Morgunblaðið - 12.05.1999, Blaðsíða 16

16 MIÐVIKUDAGUR 12. MAÍ 1999
MORGUNBLAÐIÐ
LANDIÐ
100 ára afmæli skógræktar á Islandi
Skógarstefna í Vala-
skjálf á Egilsstöðum
Vaðbrekku, Jökuldal. - í tilefni
100 ára skipulagðrar skógræktar á
íslandi efndu Skógræktarfélag
Austurlands, Skógrækt ríkisins,
Héraðsskógar og Framfarafélag
Fljótsdalshéraðs til skógarstefnu í
Valaskjálf á Ejajlsstöðum 30. apríl
síðastliðinn. A dagskrá skógar-
stefnunnar vonj þrjú erindi tengd
skógrækt á íslandi, ljóðalestur,
tónlistarflutningur og söngur.
Sigurður Blöndal, fyrrverandi
skógræktarstjóri, sem er að skrifa
sögu skógræktar á Islandi flutti
erindi um sögu skógræktar á öld-
inni. Hann rakti söguna frá alda-
mótum fram til lýðveldisstofnunar.
Fyrstu sögur af skipulegri gróður-
setningu á íslandi herma að
danskur skipstjóri Karl Reay hafí
gróðursett í reit á Þingvöllum árið
1899. Sigurður sagði að fyrstu
menn til að kynna sér og nema
skógrækt hafí verið þeir menn sem
fóru til búnaðarnáms til Stend í
Noregi að áeggjan Jóns Sigurðs-
sonar forseta en við Stend mun
hafa verið starfrækt skógræktar-
braut. Sigurður Sigurðsson, fyrr-
verandi búnaðarmálastjór, var bú-
fræðingur frá Stend árið 1898 og
ferðaðist um Noreg til að kynna
sér skógrækt. Heimkominn beitti
hann sér fyrir trjáræktarstöð á
Akureyri 1899.
Karl Gunnarsson, starfsmaður á
Mógilsá, flutti erindi um félags-
fræði úttekt á högum skógar-
bænda. Fram kom í máli hans
hvernig skógrækt á bújörðum
bænda, Héraðsskógar, hefur verk-
að á bændur á Fljótsdalshéraði.
Þótt trén séu tæplega vaxin upp úr
jörðinni er þegar tryggari framtíð-
arsýn hjá þeim bændum sem hafa
farið út í skógrækt á jörðum sínum
og þær hafa þegar hækkað í verði.
Jón Loftsson skógræktarstjóri
flutti erindi um framtíðarsýn skóg-
ræktar. Guðjón Sveinsson rithöf-
undur flutti eigin ljóð og gerði það
skörulega. Þorbjörn Rúnarsson
söng lag „Eitt kvöld að vori“ eftir
Þorstein Valdimarsson. Tónlistar-
flutningur var í höndum Jóns Guð-
mundssonar og Jóns Kr. Arnar-
sonar, auk þess sem tvær ungar
stúlkur spiluðu á' flautur. Kynnir
var Hákon Aðalsteinsson skógar-
bóndi.
Sjóvarnargarð-
ur á Hellissandi
Hellissandi - Höskuldsá skiptir þorpinu
Hellissandi í tvo meginhluta. Annar hlut-
inn er Sandur eða Hjallasandur eins og
hann var stundum nefndur fyrrum. Hinn
hlutinn er Keflavík. I Keflavík var sjávar-
bakkinn lægri en á Sandi og húsaþyrping-
in stóð alveg niður undir flæðarmáli. Þar
var áður einn besti útróðrarstaður Sand-
ara, hin kunna Keflavíkurvör. Nú liggur
Keflavíkurgata með ströndinni og var áð-
ur ein aðalgata í gegnum þorpið eða allt
til þess að henni var lokað um 1970.
Þegar stórbrim hefur verið við strönd-
ina hefur iðulega gengið bæði sjór og
sjávargrjót á land í Keflavík og valdið
miklum skemmdum.
