Morgunblaðið - 10.09.2000, Blaðsíða 4

4 SUNNUDAGUR 10. SEPTEMBER 2000
FRETTIR
MORGUNBLAÐIÐ
VIKAN 3/9-9/9
Li Peng á landinu
► SETTUR fjármála-
ráðherra komst að þeirri
niðurstöðu að Reykjavíkur-
borg hefði brotið gegn
ákvæðum um útboðsskyldu
þegar Reykjavík gerði
samning við dótturfyrir-
tæki sitt, Línu.Net um ljós-
leiðaratengingu í grunn-
skóla Reykjavíkur.
► SEIÐAVÍSITALA
þorsks er sú næsthæsta
sem mælst hefur. Þetta er
fjórða góða seiðaárið í röð
er næstu 11 seiðaárgangar
þar á undan voru mjög lé-
legir.
► MIKILL skortur er á
húsnæði fyrir fatlaða en
209 manns eru á biðlista yf-
ir húsnæði.
► ÍSLANDSSÍMI hefur
rekstur eigin farsúnakerfís
í byrjun næsta árs. GSM-
kerfi Íslandssíma verður
með mesta útbreiðslu ís-
lenskra kerfa.
► VÍKINGASKIPIÐ ís-
lendingur kom til Boston í
vikunni. Múgur og marg-
menni tók á móti skipinu
þegar það lagðist að
bryggju.
► ALÞJÓÐLEGT málþing
um öryggismál fór fram í
Reykjavík í vikunni. Fjöldi
erlendra fyrirlésara flutti
erindi um breytta stöðu og
hlutverk Nato.
► ÁRNI Snævarr, frétta-
maður á Stöð 2, óskaði, í
bréfi til ríkislögreglustjóra,
eftir skýringum á fram-
komu lögreglu ítengslum
við heimsókn Li Peng. Árni
segist hafa verið hindraður
er hann reyndi að spyija Li
Peng spurningar auk þess
sem lögregla Iagði á hann
hendur.
LI PENG, forseti kínverska þingsins,
dvaldi hér á landi frá laugardegi fram
á þriðjudag í opinberri heimsókn. Li
Peng kom víða við í heimsókninni og
heimsótti m.a. fjölskyldu í Breiðholti.
Li Peng afboðaði hins vegar heimsókn
í Alþingishúsið. Til stóð að kínverska
sendinefndin undir forystu Li Peng
færi í þinghúsið á sunnudag en hætt
var við vegna fyrirhugaðra mótmæla á
Austurvelli. Starfandi forseti þingsins,
Guðmundur Ámi Stefánsson, sagði
ákvörðun Peng mikil vonbrigði. Að-
standendur mótmæla lýstu hins vegar
yfir sigri en nokkur hundruð manns
söfnuðust saman á Austurvelli til að
mótmæla mannréttindabrotum kín-
verskra stjómvalda.
Ovenju margar
opinberar heimsóknir
ÓVENJU margir erlendir leiðtogar
sóttu landið heim í vikunni. Auk Li
Peng dvaldi forseti Litháens, Valdas
Adamkus, hér á landi frá sunnudegi
fram á þriðjudag. Wolfgang Thierse,
forseti þýska sambandsþingsins, var
hér fram á sunnudag.
Á þriðjudag hafði kanslari Þýska-
lands, Gerhard Schröder, og fylgdar-
lið sem í vom m.a. Joschka Fischer ut-
anríkisráðherra, stutta viðdvöl á
landinu á leið sinni á leiðtogafund SÞ.
Neyðarástand á dvalar-
og hjúkrunarheimilum
STJÓRNENDUR dvalar- og hjúkr-
unarheimila á höfuðborgarsvæðinu
segja neyðarástand yfirvofandi vegna
skorts á ófaglærðu starfsfólki. Telja
þeir að loka þurfi fjölda rúma ef svo
fer sem horfir. Mikil aukning hefur
verið af erlendu starfsfólki í störf á
dvalar- og hjúkrunarheimilum en
stjómendur hafa reynt að ráða ekki
erlent fólk í störf þar sem reynir mikið
á tjáskipti.
