Morgunblaðið - 12.05.1999, Blaðsíða 4

4 MIÐVIKUDAGUR 12. MAÍ 1999
MORGUNBLAÐIÐ
FRÉTTIR
Rottufaraldur á fsafirði
Þing-flokkur Samfylkingarinnar kom saman til fundar í gær
Morgunblaðið/Halldór Sveinbjörnsson
TRAUSTI M. Ágústsson meindýraeyðir og Ari Sigurjónsson starfs-
maður Áhaldahússins á fsafirði setja eitur í brunn í götu.
Eitur sett í 60 brunna
á þremur dögum
ísafirði. Morgunblaðið.
„ÞEGAR fólk lyftir einhverju og
þar birtast fimm eða sex rottur,
þá er þetta náttúrlega iðandi kös.
Fólk telur kannski sömu rottuna
nokkrum sinnum. Hvort það er
rétt sem haldið hefur verið fram
að yfir tuttugu rottur hafi verið
undir einu sorpíláti við hús hér
get ég ekkert fullyrt um. Ég var
kvaddur á vettvang eftir það“,
segir Trausti M. Ágústsson, mein-
dýraeyðir Isafjarðarbæjar.
Hitt kemur glögglega fram í
samtali við Trausta, að rottu-
gangur er magnaður á Isafirði
um þessar mundir. Trausti hefur
að undanförnu verið við störf með
dyggri aðstoð starfsmanna
Ahaldahússins og á þremur dög-
um í síðustu viku var sett eitur í
sextiu brunna á Isafirði. Onnur
herferð er ákveðin kringum 20.
maí og síðan tvisvar í mánuði
fram eftir sumri.
„Já, það hefúr verið nokkuð um
það undanfarið," segir Trausti að-
spurður um hvort mikið hafi borið
á rottugangi inni í húsum? „Annað
hvort er stofninn að fjölga sér,
þannig að ekki er lengur pláss
fyrir hann allan í holræsunum,
eða þá hitt, að ætið í ræsunum er
minna en áður vegna þess hversu
mikið fiskvinnsla í bænum hefur
dregist saman og þess vegna leiti
rotturnar upp í dagsljósið.“
Trausti nefnir einnig að á síðasta
ári og í vetur hafi verið fargað
talsverðu af villiköttum á Isafirði.
„Ég held að þar hafi verið byijað á
vitlaustum enda.“ Trausti staðfest-
ir að eitthvað sé um að rottur ryðj-
ist upp um niðurföll í húsum, „en
þau þurfa þá að vera mjög losara-
leg“, segir hann.
Eitrið sem sett er í brunna eru
vaxkenndir fituklumpar með eitri,
en rottur sækja mjög í feitmeti.
Rottustofninn á fsafirði er hin
svonefnd brúna rotta. „Ég held að
ég megi fullyrða að við séum laus
við svörtu rottuna“, segir Trausti.
Bjóða Halldóri að vera
í forsæti vinstrisljórnar
MARGRÉT Frímannsdóttir, tals-
maður Samfylkingarinnar, segir
að þingflokkur Samfylkingarinnar
sé reiðubúinn til að styðja myndun
vinstristjórnar undir forsæti Hall-
dórs Asgrímssonar, formanns
Framsóknarflokksins. Hún reikn-
ar þó ekki með að viðræður um
myndun slíkrar stjórnar hefjist í
bráð. Það sé Halldórs að meta
hvort hann vilji frekar kanna
myndun slíkrar stjórnar eða halda
áfram samstarfi við Sjálfstæðis-
flokkinn.
Þingflokkur Samfylkingarinnar
kom saman til síns fyrsta fundar í
gær þar sem farið var yfir úrslit
kosninganna og stöðuna að þeim
loknum. A fundinum var samþykkt
ályktun þar sem flokkurinn lýsir
sig reiðubúinn til þess að eiga aðild
að stjórnarmyndunarviðræðum við
Framsóknarflokkinn og Vinstri-
hreyfinguna. Margréti Frímanns-
dóttur var falið umboð til að fara í
slíkar viðræður verði á þær fallist.
„Við viljum gjaman benda á að
hér er annar kostur til stjómar-
myndunar, sem við teljum vænleg-
an í stöðunni. Það liggur fyrir að
þótt ríkisstjómin hafi haldið meiri-
hluta sínum tapaði Framsóknar-
flokkurinn miklu fylgi. Hann hefur
goldið þessa stjórnarsamstarfs.
Það er mögulegt að mynda annars
konar stjórn," sagði Margrét.
„Forsætisráðuneytið hlýtur að
vera samningsatriði milli flokk-
anna, en þingfiokkur Samfylkingar-
innar er tilbúinn til að styðja mynd-
un vinstristjórnar undir forsæti
Halldórs,“ sagði Margrét þegar
hún var spurð hvort það kæmi til
greina af hálfu Samfylkingarinnar
að gefa eftir forsætisráðuneytið í
hugsanlegri vinstristjórn.
Margrét sagðist ekki reikna með
að formlegar viðræður hæfust alveg
á næstunni um myndun vinstrist-
jórnar. Forystumenn Sjálfstæðis-
flokks og Framsóknarflokks ættu í
viðræðum um áframhaldandi
stjórnarsamstarf. Það væri Hall-
dórs Asgrímssonar að meta hvort
hann vildi skoða af alvöru þennan
kost. Það lægi hins vegar fyrir skýr
afstaða frá Samfylkingunni í þessu
efni.