I vetur hefur verið hlaðinn sjóvarnar-
garður með ströndinni og er nú vonandi
að taki fyrir að sjór og grjót skolist þar á
Iand og valdi ibúum við Keflavíkurgötu
stórskaða. Bjarni Vigfússon, verktaki frá
Kálfárvöllum í Staðarsveit, hefur hlaðið
garðinn af mestu snilld. Er honum sér-
lega sýnt um að hlaða slíka garða svo vel
fari. Bjarni hefur hlaðið fjölda slíkra
garða hér í Snæfellsbæ og fer orð af hvað
þeir eru allir vel gerðir. Má m.a. sjá hand-
bragð hans við Ólafsvíkurhöfn, Rifshöfn
og með vegum hér á norðanverðu nesinu.
Um þessar mundir er hann að lagfæra
sjóvarnargarða neðan Ólafsbrautar í
Olafsvík.
SJÓVARNARGARÐURINN á Hellissandi. Morgunblaðið/ólafur Jens Sigurðsson
Hætt við breytingar
Utlit Stokks-
eyrarkirkju
látið halda sér
Stokkseyri - Hætt hefúr verið við
að breyta útliti Stokkseyrar-
kirkju til samræmis við eldra
horf vegna óánægju sóknarbarna
með hugmyndirnar. Þetta var
ákveðið á fjölmennum safnaðar-
fundi.
Mikil umræða hefur verið á
Stokkseyri um fyrirhugaðar lag-
færingar á ytra byrði Stokkseyr-
arkirkju. Hún er klædd bárujárni
sem er farið að láta á sjá. Þar
sem kirkjan er ríflega aldargöm-
ul leitaði sóknarnefndin eftir áliti
húsfriðunarnefndar. Eftir að hafa
skoðað kirkjuna lagði húsfriðun-
arnefnd til að útliti hennar yrði
breytt í það horf sem hún var í
þegar hún var byggð árið 1884.
Tillögurnar fólu í sér að í stað
bárujámsins yrði kirkjan klædd
með timbri og gluggum breytt.
Ennfremur að ljósakross á turni
yrði íjarlægður og í hans stað
settur gamail járnkross sem ligg-
ur á kirkjuloftinu. Einnig lagði
nefndin til að útihurðin yrði end-
urnýjuð til eldra horfs og múrhúð
brotin af grunninum og hleðsla
Qarlægð.
Sóknarnefndin samþykkti að
breyta klæðningu og gluggum en
láta aðrar breyt ingar bíða. I
framhaldinu var haldin aðalsafn-
aðarfundur til að fá fram skoðan-
ir sóknarbarna á tillögunum.
Fram kom sterk andstaða við
þær og þar sem ekki var skilyrði
að fara að tillögum húsfriðunar-
nefndar var ákveðið að hverfa
frá öllum áformum um breyting-
ar. Kirkjan verður aftur klædd
bárujárni og gluggamir verða
óbreyttir.
Morgunblaðið/Atli Vigfusson
VERÐLAUNAHAFAR fyrir úrvalsmjólk.
Verðlaun fyrir
úrvalsmjólk
Póstdreifíngarmál í brennidepli í Borgarfjarðarsveit
Morgunblaðið/Sigríður Kristinsdóttir
FRÁ vinstri: Hörður Jónsson, framkvæmdastjóri sölu- og þjónustu-
sviðs, Áskell Jónsson, framkvæmdastjóri framkvæmdasviðs, Tryggvi
Þorsteinsson, framkvæmdastjóri flutningasviðs. Hinum megin við
púltið em Þómnn Gestsdóttir sveitarstjóri og Ríkarð Brynjólfsson,
oddviti Borgarfjarðarsveitar.