Árþúsundamóta-
ráðstefna SÞ
SAMEINUÐU þjóðimar héldu svo-
nefnda árþúsundamótaráðstefnu í vik-
unni og tóku yfir 150 þjóðarleiðtogar
þátt í henni, þ.á m. Davíð Oddsson for-
sætisráðherra íslands. Bill Clinton
Bandaríkjaforseti notaði tækifærið til
að reyna að leysa hnútinn í viðræðum
ísraela og Palestínumanna en ekld
tókst að fá þá Ehud Barak, forsætis-
ráðherra Israels, og Yasser Arafat,
leiðtoga Palestínumanna, til að sættast
á málamiðlun. Vora það íyrst og fremst
deilumar um stöðu Jerúsalem sem
vora í veginum.
Öryggisráðið samþykkti hugmyndir
Kofis Annans, framkvæmdastjóra SÞ,
um að efla starf friðargæsluliða sam-
takanna í Afríku og víðar. Annan sagði
meðal annars í ræðu sinni að trúverð-
ugleild samtakanna væri í húfi ef þau
reyndust ófær um að stöðva staðbundn-
ar deilur áður en blóðsúthellingar hæf-
ust. Sett verður á stofn alþjóðlegt
hraðlið hermanna og jafnframt verður
skipulag friðargæslu endurbætt.
Leiðtogar Kínverja og Rússa vöraðu
ákaft við því að samtökin skiptu sér af
innanríkismálum aðildarþjóðanna og
sögðu að slíkt framferði gæti grafið
undan samtökunum auk þess sem það
væri í andstöðu við stofnsáttmálann frá
1945. Á lokadegi ráðstefnunnar á föstu-
dag beindu nokkrir fulltrúar þriðja
heimsins mjög spjótum sínum gegn
vestrænum stórveldum. Sögðu Líbýu-
menn að refsiaðgerðir samtakanna
gegn landinu, sem samþykktar vora
vegna meintrar aðildar Líbýumanna að
Lockerbie-tilræðinu, ættu að flokkast
undir hryðjuverk.
Fidel Castro Kúbuforseti og Clinton
hittust er þeir vora á leið í ráðstefnusal
eftir hádegisverð og ræddust stuttlega
við. Tvennum sögum fer af því hvort
þeir hafi heilsast með handabandi.
Kúbverski forsetinn hefur aldrei fyrr
rætt augliti til auglitis við bandarískan
forseta á 41 árs valdaferli sínum.
► LEIGUBÍLSTJ ÓRAR,
bændur og fleiri stéttir í
Frakklandi efndu til mik-
illa mótmæla í vikunni
gegn sköttum á eldsneyti.
Var aðgönguleiðum að
olíuhreinsunarstöðvum og
birgðastöðvum lokað og
ekið löturhægt um götur
Parísar og fleiri stórborga
til að trufla umferð.
► STJÓRNIN í Búrma,
öðru nafni Myanmar, lok-
aði á mánudag aðal-
stöðvum helsta flokks
stjórnarandstöðunnar,
Þjóðarbandalagsins fyrir
lýðræði, NLD, sem er
flokkur Aung San Suu Kyi.
Stjómin sakaði daginn eft-
ir stjórnarandstöðuna um
að vera í slagtogi með
hryðjuverkamönnum. Leið-
togum stjórnarandstöðunn-
ar var meinað að hafa sam-
band við fréttamenn og
sínum þeirra lokað.
► ÞRIGGJA manna nefnd
á vegum Evrópusambands-
ins skilaði á föstudag af sér
skýrslu þar sem lagt var til
að refsiaðgerðum gegn
Austurríki vegna stjórnar-
aðildar flokks Jörgs Haid-
ers yrði hætt. Sagði í
skýrslunni að aðgerðimar
hefðu haft öfug áhrif og ýtt
undir þjóðemishyggju.
► LANDSTJÓRNIN í Fær-
eyjum skýrði frá því á
þriðjudag að borist hefði
svar frá aðalstöðvum SÞ í
New York þar sem því var
hafnað að samtökin kæmu
á einhvem hátt að viðræð-
um Færeyinga og Dana um
sjálfstæði hinna fyrr-
nefndu.
