Morgunblaðið - 09.06.1999, Side 44

1 44 MIÐVIKUDAGUR 9. JÚNÍ 1999
MORGUNBLAÐIÐ
Ljóska
BREF
TIL BLAÐSINS
Kringlunni 1 103 Reykjavík • Súni 569 1100 • Súnbréf 569 1329
Um Evrópu-
söngvakeppnina
Frá Hrafnkeli Orra Egilssyni:
SÍÐASTLIÐINN laugardag skrifar
Víkverji um Söngvakeppni evrópskra
sjónvarpsstöðva, og verður tíðrætt
um framlag Þjóðverja. Það lag segir
Víkverji hafa verið undir sterkum
„arabískum“ áhrifum og hafi sem
slíkt leitt til þess að Tyrkir hafi í raun
átt tvö lög í keppninni að þessu sinni.
Víkverja til glöggvunar skal bent á
það að í Þýskalandi búa um fjórar
milljónir manna sem eru af tyrk-
neskum ættum. Stór hluti þessa
fólks hefur búið þar mikinn hluta ævi
sinnar, og svo er til dæmis farið með
hópinn Surpriz sem flutti lag Þjóð-
verja í keppninni. Þetta fólk er í
þeirri erfiðu aðstöðu að búa í landi
þar sem allt önnur menning er við
lýði... Það er því ekkert óeðlilegt að
þessi hópur hafi áhrif á menningu
Þjóðverja, og er Eurovision ekki
hluti menningarinnar? Við Islend-
ingar virðumst alténd vera þeirrar
skoðunar ef marka má heilsíðuaug-
lýsingu í DV 31. maí síðastliðinn. Þar
fullyrða Sjónvarpið, DV, Síminn,
GSM og Toyota eftirfarandi: „Úrslit-
in sanna að við Islendingar erum á
miklu hærra menningarstigi en aðr-
ar Evrópuþjóðir.“ Víkveiji kvartar
yfir því að þýska lagið hafi átt lítið
skylt við þýska alþýðutónlist en
gleymir sér í lofi yfir íslenska fram-
laginu. Átti íslenska lagið eitthvað
frekar skylt við „íslenska alþýðutón-
list“? Benda má á að íslendingar
voru fyrstir manna til þess að fóma
eigin tungu á altari alþjóðlegrar
menningarhyggju.
Framlag Þjóðverja hefur ekkert
með það að gera að „snobba niður
fyrir sig“ og „gefa skít“ í keppnina
eins og Víkverji heldur fram. I for-
keppninni í Þýskalandi var framlag
Surpriz eina lagið sem ekki var flutt
af „hreinræktuðum" Þjóðverjum
eins og Víkverji orðaði það. Sú full-
yrðing að það sé fyrir neðan virðingu
Þjóðverja að taka þátt í keppninni
vegna þess að það sé eitthvert „skít-
verk“ (orðalag Víkverja) er því gjör-
samlega út í hött. I þessu sambandi
má benda á að annað lag lenti í
fyrsta sæti í forkeppninni (flutt af
„hreinræktuðum" Þjóðverja) þar
sem úrslit voru fengin með síma-
könnun. Síðar kom í ljós að lagið var
ólöglegt í keppnina vegna þess að
það hafði verið gefið út árið 1997.
Það er sorglegt þegar fjallað er um
mál af jafnmiklu þekkingarleysi og
raun ber vitni hjá Víkveija síðastlið-
inn laugardag. Það er ekki einfalt mál
að aðlagast framandi menningu. I
Þýskalandi búa um 7 milljónir útlend-
inga (um 9% þjóðarinnar). Þótt nýbú-
um á Islandi hafi fjölgað undanfarin
ár komumst við ekki með tæmar þar
sem Þjóðverjar hafa hælana hvað
þetta snertir. Nú liggur fyrir þingi í
Berlín tillaga stjómarinnar um að
gefa öllum bömum fæddum í Þýska-
landi sjálfkrafa ríkisborgararétt. Það
mun vonandi að einhveiju leyti hjálpa
til við að gera fólki auðveldara fyrir
að aðlagast þjóðfélaginu. Ég veit ekld
til þess að slík löggjöf sé fyrir hendi á
okkar blessaða íslandi.
