Morgunblaðið - 09.01.1999, Blaðsíða 57

MORGUNBLAÐIÐ
LAUGARDAGUR 9. JANÚAR 1999 5 7
MINNINGAR '
unum af fæðingardeildinni að þú
fékkst þó tækifæri til þess að sjá
litlu stelpuna þína, og ættingjar
þínir fengu að sjá fjölskylduna sam-
an; ykkur Arnar með Berthu Maríu
og litlu systur hennar. Einnig sýndi
fjölskyldan þín okkur myndirnar af
veislunni miklu í kringum 40 ára
brúðkaupsafmæli foreldra Arnars.
Það er eins og þú hafir fengið tæki-
færi til þess að kveðja alla ástvini
þína og ættingja, og það gefur til
kynna að kraftar þínm verði brátt
nýttir á öðrum sviðum alheimsins.
Elsku Kristbjörg, þú trúir því ekki
hvað við erum fegin að hafa átt
þessa kvöldstund saman rétt fyrir
áramótin og að við höfum Berthu
Maríu og hina prinsessuna til þess
að lýsa okkur leiðina.
Ollum aðstandendum þínum vilj-
um við votta samúð okkar. Þar
standa okkur næst stelpurnar þínar
tvær og hann Arnar okkar sem
mun ávallt njóta stuðnings vina
sinna og þinna, elsku Kristbjörg.
Því þótt hann Arnar hafi þolað
nokkur þúsund volt þegar leiddi út
frá flugvélinni sem hann var að
vinna við uppi á flugvelli í Eyjum
þá þolir enginn maður slíkan missi
sem hann þarf að takast á við, einn
síns liðs. Við vinirnh’ kveðjum
kraftakonuna Kristbjörgu Oddnýju
Þórðardóttur með söknuði. Elsku
Kristbjörg, minning þín mun lifa
með okkur öllum - að eilífu.
Þínir vinir,
Ása, Sigurfinnur og Elínborg
Eir, Dóra Hanna, Sighvatur og
Gabríel, Elfa og Magnús Karl,
Erling, Guðný, Gústaf, Arnar
Smári og Egill Aron, Ingunn
og Svanur, Þóra.
Við mæðginin viljum kveðja
Kristbjörgu og þakka fyrir sam-
verustundirnar með henni og
Berthu Maríu.
Nú legg ég augun aftur,
6, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(S. Egilsson)
Okkar innilegustu samúðarkveðj-
ur til Arnars, Berthu Maríu,
óskírðrar Arnarsdóttur, foreldra og
annarra aðstandenda.
Fjóla og Jón.
Elsku frænka, ég kveð þig hér
með nokkrum orðum sem er mjög
erfitt. Þú yndislega góða frænka í
blóma lífsins aðeins 23 ára gömul
ert tekin frá okkur öllum, maður er
sem lamaður og veit ekki hvað skal
gera.
Ég þakka þér, elsku Kristbjörg,
fyrir allt sem þið Þórdís systir þín
hafið gefið mér og fjölskyldu minni
í gegnum árin, og þá sérstaklega
fyrir írisi alltaf boðnar og búnar til
þess að fá hana í heimsókn til Eyja,
eða bara hér uppi á landi.
Ég þakka fyrir yndislegt jólakort
frá þér og fjölskyldu þinni sem
stendur hér inni í stofu hjá okkur
með kertaljós fyrir framan og yljar
upp nafn þitt til minningar.
Eg bið Guð að gefa unnusta þín-
um Arnari, Berthu Maríu og litlu
nýfæddu dóttur þinni styrk til að
halda áfram. Einnig ykkur, elsku
Þórdis, Steina, Þórður, Bjössi og
Eyþór, sendi ég mínar innilegustu
samúðarkveðjur. Megi Guð vera
með ykkur í sorg ykkar.
Elsku Kristbjörg frænka, Guð
geymi þig.
Kristjana, Tómas, Geir Oli
og Iris Hervör.