Siglfírðingar um jarðrask Vegagerðarinnar í Héðinsfírði
Ljósmynd/Sigríður Hjaltadóttir
Eins og sjá má hefur töluvert jarðrask orðið í Héðinsfirði eftir tæki Vegagerðarinnar. Vinnubúðir starfsmanna
em í bakgrunni, sem og eitt stórtækra vinnutækja, 22 tonna beltagrafa.
Engar forsendur til að
hafna framkvæmdaleyfi
BÆJARSTJÓRNIN á Siglufirði, að
fenginni umsögn umhverfis- og
tækninefndar bæjarins, veitti Vega-
gerðinni leyú fyrir rannsóknarvinn-
unni í Héðinsfirði. Eins og kom fram í
Morgunblaðinu á fimmtudag er Nátt-
úravemd ríkisins ósátt við vinnu-
brögð Vegagerðarinnar og það jarð-
rask sem tækjabúnaður heíur skilið
eftir sig, m.a. 22 tonna bor sem ekið
var yfir viðkvæmt mýrlendi. Vildi
Náttúruverndin m.a. að léttari tæki
yrðu notuð og þau flutt með þyrlu.
Halldór Haíldórsson er formaður
umhverfis- og tækninefndar Siglu-
fjarðar. í samtali við Morgunblaðið
sagði hann engar forsendur hafa ver-
ið fyrir því að hafna Vegagerðinni um
framkvæmdaleyfi og fara að óskum
Náttúravemdar ríkisins.
„Miðað við þau gögn sem lágu fyrir
frá Vegagerðinni ákváðum við að
veita leyfið. Við fengum einnig álits-
gerð fulltrúa Náttúravemdar. Sam-
kvæmt áætlun Vegagerðarinnar er
gert ráð fyrir að verktakinn lagfæri
allt sem fer úrskeiðis og gangi vel frá
eftir sig. Eitt af því er að færa stórt
grjót á sinn stað, sem þurfti að færa
til að búa til stíg. Ef þyrla hefði verið
notuð til flutninganna hefði kostnað-
urinn orðið of mikill. Við gátum ekki
séð að raskið yrði veralega mikið, eða
meira en með þarf. Auðvitað fylgir
því rask að leggja veg að ganga-
munnum beggja vegna fjarðanna. Og
miðað við reynslu af fyrri verkum
Vegagerðarinnar í okkar nágrenni
höfum við ekki undan neinu að kvarta
í þeirra vinnubrögðum," sagði Hall-
dór.
Hann sagði að nefndarmönnum
hefði þótt gæta ákveðins misskiln-
ings í álitsgerðum Náttúravemdar-
ráðs. Einnig hefðu heimamenn veitt
því athygli í álitsgerðum Náttúra-
vemdarráðs að það hafði engar
áhyggjur af raski inni í Siglufirði og
Ólafsfirði. Siglufjarðarmegin færa
göngin inn um Skútudal, sem væri að
mestu leyti ósnortinn af mannavöld-
um. Þegar þetta var borið undir Ama
Bragason, forstjóra Náttúravemdar
ríkisins, sagði hann að ekki hefði ver-
ið óskað eftir áliti ráðsins um önnur
svæði en Héðinsfjörð. Spurður um
þau ummæli Helga Hallgrímssonar
vegamálastjóra í Morgunblaðinu á
fimmtudag að kröfúr Náttúravemd-
ar í málinu hefðu verið með öllu
óraunhæfar, sagðist Ami ekki vilja
munnhöggvast frekar við vegamála-
stjóra. Vegagerðin hefði talið sig geta
gert þetta öðravísi en Náttúravernd
lagði tO. Eftir sæti sú grandvallar-
spurning hvemig staðið hefði verið
að framkvæmdinni frá upphafi.
