Morgunblaðið - 26.04.2000, Side 14

14 MIÐVIKUDAGUR 26. APRÍL 2000
MORGUNBLAÐIÐ
Gæslu-
völlur í
Silfurtúni
lokaður
í sumar
HÖFUÐBORGARSVÆÐIÐ
Formaður bæjarmálafélags Seltjarnarness vill betrumbæta sundlaugina
„Laugin er
orðin gömul
og hún er barn
síns tíma“
Morgunblaðið/Jim Smart
Þorvaldur Árnason, formaður bæjarrnálafélags Seltjarnarness, segir að börnin í bæjarfé-
laginu sæki frekar laugarnar í Reykjavík, þar sem aðstaðan er betri.
Seltjarnarnes
NAUÐSYNLEGT er að
stækka Sundlaug Seltjarnar-
ness og færa hana í nútíma-
legra horf með bættri að-
stöðu. Þetta kom fram í
samtali Morgunblaðsins við
Þorvald Amason, formann
bæjarmálafélags Seltjarnar-
ness, en hann vill að sund-
laugin sé þannig úr garði
gerð að fólk sæki hana frekar
en sundlaugar Reykjavíkur.
„Laugin er orðin gömul og
hún er barn síns tíma,“ sagði
Þorvaldur.
„Eg sæki laugina örlítið en
hún höfðar bara ekki til mín
því mér finnst vanta í hana
eitthvað sem trekkir að,
svona líkt og í Árbæjarlaug-
inni og Laugardalslauginni.
Maður vill geta farið með
krakkana með sér, en þeir
viija náttúrlega fara í renni-
brautir og skemmta sér.
Ég vil endilega að þessi
sundlaug sé þannig úr garði
gerð að fólk sæki frekar í
hana en í sundlaugar Reykja-
víkur, en frá árinu 1988 hefur
aðsókn í Sundlaug Seltjarn-
arness dregist saman um sem
nemur 80.000 gestakomum
eða úr um 217.000 í um
135.000.“
Þorvaldur sagði að sund-
laugarhúsið væri orðið gam-
alt og illa haldið og þarfnaðist
viðhalds.
„Einhvern tímann kemur
að því að það verður ráðist í
viðhald og þá finnst mér eðli-
legt að menn séu búnir að
móta sér einhverja framtíðar-
sýn með þessa sundiaug. A
hún að vera áfram eins og
hún er? Það getur vel verið að
menn séu bara sáttir við það,
eða á að reyna að betrum-
bæta hana eitthvað aðeins og
færa hana í það horf sem fólk
virðist kalla á núna?“
Þorvaldur sagðist hafa
ákveðnar hugmyndir um
hvernig betrumbæta mætti
sundlaugina og í leiðinni alla
þá íþróttaaðstöðu sem í
kringum hana væri. En hann
sagði nauðsynlegt að bæjar-
yfirvöld hugsuðu þetta í heild
sinni.
„Með því að fjarlægja
vegginn sunnan við laugina
opnast eitthvert fegursta út-
sýni sem völ er á frá sundstað
á höfuðborgarsvæðinu. Á
bílastæðinu framan við laug-
ina mætti koma fyrir setpott-
um og minni barnalaugum.
Rennibrautir gætu legið ofan
af núverandi baðhúsi og niður
í laug, þar sem bílastæðið er
nú. A bílastæðinu við enda fé-
lagsheimilisins mætti byggja
glerhýsi og reka þar veitinga-
stað með útsýni yfir laugarn-
ar annars vegar og Reykja-
nesið hins vegar.
Heilsuræktarstöð
Á næstu árum verður hús-
næði Ræktarinnar rifið og því
væri ekki úr vegi að byggja
nýja heilsuræktarstöð austan
við félagsheimilið og tengja
við sundlaugina og veitinga-
staðinn. Heilsuræktina má
vel gi-afa niður og koma fyrir
bflastæðum á þaki hennar í
stað þeirra sem tapast vegna
stækkunar sundlaugarinnar.“
Þorvaidur sagði að barna-
fólk sækti meira í aðrar laug-
ar, þar sem betri aðstaða
væri fyrir börnin og að ekki
síst þess vegna væri mikil-
vægt að ráðast í endurbætur
á sundlauginni.