HRAFNKELL ORRI EGILSSON,
nemi, Lubeck, Þýskalandi.
Vetur og sumar á íslandi
Frá Tryggva Gíslasyni:
NÚ er liðinn langur vetur hér á
Norðurlandi og komið sumar með
sól og sunnanvind.
Nú geta fréttamenn ríkissjón-
varpsins og Stöðvar 2 hér á Akureyri
því ekki lengur sagt frá snjóalögum
og ófærð, en þeir hafa lengi lagt sig í
framkróka um að tíunda vetrarríkið
á norðanverðu íslandi eins og það
séu fréttir að snjór er á íslandi við-
líka því að hundur bíti mann og hafi
ekki verið nægur snjór á Akureyri
hafa þeir lagt á sig ferðir út með firði
eða austur ellegar vestur í Skaga-
fjörð og leitað uppi ljósastaura á kafi
í snjó, bæði á Dalvík og í Fljótum,
svo að nú veit íslenska þjóðin hvar
snjóar vom mestir í vetur.
En til þess að hafa áfram stöðugar
og traustar fréttir af veðrinu og eitt-
hvað að segja frá vildi ég mælast til
þess af fréttamönnum ríkissjónvarps-
ins og Stöðvar 2 fyrir sunnan að taka
starfsbræður sína fyrir norðan sér til
fyrirmyndar og tíunda rækilega sum-
arveðrið í Reykjavík, einkum þegar
rignir og blæs svo að amsúgurinn
stendur gegnum höfuðið á mönnum
hvar sem þeir fara og helmingur
þjóðarinnar er blautur í fætur.
Þá fæst skemmtilegur samanburð-
ur á veðrinu fyrir norðan og sunnan
sumar og vetur.
Með ósk um langt og gleðilegt
sumar á Islandi.
TRYGGVI GÍSLASON
skólameistari,
Suðurbyggð 14, Akureyri.
Að gefnu tilefni
DIP YOU HEARTHAT?
HE 5AIP IT'S 60IN6
TO RAIN TOPAY..
Heyrðurðu að hann
sagði að það ætti
að rigna í dag..
IF IT S G0IN6T0RAIN,
WHY DIPW'T YOU 5TAY
HOMEANPDRIVEYOUR
KIPS T0 5CHOOL7
YOUR KID5 ARE 60NNA
ÖETtdET'WHATKINP
OF A FATHER ARE
YOU ANYUJAY ?!
Ef það á að rigna, hvers
vegna varst ÞÚ ekki
heima til að keyra
bömin ÞIN í skólann
Börain ÞIN verða biaut!
Hvers konar faðir
ert þú eiginlega?!
I YELL AT HIM EVERY M0RNIN6, &ÖT HE NEVER LI5TEN5..
V 0 1 P *

Eg öskra á hann
á hveijum morgni,
en hann hlustar aldrei..
Frá Carli J. Eiríkssyni:
SKOTÍÞRÓTTASAMBAND íslands
tilkynnti mér 30. maí sl., daginn eftir
heimkomuna frá keppni á smáþjóða-
leikunum í Liechtenstein, að sam-
þykkt hefði verið að ég fengi í styrk
helminginn af útlögðum kostnaði sem
ég hafði greitt áður en ferðin hófst.
Styrkurinn nemur því 27.500 kr. og
vil ég hér með koma á framfæri þakk-
læti til stjómar STÍ fyrir hann.
Ég vil einnig geta þess að ég hef
aldrei talið æskilegt að með mér yrði
sendur annar maður sem liðsstjóri.
Án liðsstjóra næ ég betri árangri
auk þess sem slíkt sparar mikinn og
óþarfan aukakostnað.
Það lá við að ég færi ekld á þessa
leika því að í ræðu á Skotþingi í apríl
sl. sagði formaður STÍ, Jón S. Ólason
lögreglumaður, að engin keppni í
nokkurri grein skotfimi myndi fara
fram á smáþjóðaleikunum í Liechten-
stein 1999. Þetta bjargaðist þó og ég
var skráður til keppni, annars hefði
Island misst af einum gullverðlaun-
um. Greinin sem ég keppti í var ensk
keppni sem hefur verið besta grein
mín í þijátíu ár og er ólympísk grein.
CARL J. EIRÍKSSON.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.