Morgunblaðið - 09.03.2000, Side 26

26 FIMMTUDAGUR 9. MARS 2000
MORGUNBLAÐIÐ
ERLENT
Bush og Gore bera sigurorð af keppinautum sínum í mikilvægri lotu forkosninganna
Reuters
Reuters
A1 Gore fagnar sigri í forkosningum demdkrata með eiginkonu sinni, Tipper, í Nashville.
George W. Bush
Sækja inn á miðjuna
fyrir lokabaráttuna
um Hvíta húsið
A1 Gore og George W. Bush voru í gær
taldir nánast öruggir um að verða tilnefndir
forsetaefni demókrata og repúblikana í for-
setakosningunum í nóvember eftir mikil-
væga sigra á keppinautum sínum í for-
kosningunum í gær. Gore og Bush leggja
nú kapp á að tryggja sér stuðning miðju-
manna og óháðra kjósenda er studdu
frambjóðendurna sem biðu ósigur.
AL GORE, varaforseti
Bandaríkjanna, fór trieð
sigur af hólmi í forkosn-
ingum demókrata í 15
ríkjum í fyrradag og er nú nánast ör-
uggur um að verða tilnefndur fram-
bjóðandi flokksins í forsetakosning-
unum í nóvember. Fregnir hermdu
að keppinautur hans, Bill Bradley,
hygðist draga sig í hlé eftir að hafa
beðið ósigur í tveimur stærstu ríkj-
unum, Kaliforníu og New York, og
þrettán öðrum ríkjum.
Gore hefur nú þegar tryggt sér
1.420 kjörmenn og þarf að fá 2.170 til
að verða tilnefndur forsetaefni de-
mókrata í sumar. Bradley hefur að-
eins fengið 411 kjörmenn.
George W. Bush, ríkisstjóri Texas,
stendur nú einnig mjög vel að vígi
eftir hafa borið sigurorð af John
McCain, öldungadeildarþingmanni
frá Arizona, í Kalifomíu og New
York og sjö öðrum ríkjum. Bush
sigraði með miklum mun í Kalifom-
íu, Ohio, Georgíu, Missouri og Mary-
land og batt enda á sigurgöngu
McCains í norðausturríkjunum með
naumari sigmm í New York og
Maine. Hann fór einnig með sigur af
hólmi í Minnesota og Washington-
ríki.
McCain sigraði hins vegar í fjór-
um ríkjum á Nýja Englandi, Massa-
chusetts, Connecticut, Rhode Island
og Vermont. Bush hefur nú ti’yggt
sér 680 kjörmenn en þarf að fá að
minnsta kosti 1.034 til að verða til-
nefndur forsetaefni repúblikana.
McCain hefur fengið 225 kjörmenn.
McCain íhugar að
draga sig í hlé
McCain kvaðst ætla að íhuga á
næstu dögum hvort hann ætti að
halda kosningabaráttunni áfram.
Fréttastofan AP hafði eftir tveimur
af helstu ráðgjöfum McCains að þeir
myndu ráðleggja honum að draga
sig í hlé strax en að minnsta kosti
einn ráðgjafa hans er andvígur því.
Sigurmöguleikar McCains virðast
litlir í næstu lotu forkosninganna á
þriðjudaginn kemur. Þá verður kosið
í sex ríkjum, meðal annars Texas,
heimaríki Bush, og Flórída, þar sem
bróðir hans, Jeb Bush, er ríkisstjóri.
Líkt og í fyrri lotum forkosning-
anna reiddi Bush sig einkum á stuðn-
ing íhaldssamra repúblikana en
McCain fékk mest fylgi meðal miðju-
manna og óháðra kjósenda. McCain
tók þá áhættu að gagnrýna leiðtoga
kristinna íhaldsmanna og er það tal-
ið hafa komið honum í koll í mikil-
vægum ríkjum. Umdeild heimsókn
Bush til Bob Jones-háskóla, sem hef-
ur verið sakaður um andúð á kaþól-
ikkum, virtist hins vegar hafa komið
McCain til góða í nokkrum ríkjum
þar sem kaþólikkar eru fjölmennir.
