Morgunblaðið - 09.02.1999, Blaðsíða 12

12 ÞRIÐJUDAGUR 9. FEBRÚAR 1999
MORGUNBLAÐIÐ
FRÉTTIR
Konur í Samfylkingunni komnar
með átta örugg þingsæti
9.550 kusu
/ //n • •• •
i proiKjon
Samfylkingar
Þrjár konur eru í fjórum efstu sætum
eftir prófkjör Samfylkingarinnar á
Reykjanesi sem fram fór á laugardag.
Fjórir alþýðuflokksmenn eru einnig
í sex efstu sætunum. Egill Olafsson
skoðaði niðurstöðuna og ræddi við þau
sem urðu í efstu sætunum.
TÆPLEGA 3.000 færri tóku þátt í
prófkjöri Samfylkingar á Reykja-
nesi en tóku þátt í prófkjöri Sjálf-
stæðisflokksins í kjördæminu í
nóvember. Þátttakan verður þó
engu að síður að teljast mjög góð.
Fjórir alþýðuflokksmenn eru í sex
efstu sætum listans, sem er sama
niðurstaða og varð í prófkjöri Sam-
fylkingar í Reykjavík.
í prófkjöri Samfylkingarinnar á
Reykjanesi tóku þátt 9.550 manns.
Um 8.800 tóku þátt í prófkjöri Al-
þýðuflokksins í kjördæminu fyrir
fjórum árum. Þótt þátttakan verði
að teljast góð er hún minni en þátt-
takan í prófkjöri Sjálfstæðisflokks-
ins á Reykjanesi í nóvember, en í
því tóku þátt 12.208 kjósendur,
sem er mesta þátttaka í prófkjöri
flokksins frá upphafi.
Konur koma vel út úr prófkjör-
inu á Reykjanesi, en þrjár konur
eru í fjórum efstu sætunum. Konur
| Úrslit prófkjörs Samfylkingarinnar á Reykjanesi §j*n > q
V NS ## 1. sæti 1.-2. sæti 1.-3. sæti 1.-4. sæti 1.-5. sæti 1 .-6. sæti
1 1 Rannveig Guðmundsdóttir 3.134 7.405
2 2 Guðmundur Árni Stefánsson 2.539 3.620 6.232
5 3 Ágúst Einarsson 1.854 3.207 4.504 6.493
' 3 4 Sígríður Jóhannesdóttir 250 1.384 2.156 2.859 4.193
4 5 Þórunn Sveinbjarnardóttir 112 453 1.460 2.695 3.400 3.983
6 6 Jón Gunnarsson 180 1.289 1.810 2.373 2.993 3.607
7 7 Lúðvík Geirsson 290 891 1.558 2.304 2.948 3.499
8 8 Magnús Jón Árnason 275 724 1.265 1.827 2.508 3.121
All tóku 9.550 þátt í prófkjörinu, gild atkvæði voru 9.290.
komu einnig sterkai' út úr próf-
kjöri Samfylkingar í Reykjavík, en
þar urðu fjórar konur í fimm efstu
sætunum. Nú liggur fyrir hverjir
skipa efstu sæti Samfylkingar í
fimm kjördæmum og á næstu dög-
um verða prófkjör á Norðurlandi
eystra, Norðurlandi vestra og
Vesturlandi. Það er þegar ljóst að á
framboðslistum Samfylkingar í
þessum fimm kjördæmum eru átta
konur í öruggum þingsætum.
Til viðbótar við sjö konur í
Reykjavík og á Reykjanesi er Mar-
grét Frímannsdóttir í efsta sæti
lista Samfylkingar á Suðurlandi.
Líkur eru taldar á að Svanfríður
Jónasdóttir alþingismaður gæti
orðið í fyrsta sæti Samfylkingar á
Norðurlandi eystra þannig að
margt bendir til að hlutfall kvenna
í nýjum þingflokki Samfylkingar
verði yfir 40%.
Ójöfn staða flokkanna
Útkoma alþýðubandalagsmanna
í prófkjörinu á Reykjanesi er í
samræmi við það sem búast mátti
við. Flokkurinn er með einn mann í
öruggu þingsæti og síðan eru al-
þýðubandalagsmenn í 7.-9. sæti.
