Morgunblaðið - 10.09.2000, Blaðsíða 14

14 SUNNUDAGUR 10. SEPTEMBER 2000
MORGUNBLAÐIÐ
ÍÞRÓTTIR
Harmleikur eða hetju-
stund fýrir Ferrari í Monza
MIKIÐ mæðir á Michael
Schumacher, ökuþór Ferr-
ari, í síðasta móti ársins í
Formúlu-1 íEvrópu, sem
fram fer um helgina hér í
Monza, mekka ítalskra akst-
ursíþrótta og einni frægustu
kappakstursbraut heims.
Heiður Ferrari, stolt ítala, er
í veði því til að liðið eigi góð-
an möguleika á að eignast
fyrsta heimsmeistara öku-
þóra frá 1979 verður
Schumacher að vinna Ítalíu-
kappaksturinn. Spenna
verður því í loftinu í Monza
og annaðhvort verða eld-
heitir stuðningsmenn Ferr-
ari, svonefndir „tifosi“, í
sæluvímu, a.m.k. fram að
næsta móti, eða þeir láta
sem ragnarök séu skollin á.
Morgunblaðið/Júlíus
Tæknimenn gera heimsmeistarann Mika Hákkinen tilbúinn fyrir æfingaakstur í Monza.
En að tjaldabaki hér í Monza er
almennt talið að Ferrari eigi á
brattann að sækja; aðstæður í
brautinni henti hin-
um hraðskreiðu
Ásgeirsson silfurörvum McLar-
skrifar en betur og Mika
frá Monza Hakkinen hafí sál-
fræðilegt forskot á Schumacher í
keppninni um ökuþóratitilinn eftir
hvern sigurinn á fætur öðrum að
undanförnu; ekki síst í síðasta
móti, er hann náði forystunni af
Schumacher á lokasprettinum með
framúrakstri sem lengi verður í
minnum hafður.
„Eins og gefur að skilja er það
mjög sérstakt augnablik til að
njóta, að vinna Ítalíukappaksturinn
á Ferraribíl. Og vegna keppninnar
um ökuþóratitilinn yrði sigur hér
um helgina enn merkilegri og
stundin enn stærri fyrir liðið og
stuðningsmenn þess. Þar sem að-
eins munar sex stigum á okkur
Mika og fjögur mót eru enn eftir er
ég bjartsýnn á að við munum áfram
eiga möguleika, óháð því hvernig
hér fer. Einn sigur eða útafakstur
fyrir vertíðarlok af hálfu annars
hvors okkar gæti gjörbreytt stöð-
unni og jafnvel ráðið úrslitum hvor-
um megin hryggjar titilinn hafn-
ar,“ sagði Schumacher í Monza í
fyrradag.
Schumacher hefur tvisvar farið
með sigur af hólmi í Monza, 1996
og 1998, og var sá fyrri fyrsti sigur
hans í Formúlu-1 eftir að hann hóf
að keppa fyrir Ferrari. Tæpast gat
staður og stund verið betri fyrir
þau tímamót. Hákkinen hefur ekki
riðið feitum hesti frá Monza og
aldrei unnið hér. Setti þó hraðasta
hring mótsins 1997 og 1998. Var og
hlutskarpastur í tímatökum í fyrra
og með góða og vaxandi forystu er
honum urðu á þau afdrifaríku mis-
tök að skipta í rangan gír inn í
beygju með þeim afleiðingum að
mótorinn fór í alltof háan snúning
og drap sjálfkrafa á sér. Finnski
ökuþórinn sýndi á sér áður óþekkt-
ar hliðar. Hafði verið talinn vera
með stáltaugar fyrir að sýna nán-
ast engin svipbrigði hvað sem á
hafði dunið og hlotið viðurnefnið
„ísmaðurinn“ fyrir. Er bíll hans
nam staðar utan brautar steig hann
hins vegar upp úr honum og bugað-
ist; brást í grát eitt augnablik.