Tekist á um kjósendur
McCains
Bush beindi athyglinni að barátt-
unni við demókrata í sigurræðu sinni
og gagnrýndi A1 Gore sem svaraði í
sömu mynt. Þeir mærðu hins vegar
báðir keppinauta sína í forkosning-
unum.
„Flokkur okkar mun
brátt sameinast að nýju
og snúa sér að aðalverk-
efninu: því að binda enda
á valdatíma Clintons og
Gores,“ sagði Bush.
Gore virtist hlakka til
þess að takast á við Bush og gagn-
rýndi baráttuaðferðir hans í forkosn-
ingum repúblikana sem einkenndust
af ásökunum um rógburð og ód-
rengilegar auglýsingaherferðir. „Eg
hyggst skora á forsetaefni repúblik-
ana að halda opna fundi með mér til
að gera þetta að baráttu hugmynda
en ekki rógburðar, baráttu sem fer
fram fyrir opnum tjöldum en ekki
með niðrandi auglýsingum, sem
greiddar eru úr leynisjóðum sér-
hagsmunahópa,“ sagði varaforset-
inn.
Gore gaf einnig til kynna hvernig
hann hygðist sigra Bush og gagn-
rýndi andstöðu hans við fóstureyð-
ingar, stefnu hans í menntamálum
og loforð um miklar skattalækkanir.
Hann kvaðst ætla að ná til „þeirra
sem vilja halda hagsældinni fi-emur
en að snúa aftur að gömlu stefnunni
sem hefur brugðist, hættulegum
skattaáformum sem hafa aðeins
valdið samdrætti hingað til og gætu
stefnt hagsæld okkar í hættu þegar
fram líða stundir."
Varaforsetinn reyndi einnig að
höfða til þeirra repúblikana og óháðu
kjósenda, sem kusu McCain og eru
ef til vill tregir til að styðja Bush
vegna íhaldssamrar stefnu hans.
Barátta repúblikana
tók meiri toll
Talið er að Gore og Bush einbeiti
sér nú að því að tryggja sér stuðning
miðjumanna og óháðra kjósenda
sem hafa oft ráðið úrslitum í forseta-
kosningum í Bandaríkjunum.
Stjórnmálaskýrendur úr röðum
demókrata og repúblikana eru sam-
mála um að barátta Bush við McCain
hafi tekið meiri toll en barátta Gores
við Bradley. Bush hefði þurft að
færa sig lengra af miðjunni til að
tryggja sér atkvæði hægrímanna í
baráttunni við McCain en Gore
þurfti til að fá stuðning vinstrimanna
í baráttunni við Bradley. Þetta gæti
valdið Bush vandræðum þegar hann
etur kappi við Gore og reynir að
höfða til miðjumanna.
Linda DiVall, skoðanakönnuður
repúblikana, sagði þó að Bush væri
„í betri aðstöðu til að tryggja sér
stuðning kjósenda McCains". „Þeir
hrifust af framjóðanda úr röðum
repúblikana og vilja breytingar í
Washington. Hann þarf að biðla til
þeirra, en ljóst er að þeir
fundu eitthvað í
Repúblikanaflokknum
sem þeir fundu ekki
meðal demókrata."
Skoðanakannanir, sem
gerðar voru meðal kjós-
enda við kjörstaði í New York og
Kaliforníu, benda til þess að Bush
njóti ívið meiri stuðnings meðal kjós-
enda McCains en Gores. Sömu kann-
anir benda hins vegar til þess að
varaforsetinn sé mun líklegri til að
fara með sigur af hólmi í kosningun-
um í Kaliforníu í nóvember.
Samkvæmt nýjustu skoðanakönn-
Stefnir í mjög
tvísýna
baráttu milli
Bush og Gore
og eiginkona hans, Laura, veifa til stuðningsmanna hans í sigurveislu
þeirra eftir forkosningar repúblikana í fyrradag.
ÚRSLIT FORKOSNINGANNA
Al Gore er nú öruggur um að verða tilnefndur forsetaefni demókrata eftir
forkosningar þeirra í fyrradag. George W. Bush bar sigurorð af John McCain
í Kaliforníu, New York og sjö öðrum ríkjum í forkosningum repúblikana og allt
bendir því til þess að hann etji kappi við Gore í forsetakosningunum í nóvember.