Elsku Kristbjörg, það var mjög
ánægjulegt þegar pabbi þinn
hringdi á sunnudagsmorgun og til-
kynnti okkur að þú hefðir eignast
litla stúlku. Morguninn eftir feng-
um við þá sorgarfregn að þú værir
látin, aðeins 23 ára að aldri. Það gat
ekki verið rétt. Bros þitt, kossar og
elskulegt viðmót gleymist aldrei.
Við kveðjum þig með miklum sökn-
uði og þakklæti fyrir allt það sem
þú hefur gefið okkur. Alls staðar er
þörf fyrir manneskjur eins og þig.
Því verðum við að reyna að skilja
að Guð hafi ætlað þér annað brýnt
verkefni, sem ekki var hægt að fela
öðrum.
Megi algóður Guð styrkja Arnar,
Berthu Maríu, nýfædda dóttur, for-
eldra, systkini og aðra aðstandend-
ur í þessari miklu sorg.
0, sjá þú drottins björtu braut,
þú barn, sem kvíðir vetrar þraut.
I sannleik, hvar sem sólin skín,
er sjálfur guð að leita þín.
í hendi guðs er hver ein tíð,
í hendi guðs er allt vort strið,
hið minnsta happ, hið mesta fár,
hið mikla djúp, hið litla tár.
(M. Joch.)
Gunnar, Matthildur og synir.
Harmafregn barst um bæinn
okkar að morgni 4. janúar, Krist-
björg hafði orðið bráðkvödd á
Sjúkrahúsi Vestmannaeyja þá um
morguninn. Hjarta mitt grætur, í
mótsögn við minningarnar sem all-
ar eru sveipaðar gleði, og einiægri
vináttu við þessa góðu vinkonu og
frænku okkar. Tæpum sólahring
fyrr fengum við þá gleðifrétt að
Kristbjörgu hefði fæðst lítil falleg
stúlka.
Þetta minnir okkur enn og aftur á
orðin í Biblíunni (Jobsbók l.kf. 21.
vers) er segir: „Drottinn gaf og
Drottinn tók, lofað veri nafn Drott-
ins.“ Hver er tilgangurinn með því
að gefa lítilli fallegri stúlku líf og
taka móðurina? Þetta er ein þeirra
spurninga sem við fáum ekki svar
við.
í lífinu skiptast á skin og skúrir,
gleði og sorg. Það var mikil gleði í
fjölskyldunni þegar Kristbjörg
Oddný fæddist árið 1975. Fimm ár-
um áður hafði mamma hennar
misst soninn Baldvin Þór af slysför-
um og kom hún því eins og sólar-
geisli inn í líf mömmu sinnar, Þór-
steinu Pálsdóttur, og pabba síns,
Þórðar Karlssonar, og ekki síður
stóra bróður síns, Bjössa, sem hún
leit alltaf svo mikið upp til.
Það ríkti líka mikil gleði í fjöl-
skyldunni þinni síðastliðinn sunnu-
dag þegar þú fæddir annað barnið
þitt, erfiðri meðgöngu lauk og
Bertha María var orðin stóra systir
og þið Arnar áttuð orðið tvær dæt-
ur, hamingjan og gleðin voru alls-
ráðandi í fjölskyldunni og öll stóra
fjölskyldan ykkar tók þátt í gleð-
inni. Ékki fékk gleðin að vera alls-
ráðandi lengi, því morguninn eftir
voru litlu stelpurnar ykkar móður-
lausar og Ai’nar einstæður faðir að-
eins 25 ára gamall. Þvílíkt högg,
þvílík sorg.
Það er gott að eiga stóra og góða
fjölskyldu á slíkum stundum. Fjöl-
skyldan mun sameinast um að
styðja Arnar og litlu dæturnar og
hjálpast að við uppeldi þeirra í þín-
um anda, því þú varst frábær móð-
ir.
