Morgunblaðið - 21.08.1999, Blaðsíða 13

Morgunblaðið - 21.08.1999, Blaðsíða 13
MORGUNBLAÐIÐ LAUGARDAGUR 21. ÁGÚST 1999 13 FRETTIR Könnun á sýklalyfjaónæmi meðal barna Mun minna ónæmi í Vilnius en Reykjavík ÓNÆMI pneumokokka gegn pen- isillíni er helmingi minna í Vilnius í Litháen eða 5% heldur en í Reykja- vík sem er 11% þrátt fyrir mun meiri sýklalyfjanotkun í Vilnius. Þetta kemur fram í sameiginlegri rannsókn lækna í Vilnius og Reykjavík á sýkla- lyfjanotkun hjá börnum sem staðið hefur síðustu misseri. Rannsóknin er styrkt af norrænu ráðherranefndinni og íslehska forsætisráðuneytinu. Tekin voru sýni úr 297 börnum á 6 leikskólum í Reykjavík og 508 börn- um á 13 leikskólum í Vilnius í febrúar og mars á þessu ári. Jafnframt voru foreldrar beðnir að svara spurninga- lista um sýklalyfjanotkun barna sinna síðustu 6 mánuði. I ljós kom að 18% barnanna í Reykjavík höfðu ver- ið á sýklalyfjakúr en 48% barnanna í Vilnius. Þessar niðurstöður voru kynntar í gær á norrænu þingi smit- sjúkdómalækna og sýklafræðinga sem lýkur í dag. íslendingar leggja lið Að rannsókninni stóðu Karl G. Kristinsson og Einar Hjaltested og Helga Erlendsdóttir meinatæknir, öll á sýklarannsóknadeild Landspít- alans, Asgeir Haraldsson og Þórólfur Guðnason, læknar á barnaspítala Hr- ingsins, og Jolanta Bernatoniene og Petras Kaltenis, læknar á barnaspít- alanum í Vilnius. Forsöguna má rekja aftur til áranna kringum 1993 þegar Gunnar Biering, þáverandi yf- irlæknir vökudeildar Landspítalans, var á ferð í Vilnius og sá að íslend- ingar gætu lagt þeim lið við úrbætur í barnalækningum. Forstöðulæknarnir Ásgeir Har- aldsson, prófessor í barnalækning- um, og Karl G. Kristinsson, sérfræð- ingur á sýklafræðideild Landspítala, mótuðu síðan verkefnið eftir heim- sókn sína til Litháen og til að kosta það fengust áðurnefndir styrkir. Var þá tekin upp formleg samvinna barnadeildarinnar í Vilnius við barnadeild og sýklarannsóknadeild Landspítalans. Megin markmið verk- efnisins er að kanna notkun sýkla- lyfja meðal barna, finna hlutfall barna með sjúkdómsvaldandi bakter- íur í nefkoki og næmi þeirra fyrir sýklalyfjum. Einnig var markmiðið að bæta greiningu og gæði sýkla- rannsóknaþjónustu á barnaspítalan- um í Vilnius. Einar Hjaltested segir að þar til nýverið hafi aðstæður til greininga og sýklaræktana verið lélegar í Vilni- us. Læknar hafi ávísað breiðvirkum sýklalyfjum án nákvæmrar vitneskju um orsök sýkinga. Því var búist við að hlutfall ónæmra baktería yrði hátt. Eftir undirbúning, sem einkum stóð á síðasta ári, héldu Einar og Helga til Litháen snemma árs þar sem Einar og barnalæknirinn Jolanta Bernatoniene tóku sýni úr börnunum og Helga sá um frágang þeirra og ræktun. Einnig voru spurn- ingalistar sendir foreldrum og upp- lýsingar frá þeim skráðar. Gáfu tæki og þjálfuðu starfsfólk ,Auk þess að taka sýnin og rækta þjálfuðum við starfsfólkið og hluti af kostnaði við verkefnið var einnig tækjakaup. Barnaspítalanum voru færð ýmis tæki, svo sem tölvur til að nota við úrvinnsluna, frystiskápur sem kælir í -70 gráður og sérstakur koltvísýrings hitaskápur sem notað- ur er við bakteríuræktun," segir Ein- ar. Hann segir ástæður fyrir sýkla- lyfjagjöf barna í þessum löndum mjög misjafnar. „Hérlendis er al- gengasta ástæða sýklalyfjagjafar eyrnabólga eða 77% eftir því sem for- eldrar upplýstu en við vitum raunar að hluti af því kann þó að stafa af óðrum orsökum. I Vilnius eru hiti og hósti algengasta orsök sýklalyfja- gjafar eða 48% en engin skýring fékkst í 34% tilvika. Þar er eyrna- bólga nánast aldrei tilgreind sem ástæða sýklalyfjagjafar enda notast almennir læknar sjaldnast við eyrna- 5«iiii inlivoimomi!ii;(I, SVJ ... Í^MSPS P7 >4 .....'"¦ ¦ '¦ ' Ifc^ R=... "í k Á % II Morgunblaðið/Einar Hjaltested Hér er Jolanta að kenna samstarfsfólki sínu í Vilnius að taka nefkoks- sýni vegna rannsóknarinnar. Morgunblaðið/Golli Þau kynntu niðurstöður sínar á þingi norrænna smitsjúkdomalækna og sýklafræðinga. Frá vinstri: Jolanta Bernatoniene, Helga Erlends- dóttir og Einar Hjaltested. sjá við almenna skoðun barna. Annar stór flokkur er hálsbólga, 16% í Vilnius og 10% hérlendis og aðrar al- gengar ástæður hérlendis eru síðan lungnabólga og skútabólga." Þegar rannsóknin fór fram, þ.e. í febrúar og mars, voru um 3% barn- anna í Reykjavík á sýklalyfjum en 10% í Vilnius. Þar höfðu 24% verið á sýklalyfjum mánuðinn á undan at- huguninni en 11% í Reykjavík og í Vilnius höfðu 35% barnanna verið á þremur sýklalyfjakúrum undan- gengna sex mánuði en 7% barna í Reykjavíkurhópnum. I heildina höfðu 18% barna í Reykjavík verið á sýklalyfjum síðustu sex mánuði en 48% barna í Vilnius. „Það sem kemur síðan á óvart í niðurstöðunum er að þrátt fyrir mun meiri sýklalyfjanotkun í Vilnius er sýklalyfjaónæmi þar minna en hjá okkur. Til dæmis er penisillín-ónæmi meðal pneumokokka, sem er algeng- ur sýkingavaldur í börnum, aðeins 5% í Vilnius en var 11% í Reykjavík. Hérlendis hefur dregið mjög úr sýklalyfjanotkun á síðustu árum og jafnframt hefur ónæmi gegn sýkla- lyfjum minnkað og mun Karl G. Kristinsson gera grein fyrir því hér á ráðstefnunni. Það er hins vegar ekki vitað hvort dregið hefur úr ónæmi sýkalyfja vegna minnkandi sýkla- lyfjagjafar en það er hugsanlegt," segir Einar. Allur eldri barnafatnaður á hálfvirði ídag Tilboð á bakpokum! HREYSTI ÆFINGAR - ÚTIVIST - BÓMULL — Skeilunni 19 - S. 5681717----- Opið mánud.- föstud. kl. 9 - 18, lauqard. kl. 10 - 16
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.