FORKOSNINGAR DEMOKRATA H FORKOSNINGAR REPÚBLIKANA
■ Al Gore
Bill Bradley
■ GeorgeW. Bush
Wf John McCaln
URSLITIN DEM REP DEM REP
Georgía (D92, R54) Gore Bush Rhode Island (D32, R14) Gore McCain
Vermont (D22, R12) Gore McCain Kalifornía (D434, R162) Gore Bush
Ohio (D170, R69) Gore Bush Hawaí (D33) Gore
Connecticut (D67, R25) Gore McCain Idaho (D23) Gore
Maine (D32, R14) Gore Bush Mínnesota (R34) Bush
Maryland (D92, R31) Gore Bush Norður Dakota (D22) Gore
Massachusetts (D118, R37) Gore McCain Washington (D95, R25) Gore Bush
Missouri (D92, R35) Gore Bush Bandar. Samoa eyjar (D6) Gore
New York (D294, R101) Gore Bush (D, R) fjöidi kjörmanna demókrata og repúblikana
REPUBLIKANAR
; George W. Bush
Al Gore Kjörmenn til þessa
>■ 4 1421
Bill Bradley
\ /411
Kjörmenn sem þarf til meirihluta: 2.168 Kjörmenn til að ná meirihluta: 1.034
>681
un Washington Post og ABC er
Bush enn með forskot á Gore í land-
inu öllu, með 50% fylgi á móti 44%.
Forskotið hefur hins vegar minnkað
um helming á einu ári og bendir það
til þess að kosningamar í nóvember
verði mjög tvísýnar.
A1 From, einn af forystumönnum
demókrata, telur að erfitt verði fyrir
Bush að tryggja sér stuðning miðju-
manna og óháðra kjósenda vegna
þess að hann hafi fært sig of langt til
hægri eftir sigur McCains í forkosn-
ingunum í New Hampshire. „Sú
ákvörðun hans að færa sig til hægri í
félags- og skattamálum var það
versta sem hann gat gert fyrir for-
setakosningarnar."
Ari Fleischer, talsmaður Bush,
benti hins vegar á að Gore hefði
aldrei náð forystu í skoðanakönnun-
um þótt Bush hefði verið gagnrýnd-
ur fyrir að seilast of langt til hægri.
Bush gaf höggstað á sér
Donna Brazile, kosningastjóri
Gores, viðurkenndi að hann ætti enn
á brattann að sækja en bætti við
mikilvægast væri að hann tryggði að
allir stuðningsmenn Demókrata-
flokksins fylktu sér um hann í kosn-
ingunum.
Eddie Mahe, ráðgjafi repúblikana,
telur að Bush hafi gefið höggstað á
sér með því að heimsækja Bob Jon-
es-háskóla og leggja kapp á að
tryggja sér stuðning kristinna
íhaldsmanna. „Gore og menn hans
eru mjög færir í að notfæra sér slíkt.
Þeir munu reyna að ata Bush út með
öllum tiltækum ráðum.“
Óháðir kjósendur orðnir
þreyttir á Clinton
Ráðgjafar Bush telja að óháðir
kjósendur séu orðnir þreyttir á Bill
Clinton forseta og búist er við að
hann leggi áherslu á að höfða til
þeirra og hamri á því að Gore sé
frambjóðandi „kyrrstöðunnar í Was-
hington“.
Ein af mikilvægustu spurningun-
um fyi-ir baráttuna um forsetaem-
bættið er hvort kjósendur sem eru
ánægðir með þróunina í Bandaríkj-
unum almennt síðustu sjö árin -
einkum í efnahagsmálum - snúist á
sveif með repúblikönum vegna
hneykslismálanna sem hafa varpað
skugga á embættistíð Clintons.
I könnun Washington Post og
ABC sagðist 51 af hundraði að-
spurðra vera orðinn þreyttur á Clin-
ton en 48% sögðust ekki vera það.
Helmingur aðspurðra var þeirrai-
skoðunar að Gore væri of tengdur
Clinton til að geta tryggt þær breyt-
ingar sem Bandaríkin þyrftu og jafn-
margir voru á öndverðum meiði.
Þetta gæti verið enn ein vísbend-
ingin um að mjög tvísýn barátta væri
framundan.