Morgunblaðið - 08.02.2000, Blaðsíða 21

MORGUNBLAÐIÐ
ÞRIÐJUDAGUR 8. FEBRÚAR 2000 21
LANDIÐ
Báturinn Skúli
Hjartarson
gefínn að Hnjóti
Patreksfirði -1 desember 1997 gaf
Torfi Jónsson og fjölskylda Agli
Ólafssyni frá Hnjóti í Örlygshöfn
bátinn Skúla Hjartarson til minning-
ar um Gísla Jóhannsson með það
fyrir augum að báturinn yrði varð-
veittur á safni Egils því þetta mun
vera eini báturinn sem til er eftir
þennan merka mann. 1. febrúar sl.
var báturinn síðan fluttur á vörubíl
að Hnjóti. Gísli Jóhannsson smíðaði
Skúlann árið 1946 en hann var ekki
sjósettur fyrr en árið 1958.
Einar Guðfinnsson, útgerðarmað-
ur í Bolungarvík, bað Gísla Jóhanns-
son bátasmið að smíða fyrir sig tvo
báta. Þeir áttu að vera um 12 brúttó-
rúmlestir að stærð en það var sú
stærð sem hentaði hafnaraðstöðunni
í Bolungarvík á þeim tíma þ.e. 1940-
1944. Einar tók íyrri bátinn sem hét
Særún. Þegar svo lokið var við smíði
á seinni bátnum hafði hafnaraðstað-
an breyst þannig að nú var hægt að
nota mun stærri báta í Bolungarvík.
Einar tók því aldrei seinni bátinn.
Og mun þar vera komin ástæðan fyr-
ir því að báturinn stóð í 12 ár í smíða-
húsinu hjá Gísla eða frá 1946-1958
að hann var sjósettur.
Smíðaði 400 báta
Á árunum 1905-1946 er tahð að
Gísli hafi smíðað um 400 báta fyrir
utan skútur og skip sem hann lag-
færði og breytti. I sjómannablaði
Víkings árið 1945 er grein eftir sr.
Jón Kr. ísfeld í tilefni 45 ára starfs-
afmæli Gísla, en þar stendur að Gísli
muni hafa smíðað þennan bát á einu
ári. Einn byrti hann þennan bát úr
15" þykkri eik, einn lagði hann kjöl-
inn og hann vann stefnið úr 11"
þykkri eik. Var þetta svo þykkt að
ekki var hægt að vinna það með vél-
söginni svo hann var að saga það
með handsög. Þetta sýnir kraft og
dugnað Gísla bátasmiðs frá Bíldudal.
„Þdtt reifuð skarti ránarmey“
Björn J. Björnsson, Sigurður
Skúlason, Rögnvaldur Bjarnason og
Haraldur Ólafsson keyptu síðan bát-
inn. Eiga þeir bátinn til ársins 1963
er Torfi Jónsson og Hjörtur Hall-
dórsson keyptu hann. Torfi og
Hjörtur reru saman í 21 ár en þá
keypti Torfi og fjölskylda hans hlut
Hjartar í bátnum. Torfi reri honum
svo fram á haustið 1997.
Skúli Hjartarson er 11,5 brúttó-
rúmlesta eikarbátur, snurvoðarspil-
ið smíðaði Matthías Guðmundsson
frá Þingeyri og var það sett í Skúla
1960. Spildrifið er spilrass úr Ford-
vörubfl árgerð 1935 og er þetta í
sinni upprunalegri mynd. Kompás-
inn í Skúla Hjartarsyni er þakkomp-
ásinn úr togaranum Sargon sem
strandaði undir Hafnarmúla 1948.
Þegar Skúli Hjartarson (sem bát-
urinn heitir eftir) faðir Sigurður
Skúla frétti að báturinn ætti að heita
eftir honum bað hann Jón Jóhanns-
son, þá hreppstjóra á Bíldudal, að
yrkja fyrir sig vísur sem fylgt gætu
bátnum við sjósetningu. Hreppstjór-
inn varð við óskinni og orti:
Báturinn Skúli Hjartarson fluttur til safns Egils Ólafssonar.
Morgunblaðið/Bima Mjöll
Þótt reifuð skartí ránarmey
rennihartaðstarfi.
Skeiðar djarft og skelfist ei
Skúli Hjartararfi.
Er blátt við drafnar bylgjutraf
boðarkafnaogspringa.
Þúskaltnafniorkuaf
öldusafnið þvinga.
Hót ei saki heiður þinn
hrönn þótt kvaki grettin
endurvakinn annað sinn
út að taka sprettinn.
Bylgju safnið bátur rann
beinajafnalínu.
Eflaust kafnar aldrei hann
undirnafnisínu.
Nú er hann Skúli að feta fyrstu sporin
og frjáls sér leikur Ægis dætur við
vo íturvaxinn ungur endurborinn
af afli knúinn ristir bylgju nið.
Þér fylgi gæfa hafs á hálu brautum
og hlaðist að þér mikill þorskafans
en komi ætíð heill úr hafsins þrautum
með heilan farm og gleði sérhvers manns.
Sonur Egils Ólafssonar, Kristinn
Þór, hefur tekið við umsjón byggða-
safnins eftir andlát föður síns þar til
annað verður ákveðið. Hann sagði
við Morgunblaðið að það frumvarp
sem liggi fyrir á Alþingi til laga um
breytingu á lögum um þróunarsjóð
sjávarútvegsins, þess efnis að þróun-
arsjóður sjávarútvegsins veiti
byggðasöfnum og sjóminjasöfnum
styrk til varðveislu gamalla skipa,
komi til með að létta mjög róður
safnsins þar sem kostnaðarhliðin sé
mikil og erfið.
______________Ráðstejha Kaupþings________________
um alþjóðleg viðskip tafélög haldin 1L febrúar 20QQ_
/ Arsal Radisson SAS Hótel Sögu
Dagskrd:
15:30 Sigurður Einarsson, forstjóri Kaupþings, og fundarstjóri setur fimdinn.
15:45
16:15
16:45
17:15
Adam Craig, skattasérfræðingur hjá alþjóðlegum höfuðstöðvum KPMG í Hollandi, fjallar almennt
um þróun og horfur í skattamálum: Afstaða Evrópusambandsins og OECD gagnvart
lágskattasvæðum.
Magnús Guðmundsson, bankastjóri Kaupthing Luxembourg S.A., kynnir alþjóðlega
einkabankaþjónustu.
Bernhard Bogason, lögfræðingur hjá KPMG á íslandi, ræðir um alþjóðleg viðskiptafélög á íslandi -
Gildandi lög og samanburður eignarhaldsfélaga á Islandi við önnur lönd á borð við Danmörku og
Lúxemborg.
Bjarni Markússon, framkvæmdastjóri, kynnir þjónustu ITC ISLANDS ehf. til alþjóðlegra
viðskiptafélaga - Hvar stöndum við í dag?
17:45 Fyrirspurnir.
18:00 Léttar veitingar.
Vinsamlega tilkynnið þátttöku í síma 515 1455 eða með
tölvupósti á itcisland@kaupthing.is.
Aðgangur ókeypis en sœtafjöldi er takmarkaður.
KAUPÞING
Ármúia 13A,
108 Reykjavík,
sími 515 1500,
íax 515 1509.
www.kaupthing.is