Laxamýri - Verðlaunaafhending til
handa þeim sem framleiddu úr-
valsmjólk á samlagssvæði Kaupfé-
lags Þingeyinga fór fram á aðal-
fundi mjólkurstöðvarinnar nýlega.
Á fundinum kom fram að þingeysk
mjólk er frumulægst á landinu,
enda hafa bændur lagt sig mjög
fram á undanfömum ámm til þess
að ná sem bestum tökum á fram-
ieiðslunni er þetta varðar og júg-
urbólga er minnkandi vandamál.
Þá er þingeysk mjólk með hvað
hæst próteinhlutfall og því í háum
gæðaflokki.
Kristín Halldórsdóttir fram-
leiðslustjóri ávarpaði bændur og
orðaði það svo að þetta væri
„besta mjólk landsins“. Hún þakk-
aði fyrir hönd samlagsins þessa
góðu framleiðslu og sama gerði
Hlífar Karlsson samlagsstjóri.
Miklar breytingar em framund-
an í vinnslu mjólkurafurða í hérað-
inu en stofnað hefur verið nýtt
hlutafélag um rekstur samlagsins í
samvinnu við Kaupfélag Eyfirð-
inga. Áfram verður unnin mjólk á
Húsavík, en líklega verður það
sérhæfðari vinnsla.
íslandspósti
afhentir
undirskrifta-
listar
Reykholti - íbúar í póstumdæmi 320
Reykholti í Borgarfirði sátu fjöl-
mennan, opinn fund með þremur
fulltrúum Islandspósts nýlega til að
fá skýra mynd af þeim breytingum
sem boðaðar hafa verið í póstdreif-
ingarmálum. Ákveðið hefur verið að
flytja flokkun á pósti í Borgames og
hefur jafnframt verið sagt upp
samningi við Sæmund, sérleyfis-
hafann í sveitarfélaginu um póst-
flutninga.
Sveitarstjórn Borgarfjarðarsveit-
ar boðaði til fundarins sem haldinn
var á Hótel Reykholti. Á fundi sveit-
arstjóra og oddvita með forstjóra ís-
landspósts var afhentur undir-
skriftalisti frá íbúum svæðisins, þar
sem um 170 manns mótmæltu breyt-
ingunum, jafnframt var afrit sent
samgönguráðherra. Þessar breyt-
ingar eru_ liður í hagræðingu, sögðu
fulltrúar íslandspósts, en munu ekki
breyta neinu um þjónustu í sveitar-
félaginu og var skýrt tekið fram að
pósthúsið verði ekki lagt niður, en
ótti hefur verið við að sú þróun væri
hafin með þessum breytingum.
Áhyggjur vegna uppsagnar
samnings við sérleyfíshafa
Stærsta ágreiningsmálið á fundin-
um var uppsögn samnings við sér-
leyfishafa. Fram kom að sökum fá-
mennis bæri nauðsyn til að hafa
samstarf í ýmsum málum og að sam-
eining póstflutnings og áætlunar-
ferða hafi verið farsæl. Ef sérleyfis-
hafi geti ekki haldið úti áætlunar-
ferðum flesta daga vikunnar, og
sinnt um leið mikilvægum vöruflutn-
ingum í sveitirnar mun það hafa
slæm áhrif.
Þetta komi einnig illa við upp-
byggingu í ferðaþjónustu í umdæm-
inu og í samtali við Morgunblaðið
sagði hótelstjórinn í Reykholti að
hann fengi talsvert af ferðamönnum
mep áætlunarferðum.
Á fundinum voru málin rædd og
fram komu margar ábendingar.
Samþykkt var samhljóða ályktun um
að hvetja Islandspóst til að hefja við-
ræður við sérleyfishafann. Á fundin-
um kom fram að haft verði samband
við Póst- og fjarskiptastofnun og sett
fram krafa um að allir íbúar fái póst
sinn fimm daga vikunnar. Einnig er
verið að skoða möguleika á aukinni
bankaþjónustu tengdri pósthúsinu.