Nýr flokkur
stofnaður sem fyrst
A þingflokksfundinum var einnig
rætt um framtíðaruppbyggingu
Samfylkingarinnar. Sighvatur
Björgvinsson, sem stýrði þing-
flokksfundinum, sagði að menn
væru sammála um að hefja þegar
undirbúning að stofnun nýs stjórn-
málaflokks. Hann sagði ekki liggja
fyrir hvenær flokkurinn yrði stofn-
aður, en best væri að það gerðist
sem fyrst.
Morgunblaðið/RAX
í NÝJUM þingflokki Samfylkingarinnar eiga sæti 17 þingmenn, 9 konur og 8 karlar. Einari Má Sigurðarsyni
og Guðmundi Árna Stefánssyni leið vel þegar þeir komu til fundar við konurnar í þingflokknum.
VSÍ ræðir
skipulagsmál
SKIPULAGSMÁL verða til umfjöll-
unar á aðalfundi Vinnuveitendasam-
bands Islands í dag þar sem afgreiða
á tillögur um nýskipan hagsmuna-
samtaka atvinnurekenda. Aðalfund-
urinn hefst klukkan 11.30.
Gestir aðalfundarins verða Dirk
Hudig, framkvæmdastjóri UNICE,
samtaka evrópskra iðn- og atvinnu-
rekenda, og Davíð Oddsson forsætis-
ráðherra. Tillagan um nýskipan
hagsmunasamtaka atvinnulífsins
gerir ráð fyrir því að ný samtök,
Samtök atvinnulífsins, líti dagsins
ljós 15. september næstkomandi með
samruna VSÍ og Vinnumálasam-
bandsins. Er búist við að bankar og
önnur fj ármálafyrirtæki gangi til liðs
við nýju samtökin strax í upphafi.
Morgunblaðið/RAX
STEINGRÍMUR óskaði nýkjörnum þingmönnum Vinstrihreyfingarinnar til hamingju með kjörið með því að
gefa þeim blóm. Hér heilsar hann Jóni Bjarnasyni. Til vinstri við Jón er Þuríður Backman og á móti henni
sitja Ögmundur Jónasson, Árni Steinar Jóhannsson og Kolbrún Halldórsdóttir.
Þingflokkur Vinstrihreyfíngarinnar hittist í fyrsta sinn
Styður myndun
vinstristj órnar
STEINGRÍMUR J. Sigfússon, for-
maður Vinstrihreyfingarinnar
Græns framboðs, sagði að flokkur
sinn styddi myndun vinstristjómar,
en þingllokkur Vinstrihreyfingarinn-
ar, sem kom saman til fyrsta fundar {
gær, hefði ekki séð ástæðu til að
gera sérstaka samþykkt um þetta.
Steingrímur sagði að Vinstri-
hreyfingin hefði ítrekað lýst þvi yfir
að hún vildi standa að myndun
vinstristjórnar og því hefði þing-
flokkurinn ekki séð ástæðu til að
gera sérstaka samþykkt í þessa
veru líkt og Samfylkingin gerði í
gær.
„Málin eru núna í tilteknum far-
vegi. Formenn stjórnarflokkanna
hafa ákveðið að fara í viðræður og
það þarf að skýrast hverjar verða
lyktir þeirra viðræðna. Okkar vilji
liggur fyi-ir. Við erum tilbúnir til
viðræðna og teldum eðlilegt, ef ekki
verður niðurstaða af þeim viðræð-
um sem nú eru að hefjast, að næst
yrði látið reyna á myndun vinstrist-
jórnar.
Ég túlka úrslit kosninganna
þannig að þau gefi alveg tilefni til að
ræða aðra möguleika, en núverandi
stjórnarsamstarf og staðan sé í
raun og veru alveg opin hvað það
varðar,“ sagði Steingrímur.
Á þingflokksfundi Vinstrihreyf-
ingarinnar var farið yfir úrslit kosn-
inganna og stöðuna í stjómmálun-
um. Steingrímur sagðist reikna með
að þingflokkurinn kæmi fljótlega
aftur saman til fundar og að þá yrði
stjóm þingflokksins kosin.
Leyfilegft að
kjósa bæði
utankjör-
fundar og á
kjörstað
EKKI var um það að ræða að
frambjóðandi sem bauð sig fram til
alþingiskosninganna í Norður-
landskjördæmi vestra og reyndi að
kjósa bæði utankjörfundar og á
kjörstað, sýndi af sér ólöglega
háttsemi. Greint var frá þessu máli
á baksíðu Morgunblaðsins í gær.
í 92. gr. kosningalaga segir:
„Kjósandi sem greitt hefur at-
kvæði utan kjörfundar vegna ráð-
gerðra forfalla sem síðan reynast
ekki fyrir hendi á kjördegi, getur
greitt atkvæði á kjörfundi og kem-
ur utankjörfundarseðill hans þá
ekki til greina við kosninguna.“
Óvanaleg háttsemi
Formaður yfirkjörstjórnar í
Norðurlandskjördæmi vestra sagði
í samtali við Morgunblaðið í gær að
háttsemi frambjóðandans hefði
verið óvanaleg en engu að síður
lögleg. Hefði verið um að ræða
ólöglega háttsemi hefði kjörstjórn-
in úrskurðað í málinu, en til þess
kom ekki.
í 95. gr. kosningalaganna segir
m.a. að að lokinni atkvæðagreiðslu
skuli oddviti kjörstjómar opna um-
slög þeirra bréfa sem kjörstjórn
hafa borist með utankjörfundaat-
kvæðaseðlum og ekki hafa verið
aftur heimt. Kjörstjórn og umboðs-
menn lista eiga síðan að athuga
fylgibréfin og rannsaka hvort sá
sem bréfið er frá standi á kjörskrá
og ef svo er hvort hann hafi greitt
atkvæði á kjörfundi.