Lauda telur Hákkinen
jafnfæran Schumacher
Niki Lauda, fyrrverandi heims-
meistari í Formúlu-1, telur að
Schumacher sé ekki lengur færari
ökuþór en keppinautar hans;
Hákkinen hafi í austurríska kapp-
akstrinum komist á sama stall. Því
séu tveir jafnfærir ökuþórar í
fyrsta sinn í langan tíma að kljást
um heimsmeistaratitil ökuþóra en
að hans mati er David Coulthard
hjá McLaren fallinn úr leik í þeim
slag. Því muni tæknilegir kostir
keppnisbíla McLaren og Ferrari
líklega ráða úrslitum um niður-
stöðu heimsmeistarakeppninnar í
ár.
„í þeim efnum stendur Ferrari
hallari fótum og vindur farinn úr
tæknilegri þróun bílsins nú þegar
sigið er á seinni hluta keppnis-
tímabilsins. Lið þróa bílana jafnan
allt árið meira og minna eftir fastri
og fyrirfram ákveðinni áætlun og
þegar menn standa verr að vígi en
helsti keppinauturinn á þessu stigi
vertíðar, eins og Ferrari nú, verður
enn ílóknara að ráða fram úr vand-
anum,“ segir Lauda. Hann bætir
við að nú stefni hins vegar allt á
einn veg hjá McLaren; upp á við.
Ferrari muni þó ugglaust gera allt
sem í þeirra valdi stendur og jafn-
vel vonast eftir kraftaverki til þess
að þurfa ekki að þurfa upplifa þá
andlegu neyð sem því myndi fylgja
að tapa enn einu sinni af heims-
meistaratitli ökuþóra.
Öllu fórnað svo
sigur megi hafast
Tæknimenn Ferrari hafa lagt
nótt við dag frá síðasta móti við að
reyna að bæta skarlatsrauða fák-
inn. Mun hann skarta nýjum og 10
hestöflum aflmeiri mótor, nýjum
fram- og afturvængjum sem eiga
að auka skilvirkni loftflæðis og
jafnvel útblástursstrompum eins
og prýtt hafa McLaren-bílana. Þá
ætlar liðið í fyrsta sinn að kæla nið-
ur bensínið á bílana sem talið er
auka kraft bílanna um 3-4 hestöfl.
Á máli forstjóra Ferrari, Luca di
Montezemolo, má heyra að nú sé að
duga eða drepast; öllum trompum
verði spilað út og áhættumesta
sögn tekin í von um góðan afrakst-
ur.
„Við höfum ekki haft við McLar-
en-bílunum í síðustu tveimur mót-
um og við höfum lagt okkur mjög
fram og rúmlega það síðustu tvær
vikur til að reyna að brúa bilið.
Eigum á brattann að sækja en það
er ekki öll nótt úti enn og við gef-
umst ekki upp fyrr en í fulla hnef-
ana. Ég held að þetta mót ráði ekki
úrslitum en hagstæð úrslit gætu
vissulega gert okkur lífið léttara og
slæm erfiðara. Við gerum allt til að
ná settu marki á árinu,“ sagði
Schumacher. Hann segir áhuga
stuðningsmanna Ferrari fremur
hvatningu en byrði. Eftir eigi að
koma í ljós hvort það auki hraða
bílsins svo hann hafi í við McLaren.
Skúrkur
eða hetja
En altént má gera ráð fyrir því
að Schumacher verði annaðhvort
hetja á sunnudag eða skúrkur í
augum hinna eldheitu áhangenda
Ferrari, sem a.m.k. hálfítalska
þjóðin er talin vera. í hugum þeirra
verður mótið annaðhvort harmleik-
ur eða hetjustund; ekkert þar á
milli. Fari Hakkinen með sigur af
hólmi verður hann kominn með
traust tak á heimsmeistarabik-
arnum þriðja árið í röð og góðri
leið með að skipa sér á stall með
Juan Manuel Fangio, Argentínu-
manninum sem er sá eini er orðið
hefur heimsmeistari í Formúlu-1
þrjú ár í röð.
Skjottu a urslitin
og þú getur unniö glæsilega vinninga

ir I
Skjóttu■ á -úrsWtin
Þú getur skotið á úrslit leikjanna í hverri umferö. Vikulega
verða dregnir út símar frá Simanum-GSM ásamt GSM Frelsi
og miðum á leikina i Landssímadeildinni. i lokaumferðinni
verður svo dreginn út óvæntur og glæsilegur vinningur.
mbl.is