Sigui-geir Sigurðsson, bæj-
arstjóri Seltjarnarness, sagði
í samtali við Morgunblaðið að
málefni sundlaugarinnar
væru reglulega rædd af bæj-
aryfirvöldum og að umræðan
snerist helst um að bæta sól-
baðsaðstöðuna. Hann sagði
að engar framkvæmdir væru
á döfinni aðrar en þær að nýtt
listaverk yrði sett upp á vegg-
inn sunnan við laugina, en
verkið mun þekja allan vegg-
inn.
Mjög barnvæn
Að sögn Sigurgeirs er að-
sóknin í laugina í góðu lagi, ef
miðað er við fjölda íbúa á
Seltjarnarnesi. Hann sagði að
þegar aðsóknin hefði verið
sem mest hefði það einkum
helgast af því að laugin hefði
verið sú nýjasta á höfuðborg-
arsvæðinu og því hefði fólk úr
öðrum bæjarfélögum sótt
hana.
Sigurgeir sagði rétt að
eldri börn sæktu laugar í
Reykjavík vegna rennibraut-
anna. Hann sagði að þar sem
engin slík tæki væru í Sund-
iaug Seltjarnarness væri
meiri ró þar og að margir
sundgestir mætu það mikils,
þá bætti hann því við að sund-
laugin væri mjög barnvæn, að
því leyti að grunna laugin
væri mjög heit.
Garðabær
GÆSLUVÖLLUR við Silfur-
tún í Garðabæ verður lokaður
í sumar, en bæjarstjórn
Garðabæjar samþykkti við
afgreiðslu fjárhagsáætlunar
fyrii' árið 2000 að hætta starf-
seminni þar. Undanfarin ár
hefur gæsluvöllur verið opinn
á þessum stað yfir sumar-
mánuðina. Að sögn Guðjóns
E. Friðrikssonar bæjarritara
þykir kostnaðurinn of mikill
við að halda gæsluvellinum
opnum í svo stuttan tíma, auk
þess sem annar gæsluvöliur
sé í bænum.
Hann segir aðsóknina að
slíkum völlum sveiflast nokk-
uð, en hafi þó kannski ekki
minnkað í heildina undanfar-
in ár. Hins vegar sé það
spurning hvort halda eigi
slíkri starfsemi gangandi, þar
sem bæjarfélagið verði með
annan gæsluvöll opinn í sum-
ar. Sá möguleiki er þá fyrir
hendi að taka við fleiri börn-
um þar með því að bæta við
krökkum úr unglingavinn-
unni til umsjónar undir stjórn
fullorðinna starfsmanna.
Þessi gæsluvöllur er staðsett-
ur við Hraunsholt.
Dagforeldrar munu eiga
þess kost að nota gæsluvöil-
inn í Silfurtúni í sumar fyrir
börn í þeirra umsjá, og geta
þeir þá nýtt sér aðstöðuna á
gæsluvellinum og haft afnot
af húsi sem er á lóð gæsluvall-
arins.
Borgarráð samþykkir stofnun byggðasamlags um rekstur slökkviliðs á höfuðborgarsvæðinu
Stofnfé byggða-
samlagsins verður
700 milljónir króna
Reykjavík
Byggðasamlag um Slökkvilið höfuðborgarsvæðisins
Sveitarfélag Hlutdeild sveitarfélags Skipting stofnfjár á sveitarfélög Skipting rekstrarkostn. á sveitarfélög Framlag sveitarfélaga í fjárfest.sjóð
Reykjavík 64,0% 448.000.000 kr, 237.350.000 kr. 30.331.000 kr.
Kópavogur 13,2% 92.400.000 kr. 48.846.000 kr. 6.242.000 kr.
Seltjarnarnes 2,7% 18.900.000 kr. 10.086.000 kr. 1.289,000 kr.
Mosfellsbær 3,5% 24.500.000 kr. 12.984.000 kr. 1.659.000 kr.
Hafnarfj örður 11,2% 78.400.000 kr. 41.418.000 kr. 5.293.000 kr.
Bessastaðahr. 0,8% 5.600.000 kr. 3.104.000 kr. 397.000 kr.