Þörf á matsáætlun
„Er það veijandi að fara af stað
með svona framkvæmd án þess að
gera matsáætlun? Það er í raun
áhugaverðasta umræðan sem velta
þarf upp. Eiga ekki svona viðamddar
rannsóknir eins og þama, líkt og á
Kárahnúkasvæðinu, að fara í gegnum
áætlun sem sýnir hvað eigi að gera,
áður en af stað er farið? Löggjafinn
hefur t.d. ekki verið tilbúinn að svara
svona spumingum," sagði Ámi
Bragason.
Morgunblaðið/Jim Smart
Bresku krikketspilaramir komu til landsins í gær.
Fyrsti óopinberi lands-
leikurinn í krikket
ÍSLENDINGAR mæta í dag bresk-
um mótheijum í krikket og er leik-
urinn fyrsti óopinberi landsleikur-
inn í þessari íþrótt sem háður er hér
á landi. Leikurinn fer fram á Tungu-
bakkavelli í Mosfellsbæ og hefst kl.
15.30 en breska liðið er skipað leik-
mönnum félagsliðs frá Oxford.
Krikketíþróttin hefur einkum
verið stunduð af Bretum og þjóðum
sem áður lutu stjórn Breta, svo sem
Pakistönum, Indverjum og Áströl-
um. Nú hefur hópur íslenskra pilta,
sem stundað hefur íþróttina af mikl-
um móð í allt sumar, aflað sér viður-
kenningar Rirótta- og ólympíusam-
bandsins íslenska og er stefnan sú,
að sögn Vals Gunnlaugssonar, tals-
manns islensku krikketspilaranna,
að koma krikketi til vegs og virðing-
ar hér á landi.
Fyrsta skrefíð er stigið í dag með
heimsókn Bretanna en að sögn Vals
er hér um að ræða félagslið frá
Oxford. Einn af liðsmönnum þess
hyggst ganga í hjónaband á næst-
unni og bauð hann félögum sínum til
fslands af því tilefni. Var þá ákveðið
að koma áþessum óopinbera lands-
leik í krikket.
Eins og áður sagði hafa íslending-
arnir stundað íþróttina af miklum
móð í' sumar en í vor fcngu þeir
sendan búnað frá evrópska krikket-
sambandinu. Hér er um að ræða hóp
manna sem stunduðu saman nám
við Háskóla íslands en si'ðan hafa
komið til liðs við þá menn frá Pak-
istan, Indlandi og Ástralíu sem nú
eru fslenskir ríkisborgarar. Valur
sagði að þeir spiluðu öllu styttri út-
gáfu af krikket en venjulega er leik-
in erlendis, en þar geta leikir varað
marga daga, en þeir héldu þó fast í
þá þekktu krikkethefð að sötra mik-
ið af te milli leikhluta.
Jökuldalsheiði
Kæra
ólöglegar
hrein-
dýraveiðar
HREINDÝRARÁÐ hefur
kært til lögreglu hugsanlegar
ólöglegar hreindýraveiðar á
Jökuldalsheiði. Um gæti verið
að ræða dráp á átta vænum
hreindýrstörfum auk þess
sem tveir til viðbótar voru
særðir.
Veiðieftirlitsmenn og veiði-
menn sáu á mánudag tvo
særða tarfa í hreindýrahjörð
við Sandfell á Jökulsdalsheiði.
Náðu þeir að fella annan tarf-
inn sem var með skotsár á
hausnum en misstu hinn inn í
þoku. Létu þeir starfsmann
hreindýraráðs vita. Karen
Erla Erlingsdóttir hjá
hreindýraráði segir að ekki sé
vitað til þess að menn sem til
þess hafa leyfi hafi verið á
hreindýraveiðum á Jiessum
slóðum um helgina. I hrein-
dýrahópnum voru tólf tarfar
á mánudag, að meðtöldum
þeim særðu, en fyrir helgina
höfðu verið tuttu tarfar í
hjörðinni að sögn veiðieftir-
litsmannanna. Telur Karen
Erla því allar líkur á því að
ólöglegar veiðar hafi verið
stundaðar og var málið kært
til lögreglu.
Helgi Jensson, fulltrúi
sýslumanns, staðfestir að
kæra hafi borist í fyrradag og
segir að málið sé í skoðun.