Þessi útkoma undirstrikar niður-
stöðu prófkjörsins í Reykjavík, þar
sem Alþýðubandalagið fékk slaka
útkomu. Ef litið er á níu efstu sæt-
in í Reykjavík og fimm efstu á
Reykjanesi eru frambjóðendur
sem buðu sig fram undir merkjum
Alþýðuflokksins með átta sæti, Al-
þýðubandalagið þrjú og Kvenna-
listinn þrjú. Almennt verður að
telja að Alþýðubandalagið verði
nokkuð veikt á framboðslistum
Samfylkingar. Margt bendir til
þess að alþýðubandalagsmenn
verði í foi'ystu í aðeins þremur
kjördæmum í kosningunum í vor,
þ.e. Suðurlandi, Austurlandi og
Norðurlandi vestra. Óljóst er hver
niðurstaðan verður á Vesturlandi,
en þar er Alþýðuflokkurinn með
þingmann í dag, en Alþýðubanda-
lagið ekki.
Þessi veika staða Alþýðubanda-
lagsins á framboðslistunum gæti
aukið líkur á að Vinstrihreyfingin-
grænt framboð nái að styrkja sig í
sessi. Hafa verður þó í huga að 2/3
alþýðubandalagsmanna samþykktu
á landsfundi að ganga til samstarfs
við Alþýðuflokk og Kvennalista.
Það er því varasamt að gera of
mikið úr óánægju alþýðubanda-
lagsmanna með þróun mála innan
Samfylkingarinnar.
Útkoma Þórunnar Sveinbjarn-
ardóttur úr prófkjörinu hlýtur að
vera kærkominn sigur fyrir
Kvennalistann, sem mátt hefur
þola harða gagnrýni úr ýmsum
áttum í allt haust. Sigur hennar
bendir ennfremur til að frambjóð-
endur Kvennalistans í Reykjavík
hafi ástæðu til að ætla að þeirra
útkoma hefði orðið betri ef próf-
kjörið í Reykjavík hefði verið opn-
ara.
Morgunblaðið ræddi í gær við
sex af þeim sjö sem urði í efstu
sætunum, en ekki náðist í Sigríði
Jóhannesdóttur.
Rannveig
Guðmundsdóttir
Góð færi
til sóknar
„ÉG ER mjög ánægð með þessa nið-
urstöðu og ég er sannfærð um að
Samfylkingin á mjög góð sóknar-
færi. Þátttakan í prófkjörunum á
Reykjanesi og í Reykjavík sýnir
það,“ sagði
Rannveig Guð-
mundsdóttir al-
þingismaður,
sem hreppti
fyrsta sætið í
prófkjöri Sam-
fylkingar á
Reykjanesi.
„Mér finnst að í prófkjörinu í
Reykjavík hafi komið fram sterkar
vísbendingar um að fólk hefði áhuga
á Samfylkingunni og að hafa áhrif á
forystusætin. Þetta var líka tilfinn-
ing sem ég fékk þegar ég fór um
kjördæmið fyrir prófkjörið okkar.
Eg fann stemmningu fyrir því sem
við vorum að gera og að fólk vildi
taka þátt í starfi okkar. Við rædd-
um um það fyrir prófkjörið að það
kynni að vera möguleiki að hátt í 10
þúsund manns myndu taka þátt í
prófkjörinu og það gekk eftir. 9.500
manns er gífurleg kjörsókn. Ein-
hver reiknaði það út að það væri
áþekkt og ef 16 þúsund manns
tækju þátt í prófkjöri í Reykjavík."