Garðabær 4,6% 32.200.000 kr. 17.157.000 kr. 2.193.000 kr.
SAMTALS 100,0% 700.000.000 kr. 370.945.000 kr. 47.403.000 kr.
l 1
BORGARRÁÐ samþykkti í
gærdag tillögu um að stofna
byggðasamlag um rekstur
slökkviliðs á höfuðborgar-
svæðinu og ef bæjaryfirvöld
hinna sveitarfélaganna á höf-
uðborgarsvæðinu samþykkja
hið sama mun byggðasamlag-
ið taka til starfa 1. júní næst-
komandi og taka yfir allar
skuldbindingar Slökkviliðs
Reykjavíkur og Slökkviliðs
Hafnarfjarðar. Stjórnskipu-
lag byggðasamlagsins mun
koma til framkvæmda í áföng-
um og mun það taka fullt gildi
l.janúarárið2001.
Samþykkt borgarráðs
byggist á tillögu undirbún-
ingshóps að stofnun Slökkvi-
liðs höfuðborgarsvæðisins og
mun tillagan væntanlega
koma til endanlegrar af-
greiðslu borgarstjórnar hinn
4. maí næstkomandi. Auk of-
angreinds samþykkti borgar-
ráð að fela undirbúningshópn-
um að ganga frá samningi við
ríkið um verktöku vegna
slökkvistarfa á Reykjavíkur-
flugvelli frá 1. júní n.k., sem
og að ganga frá ráðningu
Hrólfs Jónssonar í starf
slökkviliðsstjóra, Jóns Viðars
Matthíassonar í starf vara-
slökkviliðsstjóra og Helga ív-
arssonar og Birgis Ólafssonar
í störf verkefnisstjóra á
tækni- og þróunarsviði.
140 starfsmenn
í greinargerð með tillögu
undirbúningshópsins, sem
borgarráð samþykkti, kemur
fram að heildarfjöldi starfs-
manna eftir sameininguna sé
áætlaður um 140 manns.
Fjórar slökkvistöðvar verði
reknar, ein í Hafnarfirði, tvær
í Reykjavík og ein á Reykja-
víkurflugvelli, og verða þær
eins mannaðar og svipað upp
byggðar af tækjum. Slökkvi-
liðsstjóri verður æðsti yfir-
maður liðsins og mun hann
stýra daglegum rekstri þess í
samræmi við starfs- og fjár-
hagsáætlun, sem stjórn
byggðasamlagsins hefur sam-
þykkt. í yfirstjórn ásamt hon-
um verður varaslökkviliðs-
stjóri, en undir hann heyra
útkallssvið og tækni- og þró-
unarsvið.
í greinargerðinni er lagt til
að öll sveitarfélög á höfuð-
borgarsvæðinu standi að
stofnun og rekstri byggða-
samlagsins í hlutfalli við íbúa-
tölu hvers sveitarfélags. Lagt
er til að stofnfé byggðasam-
lagsins verði 700 milljónir
króna, sem skiptist á aðildar-
sveitarfélögin í hlutfalli við
íbúafjölda 1. desember 1999,
og skulu þau greiða stofnféð
með jöfnum greiðslum á
næstu 10 árum. Stjórn sam-
lagsins verður skipuð fram-
kvæmdastjórum sveitarfélag-
anna eða fulltrúum þeirra og
fer hver með atkvæði í stjóm í
hlutfalli við íbúatölu síns
sveitarfélags.
Ný slökkvistöð í
Hafnarfirði
U ndirbúningshópurinn
fékk Deloitte & Touche hf. til
að leggja mat á eignir
Slökkviliðs Reykjavíkur og
Slökkviliðs Hafnarfjarðar og
gera nákvæma talningu á öllu
lausafé og finna endurnýjun-
arverð. Samkvæmt mati fyrir-
tækisins eru fasteignir SR
metnar á 377,4 milljónir
króna, bifreiðar á 115,5 millj-
ónir og annað lausafé er 113,4
milljónir króna. Fasteignir
SH eru metnar á 38,8 milljón-
ir, bifreiðar á 5,1 milljón og
annað lausafé er 54,5 milljónir
króna.