Ef hægt er að tala um nýbúa í
þessu samhengi þá voru fjölskyld-
urnar á Búhamri 7 og 11 með þeim
fyrstu sem byggðu við Búhamar-
inn. Þar af leiðandi tengdust þess-
ar fjölskyldur mjög vel og börnin
okkar ólust mikið upp saman. Við
höfum fylgst með þér frá fæðingu,
og lékuð þið systurnar Þórdís syst-
ir þín og dætur okkar, Þóra og
Elfa Agústa, ykkur saman frá því
að þið voruð litlar stelpur. Þið vor-
uð ekki háar í loftinu þegar þið
fóruð að labba á milli enda var að-
eins eitt hús á milli okkar. Það var
ýmislegt gert saman en þið Elfa
voruð alltaf leiðtogarnir, þið lékuð
ykkur í dúkkuhúsi ykkar systr-
anna, fóruð í sund og mikið sport
var á tímabili að fara með nesti út í
móa og fannst mæðrum ykkar
stundum varla taka því að taka til
nesti, svo fljótar voruð þið að
skreppa og borða það, því þið
fóruð stundum bara yfir götuna í
þessa nestistúra ykkar. Við for-
eldrarnir reyndum að sameinast
um uppeldisaðferðir og þegar þið
fóruð að eldast var haft samráð um
útivistartímann.
Ki’istbjörg kynntist Arnari sín-
um ung og heitbundust þau og urðu
stúdentar saman frá Framhalds-
skólanum hér í Eyjum. Þau voru
fallegt par og framtíðin blasti við.
Amar hefur stundað flugnám og
hefur Kristbjörg stutt hann, alltaf
unnið mikið til að gera honum nám-
ið kleift. Nutu þau ómetanlegs
stuðnings foreldra sinna og fjöl-
skyldu við að gæta Berthu Maríu.
Kristbjörg var einstaklega
vinnusöm og hennar eiginleikar
voru samviskusemi, vandvirkni og
nákvæmni. Þegar hún þurfti að
hætta að vinna vegna meðgöngu-
erfiðleika í haust lagði hún ekki ár-
ar í bát heldur leyfði listagyðjunni í
sér að njóta sín og var nú mikið
föndrað og sést fallega skriftin
hennar og handbragð víða.
Það er sár harmur kveðinn við
fráfall Kristbjargar, margir sakna
góðs vinar en mestur er missir og
söknuður ástvina hennar.
Fjölskylda okkar sendir elsku
Ai’nari, Berthu Maríu, litlu ný-
fæddu dótturinni, Steinu, Þórði,
Bjössa, Eddu, Þórdísi, Eyþóri,
Gunný, Rikka og fjölskyldum
þeirra okkar innilegustu samúðar-
kveðjur. Við biðjum góðan Guð að
varðveita minningu Kristbjargar
Oddnýjar Þórðardóttur og gefa ást-
vinum hennar styrk í sorginni.
Fjölskyldan Búhaniri 11,
Lóa og Magnús.
Elsku Kristbjörg vinkona mín er
látin.
Það fyrsta sem kemur upp í huga
minn á sorgarstund sem þessari er:
„Hvers vegna?“ Mér finnst lífið
grimmilegt þegar ung kona deyr
sem daginn áður eignaðist yndis-
legt stúlkubarn og átti fýrir auga-
steininn sinn Berthu Maríu, þriggja
ára, og yndislegan mann.
Ég mun minnast Kristbjargar á
sérstakan hátt, hún var einkar dug-
leg sama hvað hún tók sér fyrir
hendur. Það átti bæði við um vinnu
og allt annað.
Ég vann mikið með henni við
þjálfum hjá Fimleikafélaginu Rán.
I gegnum þá vinnu kynntumst
við og töluðum við oft og lengi sam-
an um blessaða fimleikana, hvort
heldur var um súrt eða sætt að
ræða. Þeim fannst stundum nóg um
mönnunum okkar þegar við vorum
búnar að tala tímunum saman um
þetta sameiginlega áhugamál okk-
ar.