Rannveig sagði að úrslitin í próf-
kjörinu sýndu afgerandi stuðning
við þá sem væru í forystusætunum,
en einnig hefði komið fram talsvert
breiður stuðningur við ýmsa sterka
einstaklinga í sætum þar fyrir aft-
an. Sterk staða alþýðuflokksmanna
á listanum væri í samræmi við
sterka stöðu Alþýðuflokksins í
Reykjaneskjördæmi. Kjördæmið
hefði alla tíð verið sterkasta kjör-
dæmi flokksins og þaðan hefðu
komið margir af helstu forystu-
mönnum hans. Staða A-flokkanna
hefði því verið ójöfn. Þetta hólfa-
lausa prófkjör hefði hins vegar gert
það að verkum að Sigríður Jóhann-
esdóttir og Þórunn Sveinbjamar-
dóttir, efstu menn Alþýðubandalags
og Kvennalista, hefðu fengið mjög
afgerandi stuðning.
Guðmundur Árni
Stefánsson
Hlýt að vera
sáttur við
utkomuna
„ÞETTA var glæsilegt prófkjör eins
og þátttakan ber vitni um. Ég náði
ekki mínu aðalmarkmiði sem var að
vinna fyrsta sæti listans, en hlýt þó
að vera sáttur og
stoltur yfir því
að vera í öðru
sæti þessarar
stóru breiðfylk-
ingar,“ sagði
Guðmundur
Árni Stefánsson
alþingismaður,
sem varð í öðru
sæti í prófkjöri Samfylkingar á
Reykjanesi.
„Það eru vafalaust ýmsar ástæður
fyrir því að Rannveig sigldi þennan
lygna byr. Það hafði fest í umræð-
unni á haustdögum að hún myndi
leiða þennan lista. Ég hafði gefið
undir fótinn með að ég myndi sætta
mig við það ef til uppstillingar kæmi.
Eg held að þessi listi sé sterkur.
Það hefur raðast allvel upp bæði út
frá þeim flokkum sem að Samfylk-
ingunni standa og út frá byggða-
sjónarmiðum. Ég held að við séum
fyllilega til í slaginn og stefnum
auðvitað að því að vera stærri en
Sjálfstæðisflokkurinn í kjördæm-
inu. Það eru góð sóknarfæri í kjör-
dæminu. Ég fann það vel í próf-
kjörsbaráttunni. Prófkjörið gefur
okkur góðan byr í seglin," sagði
Guðmundur Arni.
Þórunn Svein-
bjarnardóttir
Sterkur
framboðslisti
„ÉG ER mjög ánægð með niður-
stöður prófkjörsins. Ég er glöð yfir
góðri útkomu minni og tel að fram-
boðslistinn sé sterkur,“ sagði Þór-
unn Sveinbjamardóttir varaþing-
maður, sem
verður í fjórða
sæti á framboðs-
lista Samfylking-
arinnar á
Reykjanesi.
„Þátttakan í
prófkjörinu sýn-
ir styrk Sam-
fylkingarinnar á
Reykjanesi og er vísbending um
það sem koma skal. Ég er afskap-
lega þakklát fyrir þennan mikla
stuðning sem ég fékk. Ég er ný í
þessu framboði og kem í kjölfar sitj-
andi þingmanna. Það verður að hafa
í huga að þarna var mjög margt
gott fólk í framboði og ég get því
ekki annað en unað glöð við minn
hlut. Ég lendi í fimmta sæti og fær-
ist upp í fjórða sætið. Það felst mik-
ill styrkur í því fyrir listann að við
sex, sem skipum efstu sætin, skul-
um fá jafnan og mikinn stuðning."
Agúst
Einarsson
Sætti mig
við að
færast niður
„ÉG ER ánægður með þessa niður-
stöðu. Þetta er gífurleg þátttaka og
sýnir að við eigum mikil sóknarfæri
í kosningunum í vor,“ sagði Ágúst
Einarsson alþingismaður, sem verð-
ur í fimmta sæti
framboðslista
Samfylkingar-
innar á Reykja-
nesi.
„Þetta eru af-
gerandi úrslit.
Eg fæ mjög
góða og sterka
kosningu í þriðja
sæti listans, en færist niður í það
fimmta vegna prófkjörsreglnanna.
Það var alla tíð Ijóst að reglurnar
byðu upp á þetta og ég sætti mig
fyllilega við þessa niðurstöðu. Þetta
er góður sigur fyrir Samfylkinguna.