Lagt er til að byggðasam-
lagið kaupi eignir slökkvilið-
anna á fyrirliggjandi mats-
verði að undanskilinni
fasteign Slökkviliðs Hafnar-
fjarðar við Flatahraun, þar
sem hún þykir ekki henta sem
slökkvistöð til frambúðar.
Leggur undirbúningshópur-
inn til að í stað húsnæðisins
við Flatahraun verði stjórn
byggðasamlagsins falið að
hefja undirbúning að bygg-
ingu nýrrar slökkvistöðvar í
Hafnarfirði, sem unnt yrði að
taka í notkun á árinu 2001 á
hentugri lóð, sem Hafnar-
fjarðarbær legði byggðasam-
laginu til án endurgjalds. Tal-
ið er að með byggingu
slökkvistöðvar í Hafnarfirði
megi hverfa frá fyrirhugaðri
aukinni uppbyggingu í
Tunguhálsi, þar sem aukið
rými myndi skapast með
nýrri slökkvistöð í Hafnar-
firði. I greinargerðinni segir
að sameiningin muni strax
skila nokkru hagræði því ef
ekki yrði af henni væri Ijóst að
byggja þyrfti upp á tveimur
stöðum. Þá leiði sameiningin
einnig til þess að draga megi
úr fjölda slökkvibíla sem hafð-
ir eru til vara vegna bilana og
viðhalds.
Öllum núverandi starfs-
mönnum boðið starf
Eins og áður kom fram er
lagt til að stofnfé byggðasam-
lagsins verði 700 milljónir
króna. Af því á að verja um
606,3 milljónum í kaup á eign-
um Slökkviliðs Reykjavíkur,
15,7 milljónum í kaup á eign-
um Slökkviliðs Hafnarl'jarðar
og 78 milljónum í byggingu
nýrrar slökkvistöðvar í Hafn-
aríirði.
Undirbúningshópurinn
leggur til að öllum núverandi
starfsmönnum Slökkviliðs
Reykjavíkur og Slökkviliðs
Hafnarfjarðar verði boðið
starf hjá byggðasamlaginu og
að þeir komi inn í byggðasam-
lagið á núverandi kjarasamn-
ingi þar til nýr kjarasamning-
ur við byggðasamlagið verður
gerður. Stefnt er að því að öll-
um starfsmönnum verði
tryggð óskert réttindi hjá
byggðasamlaginu og verða
þeir áfram opinberir starfs-
menn.
Undirbúningshópurinn hef-
ur látið útbúa fjárhagsáætlun
fyrir rekstur byggðasamlags-
ins og er rekstrarkostnaður
umfram tekjur áætlaður 370,9
milljónir króna og skiptist
hann á aðildarsveitarfélögin í
hlutfalli við íbúafjölda. Undir-
búningshópurinn leggur jafn-
framt til að sveitarfélögin
greiði í sérstakan fjárfesting-
arsjóð til að tryggja nauðsyn-
lega endurnýjun á tækjakosti
og er árlegt framlag í sjóðinn
áætlað 47,4 milljónir króna,
sem skiptast á aðildarsveitar-
félögin í hlutfalli við íbúa-
fjölda. Framlag í fjárfesting-
arsjóðinn miðast við endur-
nýjunarstofn tækja fyrir
þrjár slökkvistöðvar og er af-
skriftartíminn að meðaltali 10
ár. í greinargerðinni segir að
gera megi ráð fyrir því að ein-
hver kostnaður falli til við
stofnun byggðasamlagsins,
þar sem ekki sé gert ráð fyrir
að starfsmönnum verði sagt
upp þrátt fyrir fækkun á vökt-
um og því verði starfsmenn
fleiri strax eftir sameininguna
en gera megi ráð fyrir í end-
anlegu skipulagi. Gert er ráð
fyrir að rekstraraðilar
Slökkviliðs Reykjavíkur og
Slökkviliðs Hafnarfjarðar
standi undir biðlaunakostnaði
sinna starfsmanna reyni á
hann.
U ndirbúningshópurinn
bendir á að með sameining-
unni skapist ný tækifæri í
skipulagi almannavarna og
því kunni að vera hagkvæmt
að sameina allar almanna-
varnanefndir aðildarsveitar-
félaganna í eina nefnd.