Við grínuðumst oft með það að
sennilega væri sama þó að við
byggjum saman það væri samt ekki
nægur tími til að tala um fimleika.
Við eigum öll eftir að sakna
hennar sárt. Ég er stolt af því að
hafa átt hana fyrir vinkonu, hún
lifði fyrir fjölskylduna sína alla og
var sannur vinur vina sinna.
Kristbjörg Oddný var með ein-
dæmum handlagin. Allt sem hún
vann í höndunum var unnið af mik-
illi vandvirkni og alúð.
Ég kveð þig, elsku vinkona, með
sárum söknuði. Megir þú hvfla í
Guðs friði.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Mínar innilegustu samúðarkveðj-
ur til þín, elsku Arnar minn, Bertha
María og óskíi’ð Arnarsdóttir og
aðrir ástvinir sem eigið um sárt að
binda. Guð styrki ykkur og styðji í
þessari miklu sorg.
Kristjana Ingólfsdóttir.
• Fleirí minningargreinar um
Kristbjörgu Oddnýju Þórðardóttur
bíða birtingar og munu birtast í
blaðinu næstu daga.
Í
Okkar kæri,
JÓN ÁRNI JÓNSSON
menntaskólakennari,
Furulundi 11D,
Akureyri,
lést á Fjórðungssjúkrahúsinu á Akureyri
fjmmtudaginn 7. janúar.
Útförin auglýst síðar.
María Pálsdóttir,
Páll Jónsson,
Lovísa Jónsdóttir,
Steingrímur Jónsson,
Jón Árni Jónsson,
Stefán Jónsson,
Þóra Jónsdóttir,
Kolbrún Björk Ragnarsdóttir,
Óskar Þór Halldórsson,
Árún Kristín Sigurðardóttir,
Sigríður Stefánsdóttir,
Yean Fee Quay,
Björn Halldórsson
og barnabörn.
t
Eiginmaður minn,
ERLING ADOLF ÁGÚSTSSON
rafvirkjameistari,
Barðastöðum 17,
Reykjavík,
áður til heimilis á Borgarvegi 24
Ytri-Njarðvík,
andaðist á Sjúkrahúsi Reykjavíkur föstudaginn
8. janúar.
Fyrir hönd barna og annarra vandamanna,
Ingibjörg Kristín Gísiadóttir.
+
Ástkær faðir okkar, tengdafaðir og afi,
SIGURÐUR JÚLÍUSSON,
Skúlaskeiði 5,
Hafnarfirði,
andaðist á Sjúkrahúsi Reykjavíkur fimmtu-
daginn 7. janúar.
Jarðarförin verður auglýst síðar.
Margrét Sigurðardóttir,
Elísabet Sigurðardóttir, Eyþór Guðlaugsson,
Sarah Sigurðardóttir
og barnabörn.
+
Móðir okkar,
KRISTBJÖRG REYKDAL,
Bakkahlíð 39,
áðurtil heimilis
í Aðalstræti 10, Akureyri,
lést á dvalarheimilinu Hlíð 1. janúar sl.
Jarðarförin hefur farið fram í kyrrþey
að ósk hinnar látnu.
Arnald Reykdal, Ásta Þórðardóttir,
Gréta Guðvarðardóttir, Steinþór Oddsson,
Trausti Reykdal, Helga Einarsdóttir,
Guðfinna Guðvarðardóttir, Valgarður Stefánsson,
Snorri Guðvarðsson, Auður Eyþórsdóttir.
+
Hjartans þakkir sendum við öllum þeim, sem
sýndu okkur samúð og hlýhug við andlát og
útför móður og tengdamóður okkar,
ÁSTU FJELDSTED,
Jökulgrunni 3,
Reykjavík.
Sigriður Sveinsdóttir,
Margrét Price,
Sveinn Sveinsson,
Sighvatur Sveinsson,
Ingvar Sveinsson,
John Price,
Ragnhildur Þóroddsdóttir,
Erna Jónsdóttir,
Arna Borg Snorradóttir,
Kristín Lárusdóttir.