni um bestu mynd Bryggju-
hátíðar sem haldin var á Drangsnesi
í sumar. Þema ljósmyndasamkeppn-
innar var myndir teknar á Bryggju-
hátíðinni. Bárust margar mjög góðar
myndir í keppnina.
Nýlega voru verðlaun afhent í
Ijósmyndasamkeppninni. Verð-
launin, veglegar ljósmyndabækur,
voru gefín af Sparisjóði Stranda-
manna. Fyrstu verðlaun hlaut
Anna Guðrún Höskuldsdóttir, Ak-
urgerði í Ölfusi.
Morgunblaðið/Jenný Jensdóttir
ANNA Guðrún Höskuldsdóttir við verðlaunamynd sína.
\, Vcrðlaun
Morgunblaðið/Aldís Hafsteinsdóttir
ÞAÐ var glatt á hjalla í Föndurhúsinu þegar fréttaritari
leit þar inn á dögunum.
Basar á Dvalar-
heimilinu Asi
Hveragerði - Árlegur jólabasar
heimilisfólksins á Dvalarheimilinu
Ási/Ásbyrgi, Hveragerði, verður
haldinn í fóndurhúsinu Frumskóg-
um 6b sunnudaginn 15. nóvember.
Opið verður milli klukkan 13 og 16.
Á basamum verður margt góðra
muna sem allir eru unnir af heimil-
isfólkinu. Má þar meðal annars
nefna pijónavöru ýmiss konar, tré-
muni og útsaum ásamt ýmsu sem
tengist jólunum.
Milli 20 og 30 manns mæta
reglulega í Föndurhúsið til að
sinna hinum ýmsu hugðarefnum
sínum en leiðbeinendur eru þær
Elísabet Kiistinsdóttir og Þórdís
Öfjörð.
Líf og fjör
hjá séra
Sveini
Tálknafirði - Á hverjum sunnu-
dagsmorgni streymir fjöldi
barna og fullorðinna að prest-
setrinu á Tálknafirði til þess að
sækja kirkjuskólann hjá sr.
Sveini Valgeirssyni.
í kirkjuskólanum er líf og
fjör, og á presturinn auðvelt
með að ná athygli gestana með
leik og söng. Hann bregður sér
í mörg hlutverk m.a. er brúðu-
leikhús á dagskránni. Þá gríp-
ur hann gítarinn og syngur af
innlifun „kirkjuskólalögin" og
allir taka undir.
Aðsókn að kirlquskólanum
hefur verið sérlega góð í haust
og því til staðfestingar þarf
ekki annað en að líta upp í
kirkjuskólaloftið, þá skina við
stjörnur, gylltar og silfraðar,
ein fyrir hvern gest. Sijörnurn-
ar hafa börn og fullorðnir
hjálpast að við að gera og festa
upp, eftir að hver og einn hefur
merkt sér eina.
, Morgunblaðið/Finnur Pétursson
SERA Sveinn aðstoðar börnin við að festa stjörnur á „himininn".
Morgunblaðið/Ingimundur
NEMENDUR og kennarar Grunnskólans í Borgarnesi gengu fylktu liði um bæinn með kröfuspjöld og sungu vímuvarnarlög í lok þemaviku skólans.
Þemavika í Grunn-
skólanum í Borgarnesi
Borgarnesi - Stundaskrá var lögð
til hliðar í Grunnskólanum í Borg-
arnesi vikuna 26.-30. október sl,
en timinn helgaður vináttu, sam-
skiptum og vímuvörnum. Við-
fangsefnum nemenda var skipt
eftir aidri. Fjöiluðu verkefni yngri
nemenda fyrst og fremst um vin-
áttu, samvinnu og samkennd.
Nemendur 1.-4. bekkjar unnu
saman í blönduðum hópum út frá
sjálfum sér og sögunni um „Dýrin
í Hálsaskógi" eftir Thorbjörn
Egner.
Áður en til þess starfs kom
höfðu kennarar skólanna í Borg-
arbyggð lagj á sig mikla vinnu til
þess að undirbúningur yrði eins
og best væri á kosið. Tókst það vel
í alla staði og skilaði sér þegar til
verkefnsins kom. Nemendur í 5.-7.
bekk unnu saman í átta blönduð-
um hópum á mismunandi stöðvum
og heimsóttu þeir hveija stöð einu
sinni. Þar var umræðustöð um til-
fínningar sem nefndist vellíðan en
einnig myndgerð, listasmiðja, leik-
list, danslist, sund- og gönguhópur
sem fór „söguhringinn" í Borgar-
nesi með leiðsögumönnum. Þar
var fræðst um uppbyggingu Borg-
arness frá komu Skalla-Gríms til
okkar daga.
Unglingarnir ákváðu að semja
fræðsluefni fyrir jafnaldra sína
uni skaðsemi allra ávana- og fíkni-
efni. Þeir unnu saman í litlum
liópum innan hvers árgangs. Var
þessi vika ævintýri líkust að mati
nemenda og starfsfólks grunn-
skólans. Þarna fékk sköpunar-
gleði og hugmyndaauðgi nemenda
að njóta sín í hvívetna. Nokkrar
stuttmyndir voru gerðar, leikrit
samin, blöð gefin út um fræðslu-
efni, skoðananakannanir gerðar
og nemendur sömdu sögur og ijóð.
Þá lögðu nemendur mikla vinnu
í gerð auglýsingaskilta með slag-
orðum gegn vímu- og fíkniefnum.
Var síðan farin skrúðganga um
bæinn þar sem nemendur og
kennarar gengu fylktu liði með
þessi spjöld og sungu vímuvarnar-
lög af mikilli innlifun. Um kvöldið
var haldinn dansleikur í Félags-
miðstöðinni Óðali fyrir eldri nem-
endur skólans og jafnaldra þeirra
úr Varmalandsskóla. Sá hljóm-
sveitin Skítamórall um að halda
uppi fjörinu. 1 vikunni á eftir voru
verkefnin kynnt foreldrum á sér-
stökum bekkjarkvöldum. Tókust
þau vel og var mæting foreldra
mjög góð, sem og undirtektir.
Þessi þemavika er hluti af sam-
starfsverkefni Borgarbyggðar,
SÁÁ og heilbrigðisráðuneytisins
um forvarnir og forvarnarstarf í
Borgarbyggð.
Veðurspá-
maður á vit
feðranna
Hnausum í Meðallandi -1 vetrar-
byrjun hefur lengi verið spáð fyrir
veðri hér í Meðallandi og lengi hef-
ur Morgunblaðið
birt spádóminn
undir nafnleynd.
En nú er þessu
lokið og við
dauðann að
sakast. Er nafn-
birting nú viðeig-
andi að leiðarlok-
um.
Gísli Erasmus-
son í Kotey, en
sá var spámaður-
inn, lést í hjúkrunarheimilinu
Klausturhólum 23. september sl.,
79 ára gamall.
Gísli spáði í gamir og var auk
þess sérfræðingur í notkun gamla
sveitasímans. Stóð þar ekki á svör-
um þegar spurt var um hvort ekki
mætti vænta veðurbreytingar og ef
gagnrýni kom fram á spádóminn.
Eg, Vilhjálmur á Hnausum,
skrifaði minningargrein um Gísla
sem kom í Morgunblaðinu fimmtu-
daginn 22. október. Er því ekki
lengur að vænta vetrarspádóma út-
gefinna af Gísla Erasmussyni í
Kotey.
Gfsli
Erasmusson