Morgunblaðið - 12.05.1999, Blaðsíða 58

} 58 MIÐVIKUDAGUR 12. MAÍ 1999
MORGUNBLAÐIÐ
Ferdinand
Hérna er listinn yfír leikmennina
sem leika með liðinu okkar í ár.
Hvað með „þú veist hver“?
„Þú veist hver“, er aftur á hægri
vallarhelmingi.
Er ég?
Hvemig veistu að „þú veist hver“
ert þú?
Þú þekkir mig...
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Þekking
góðs og ills
Frá Skúla Sigurðssyni:
í BRÉFI til blaðsins 7. apríl síð-
astliðinn ræðir Jón Hafsteinn
Jónsson um þekkingarótta. Hann
undrast andúð á ástundun erfða-
vísinda, hann á erfitt með að skilja
hvaða hætta geti verið fólgin i
erfðarannsóknum og ósæmileg
mótmæh við þekldngaröflun vís-
indamanna segir hann minna helst
á fordóma kirkjunnar gagnvart
nútímavísindum á upphafsskeiði
þeirra.
Þetta bréf var birt aftur í
Morgunblaðinu 9. apríl. Erfitt er
að skilja boðskap þess. Eigi Jón
Hafsteinn við samtökin Mann-
vemd hefur hann á röngu að
standa. I heilsíðuauglýsingu
Mannvemdar í Morgunblaðinu
14. mars var lögð áhersla á það að
Mannvemd telji æskilegt að
landsmenn taki þátt í læknis-
fræðilegum rannsóknum sé rétt
að þeim staðið.
Þótt í brýnu hafi slegið milli
kaþólsku kirkjunnar og Galileo
Galilei á 17. öld er rangt að álykta
að kaþólska kirkjan hafi almennt
verið þrándur í götu nútímavís-
inda. Skýrt dæmi þess er mikil-
vægt framlag Jesúítareglunnar til
rannsókna á rafmagnsfyrirbærum
á 17. öld (sbr. J.L. Heilbron: Elem-
ents of Early Modem Physics
[University of Califomia Press,
1982], s. 93-106).
Eðlisfræðingurinn Richard P.
Feynman hlaut nóbelsverðlaun. A
árum seinni heimsstyrjaldarinnar
vann hann að smíði kjamorku-
sprengjunnar. I ræðu í bandarísku
Vísindaakademíunni árið 1955
sagði hann að þótt vísindin gætu
valdið ógn og skelfingu hefðu þau
líka gildi: þau gætu leitt til ein-
hvers. Þessi máttur hefði gildi.
Hann vitnaði líka í málshátt i ræð-
unni: Sérhverjum manni er gefinn
lykill að hliði himnaríkis; sami lyk-
ill opnar gáttir vítis.
Erfðafræði má nota til góðs og
ills. Vera má að gott sé að vita um
þá hnökra sem kunna að leynast í
kjamsýruröðum hvers og eins. Sé
hins vegar ekki unnt að beita vit-
neskjunni til lækninga er vist að
manni liði betur á eftir? Sænsk
stjómvöld hafa komist að þeirri
niðurstöðu að erfðafræði hafi verið
beitt til ills fyrr á öldinni. í frétt í
Morgunblaðinu 8. apríl er sagt frá
því að sænska ríkið hyggist greiða
skaðabætur til fólks sem var gert
ófrjósamt. Eitt afbrigði erfðafræð-
innar, mannkynbætur, kom þar við
sögu.
SKÚLI SIGURÐSSON,
vísindasagnfræðingur og félagi í Mann-
vemd Kirkjubraut 3, Seltjamamesi.
Hugleiðing
Frá stjórn Starfsmannafélags
Árborgar:
FRÁ því að Sveitarfélagið Ár-
borg varð til úr Selfossbæ,
Stokkseyrarhreppi, Eyrarbakka-
hreppi og Sandvíkurhreppi hefur
vinnuálag aukist umtalsvert hjá
bæjarstjórnarmönnum og hafa
þeir nú nýverið hækkað laun sín
til samræmis við það. En hvers á
sauðsvartur almúginn að gjalda?
Innan skamms verður liðið eitt ár
frá því að sameiningin varð að
veruleika og ákveðið var að end-
urskoða störf hjá því fólki sem
starfar hjá sveitarfélaginu þar
sem vinnuálagið hefur ekki síður
aukist hjá því en hæstvirtri bæj-
arstjórninni. Því miður hefur ekki
verið skilningur þar á bæ á því að
eitthvað þurfi að gera í málinu og
hafa stjómendur Árborgar gert
sitt besta til að hundsa og humma
fram af sér þær úrbætur sem
gera þarf með alveg hreint ágæt-
is árangri (að þeirra mati).
Reyndar eftir ítrekaðar óskir um
viðræður fékkst bæjarráð sveit-
arfélagsins til að ræða við stjórn
starfsmannafélagsins þar sem
farið var fram á að eitthvað yrði
gert til að leiðrétta laun félags-
manna í kjölfar kennarasamning-
anna. Það er skemmst frá því að
segja að málinu var vísað til
launanefndar sveitarfélaganna
eða með öðmm orðum: „Blessuð
sé minning þess?“ Á þessu ári
sem liðið er frá sameiningunni
hefur nákvæmlega ekkert gerst,
það er nefnilega alltaf verið að
„vinna í málinu". Ef allir starfs-
menn Árborgar ynnu jafn rösk-
lega og þessir háu herrar væri
líklega afskaplega lítil hreyfing á
framkvæmdum innan sveitarfé-
lagsins. Nú er svo komið að hæst-
virt bæjarráð hefur ákveðið að
tími væri til kominn að hækka
laun sín, svo fulltrúarnir þurfi
ekki að borga með sér við störf
sín, og til að bæta upp allt vinnu-
tapið sem fulltrúarnir hafa orðið
fyrir síðasta árið, var ákveðið að
launahækkunin yrði afturvirk til
þess dags sem sameiningin tók
gildi. Stjórn Starfsmannafélags
Arborgar fagnar hinni nýju
launastefnu sveitarfélagsins og
bíður nú í ofvæni eftir því að
25-30% launahækkunin gangi
niður til annarra starfsmanna, og
ekki myndi nú spilla fyrir ef hún
yrði afturvirk um eitt ár eða svo.
Því segjum við að lokum húrra,
húrra, húrra og hlökkum til þess
að fá næsta launaseðil.
ANNA DÓRA ÁGÚSTSDÓTTIR,
formaður Starfsmannafélags Árborgar.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.