Það er hins vegar Ijóst að byggða-
sjónarmiðin hafa vegið þungt í
þessu, þ.e. hvaðan einstakir fram-
bjóðendur komu. Við sem komum
frá minni stöðunum áttum erfiðara
uppdráttar gagnvart þeim sem
komu frá stóru bæjarfélögunum.
Við því er ekkert að segja. Þannig
hefur þetta oft áður verið í próf-
kjörum.
Mér finnst að menn hafi tekið vel
eftir mínum málflutningi. Ég setti
fram ýmsar hugmyndir og tillögur í
kosningabaráttunni, eins og í
skattamálum, sem vöktu mjög
mikla athygli. Ég rak kosningabar-
áttuna öðruvísi en aðrir. Ég efndi
m.a. til níu funda um allt kjördæmið
og fékk þar mikinn hljómgrunn.
Mér finnst þetta hafa verið mjög
góð úrslit fyrir Samfylkinguna og
gefa góðar vonir fyrir vorið.“
Ágúst sagðist vilja færa stuðn-
ingsmönnum sínum þakkir fyrir
dyggan stuðning og meðframbjóð-
endum sínum fyrir drengilega
keppni.
Jón
Gunnarsson
Eigum
möguleika
á 6 sætum
„ÉG ER mjög ánægður með þessi
úrslit. Þetta er niðurstaða sem var í
samræmi við mínar björtustu von-
ir,“ sagði Jón Gunnarsson, sem lenti
í sjötta sæti í prófkjöri Samfylking-
ar á Reykjanesi.
Jón sagði að
þátttakan í próf-
kjörinu væri
mjög ánægjuleg.
Það væri greini-
legt að Samfylk-
ingin ætti veru-
leg sóknarfæri.
Hann þakkaði
góða útkomu
sína mikilli vinnu sinni og stuðn-
ingsmanna sinna.
Jón skaust upp í sjötta sætið und-
ir lok talningarinnar. Hann sagði að
það sem hefði ráðið úrslitum um
endanlega röðun hefði verið góður
stuðningur við sig af Suðurnesjum.
Atkvæði af Suðumesjum hefðu ver-
ið talin síðust og þau hefðu fleytt
sér upp í sjötta sætið. Jón sagðist
hafa unnið að sveitarstjórnarmálum
á Suðurnesjum í 12 ár og fólk
þekkti vel störf sín.
„Ég held að það verði barátta í
kringum 6. sætið og ef Samfylking-
in heldur því flugi, sem mér finnst
hún vera á, þá eru allir möguleikar
á því að við eigum að geta náð þessu
sæti,“ sagði Jón.
Lúðvík
Geirsson
Sterkara ef
Alþýðu-
bandalagið
hefði átt tvo
af sex efstu
„ÉG GET ekki verið annað en sátt-
ur við mína útkomu. Ég kem þarna
næstur á eftir sitjandi þingmönnum
flokksins. Ég er þakklátur fyrir
þann stuðning
sem ég fékk,“
sagði Lúðvík
Geirsson, bæjar-
fulltrúi í Hafnar-
firði, sem lenti í
sjöunda sæti í
prófkjöri Sam-
fylkingar á
Reykjanesi.
„Ég hefði hins vegar talið það
sterkara fyrir listann og Alþýðu-
bandalagið ef við hefðum átt tvo af
sex efstu í þessu kjöri. Það munaði
ekki mjög miklu að það markmið
næðist eða aðeins um 100 atkvæð-
um.
Þátttakan í prófkjörinu er vís-
bending um að þetta sé það sem
fólk hafi verið að bíða eftir. Almenn-
ingur mætir í þúsundavís á kjörstað
til að taka þátt í þessu og það er
auðvitað mjög gleðilegt. Hlutfalls-
lega er þessi þátttaka mun meiri en
í Reykjavík ef miðað er við íbúa-
fjölda. Þetta hlýtur að gefa Sam-
fylkinunni og þessu framboði mik-
inn styrk í þeirri kosningabaráttu
sem er framundan.“
Lúðvík sagðist að sjálfsögðu taka
sjöunda sætið á listanum ef honum
yrði boðið að taka það.